Karad Today

कराडच्या स्मशानभूमीत दहनासाठी ‘अग्निकाष्ट’  सर णा चा वापर; अग्निकाष्ट सरण समिती व नगरपरिषदेचा पुढाकार...  कराड, दि. 30 (प्रतिनिधी)  देशभरातील स्मशानभूमित दहनासाठी दररोज लाखो झाडांची कत्तल केली जाते.परिणामी पर्यावरणाचा मोठा ऱ्हास होत आहे.त्यामुळे पर्यावरणाच्या सवंर्धनासाठी माझी वसूंधरा अभियानाच्या माध्यमातून कराडच्या स्मशानभूमित पर्यावरण पूरक ‘अग्निकाष्ट’ सरणाची निर्मिती व वापर केला जाणार असल्याची माहिती अग्निकाष्ट सरण समितीने आज स्मशानभूमित पत्रकार परिषदेत दिली. माजी नगरसेवक विनायक पावसकर, सुधीर एकांडे, कांतीलाल जैन, सुरेश पटेल, महेंद्रकुमार शाह, विनायक विभुते हे यावेळी उपस्थित होते. अग्निकाष्ट’ सरणाबद्दल अधिक माहिती देताना माजी नगरसेवक विनायक पावसकर म्हणाले, वृक्षतोडीबाबत समाज वेळीच सावध झाला नाही तर येणार्‍या पिढीला याचा त्रास सहन करावा लागणार आहे.त्यासाठी वृक्षतोडीला पर्याय म्हणून पाला-पाचोळा, उसाच्या चोयट्या, बगॅस व शेणापासून तयार केले आहे.संपूर्ण दहन प्रक्रिया झाल्यानंतर राख नदीत न टाकता त्या राखेचा वापर शेतीसाठी केला जाऊ शकतो, अग्निकाष्ठ हे उपयुक्त सरपन दहनासाठ...

नद्या अमृत वाहिनी होण्यासाठी नागरिकांचे सहकार्य महत्वाचे-जिल्हाधिकारी रुचेश जयवंशी.... कृष्णा नदी संवाद यात्रेचा कराड प्रितीसंगमावर समारोप... कराड दि. 30: स्वातंत्र्याच्या अमृत महोत्सवानिमित्त चला जाणुया नदीला अभियान राबविण्यात येत आहे. या अभियानांतर्गत नदी संवाद यात्रा आयोजित करण्यात आली आहे.  नद्या अमृतवाहिनी करणे हा या अभियानाचा मुख्य उद्देश आहे.  हा उद्देश सफल होण्याच्या दृष्टीने शासन व प्रशासन राबवित असलेल्या उपक्रमांना नागरिकांनी सहकार्य करणे महत्वाचे असल्याचे प्रतिपादन, जिल्हाधिकारी रुचेश जयवंशी यांनी केले.  येथील प्रितीसंगम येथे कृष्णा नदी प्रणाली संवाद यात्रेचा समारोप झाला. यावेळी जिल्हाधिकारी जयवंशी बोलत होते.  यावेळी चला जाणुया नदी अभियानाचे राज्यस्तरीय समन्वयक नरेंद्र चौघ, मुख्य कार्यकारी अधिकारी ज्ञानेश्वर खिलारी, प्रांताधिकारी सुनिल गाढे सातारा सिंचन मंडळाचे अधीक्षक अभियंता संजय डोईफोडे, वन अधिकारी तूषार नवले, तहसीलदार विजय पवार, मुख्याधिकारी रमाकांत डाके, अभियंता अशोक पवार, नदी समन्वयक बजरंग चौधरी,  प्रदीप पाटणकर, प्रकाश पाटील आदी उपस्थित होते....

  कृष्णा कारखान्याचा सी.एन.जी. पंप कार्यान्वित; साखर कारखाना संचलित जिल्ह्यातील पहिला सी.एन.जी. पंप; लोकांना होणार लाभ... रेठरे बुद्रुक, दि.29 : यशवंतराव मोहिते कृष्णा सहकारी साखर कारखाना संचलित सी.एन.जी पंपाचे उद्‌घाटन चेअरमन डॉ. सुरेश भोसले यांच्या हस्ते करण्यात झाले. सहकारी साखर कारखान्याच्या माध्यमातून सुरु करण्यात आलेला हा जिल्ह्यातील पहिलाच सी.एन.जी. पंप असून, या पंपामुळे परिसरातील लोकांची मोठी सोय होणार आहे. कार्यक्रमाला व्हाईस चेअरमन जगदीश जगताप, संचालक लिंबाजी पाटील, जितेंद्र पाटील, धोंडीराम जाधव, बाबासो शिंदे, बाजीराव निकम, शिवाजी पाटील, दत्तात्रय देसाई, जे. डी. मोरे, विलास भंडारे, अविनाश खरात, कार्यकारी संचालक सूर्यकांत दळवी, मनोज पाटील, वैभव जाखले, संजय पवार, सेक्रेटरी मुकेश पवार, टेक्निकल को-ऑर्डिनेटर एस. डी. कुलकर्णी, स्टोअर ऑफिसर गोविंद मोहिते, प्राचार्य डॉ. भास्करराव जाधव, सी.एन.जी. तंत्रज्ञ अक्षय यादव आदी उपस्थित होते. डॉ. सुरेश भोसले म्हणाले, देशात नैसर्गिक वायू इंधन देण्याचे नियोजित करण्यात आले असून, त्याअंतर्गत प्रदूषण कमी करण्याचा केंद्र शासनाचा मानस आहे....

कृष्णा हॉस्पिटलमध्ये आयुष्यमान भारत लाभार्थी नोंदणी केंद्र सुरु.... कराड, दि.29 : समाजातील गरीब कुटुंबांसाठी वरदान ठरणाऱ्या आयुष्यमान भारत प्रधानमंत्री जनआरोग्य योजनेसाठी पात्र झालेल्या लाभार्थींसाठी कृष्णा हॉस्पिटलमध्ये मोफत नोंदणी केंद्र सुरु करण्यात आले आहे. या केंद्राचा लाभ पात्र लाभार्थींनी घ्यावा, असे आवाहन रुग्णालय प्रशासनाच्यावतीने करण्यात आले आहे. आर्थिकदृष्ट्या गरीब कुटुंबांना मोफत वैद्यकीय सेवा मिळाव्यात, या उद्देशाने प्रधानमंत्री नरेंद्र मोदी यांनी आयुष्यमान भारत प्रधानमंत्री जनआरोग्य योजना ही महत्वाकांक्षी योजना सुरू केली आहे. या योजनेअंतर्गत केंद्र शासनाने केलेल्या सर्व्हेक्षणाच्या आधारे पात्र लाभार्थींची निवड करण्यात आली असून, या लाभार्थ्यांना त्याबाबतचे श्री. मोदी यांच्या सहीचे पत्र थेट घरपोच आलेले आहे. या लाभार्थींना ५ लाख रूपयापर्यंतचे उपचार मोफत उपलब्ध होणार आहेत. या लाभार्थींना शासनाकडून देण्यात येणाऱ्या लाभार्थी कार्ड म्हणजेच गोल्डन कार्डच्या नोंदणीसाठी, कृष्णा चॅरिटेबल ट्रस्टचे चेअरमन डॉ. सुरेश भोसले यांच्या मार्गदर्शनाखाली कृष्णा हॉस्पिटल येथे विशेष मोफत नोंदणी क...

  स्वातंत्र्याचा अमृत महोत्सव अंतर्गत ‘चला जाणुया नदीला अभियान’ कार्यक्रमाचा कराडात समारोप... कराड दि. 29 : स्वातंत्र्याचा अमृत महोत्सव अंतर्गत ‘चला जाणुया नदीला अभियान’ कार्यक्रमाचा समारोप दि. 30 डिसेंबर 2022 रोजी ‘चला जाणुया नदीला अभियान’ जिल्हास्तरीय समिती, शासकीय अभियांत्रिकी महाविद्यालय, कराड व कराड नगरपरिषद यांच्या संयुक्त विद्यमाने आणि डॉ. सुमंत पांडे व नरेंद्र चौघ यांच्या प्रमुख उपस्थित सकाळी 10.15 ते 12.30 वा. कोयना-कृष्णा प्रितिसंगम येथे आयोजित करण्यात आला आहे. या कार्यक्रमापूर्वी सकाळी 8.30 ते 10 या वेळेत "लोक सहभागातून प्लास्टिक घन कचऱ्याचे विकेंद्रीत व्यवस्थापन" या विषयी सागर मित्र विनोद बोधनकर व " नदी पुनर्विकास आणि संवर्धन" या विषयी प्रा. अमरसिंह लांडगे यांचे व्याख्यान शासकीय अभियांत्रिकी महाविद्यालय कराड येथे आयोजित करण्यात आले आहे तरी या कार्यक्रमास नागरिकांनी मोठया संख्येने उपस्थित रहावे असे आवाहन संजय डोईफोडे अधिक्षक अभियंता सातारा सिंचन मंडळ यांनी केले आहे.

कराड शहरातील दरवेशी वस्ती येथे आज लसीकरण करताना आरोग्य सेविका... कराड शहरात गोवरचा रूग्ण आढळला, नागरी आरोग्य केंद्रांकडून गोवर लसीकरण पूर्ण... कराड दि.28 (प्रतिनिधी) कराड शहरात गोवर बाधित रुग्ण सापडला असून कराड नगरपालिकेच्या नागरी आरोग्य केंद्राच्या माध्यमातून त्या बालक रुग्णांवर यशस्वी उपचार पूर्ण झाले असून तो सध्या नाॅर्मल आहे. रुग्ण सापडला त्या परिसरात गोवरचे लसीकरण पूर्ण करण्यात आले असल्याची माहिती नागरी आरोग्य केंद्राच्या डाॅ. शितल कुलकर्णी यांनी दिली तसेच कराड शहरात विविध ठिकाणी गोवर लसीकरण मोहिम राबवून सर्व लसीकरण पूर्ण केले असल्याचेही कुलकर्णी यांनी सांगितले. गेल्या काही महिन्यापासून महाराष्ट्रात गोवर रा संसर्गजन्य साथीचा फैलाव झाल्यानंतर राज्य शासनाने तातडीने सतर्कता बाळगत संपूर्ण महाराष्ट्रात गोवर सात आटोक्यात आणण्यासाठीचे प्रयत्न केले. गोवरचे लसीकरण ही सुरू करण्यात आले. सुरुवातीला या गोवर साथीचा प्रादुर्भाव मराठवाडा विदर्भात तसेच मुंबईत मोठ्या प्रमाणात पसरला होता त्या पार्श्वभूमीवर तातडीने लसीकरण करण्यात आल्याने ही साथ आटोक्यात आणण्यात आरोग्य विभागाला यश आले आहे. कराड शहरात ...

कराडात लसीकरणासाठी नागरिकांचे रूग्णालयात हेलपाटे;काॅटेज, नागरी आरोग्य केंद्रात लसच नाही... कराड दि.28-(प्रतिनिधी) कोरोना संसर्गाची पुन्हा चर्चा सुरू झाल्याने नागरिक हवालदिल झाले आहेत. तर ज्यांनी लसीकरण केले नाही असे नागरिक स्व. वेणूताई चव्हाण उपजिल्हा रुग्णालय व नागरी आरोग्य केंद्र कराड या ठिकाणी लसीबाबत विचारणा करीत आहेत. मात्र या दोन्ही ठिकाणी लस उपलब्ध नसल्याचे सांगण्यात येत आहे. शहरात सूमारे 75 टक्के नागरिकांनी बूस्टर डोस घेतला नसल्याचे आकडेवारीतून दिसून येते. कोरोनाच्या पहिल्या व दुसऱ्या लाटेत नागरिकांनी लसीकरणाचा पहिला व दूसरा डोस घेतला. मात्र त्यानंतर कोरोनाचा कहर ओसरल्यानंतर अनेकांनी बूस्टर डोस कडे पाठ फिरवली होती. आता पुन्हा कोरोनाच्या चौथ्या लाठेची शक्यता वर्तवली जात असून त्या अनुषंगाने काल देशभरात कोरोना आपत्ती व्यवस्थापन अंतर्गत देशभरात मॉक ड्रील घेण्यात आला. या लाटेत कोरोनाचा नविन व्हेरिएंट असल्याचे सांगण्यात येत आहे.त्यामुळे देशभरात कोरोनाच्या चौथ्या लाठीची शक्यता गृहीत धरून प्रशासनाने तयारी सुरू केल्याचे दिसून येते. सातारा जिल्ह्यातील नागरिकांनी कोणतीही भिती बाळगू नये,तस...

कराडातील अवैध धंद्याविरोधात तहसिलदार कचेरीसमोर बेमूदत उपोषण सूरू... कराड दि.28-(प्रतिनिधी) कराड शहरासह तालुक्यात अवैध व्यवसायांनी पून्हा कहर माजवला आहे. मटका, जूगार, झटपट लाॅटरी,चकरी आॅनलाईन कॅसिनो सारख्या अवैध धंद्यामुळे अनेक जणांचे संसार उघड्यावर पडले असुन हे अवैध धंदे तातडीने बंद करावेत या मागणीसाठी सी आर सामाजिक संघटनेच्यावतीने अमोल तानाजी कांबळे आपल्या सहकार्यासंह तहसिलदार कचेरीसमोर बेमुदत उपोषणास बसले आहेत. सातारा जिल्हा पोलिस प्रमुख समीर शेख, कराड शहर व तालुका पोलिस, उपविभागीय पो.अधिकारी, तहसिलदार यांना दिलेल्या निवेदनात म्हंटले आहे की, गेली अनेक वर्षापासून कराड शहर व तालुक्यात या अवैध व्यवसायामुळे हजारो कुटूंबे उध्दवस्त झाली आहेत. कराड तालुक्यातील विविध संघटना, सामाजीक कार्यकर्ते, महिला कार्यकर्ते यांनी तसेच ग्रामस्थांनी व समाजातील व्यक्तींनी वेळोवेळी निवेदने दिली, आंदोलने केली, उपोषणे केली, तरी देखील अवैध व्यवसाय बंद झाले नाहीत. कराड शहर व तालुका पोलीस प्रशासनाने याबाबत योग्य ती दखल घेवून अवैध धंदे बंद करण्यासाठी प्रयत्न करावेत. सातारा जिल्हा पोलीस प्रमुख समीर शेख यांनी पदभार ...

  सफाई कामगारांना मालकी हक्कानेच घरे- उपमुख्यमंत्री देवेंद्र फडणवीस... नागपूर दि.27 : “ज्यांची 25 वर्षें सेवा झाली आहे त्या सर्व सफाई कामगारांना मालकी हक्कानेच घरे देण्यात येतील, अशी माहिती उपमुख्यमंत्री देवेंद्र फडणावीस यांनी आज विधानसभेत एका लक्षवेधीला उत्तर देताना सांगितले. “सफाई कामगारांच्या बाबतीत मालकी हक्काने घरे देण्यासंदर्भात सन 2015 ला निर्णय घेण्यात आला होता. मध्यंतरी तो निर्णय बदलून सेवा निवासस्थाने देण्याचा निर्णय झाला, आता 12 जून 2015 चाच निर्णय कायम करण्यात यावा असे निर्देश देण्यात आले आहेत. त्यामुळे आता ज्यांची 25 वर्षें सेवा झाली आहे त्या सर्व सफाई कामगारांना मालकी हक्कानेच घरे देण्यात येतील”, असेही उपमुख्यमंत्र्यंनी सांगितले.

शेंद्रे ते कागल राष्ट्रीय महामार्गाच्या सहापदरीकरणाचे काम दोन वर्षात पूर्ण होणार;ना.नितीन गडकरी... कराड दि.27 (प्रतिनिधी) शेंद्रे ते कागल राष्ट्रीय महामार्ग एनएच 4 चे सहा पदरीकरणाचे काम येत्या दोन वर्षात पूर्ण होणार असल्याची माहीती लोकसभेत खा.श्रीनिवास पाटील यानी विचारलेल्या प्रश्नाला उत्तर देताना रस्ते वहातूक व महामार्ग मंत्री ना.नितिन गडकरी यांनी दिले आहे. शेंद्रे ते कागल या राष्ट्रीय महामार्गाचे सहापदरीकरण कामाचे भूमिपूजन ना.नितिन गडकरी यांनी कराड येथे दिनांक 25 सप्टेंबर 2021 रोजी केले होते. जवळपास त्यास एक वर्ष पूण  झाले तरी प्रत्यक्षात सहापदरीकरणाचे काम  कधी होणार याबाबत प्रवासी व नागरिकांमध्ये उत्सुकता होती. लोकसभेच्या हिवाळी अधिवेशनात खा.श्रीनिवास पाटील यांनी यासंदर्भात अतारांकित प्रश्नाद्वारे सरकारचे लक्ष वेधले.  खा.श्रीनिवास पाटील यांनी राष्ट्रीय महामार्ग एमनएच 4 वरील शेंद्रे ते कागल या कामाची सध्याची स्थिती काय आहे ? सर्व आवश्यक परवानग्या, भूसंपादन प्रक्रिया, करारनामे पूर्ण झाले आहेत का ? आणि असल्यास त्याचा तपशील आणि सदर प्रकल्प सुरू आणि पूर्ण करण्यासाठी कालमर्य...

कोल्हापूर : जिज्ञासा विकास मंदिर येथे कृष्णा दंतविज्ञान महाविद्यालयातर्फे आयोजित दंततपासणी शिबीरात सहभागी झालेले दिव्यांग विद्यार्थी.   कृष्णा दंतविज्ञान महाविद्यालयातर्फे दिव्यांग विद्यार्थ्यांची दंततपासणी.... कराड,दि.27 : येथील कृष्णा वैद्यकीय विज्ञान अभिमत विद्यापीठाच्या दंतविज्ञान अधिविभागातर्फे कोल्हापूर येथील जिज्ञासा विकास मंदिरमध्ये शिकणाऱ्या बौद्धिक अक्षम असणाऱ्या दिव्यांग विद्यार्थ्यांसाठी नुकतेच दंततपासणी शिबीर घेण्यात आले. यावेळी विद्यार्थ्यांना मौखिक आरोग्य साधनांचे वाटप करण्यात आले. दातांच्या आरोग्याबाबत शालेय मुलांमध्ये जागरुकता निर्माण व्हावी, या उद्देशाने कुलपती डॉ. सुरेश भोसले यांच्या मार्गदर्शनाखाली कार्यरत असलेल्या कृष्णा अभिमत विद्यापीठाच्या दंतविज्ञान अधिविभागामार्फत अनेक उपक्रम राबिवले जात आहेत. या उपक्रमाचा एक भाग म्हणून कोल्हापुरातील जिज्ञासा विकास मंदिर या शाळेत दिव्यांग मुलांसाठी दंततपासणी शिबीर घेण्यात आले. याठिकाणी प्राचार्य डॉ. शशिकिरण एन. डी. व त्यांच्या टीमने विशेष मुलांची दंततपासणी करत, त्यांना व शाळेतील शिक्षकांना मौखिक आरोग्याचे महत्व समजावून सांग...

कराडच्या दिव्यांगाची निधी अभावी हाल;आ.बच्चू कडू यांची कराड नगरपरिषदेकडे विचारणा... कराड दि.25-(प्रतिनिधी) कराड नगर परिषदे मार्फत दिव्यांग कल्याण निधीचे (disabilityfund) अद्याप वाटप न झाल्याने शहरातील दिव्यांगाची ससेहोलपट होऊ लागली आहे. शहरातील दिव्यांग नगरपालिकेत (Karad Municipal Council) प्रत्यक्ष व फोन करून संबंधित विभागास विचारणा करू लागले आहेत. मात्र सदर दिव्यांग निधी जिल्हाधिकाऱ्यांनी (Satara Collector) रोखला असून त्याबाबत दिव्यांग संघटनेसह प्रहार संघटना व कराड नगरपरिषदेकडून जिल्हाधिकारी यांना प्रत्यक्ष फोन व निवेदनाद्वारे निधी वाटपाची मागणी केली जात आहे. नजीकच्या मलकापूर नगरपरिषदेने दिव्यांग निधीचे वाटप केले मात्र वर्ष संपले तरीही कराड नगरपरिषदेकडून सदर निधीचे दिव्यांगांना अद्याप वाटप झालेले नाही. महाराष्ट्रातील काही जिल्ह्यातील जिल्हाधिकाऱ्यांनी त्यांच्या जिल्ह्यातील सर्व स्थानिक स्वराज्य संस्थांना दिव्यांग निधीचे तातडीने वितरण करण्याचे आदेश दिले असताना सातारा जिल्हाधिकाऱ्यांच्या निधी रोखण्याच्या आडमुठ्या भूमिकेमुळे जिल्ह्यातील नगरपरिषदाकडून अद्याप दिव्यांग निधीचे वाटप करण्यात आ...

  माजी मुख्यमंत्री आ. पृथ्वीराज चव्हाणांचा नागपूर मेट्रो मधून प्रवास...  तिकीट खरेदी करून केली सफर- प्रकल्पचे केले कौतुक.... नागपूर : माजी मुख्यमंत्री आ. पृथ्वीराज चव्हाण यांनी तिकीट खरेदी करून नागपूर मेट्रो मधून प्रवास केला. त्यांनी यावेळी मेट्रो प्रकल्पचे कौतुक करीत नागपूरने आंतरराष्ट्रीय शहराकडे झेप घेतल्याचे यावेळी सांगितले. पृथ्वीराज चव्हाण मुख्यमंत्री असताना त्यांच्याच कार्यकाळात पुणे व नागपूर मेट्रो ची पायाभरणी केली होती. त्यानुसार त्यांनी निधी मंजूर केला होता. यावर्षी हिवाळी अधिवेशनाच्या निमित्ताने आलेले आ. चव्हाण यांनी महाराष्ट्र मेट्रो च्या मेट्रो भवन कार्यालयास भेट दिली व मेट्रो मधून प्रवासहि केला.  आ. पृथ्वीराज चव्हाण यांनी नागपूर शहरातील सीताबर्डी ते शंकरनगर असा मेट्रो मधून प्रवास केला. तत्पूर्वी त्यांनी मेट्रोच्या मुख्यालयास भेट दिली. येथे महा मेट्रोचे व्यवस्थापकीय संचालक डॉ. ब्रिजेश दीक्षित यांनी त्यांचे स्वागत केले. यावेळी डॉ दीक्षित यांनी आ. चव्हाण यांना नागपूर व पुणे मेट्रो ची माहिती दिली. वर्धा मार्गांवरील डबल डेकर पूल गिनीज वर्ल्ड रेकॉर्ड बुक मध्ये समा...

कराडात पूर्वीचा वाद उपाळला; आझाद चौकात एकावर चौघांकडून शस्त्राने वार... कराड, दि. 25 प्रतिनिधी) येथील आझाद चौकात पूर्वीच्या वादातून चौघांनी एकावर शस्त्राने वार करुन जीव घेणा हल्ला केल्याची घटना काल रात्री उशिरा घडली असून पोलिसांनी एकास अटक केली आहे.मात्र अन्य तिघे फरार झाले आहेत.फरार झालेल्या तिघांपैकी एक जणावर पिस्तूल बाळगल्याच्या आरोपाखाली अटक ही झाली होती. शंकर नलवडे हा ह्ल्यात जबर जखमी असून रोहित तडख हा एकटाच पोलिसांच्या तावडीत सापडला आहे. कराडच्या आझाद चौकात काल रात्री साडे दहा वाजता शंकर भानुदास नलवडे (वय 29 रा. भोई गल्ली) याच्यावर पूर्वीच्या वादावरुन चौघांनी घातक शस्त्राने हल्ला केला.याप्रकरणी पोलिसांनी आझाद चौकातीलच रोहित तडख यास अटक करुन आज न्यायालयात हजर केले असता त्यास न्यायालयाने पाच दिवसांची पोलीस कोठडी सुनावली आहे. तर अन्य तीन जण फरार असून त्यांचा शोध पोलिस घेत आहेत. शंकर भानुदास नलवडे (वय 29 रा. भोईगल्ली, आझाद चौक) असे हल्ला झालेल्या जखमी युवकाचे नाव असून आझाद चौकातील भोई गल्लीत राहणारे विनोद तडख, रोहित तडख, यश पाटील, पंकज पाटील या चौघांवर कराड शहर पोलिसात गुन्हा नोंद झा...

  कराडात नव्या वर्षात पाच आरोग्य उपकेंद्रे सूरू होणार;आरोग्य सेवा तातडीने मिळणार... कराड दि.25-(प्रतिनिधी) शहरातील स्व. वेणूताई चव्हाण उपजिल्हा रुग्णालय व नगरपरिषदेच्या नागरी आरोग्य केंद्रावरील ताण आता कमी होणार आहे. कारण सध्या शहरातील विविध भागात चार प्राथमिक आरोग्य उपकेंद्राचे काम सुरू करण्यात आले आहे. यामुळे शहरातील नागरिकांना आरोग्याची सेवा तत्काळ मिळण्यास मदत होणार आहे. माजी मुख्यमंत्री पृथ्वीराज चव्हाण यांच्या प्रयत्नाने पंधराव्या वित्त आयोगातून या उपकेंद्रासाठी निधी उपलब्ध झाला आहे. कोरोना काळात माजी मुख्यमंत्री पृथ्वीराज चव्हाण यांनी त्यांच्या फंडातून आरोग्य सेवेसाठी एक कोटीचा निधी उपलब्ध केला होता. या माध्यमातून विविध ठिकाणी त्याचा वापरही करण्यात आला. त्यानंतर त्यांनी पंधराव्या वित्त आयोगातून  कराड शहरात पाच आरोग्य उपकेंद्रांच्या उभारणीसाठी निधी उपलब्ध करून दिला. याच निधीतून सातारा जिल्हा परिषदेच्या आरोग्य विभागामार्फत कराड शहरात विविध ठिकाणी या उपकेंद्रासाठी कराड नगरपालिकेच्या माध्यमातून जागा निश्चित करण्यात येऊन या उपकेंद्राच्या कामांना सध्या शहरात प्रारंभ झाला...

  रेठरे बुद्रुक : कृष्णा सहकारी साखर कारखान्यात गळीत हंगामात उत्पादित झालेल्या ३ लाख १ व्या साखर पोत्याचे पूजन करताना चेअरमन डॉ. सुरेश भोसले, डॉ.अतुल भोसले, उपाध्यक्ष जगदीश जगताप व मान्यवर संचालक... कृष्णा कारखान्यात ३ लाख १ व्या साखर पोत्याचे पूजन.... रेठरे बुद्रुक, ता. २४ : येथील यशवंतराव मोहिते कृष्णा सहकारी साखर कारखान्याच्या सन २०२२-२०२३ या गळीत हंगामात उत्पादित झालेल्या ३ लाख १ व्या साखर पोत्याचे पूजन चेअरमन डॉ. सुरेश भोसले यांच्या हस्ते करण्यात आले. यावेळी कृष्णा सहकारी बँकेचे अध्यक्ष डॉ. अतुल भोसले यांची प्रमुख उपस्थिती होती. याप्रसंगी उपाध्यक्ष जगदीश जगताप, संचालक जितेंद्र पाटील, गुणवंतराव पाटील, शिवाजी पाटील, सयाजी यादव, विलास भंडारे, वसंतराव शिंदे, अविनाश खरात, श्रीरंग देसाई, कार्यकारी संचालक सूर्यकांत दळवी, बहेचे माजी उपसरपंच मनोज पाटील, वैभव जाखले, कोरेगावचे सरपंच बाळासाहेब पाटील, शेणोलीचे सरपंच जयवंत कणसे, गजेंद्र पाटील आदी उपस्थित होते. प्रारंभी गळीत हंगामात उत्पादित झालेल्या साखर पोत्याचे पूजन मान्यवरांच्या हस्ते करण्यात आले. यावेळी सेक्रेटरी मुकेश पवार, टेक्निकल क...

कराडात मुथूट फिनकाॅर्प मध्ये ख्रिसमस निमित्त महिलांसाठी विशेष कार्यक्रम... कराड दि.24 (प्रतिनिधी) ख्रिसमस नाताळचा सण भगवान येशू ख्रिस्तांच्या प्रेमळ, संयमी, क्षमाशील व धीरोदात्त जीवनाचे स्मरण देतो.हा सण सर्वांच्या जीवनात सूख, शांती, समाधान व संपन्नता घेवून येतो. याच निमित्तिने मुथूट फिनकाॅर्प लिमिटेडच्या कराड शाखेत खास महिलांसाठी आयोजित केलेल्या कार्यक्रमास महिलांनी उत्सफूर्त प्रतिसाद दिला.  मुथूट फिनकाॅर्पच्या शाखेत ख्रिसमस निमित्त महिलांसाठी विशेष कार्यक्रम आज संपन्न झाला. यानिमित्तिने आयोजित कार्यक्रमात ख्रिसमसचे औचत्य साधून शाखेच्या वतीने ग्राहक व महिलांसाठी देण्यात येणार्‍या सेवा सूविधां बाबत शाखाधिकारी जास्मिन काझी यांनी उपस्थित महिलांना मार्गदर्शन करुन मुथूटच्या सेवा-सूविधांचा लाभ घेण्याचे आवाहन करुन सोने खरेदी व त्यावरील लोनबाबतच्या अनेक योजनांबाबतची माहिती दिली. यावेळी मुथूट फिनकाॅर्पच्या विविध योजनांची माहितीपर पाॅम्पलेटचे वाटप ही करण्यात आले. मुथूट फिनकाॅर्पच्या कराड शाखेतर्फे ख्रिसमसनिमित्त आयोजित करण्यात आलेल्या या कार्यक्रमात उपस्थित सर्व महिलांचे शाखेतील अधिकारी, कर्...

जगभरात पुन्हा एकदा कोरोनाचा कहर सूरू झाला आहे. या पार्श्वभूमीवर केंद्र सरकार आणि राज्य सरकार अलर्टवर असून खबरदारीच्या उपाययोजना केल्या जात आहेत. गेल्या 24 तासांत देशात 201 नवीन कोरोना रुग्णांची नोंद झाली आहे. देशात सध्या 3 हजार 397 सक्रिय कोरोना रुग्ण आहेत. आता सर्व पार्श्वभूमीवर कोरोनाने पुन्हा डोकं वर काढल्याने अनेकांना असा प्रश्न पडलाय की, जर मी लसीचे दोन्ही आणि पात्र असल्यास तिन्ही डोस घेतलेत, तर मी या नवीन व्हेरियंटपासून किती सुरक्षित आहे? लोकांना हा प्रश्न पडला असला तरी, तुम्ही घेतलेली लस BF.7 व्हेरिअंट ओमिक्रॉनवरही काम करेल, असंच तज्ज्ञांच सध्याच्या घडीचं मत आहे.देशात केवळ 25% लोकांनी बूस्टर डोस घेतला आहे. सातारा जिल्ह्यातील कोरोनाची सध्यस्थिती.... कराड दि.23 (प्रतिनिधी) सातारा जिल्ह्यात मार्च 2020 च्या शेवठच्या आठवड्यात कोरोना बाधित रुग्ण सापडू लागले. मात्र तेंव्हापासुन आजपर्यंत पूर्ण कोरोना गेला नसल्याचे चित्र असतानाच जगभरातील काही देशात कोरोनाने पून्हा कहर सूरू केला आहे.तब्बल दोन वर्ष दहा महिन्यानंतर आता पून्हा कोरोना संसर्गाचा फैलाव होतो की काय? अशी चर्चा सूरू झाल्याने देशपा...

दुकाने व संस्था निरीक्षक व इमारत कामगार नोंदणी अधिकारी प्रशांत पाटील यांची कराडात कामगार कार्यालयास भेट... कराड दि.24 (प्रतिनिधी)  येथील नवनिर्वाचित अधिकारी प्रशांत पाटील (दुकाने व संस्था निरीक्षक व इमारत कामगार नोंदणी अधिकारी) व त्यांचे सहकारी स्वप्निल बडेकर यांनी लोकधारा कामगार नोंदणी कार्यालयास भेट दिली. यावेळी कामगार नेते कॉम्रेड भानुदास मधुकर वास्के यांनी त्यांचे स्वागत केले व कराड शहर व तालुक्यातील कामगारांच्या समस्या तसेच नोंदणी मध्ये येणाऱ्या अडचणी सांगून नोंदणीकृत कामगारांचा मेळावा घेऊन त्यांच्या तक्रारींचे निरसन करण्याची मागणी केली. दुकाने व संस्था निरीक्षक व इमारत कामगार नोंदणी अधिकारी प्रशांत पाटील यांनी कामगारांनी आपली नोंदणी वेळेत करून घ्यावी असे आवाहन केले.तसेच सर्व कामगारांनी शासनाच्या योजनांचा लाभ घ्यावा. आपआपले काम करत असताना आपल्या सोबत असलेल्या कामगारांची नोंदणी वेळेत करुन सहकार्य करावे असे आव्हान करुन कराडात कामगारांना केलेल्या सत्काराप्रती आभार मानले. यावेळी अर्जुन वास्के, आकाश अरबुणे, सुनील पाटील (अध्यक्ष महाराज साहेब प्रतिष्ठान वाठार), विनायक गायकवाडसर, महेश...

  आ.जयकूमार गोरे अपघातात गंभीर जखमी;गाडी नदीत कोसळून अपघात.... सातारा दि.24-सातारा जिल्ह्यातील माण-खटावचे आ. जयकुमार गोरे यांच्या गाडीला पुणे पंढरपूर रस्त्यावर मलठण येथील स्मशानभूमीजवळ आज पहाटे भीषण अपघात झाल्याची घटना घडली. आहे. गाडीवरील चालकाचे नियंत्रण सुटल्याने गाडी बाणगंगा नदी पात्रात कोसळली. गाडीत गोरे यांच्यासह चारजण प्रवास करत होते. या घटनेत आमदार गोरे यांच्यासह 2 जण गंभीर तर इतर 2 दोघे किरकोळ जखमी झाले आहेत. गंभीर जखमीना उपचारासाठी बारामती येथे तर इतर दोघांवर फलटण येथील खाजगी रुग्णालयात उपचार सुरू आहेत मात्र आमदार गोरे यांना पुण्याच्या रुबी हास्पिटलला हलवण्यात आले आहे. त्यांच्या छातीला मार लागल्याचे समजते. आ. गोरे हे पुण्याहून गावी दहिवडीकडे जात असताना अपघाताची घटना घडली. घटनेची माहिती मिळताच पोलीस घटनास्थळी दाखल झाले. चालकाचे नियंत्रण सुटल्याने हा अपघात झाला असल्याचे समोर येत आहे. पोलीस सध्या या घटनेचा अधिक तपास करीत आहेत.

  ग्रामविकासासाठी सरपंच व सदस्यांची इच्छाशक्ती महत्वाची : भास्करराव पेरे - पाटील... रेठरे बुद्रुक, दि.23- प्रत्येक गावातील सरपंच व सदस्यांची इच्छाशक्ती असेल तर गावाचा विकास निश्चित घडू शकेल, असे प्रतिपादन औरंगाबाद जिल्ह्यातील पाटोदा ग्रामपंचायतीचे आदर्श सरपंच भास्करराव पेरे-पाटील यांनी केले. कृष्णाकाठचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या ९८ व्या जयंतीनिमित्त डॉ. अतुलबाबा प्रेमी ग्रुप व रेठरे बुद्रुक ग्रामस्थांच्यावतीने सौ. ताराबाई मोहिते विद्यालयात आयोजित व्याख्यानात ते बोलत होते. अध्यक्षस्थानी कृष्णा सहकारी बँकेचे चेअरमन डॉ. अतुल भोसले होते. प्रारंभी श्री. पेरे-पाटील, डॉ. भोसले व मान्यवरांच्या हस्ते दीपप्रज्वलन करण्यात आले. तसेच स्व. आप्पासाहेबांच्या प्रतिमेला पुष्पहार अर्पण करुन अभिवादन करण्यात आले. त्यानंतर नुकत्याच झालेल्या ग्रामपंचायत निवडणुकीत निवडून आलेले गोंदीचे सरपंच सुबराव पवार व सर्व सदस्य, आटकेच्या नूतन सरपंच सौ. रोहिणी पाटील व सर्व सदस्य, जुळेवाडीचे सरपंच नितीन बाकले व सर्व सदस्य, लवणमाचीच्या (ता. वाळवा) सरपंच छाया दुधगावे व सर्व सदस्य, को...

  श्री खंडोबा यात्रे निमित्त महाराष्ट्र पोलीस अधिनियम 1951 चे कलम 36 लागू... सातारा दि. 23 : पाल ता. कराड येथे श्री खंडोबा देवाची वार्षिक यात्रा दि.3 जानेवारी ते 10 जानेवारी 2023 या कालावधीत साजरी होणार आहे. यात्रा कालावधीत पोलीस अधीक्षक समीर शेख यांनी मुंबई पोलीस अधनियम 1951 चे कलम 36 नुसार असलेल्या अधिकाराचा वापर करुन कायदा व सुव्यवस्थेच्या बंदोबस्त कामी नेमलेल्या सर्व संबंधित पोलीस अधिकारी व त्यांच्याहून वरिष्ठ पोलीस अधिकारी यांना 3 जानेवारी ते 10 जानेवारी 2023 या कालावधीत पोलीस ठाणे हद्दीतील जनतेचे स्वास्थ, सुरक्षा आणि कायदा व सुव्यवस्था अबाधीत रहावी म्हणून वाहनांच्या नियमासंदर्भात व यात्रेच्या अनुषंगाने व्यक्तींचे वर्तन असावे, ध्वनी प्रदुषणानच्या अनुषंगाने मा. सर्वोच्च न्यायालयाने घालून दिलेल्या निर्बंधाचे यथोचित पालन व्हावे या दृष्टीने आवश्यक असणारे सर्व निर्देश देण्याचे अधिकार प्रदान करण्यात आले आहेत. पाल यात्रेनिमित्त मानकऱ्यांनी नियमांचे पालन करण्याचे आवाहन... पाल ता. कराड या ठिकाणी 3 जानेवारी ते 10 जानेवारी 2023 या कालावधीत श्री खंडोबा देवाची वार्षिक यात्रा संपन...

  बेलवडे बुद्रुक ग्रामस्थांच्या वतीने सहकारमहर्षी जयवंतराव भोसले यांना अभिवादन... सहकारमहर्षी जयवंतराव भोसले यांचे तालुक्याच्या विकासासाठी मोठे योगदान- हर्षवर्धन मोहिते... कराड दि.22-कराड तालुक्यासह संपूर्ण महाराष्ट्रात शैक्षणिक व आरोग्या क्षेत्रात आपल्या कार्याचा ठसा उमटवनारे आपल्या परिसराचे भाग्यविधाते सहकारमहर्षी जयवंतराव भोसले यांची आज 98 वी जयंती बेलवडे येथे साजरी करण्यात आली.  सहकारमहर्षी जयवंतराव भोसले यांनी तालुक्याच्या विकासासाठी मोठे योगदान दिले असुन कृष्णा कारखाना व कृष्णा उद्योग समूहाच्या माध्यमातुन स्व. आप्पांनी तालुक्यातील भरीव काम केले असुन सामाजिक बांधिलकीतून लाखो रूग्णांची सेवा ही केली असल्याची भावना कृष्णा सहकारी बँकेचे संचालक हर्षवर्धन मोहिते यांनी व्यक्त केली. यावेळी बेलवडे बुद्रुक येथील ग्रामस्थांनी त्यांच्या कार्याचा आढावा घेतला. यावेळी कालवडे-बेलवडे उपसा जलसिंचन योजनेचे उपाध्यक्ष जगन्नाथ मोहिते, ग्रामपंचायत सदस्य जयवंतराव मोहिते, मारुती मोहिते(आबा), राजाराम मोहिते (पापा), रुपेश मोहिते, सदस्य  संजय मोहिते, आनंदराव मोहिते, महेंद्र कांबळे, जयवंत मोहिते...

  कु.मिहीका अनंत खोत हिच्या वाढदिवसाच्या निमित्त नांदलापूर 'वृध्दाश्रम' ला साहित्य भेट... कराड दि.22-कु.मिहीका अनंत खोत हिच्या वाढदिवसाच्या निमित्ताने कराड येथील दिलीप चौगुले व सौ.मिनल चौगुले (आजी-आजोबा) यांनी शंभूरत्न परिवर्तन फौंडेशन महाराष्ट्र राज्य संचलित,'वृध्दाश्रम' च्या शाखा-नांदलापूर (कराड) येथे भेट देऊन धान्य व किराणा साहित्य भेट दिले. मिहिका ही नागपूरचे प्रसिद्ध डॉ.श्री.अनंत खोत व डॉ.सौ.मयूरी खोत याची कन्या आहे तर महेंद्र चौगुले यांची भाची आहे.आपल्या वैद्यकीय सेवेबरोबरच त्यांना समाजसेवेचीही आवड आहे. दरम्यान या निमित्ताने या  सहयोगाबद्दल शंभूरत्न परिवर्तन फौंडेशन महाराष्ट्र राज्य 'वृध्दाश्रम' शाखा-नांदलापूरच्या वतीने सर्वांचे आभार व्यक्त करण्यात आले आहेत.

सहकारमहर्षी स्व. जयवंतराव भोसले यांना जयंतीदिनी मान्यवरांकडून अभिवादन.... कराड, दि.22 : कृष्णाकाठच्या सहकार, सामाजिक, शैक्षणिक व आरोग्य विकासाचे प्रणेते आणि कृष्णा उद्योग समूहाचे शिल्पकार सहकारमहर्षी स्व. जयवंतराव भोसले (आप्पा) यांच्या पवित्र स्मृतींना ९८ व्या जयंतीनिमित्त विविध क्षेत्रातील मान्यवरांनी अभिवादन केले. य. मो. कृष्णा सहकारी साखर कारखान्याचे चेअरमन डॉ. सुरेश भोसले, माजी चेअरमन मदनराव मोहिते, पृथ्वीराज भोसले, कृष्णा महिला औद्योगिक संस्थेच्या संस्थापिका सौ. उत्तरा भोसले, कृष्णा सहकारी बँकेचे चेअरमन डॉ. अतुल भोसले, विनायक भोसले, आदित्य मोहिते यांच्यासमवेत कराड व वाळवा तालुक्यातील विविध क्षेत्रातील मान्यवरांनी, कृष्णा हॉस्पिटलच्या प्रांगणातील आप्पासाहेबांच्या पुतळ्याला पुष्पहार अर्पण करून अभिवादन केले. याप्रसंगी माजी आमदार आनंदराव पाटील, लोकशाही आघाडीचे अध्यक्ष जयंत पाटील, कृष्णा चॅरिटेबल ट्रस्टचे विश्वस्त शिवाजीराव थोरात, जयवंतराव जगताप, य. मो. कृष्णा सहकारी साखर कारखान्याचे संचालक जितेंद्र पाटील, श्रीरंग देसाई, सयाजी यादव, धोंडिराम जाधव, शिवाजी पाटील, ब्रिजराज मोहिते, बाबासो ...

प्रधानमंत्री ग्राम सडक योजनेतील सस्त्यांची कामे पूर्ण करा: खा.श्रीनिवास पाटील... कराड दि.22- प्रधानमंत्री ग्रामसडक योजनेतंर्गत सातारा जिल्ह्यासह महाराष्ट्रातील प्रलंबित असलेली कामे तात्काळ पूर्ण करण्यात यावीत अशी मागणी खा.श्रीनिवास पाटील यांनी नवी दिल्ली येथील बैठकीत केली. कृषी भवन, नवी दिल्ली येथे प्रधानमंत्री ग्रामसडक योजनेच्या तिसऱ्या टप्यातील प्रलंबित प्रस्तावाबाबत देशाच्या ग्रामविकास राज्यमंत्री साध्वी निरंजन ज्योती यांच्या उपस्थितीत महाराष्ट्रातील सर्व खासदारांची बैठक बुधवारी संपन्न झाली. या बैठकीस उपस्थित राहून खा.श्रीनिवास पाटील यांनी ही मागणी केली. या बैठकीसाठी केंद्रीय राज्यमंत्री कपिल पाटील, केंद्रीय राज्यमंत्री डॉ.भारती पवार, महाराष्ट्र राज्यातील विविध लोकसभा मतदारसंघांचे खासदार तसेच संबंधित विभागाचे अधिकारी उपस्थित होते. खा.श्रीनिवास पाटील म्हणाले, राष्ट्रीय ग्रामीण पायाभूत विकास संस्था मार्फत महाराष्ट्र राज्याकरीता प्रधानमंत्री ग्रामसडक योजना-3 अंतर्गत सातारा जिल्ह्यातील 300 किलोमीटरचे उद्दिष्ट मंजूर आहे. मात्र मागील तीन वर्षापासून सातारा जिल्ह्यात फक्त दोनच रस्ते झाले आह...

सहकारमहर्षी स्व. जयवंतराव भोसले यांच्या जयंती निमित्त विविध कार्यक्रमांचे आयोजन...   कराड, दि.21 : कृष्णाकाठच्या सहकार, आरोग्य आणि शैक्षणिक विकासाचे प्रणेते सहकारमहर्षी स्व. जयवंतराव भोसले (आप्पासाहेब) यांची गुरुवार दि. २२ डिसेंबर रोजी ९८ वी जयंती साजरी होत आहे. यानिमित्त सकाळी ९ वाजता कृष्णा हॉस्पिटलच्या प्रांगणातील स्व. आप्पांच्या पूर्णाकृती पुतळ्यास पुष्पार्पण व अभिवादन केले जाईल.           स्व. जयवंतराव भोसले यांनी सहकार, शिक्षण आणि आरोग्य यांना केंद्रबिंदू मानून कृष्णाकाठी विकासाचे नवे पर्व सुरू केले. कृष्णा कारखान्याच्या माध्यमातून त्यांनी शेतकऱ्यांच्या जीवनात समृद्धी आणली. तसेच कृष्णा परिवारातील अनेकविध संस्थांच्या माध्यमातून आज लाखो विद्यार्थी शिक्षण घेऊन यशस्वी कारकीर्द घडवित आहेत. कृष्णा रूग्णालयाच्या माध्यमातून कराडसह संपूर्ण सातारा जिल्हा, सांगली, कोल्हापूर, रत्नागिरी जिल्ह्याच्या परिसरातील रूग्णांना अद्ययावत अशा स्वरूपाच्या वैद्यकीय सुविधा उपलब्ध होत आहेत. त्यांच्या स्मृतींना उजाळा देण्यासाठी गुरुवारी ( २२) कराडसह वाळवा तालुक्यात ठिकठिकाणी त्या...

सफाई कामगारांच्या वारसांना नोकरीत सामावून घेण्याबाबत राज्य सरकार सकारात्मक-मुख्यमंत्री एकनाथ शिंदे... नागपूर, दि. 21 : राज्यातील सर्वच जातींतील सफाई कामगारांच्या वारसांना नोकरीत सामावून घेण्याबाबत राज्य सरकार सकारात्मक निर्णय घेईल, अशी माहिती मुख्यमंत्री एकनाथ शिंदे यांनी विधानपरिषदेत प्रश्नोत्तराच्या तासात दिली. राज्यातील सफाई कामगारांच्या मागण्यांबाबत सदस्य अशोक ऊर्फ भाई जगताप यांनी प्रश्न उपस्थित केला होता. त्याला उत्तर देतांना मुख्यमंत्री बोलत होते. मुख्यमंत्री श्री. शिंदे म्हणाले, “सफाई कामगारांच्या पाल्यांना/ वारसांना शैक्षणिक पात्रतेनुसारच नियुक्त्या दिल्या जात आहेत. ज्या ठिकाणी वारसांना शैक्षणिक पात्रतेनुसार नियुक्त्या दिल्या जात नाहीत, अशा प्रकारांची माहिती लोकप्रतिनिधींनी राज्य शासनाच्या निदर्शनास आणून द्यावी”, असे मुख्यमंत्र्यांनी उत्तरात सांगितले. सफाई कामगारांची पदे भरताना मेहतर-वाल्मिकी समाजावर अन्याय होणार नाही, याबाबत मंत्रिमंडळ बैठकीतही सकारात्मक चर्चा करण्यात आली आहे. मेहतर समाजाचा राज्य शासनाला आदर आहे. नगरपालिकेतील या समाजाच्या रिक्त जागा भरण्याबाबत नगरविकास विभागाल...

कराडात समस्त जैन संघाच्या वतीने मूक मोर्चा..... कराड दि.21 (प्रतिनिधी) झारखंड मधील श्री सिद्धक्षेत्र सम्मेद शिखरजीला या जैन धर्मियांयांच्या पवित्र क्षेत्रास झारखंड सरकारने पर्यटन स्थळाचा दर्जा देण्याबाबत परिपत्रक काढले असून यामुळे संपूर्ण जैन समाजाची भावना दुखावले आहेत. या क्षेत्राचे पूर्वीप्रमाणेच पावित्र्य आणि स्वातंत्र्य अबाधित ठेवण्यात यावे व पर्यटन स्थळ रद्द करण्यात यावे यासाठी आज समस्त जैन संघाच्या वतीने कराडात मूक मोर्चा काढून तहसीलदारांना निवेदन देण्यात आले. तहसीलदारांना देण्यात आलेल्या निवेदनात म्हटले आहे की अनादिकालापासून चालत आलेला जैन धर्म हा पुरातन आणि स्वतंत्र धर्म आहे. आपल्या या धर्मातील वर्तमान चोवीस तीर्थंकरापैकी वीस तीर्थंकर ज्या सिद्धक्षेत्रावरून मोक्षाला गेले, ते झारखंड मधील श्री सिद्धक्षेत्र सम्मेद शिखरजी अत्यंत पावन व पवित्र आहे. या क्षेत्रावर जैन समाजातील सर्वांची अत्यंत भक्ती आणि श्रद्धा असून या क्षेत्राच्या दर्शनार्थ लाखो श्रावक- श्राविका दरवर्षी यात्रा करीत असतात. झारखंड सरकारने अशा या जैन धर्माच्या श्रद्धास्थान असलेल्या श्री सिद्धक्षेत्र शिखरजिला पर्यटन स्थळा...

  जिल्ह्यात 4 जानेवारी पर्यंत शस्त्रबंदी व जमावबंदी आदेश जारी... सातारा दि. 20 : जिल्हयात कोणताही अनुचीत प्रकार अगर कायदा सुव्यवस्थेचा प्रश्न निर्माण होवु नये याकरिता जिल्हादंडाधिकारी रुचेश जयवंशी यांनी दि. 4 जानेवारी 2023 रोजीच्या रात्री 12 वा. पर्यंत मुंबई पोलीस अधिनियम 1951 (सुधारणा अध्यादेश) महाराष्ट्र पोलीस अधिनियम 2014 चे कलम 37 (1) (3)अन्वये शस्त्रबंदी व जमावबंदी आदेश जारी केला आहे. 

  कराड दक्षिणेतील ग्रामपंचायतींवर भाजपाचे निर्विवाद वर्चस्व.. सर्वाधिक सरपंच व सदस्यपदी डॉ. अतुल भोसले समर्थक विजयी... कराड, दि.20 : अत्यंत चुरशीने झालेल्या ग्रामपंचायत निवडणुकीचे निकाल आज जाहीर करण्यात आले. यामध्ये कराड दक्षिणेतील ग्रामपंचायतींवर भारतीय जनता पक्षाने निर्विवाद वर्चस्व प्रस्थापित केले आहे. तसेच सर्वाधिक सदस्यपदीदेखील भाजपाचे प्रदेश कार्यकारिणी सदस्य डॉ. अतुल भोसले यांचे समर्थक उमेदवार विजयी झाल्याने, या ग्रामपंचायत निवडणुकीत कराड दक्षिणवर पुन्हा एकदा भाजपाचा वरचष्मा दिसून आला आहे. कराड दक्षिणमधील सुमारे २० ग्रामपंचायतींसाठी नुकतीच मतदान प्रक्रिया पार पडली. यापैकी ३ ग्रामपंचायती बिनविरोध झाल्या. ज्यामध्ये गोंदी ग्रामपंचायतीच्या सरपंचपदासह सर्व जागांवर डॉ. अतुल भोसले समर्थकांची बिनविरोध निवड झाली होती. दरम्यान, २० पैकी १७ ग्रामपंचायतींसाठी रविवारी (ता. १८) मतदान प्रक्रिया पार पडली. या ग्रामपंचायतींचे निकाल आज जाहीर करण्यात आले. कराड दक्षिणमधील सुमारे ११ ग्रामपंचायतींमध्ये भाजपाचे प्रदेश कार्यकारिणी सदस्य डॉ. अतुल भोसले समर्थक असलेले सरपंचपदाचे उमेदवार मोठ्या मताधिक्या...

कराड तालुक्यात काॅंग्रेसची बाजी;राष्ट्रवादी दूसर्‍या तर भाजप तिसर्‍या स्थानी;नऊ ग्रामपंचायती मध्ये सत्तांतर.... कराड दि.20 (प्रतिनिधी)  तालुक्यातील ग्रामपंचायत निवडणुकीत आज झालेल्या मतमोजणी नंतर तालुक्यातील वडगाव हवेली, आटके, तळबीड सूपने, आणे, किवळ, जुने कवठे, कोरेगाव व पाडळी हेळगाव या ग्रामपंचायतीमध्ये सत्तांतर झाले आहे. तारुख व चोरजवाडी येथे अपक्षांना सरपंच पदाची लॉटरी लागली असून रेठरे खुर्द येथे सिंह आला पण गड गेला अशी अवस्था झाली आहे. तालुक्यात काही ठिकाणी आ.पृथ्वीराज चव्हाण, आ. बाळासाहेब पाटील डॉ. अतुल भोसले व उदयसिंह पाटील-उंडाळकर यांनी आपली सत्ता कायम राखली आहे. तालुक्यातील 44 ग्रामपंचायतीमध्ये 11 ग्रामपंचायती बिनविरोध झाल्या असुन 33 ग्रामपंचायतींची आज मतमोजणी पार पडली. या संपुर्ण निवडणूकीत काँग्रेस अव्वल राहिली असून दुसऱ्या स्थानी राष्ट्रवादी पक्षाने बाजी मारली असून भाजपा तिसऱ्या स्थानावर राहिला आहे. दरम्यान कराड तालुक्यात महाविकास आघाडीने स्थानिक गटाच्या माध्यमातून बाजी मारली असून भाजप-शिंदे गटाची निराशा झाल्याचे दिसून आले आहे. ठाकरे गट ही या निवडणुकीत कुठेही दिसला नाही.44...

ग्रामपंचायत मतमोजणीमुळे कराड शहरातील वाहतुक व्यवस्थेत बदल.... कराड दि.19 (प्रतिनिधी) कराड तालुक्यातील 33 ग्रामपंचायतीची मतमोजणी येथील प्रशासकीय मध्यवर्ती कार्यालयात उद्या सकाळी होणार असल्याने या पार्श्वभूमीवर शहरात येणारी व बाहेर जाणाऱ्या वाहतुकीत बदल करण्यात आल्याची माहिती वाहतूक शाखेच्या सहाय्यक पोलीस निरीक्षक सरोजिनी पाटील यांनी दिली.  मतमोजणी शहरात होत असल्याने वाहन धारकांचे व पादाचार्‍यांचे सुरक्षेतेच्या तसेच कोणतेही अनुचित प्रकार होऊन कायदा व सुव्यवस्थेचा प्रश्न निर्माण होऊ नये यासाठी व वाहतूक सुरळीत, सुरक्षित होण्याच्या दृष्टीने व वाहतुकीचे नियमन करणे आवश्यक असल्याने कराड शहरातील तहसील कार्यालय, नवीन प्रशासकीय इमारत व परिसरातील अंतर्गत वाहतूक व्यवस्था सुरळीत राहण्यासाठी व वाहनांचे पार्किंग व्यवस्थित करिता आज मध्यरात्रीपासून उद्या मतमोजणी प्रक्रिया पूर्ण होई पर्यंत खालील प्रमाणे वाहतूक व्यवस्थेत तात्पुरता बदल करण्यात आला आहे. वाहतूक मार्गातील तात्पुरता बदल... नवीन प्रशासकीय इमारतीकडे जाणारा मार्ग-- भेदा चौक ते शाहू चौक कडे जाणारा रोड, दत्त चौक ते शाहू चौक जाणारा रोड, दत्त चौक...

  ग्रामपंचायत निवडणुकीच्या मतमोजणीसाठी प्रशासन सज्ज... सातारा दि. 20 : ग्रामपंचायत सार्वत्रिक निवडणुकीच्या मतमोजणीसाठी प्रशासनाची तयारी पूर्ण झाली आहे. प्रत्येक तालुक्याच्या ठिकाणी मतमोजणी होणार असून यासाठी जिल्हा प्रशासन सज्ज आहे.तालुकानिहाय मतमोजणीचे ठिकाण, अधिकारी व कर्मचारी यांची माहिती पुढीलप्रमाणे... कराड तालुक्यात पहिल्या फेरीत टेबल क्रमांक 1 ते 20 वर हनुमानवाडी, वनवासमाची, ओंडोशी, चोरजवाडी, तारुख, दुशेरे, हिंगणोळे, घोलपवाडी, अंतवडी, आणे, पाडळी (हेळगाव), मनु, कासारशिरंबे, पश्चिम सुपने, किवळ, येळगाव, आटके, चरेगाव, तळबीड, वडगाव हवेली या गावांचा समावेश आहे. दुसऱ्या फेरीत टेबल क्रमांक 1 ते 14 वर जुने कवठे, विजयनगर, डेळेवाडी, धावरवाडी, वानरवाडी, जुळेवाडी, गणेशवाडी, शामगाव, कुसुर, कालगाव, रेठरे खुर्द, कोरेगाव, सुपने या गावांचा समावेश असुन मतमोजणी नऊ वाजता सूरू होणार आहे. कराड तालुका  मतमोजणी - नवीन प्रशासकीय इमारत तहसील कार्यालय कराड, टेबल-20, RO- 26, ARO- 33, शिपाई व कोतवाल - 40, पर्यवेक्षक, सहायक - 28 इतर अधिकारी व कर्मचारी -20 कोरेगाव तालुका  मतमोजणी - इनड...