Karad Today

  शासकीय अभियांत्रिकी महाविद्यालय कराड आणि माय कन्सोल यांच्यात सामंजस्य करार... कराड दि.31-:- येथील शासकीय अभियांत्रिकी महाविद्यालयाने पर्यावरणीय शाश्वतता वाढीस लावणे तसेच हरित उपक्रमांना चालना देण्याच्या उद्देशाने लंडन युनायटेड किंगडम येथील पर्यावरण, सामाजिक तसेच प्रशासकीय क्षेत्रातील कंपनी माय कन्सोल यांचे सोबत नुकताच सामंजस्य करार केला. महाविद्यालयाच्या संचालक मंडळाचे अध्यक्ष मोरेश्वर भालसिंग यांचे धोरण नेहमीच पर्यावरण पुरक असुन त्यांचेकडुन संस्थेला पर्यावरणाच्या जागरूकतेबाबत वेगवेगळ्या माध्यमांतून वेळोवेळी मोलाचे मार्गदर्शन लाभले आहे. सामंजस्य कराराबाबत अधिक माहिती देताना मोरेश्वर भालसिंग म्हणाले की "शैक्षणिक व औद्योगिक क्षेत्रात भरीव वाढ व जागरूकता वाढवणे तसेच पर्यावरण पूरक महाविद्यालयीन आवर तयार करणे, पर्यावरण पूरक घटकांचा अभ्यासक्रमात सहभाग करणे, उद्योगाकरिता केस स्टडीज विकसित करणे ह्या काही प्राथमिक उद्दिष्टांचा सामंजस्य करारात समावेश आहे."  याबद्दल कृतज्ञता व्यक्त करताना कंपनीचे संचालक निरंजन वाघमारे म्हणाले " आम्ही या संस्थेस आमचे योगदान देण्यास व सकारात्मक बदल...

कृष्णा कारखान्याचे १३ लाख ५० हजार मे. टन ऊस गाळप... गळीत हंगामाची उत्साहात सांगता; १५ लाख २० हजार क्विंटल साखर पोत्यांचे उत्पादन... शिवनगर, दि .30: येथील य. मो. कृष्णा सहकारी साखर कारखान्याने चेअरमन डॉ. सुरेश भोसले यांच्या मार्गदर्शनाखाली सन २०२३-२४ च्या गळीत हंगामात १३७ दिवसात १३ लाख ५० हजार ६५२ मेट्रिक टन ऊसाचे गाळप केले आहे. तसेच १५ लाख २० हजार ७२० क्विंटल साखर पोती उत्पादित केली असल्याचे प्रतिपादन, व्हाईस चेअरमन जगदीश जगताप यांनी केले. कृष्णा कारखान्याच्या सन २०२३-२४ च्या गळीत हंगाम सांगता समारंभात ते बोलत होते. याप्रसंगी संचालक धोंडीराम जाधव, संजय पाटील, बाजीराव निकम, अविनाश खरात, एक्झिक्युटिव्ह डायरेक्टर सी. एन. देशपांडे, प्र. कार्यकारी संचालक बालाजी पबसेटवार, बहेचे माजी उपसरपंच मनोज पाटील, टेक्निकल को-ऑर्डीनेटर एस. डी. कुलकर्णी, मुख्य शेती अधिकारी प्रकाश सूर्यवंशी यांची प्रमुख उपस्थिती होती. व्हाईस चेअरमन श्री. जगताप पुढे म्हणाले, सर्वांच्या प्रयत्नाने यावर्षीचे उद्दिष्ट कारखान्याने पूर्ण केले आहे. ऊसतोड वाहतूकदारांना कारखाना सर्वोतोपरी सहकार्य करणार असून, त्यांना साखर संघाने ज...

कराडच्या कसाबवाड्यात पोलिसांचा छापा; सहा जणांना घेतले ताब्यात... कराड दि.29-कराड शहरातील गुरूवार पेठ भाजी मंडई, कसाबवाडा व मुजावर कॉलनी येथे सुरू असलेल्या अवैध कत्तलखान्यावर कराड उपविभागीय पोलीस अधिकारी अमोल ठाकूर यांच्या पथकाने आज सकाळी छापा टाकला. यामध्ये कत्तलीसाठी बांधून ठेवलेली 40 जनावरे आढळून आली. तसेच काही मांस कातडेसह आढळून आले. याप्रकरणी पोलिसांनी सहाजणांना ताब्यात घेतले असून वाहतुकीकरीता वापरत असलेली तीन वाहने ही जप्त केले आहेत. याबाबत पोलिसांनी दिलेली माहिती अशी, की कराड उपविभागीय पोलीस अधिकारी अमोल ठाकूर यांना गोपनीय मिळालेल्या माहितीनुसार सहाय्यक पोलीस निरीक्षक अमित बाबर, पोलीस उपनिरीक्षक अनिल पाटील, पोलीस हवालदार प्रविण पवार, सागर बर्गे, दिपक कोळी यांना शहानिशा करणेकरीता भाजी मंडई, कसाबवाडा येथे पाठविले. त्याठिकाणी काही जणांनी गोवंश जातीची जनावरे कत्तल करण्यासाठी बेकायदेशीरपणे डांबून ठेवलेली आढळून आले. याशिवाय मांस ही कातडेसह आढळून आले. दरम्यान मुजावर कॉलनी येथे देखील 4 गोवंश जातीच्या गाई कत्तलीसाठी बांधून ठेवल्याच्या आढळून आल्या. त्यानुसार कराड शहर पोलीस ठाण्याचे वरिष्ठ ...

साहेब पाठीवर मारा पण पोटावर मारू नका; हॉकर्स संघटनेची नगरपरिषदेकडे आर्त हाक... कराड दि.29-शहरातील रस्त्यावरील सर्वे झालेल्या व्यावसायिकांचे पुनर्वसन होत नाही तोपर्यंत त्यांना आहे त्या जागेवरून हाकलू नये असा आदेश असतानाही कराड नगर परिषदेने अतिक्रमण मोहीम राबवून सरसकट व्यवसायिकांना हटवले आहे. त्यामुळे फक्त सर्वे झालेल्यांना व्यवसाय करण्यास परवानगी द्यावी यासाठी कराड हॉकर्स संघटना आक्रमक झाली आहे. त्यामुळे साहेब पाठीवर मारा पण पोटावर मारू नका अशी अशी आर्त हाक हॉकर्स संघटनेने कराड नगरपरिषदेकडे केली आहे. कराड शहरात हातगाडे वाढत असलेने अडचण होत आहे. परंतु सुप्रीमकोर्टाचे आदेशाप्रमाणे पालिकेकडून समिती नेमली गेली नाही व हॉकर्स झोनची निर्मितीही केली नाही. कोर्टाचे आदेशाप्रमाणे 2014 पर्यन्त हॉकर्स धारकांचा ऑनलाईन सर्वे झाला आहे. परंतु त्यांना ओळखपत्र दिले गेले नाही. त्यामुळे नवीन हातगाडे वाढत आहेत. सर्वे झालेल्या लोकांचे पुनर्वसन होत नाही तोपर्यंत त्यांना आहे त्या जागेवरून हाकलू नये असा आदेश आहे.  दरम्यान कराड नगरपालिकेने शहरातील सर्वे झालेल्या व्यावसायिकांना आहे त्या जागेवर व्यवसाय करण्यास ...

आ. पृथ्वीराज चव्हाण यांच्या प्रयत्नांने कृष्णा कालव्यात पाणी आल्याने शेतकरी आनंदित... कराड दि.29: कराड तालुक्यातील व सांगली जिल्ह्यातील जवळपास 60-70 गावातील शेतकऱ्यांची हजारो हेक्टर जमीन गेल्या दोन महिन्यापासून पाण्याविना राहिल्याने प्रश्न गंभीर बनला होता. आज या कृष्णा कालव्यात पाणी खळाळल्याने शेतकरी आनंदित झाले आहेत.  याबाबत कराड तालुक्यातील विशेषतः कार्वे, वडगाव हवेली, शेरे, शेणोली आदी भागातील शेतकऱ्यांनी आ.पृथ्वीराज चव्हाण यांची प्रत्यक्ष भेट घेऊन वरिष्ठ पातळीवरून प्रयत्न करण्याची विनंती केली त्यानुसार आ.पृथ्वीराज चव्हाण यांनी शेतीच्या पाण्याच्या प्रश्नाबाबत सविस्तर माहिती संबंधित अधिकाऱ्यांकडून घेऊन त्यानुसार कृष्णा खोरेचे कार्यकारी संचालक यांना पत्राच्या माध्यमातून 20 मार्च 2024 रोजी पाठपुरावा केला. पण तरीही पाणी सोडण्याबाबत कोणतीही हालचाल झाली नसल्याने संबंधित गावातील शेतकरी पुन्हा एकदा पृथ्वीराज बाबांच्या भेटीला आले त्यानंतर आ. पृथ्वीराज चव्हाण यांनी 26 मार्च रोजी राज्याच्या जलसंपदा विभागाच्या अप्पर मुख्य सचिवांना फोनच्या माध्यमातून शेतीच्या पाण्याच्या प्रश्नाबाबत तसेच उद्भव...

म्होप्रे येथे जमिनीच्या वादातुन खुन करुन पळून गेलेल्या 4 आरोपींना अटक...खुनाचा गुन्हा 2 तासात केला उघड... कराड दि.- म्होप्रे ता. कराड येथे जमिनीच्या वादातून काल सायंकाळी एकाचा खून करण्यात आला होता. या खुनाचा तपास जलद गतीने करून कराड तालुका ग्रामीण पोलीस स्टेशनच्या गुन्हे प्रकटीकरण शाखेने या खून प्रकरणी कराड शहर व परिसरातून 4 जणांना अटक केली आहे. दिलीप संकपाळ हे म्होप्रे ता. कराड गावात त्यांचे घराचे पाठीमागे पत्र्याचे शेडचे काम करीत होते. त्यांचा व त्यांचे भाऊ रमेश संकपाळ यांचा जमिन व जागा वाटपावरुन वाद चालू होता. शेडचे काम चालू असताना रमेश संकपाळ यांची मुले अनिल संकपाळ व सुनिल संकपाळ हे तेथे गेले. त्यांनी शेडचे कामास विरोध करुन काम बंद पाडले. त्याठिकाणी अनिल व सुनिल यांनी दिलीप संकपाळ यांची मुले किरण व किशोर यांचेशी वाद चालु केला. वाद चालु असताना दिलीप संकपाळ यांनी गावातील प्रकाश बाबुराव पाटील यांना मध्यस्थी करण्यासाठी बोलाविले परंतु अनिल व सुनिल त्यांचेदेखील काहीही ऐकत नसल्याने ते निघुन गेले. त्यानंतर अनिल व सुनिल यांनी फोन करुन त्यांचा नातेवाईक रणजित जाधव रा- गोळेश्वर यास तेथे बोलावि...

  कराड तालुका गुन्हे प्रकटीकरण शाखेची कारवाई; बेकायदेशीरत्या प्रवेश करणाऱ्या तडीपार आरोपीच्या मुस्क्या आवळल्या... कराड दि.24-सध्या सुरू असलेल्या लोकसभा निवडणुकीच्या प्रक्रिया दरम्यान बेकायदेशीररित्या प्रवेश करणाऱ्या व सातारा सांगली जिल्ह्यातून तडीपार असणाऱ्या रेकॉर्डवरील गुन्हेगाराच्या कराड तालुका गुन्हे प्रकटीकरण शाखेने रेठरे खुर्द येथे मुस्क्या आवळल्या आहेत. महादेव बाळासो कोळी (वय 36) रा. किल्लेमच्छिद्रगड असे या तडीपार इसमाचे नाव आहे. याबाबत पोलिसांनी दिलेल्या माहितीनुसार, आगामी लोकसभा निवडणुकीच्या अनुषंगाने सातारा जिल्ह्यातील फरारी/पाहिजे व तडीपार तसेच रेकॉर्डवरील गुन्हेगारांना चेक करुन त्याचेवर कडक कारवाई करण्याबाबत पोलीस अधिक्षक समीर शेख व अप्पर पोलीस अधीक्षक आंचल दलाल यांनी वेळोवेळी सुचना दिलेल्या आहेत. तसेच उपविभागीय पोलीस अधिकारी अमोल ठाकुर यांनी वरिष्ठ पोलीस अधिकारी यांनी दिलेल्या सुचनांच्या अनुषंगाने कडक कारवाई करणेबाबत वेळोवेळी मार्गदर्शन केले होते. काल दि. 23 रोजी पोलीस निरीक्षक महेंद्र जगताप यांना त्याचे विशेष गोपनीय बातमीदार मार्फत माहीती मिळाली की, कराड तालुका पोलीस ...

कराड डी बी ने अवैधरित्या दारूची वाहतूक पकडली;सात लाखाचा मुद्देमाल जप्त करीत एकास अटक... कराड दि.24-सार्वत्रिक लोकसभा निवडणूकीच्या काळात कराड शहर डी.बी. पथकाने बैकायदेशीर दारु वाहतुकीवर मोठी कारवाई करीत एका बोलेरो गाडीसह एकुण सात लाखाचा मुद्देमाल जप्त केला आहे. ऋषिकेश दिलीप कणसे (वय 26) रा. शेणोली यास अटक करण्यात आली आहे. याबाबत पोलिसांनी दिलेल्या माहितीनुसार कराड बैल बाजार मलकापूर रोडवर अवैधरित्या दारूची वाहतूक बाबत मिळालेल्या माहितीनुसार कराड शहर गुन्हे प्रकटीकरण शाखेचे पोलीस उप निरीक्षक पतंग पाटील व त्यांच्या टीमने गोकाक पेट्रोल पंपा जवळ सापळा रचुन सापळा रचून बोलेरो गाडी अडवात झडती घेतली असता त्यामध्ये एकुण 1 लाख 16 हजार 160 किंमतीची विदेशी दारुसह  ऋषिकेश दिलीप कणसे वय 26 वर्षे रा. शेणोली ता. कराड यास ताब्यात घेतले.सदर कारवाईत एक बोलेरो गाडीसह एकुण सात लाखाचा मुद्देमाल जप्त करण्यात आला आहे. कराड उपविभागीय पोलीस अधिकारी अमोल ठाकुर, वरिष्ठ पोलीस निरीक्षक के.एन. पाटील यांच्या मार्गदर्शनाखाली गुन्हे प्रकटीकरण अधिकारी पोलीस उप निरीक्षक पतंग पाटील, पोलीस उपनिरीक्षक कृष्णा डिसले, सफौ रघ...

तळमावले प्राथमिक आरोग्य केंद्रात क्षयरोग दिनानिमित्त जनजागृतीपर कार्यक्रम... तळमावले दि.23-जागतिक क्षयरोग दिनानिमित्त तळमावले प्राथमिक आरोग्य केंद्रात जनजागृतीपर कार्यक्रम राबवण्यात आला. यावेळी क्षयरोगाबाबत जनजागृती करुया व आपले गाव क्षयरोगमुक्त करण्यास मदत करुया, असे आवाहन तालुका आरोग्य अधिकारी आर. बी. पाटील यांच्या मार्गदर्शनाखाली वैद्यकीय अधिकारी डॉ. अभय पवार, डॉ नितीन वांगीकर यांनी केले. दि. २४ मार्च हा दिवस जागतिक क्षयरोग दिन साजरा करण्यात येतो. भारतात क्षयरोगाचे परिणाम अधिक असून दररोज ४० हजारांहून अधिक व्यक्तींना क्षयरोगाच्या जंतूंचा संसर्ग होतो. दररोज एक हजारपेक्षा जास्त रुग्ण क्षयरोगामुळे मरण पावतात. जागतिक क्षयरोग दिनानिमित्त प्राथमिक आरोग्य केंद्र तळमावले व उपकेंद्र गुढे, काढणे, कुंभारगाव, खळे येथे जनजागृती आभियानात दोन आठवडे पेक्षा खोकला, वजन कमी होणे, भुक मंदावणे, मानेवर गाठ या प्रकारे आरोग्य शिक्षण दिले तसेच प्रभात फेरी काढण्यात आली. क्षयरुग्ण हे नवीन थुंकी दूषित असतात व उरलेले थुंकी अदूषित असतात. या नवीन थुंकीदूषित क्षयरुग्णांमधील साधारणतः सहा टक्के क्षयरुग्ण मृत्यू पावत...

  कराड शहर डीबी पथकाने तडीपार इसमास केले जेरबंद... कराड दि.20-लोकसभा निवडणुकीच्या पार्श्वभूमीवर कराड शहर डीबी पथकाने जखिनवाडी येथील एका तडीपार इसमास जेरबंद केले आहे. निवडणुकीच्या अनुषंगाने कराड शहर परिसरात तडीपार इसमांची माहिती काढून त्यांच्यावर तात्काळ कारवाई करण्याचे आदेश वरिष्ठांनी दिले होते. त्यानुसार जखिनवाडी येथील पृथ्वीराज येडगे (वय 29) यास जेरबंद करण्यात आले आहे. याबाबत पोलिसांनी दिलेल्या माहितीनुसार सातारा जिल्हा पोलीस प्रमुख समीर शेख, अप्पर पोलीस अधीक्षक आचल दलाल व उपविभागीय पोलीस अधिकारी अमोल ठाकूर यांनी आगामी निवडणुका पाहता कराड शहर पोलीस ठाण्याचे वरिष्ठ पोलीस निरीक्षक के एन पाटील यांना कराड शहरात तडीपार इसमांची माहिती काढून त्यांच्यावर तात्काळ कारवाई करण्याचे आदेश दिले होते. त्यानुसार वरिष्ठ पोलीस निरीक्षक के एन पाटील यांनी पोलीस उपनिरीक्षक पतंग पाटील यांच्या मार्गदर्शनाखाली पोलीस हवालदार शशिकांत काळे, अमित पवार, पोलीस नाईक कुलदीप कोळी, संतोष पाडळे, पोलीस कॉन्स्टेबल अमोल देशमुख, मुकेश मोरे दिग्विजय सांडगे, संग्राम पाटील यांची या कामगिरीसाठी विशेष नियुक्ती केली होती. का...

ऊसतोड सुरू असताना बिबट्याची नवजात बछडी सापडली.... कराड दि.19-हिंगनोळे ता.कराड येथील शेतकरी सौ विद्या निवासराव माने यांच्या शेतात उसतोड सुरू असताना दुपारी बिबट्याची दोन पिल्ले सरीत सापडली. वनविभागाने सायंकाळी त्या पिल्लांची व आईची भेट घडवून आणली. बिबट्याची पिल्ली सापडली असल्याची माहिती वनपाल सागर कुंभार यांना समजताच तातडीने घटनस्थळी जाऊन पिल्ले ताब्यात घेतली. सदर बिबट्याची पिल्लं ही नवजात होती व अजून डोळे उघडायची होती. मादी बिबट्या ही जवळपासच असणार हे ओळखून वाईल्ड लाईफ रेस्कूअर्स कराड च्या टीमला पाचारण करून मादी व पिल्लू यांचे पुनर्मिलन घडवून आणण्याचा निर्णय परिक्षेत्र वनाधिकारी तुषार नवले यांनी घेतला. संध्याकाळी 5.30 वाजता विशिष्ट व्यवस्था करून दोन्ही पिल्ले क्रेट मध्ये सापडलेल्या ठिकाणी कॅमेरे लाऊन पुन्हा ठेवण्यात आले. मादी बिबट्या संध्याकाळी 7.30 वाजता येऊन आपल्या एक पिल्लू अलगदपणे घेऊन गेली. सदर पहिले पिल्लू सुरक्षित ठिकाणी ठेवून पुन्हा दुसऱ्या पिल्लूसाठी मादी बिबट्या 8.20 वाजता आली व दुसरे पिल्लू ही सुरक्षित घेऊन गेली. वनक्षेत्रपाल तुषार नवले, वनक्षेत्रपाल परिविक्षाधीन सुजाता विरक...

  लोकसभेसाठी कराड दक्षिण, उत्तर मतदारसंघात प्रशासन सज्ज;आचारसंहितेचे काटेकोर पालन करा; अतुल म्हेत्रे... कराड, दि. 17 (प्रतिनिधी) कराड दक्षिण व कराड उत्तर विधानसभा मतदारसंघात लोकसभा निवडणुकीसाठी महसूल, पोलीस प्रशासन सज्ज झाले असून दोन्ही मतदारसंघात आदर्श आचारसंहितेचे सर्वांनी काटेकोरपणे पालन करावे, असे आवाहन कराड दक्षिणचे सहाय्यक निवडणुक निर्णय अधिकारी अतुल म्हेत्रे व उत्तरचे सहाय्यक निवडणूक निर्णय अधिकारी विक्रांत चव्हाण यांनी केले आहे. लोकसभा निवडनुकीच्या अनुषंगाने सातारा लोकसभा मतदारसंघातील कराड दक्षिण व कराड उत्तर मतदार संघातील प्रशासनाची तयारी, आदर्श आचारसंहिता, मतदान केंद्रे यांची माहिती देण्यासाठी येथील प्रशासकीय मध्यवर्ती कार्यालयात पत्रकार परिषदेचे आयोजन करण्यात आले होते. यावेळी कराड उपयोगी पोलीस अधिकारी अमोल ठाकूर, तहसीलदार विजय पवार उपस्थित होते सातारा लोकसभा मतदारसंघासाठीचा निवडणूक कार्यक्रम पुढीलप्रमाणे आहे. (१) अधिसूचना प्रसिध्दी - शुक्रवार दि. 12 एप्रिल 2024, (२) उमेदवारी अर्ज दाखल करणे दि. 12 ते 19 एप्रिल(३) अर्जाची छाननी - शनिवार दि. 20 एप्रिल 2024, (४) उमेदवारी अर्...

  उद्योगिनी फाउंडेशनच्या रन फॉर नेशन मिनी मेराथॉन स्पर्धेत उत्साहाने धावल्या शेकडो महिला... कराड दि .16-महिला दिनाचे औचित्य साधून सक्षम राष्ट्र उभारणीमध्ये महिलांचे योगदान आणि राष्ट्रा प्रती निष्ठा व्यक्त करण्यासाठी उद्योगिनी फाउंडेशन व विविध महिला संस्थांच्यावतीने जागतिक महिला दिनानिमित्त रन, वॉक फॉर नेशन या संकल्पनेवर आधारित महिलांची मिनी मेराथॉन स्पर्धा उत्साहात संपन्न झाली.  सकाळी 6 वाजल्यापासूनच या मेराथॉनसाठी संपूर्ण कराड शहरातून अत्यंत आनंद व उत्साहात महिलांची पावले दत्त चौकातील छत्रपती शिवाजी महाराज पुतळ्याकडे धाव घेत होती आणि बघता बघता शेकडो महिला या रन / वॉक फॉर नेशनसाठी जमा झाल्या. सकाळी 6.30 वाजता छत्रपती शिवाजी महाराज यांच्या पुतळ्यास अभिवादन करुन आझाद चौक-चावडी चौक ते प्रितीसंगम घाट अशा मार्गाने होत असलेल्या मेराथॉन स्पर्धेत पांढऱ्या रंगाचा पोशाख परिधान करुन विविध वयोगटातील, विविध स्तरातील महिला उत्साहाने, आनंदाने एक वेगळ्या उर्जेने धावत होत्या. ही मिनी मेराथॉन स्पर्धा छत्रपती शिवाजी महाराज पुतळ्या पासून सुरु होऊन प्रितीसंगमावरील घाटाजवळ समाप्त झाली. स्व. यशव...

  लोकसभेची आचारसंहिता लागल्याने कराडातले फलक काढले... कराड दि.16 (प्रतिनिधी) लोकसभा निवडणूक 2024 च्या अनुषंगाने भारतीय निवडणूक आयोगाने आज मतदानाच्या तारखा घोषित केल्याने आजपासून आदर्श आचारसंहिता लागू झाली आहे. त्यामुळे कराड शहरात ठीक ठिकाणी लागलेले राजकीय फ्लेक्स बॅनर फलक कराड नगर परिषदेच्या आरोग्य विभागाच्या कर्मचाऱ्यांनी काढले. तसेच राजकीय संघटना व पक्षांचे बोर्ड झाकून टाकण्यात आले आहेत. लोकसभेचा निवडणूक कार्यक्रमास घोषित झाल्याने आदर्श आचारसंहिता लागू झाली आहे त्यामुळे कराड शहरात ठिकठिकाणीच्या चौकात विविध राजकीय पक्षांचे, नेत्यांचे फ्लेक्स, विविध कार्यक्रमानिमित्त सणानिमित्त विविध पक्षांच्याकडून देण्यात येणाऱ्या शुभेच्छा फलक कराड नगर परिषदेच्या आरोग्य विभागाच्या कर्मचाऱ्यांनी काढण्यास सुरुवात केली आहे तसेच शहरात अनेक ठिकाणी विविध राजकीय पक्ष, संघटना आदींचे फलक झाकण्यात येत आहेत. आज निवडणूक आयोगाकडून निवडणुकीची घोषणा होणार असल्याने महसूल तसेच नगरपरिषदेच्या वतीने विविध विभागातील अधिकारी कर्मचारी यांची बैठक घेण्यात आली. या बैठकीत प्रांताधिकारी अतुल मेहत्रे तहसीलदार विजय पवार यांच्य...

  लोकसभा निवडणुकीची घोषणा; 7 टप्प्यात होणार निवडणूक... नवी दिल्ली दि. 16-केंद्रीय निवडणूक आयोगाकडून आज लोकसभा निवडणुकीची घोषणा मुख्य निवडणूक अधिकारी राजीव कुमार यांनी केली असून लोकसभेची निवडणूक टप्प्यात 7 होणार आहे. त्यामुळे आजपासून आचारसंहिता लागू होणार आहे. महाराष्ट्रात पाच टप्प्यात मतदान होणार असून 19 एप्रिलला पहिल्या टप्प्यात तर 20 मे रोजी शेवटचा टप्पा असणार आहे. देशात पहिल्या टप्प्यातील निवडणूक 19 एप्रिलला होणार असून 4 जूनला सर्व मतमोजणी होणार आहे. आज 16 मार्चपासून आचारसंहिता सुरू. 12 एप्रिल पासून उमेदवारी अर्ज भरले जाणार, 20 एप्रिल छाननी, 22 एप्रिल पर्यंत उमेदवारी अर्ज मागे घेण्याची मुदत, 4 जून रोजी निवडणूक निकाल लागणार आहे. महाराष्ट्रात पाच टप्प्यात मतदान होणार आहे. 19 एप्रिल, 26 एप्रिल, 7 मे, 13 मे, 20 मे या पाच टप्प्यात मतदान होणार आहे. सर्व मतमोजणी 4 जून ला होणार आहे. महाराष्ट्रात पहिल्या टप्प्यात 19 एप्रिलला मतदान होत असून यामध्ये रामटेक, नागपूर, भंडारा -गोंदिया, गडचिरोली-चिमूर, चंद्रपूर या जिल्ह्यांचा समावेश आहे. दुसऱ्या टप्प्यात 26 एप्रिल रोजी बुलढाणा, अकोला, अमरावती, ...

कराड दक्षिणमध्ये रस्त्यांचे जाळे होणार आणखी गतिमान... कराड दक्षिणमध्ये रस्ते विकासासाठी २३० कोटींचा निधी मंजूर डॉ. अतुलबाबा भोसले यांच्या प्रयत्नांतून रस्त्यांचे जाळे होणार आणखी गतिमान.... कराड, ता. १४ : कराड दक्षिणमध्ये रस्ते विकासाचे जाळे आणखी गतिमान होणार आहे. भाजपाचे सातारा लोकसभा प्रभारी डॉ. अतुल भोसले यांच्या प्रयत्नांमुळे हायब्रिड अन्युईटी मॉडेल टप्पा २ अंतर्गत पाटण तालुका हद्द – किरपे – विंग – वाठार – रेठरे – शेणाली स्टेशन (पाटण तालुका हद्द ते शेणोली स्टेशन रस्ता - एकूण लांबी ३८.५० कि.मी.) या रस्त्याच्या सुधारणेसाठी महाराष्ट्र राज्य शासनाकडून २३० कोटी रुपयांचा निधी मंजूर करण्यात आला आहे. कराड दक्षिणमधील रस्त्यांच्या विकासासाठी इतक्या मोठ्या निधीला मंजुरी मिळण्याची ही पहिलीच वेळ आहे. डॉ. अतुल भोसले यांच्या सातत्यपूर्ण पाठपुराव्यामुळे भाजप सरकारकडून या निधीला मंजुरी मिळाली असून, लवकरच या रस्त्याच्या कामांना प्रारंभ होणार आहे.  डिचोली - नवजा – हेळवाक – मोरगिरी – साजूर – तांबवे – विंग – वाठार – रेठरे – शेणाली स्टेशन रा. मा. १४८ कि.मी. ६२/५०० ते १०१ (एकूण लांबी ३८.५० कि.मी.) हा ...

  सैदापुरात सुनेला पळवून नेल्याच्या कारणावरून तिघांवर खुनी हल्ला; हल्ल्यात एकाचा मृत्यू... कराड दि.14- सैदापुर ता. कराड येथे काल रात्री सुनेला पळवून नेल्याच्या कारणावरून ऊसतोड करणाऱ्या मदने कुटुंबातील तिघांवर खुनी हल्ला केल्याची घटना घडली असून या हल्ल्यात एकाचा मृत्यू मृत्यू झाला आहे. याप्रकरणी कराड शहर पोलिसांनी शेनोली येथील एकास तात्काळ अटक केली आहे. विजय धर्मा जाधव (वय-55) वर्षे मुळ रा. शेणोली स्टेशन गोपाळवस्ती ता. कराड (सध्या सुरेश सांळखे गु-हाळावरील कामगार) असे या कुणी हल्ला करणाऱ्या आरोपीचे नाव आहे. या हल्ल्यात बाबा आळवंत मदने (वय-50) यांचा मृत्यू झाला आहे. याबाबत पोलिसांनी दिलेल्या माहितीनुसार, काल रात्री कराड शहर पोलीस ठाणेचे हद्दीत सैदापूर येथील अंबक वस्ती येथील संतोष देसाई यांचे गुराळातील ऊस तोडीच्या कामावर असलेले बाबा आळवंत मदने वय-50 वर्षे, मुळ रा. तडवळे बहुज ता. खटाव यांचे झोपडीमध्ये विजय धर्मा जाधव (वय-55) वर्षे मुळ रा. शेणोली स्टेशन गोपाळवस्ती ता. कराड (सध्या सुरेश सांळखे गु-हाळावरील कामगार) याने त्याची विवाहीत सुन सपना हि बाबा मदने यांचा मुलगा अक्षय मदने यांने पळवू...

श्री पावकेश्वर मंदिराच्या जिर्णोद्धारासाठी १० कोटींचा निधी मंजूर... डॉ. अतुल भोसले यांच्या प्रयत्नांना यश; रस्ते विकास महामंडळामार्फत होणार विकास... कराड, दि.13: सैदापूर (ता. कराड) येथील प्राचीन अशा श्री पावकेश्वर मंदिराच्या जिर्णोद्धारासाठी शासनाने मान्यता दिली आहेत. तसेच सुमारे १० कोटींच्या निधीस मंजुरी दिली आहे. भाजपाचे सातारा लोकसभा प्रभारी डॉ. अतुल भोसले आणि श्रीनिवास जाधव यांच्या सातत्यपूर्ण प्रयत्नामुळे हे जिर्णोद्धाराचे काम आता महाराष्ट्र राज्य रस्ते महाविकास मंडळामार्फत करण्यात येणार असून, त्याचा विकास आराखडाही तयार करण्यात आल्याने लवकरच या प्राचीन मंदिराच्या जिर्णोद्धाराच्या कामास प्रारंभ केला जाणार आहे. कृष्णा-कोयनेच्या तीरावर वसलेल्या सैदापूर गावाच्या पवित्र भूमीत, कृष्णामाईच्या तीरावर पूर्वाभिमुखी असे श्री पावकेश्वराचे प्राचीन मंदिर आहे. श्री पावकेश्‍वर मंदिराचे बांधकाम हे साधारण १७ व्या शतकात झालेले असून, मंदिरावर अनेक दुर्मिळ शिल्पकलेचे नमुने पाहावयास मिळतात. या मंदिराचे एक खास वैशिष्ट्य असे, की शिवलिंगावर ओतलेले पाणी हे बहुतांश मंदिरांमध्ये गोमुखातून बाहेर जाते. पण श्री...

रेठरे बुद्रुक व काले येथे दफनभूमी परिसर विकासासाठी १ कोटींचा निधी मंजूर... डॉ. अतुलबाबा भोसले यांच्या प्रयत्नांना यश; मंत्री अब्दुल सत्तार यांचे सहकार्य... कराड, दि.12: कराड दक्षिण मतदारसंघातील रेठरे बुद्रुक आणि काले या गावांमधील दफनभूमी परिसराच्या विकासासाठी भाजपाचे सातारा लोकसभा प्रभारी डॉ. अतुलबाबा भोसले यांच्या प्रयत्नांमुळे एकूण १ कोटी रुपयांचा विकासनिधी मंजूर झाला आहे. या निधीसाठी राज्याचे अल्पसंख्याक विकास मंत्री ना. अब्दुल सत्तार यांचे विशेष सहकार्य लाभले आहे. राज्यातील अल्पसंख्याक बहुल ग्रामीण क्षेत्रात पायाभूत सुविधा उपलब्ध करुन देऊन, त्याठिकाणी राहणाऱ्या अल्पसंख्याक लोकसमुहातील नागरिकांच्या जीवनमानाचा दर्जा उंचावण्यासाठी भाजपा-महायुतीचे सरकार प्रयत्नशील आहे. या अनुषंगाने कराड दक्षिण मतदारसंघातील रेठरे बुद्रुक आणि काले येथील अल्पसंख्याक समाजासाठी निधी मिळावा, अशी मागणी या भागातील ग्रामस्थांनी भाजपचे सातारा लोकसभा प्रभारी डॉ. अतुलबाबा भोसले यांच्याकडे केली होती.  त्यानुसार डॉ. भोसले यांनी याकामी अल्पसंख्याक विभागाच्या माध्यमातून निधी उपलब्ध करून देण्याची मागणी, राज्याचे अल...

महामार्गावरील पादचारी पूल दोन टप्प्यात पाडणार; महामार्गावरील वाहतुकीत मोठा बदल... कराड दि.11 (प्रतिनिधी) पुणे बेंगलोर महामार्गावरील कोल्हापूर नाका जवळ खरेदी विक्री पेट्रोल पंपा समोर असणारा पादचारी पूल बुधवारी रात्री पाडण्यास सुरुवात करण्यात येणार आहे. हा पादचारी पुल दोन टप्प्यात पाडण्यात येणार आहे. त्या अनुषंगाने जिल्हा वाहतूक शाखेचे पोलीस निरीक्षक विकास धस तसेच कराड शहर वाहतूक नियंत्रण शाखेचे सहाय्यक पोलीस निरीक्षक राहुल वरोटे यांनी आज संबंधित पुलाचे ठिकाण, कोल्हापूर नाका, ढेबेवाडी फाटा या ठिकाणी वाहतूक व्यवस्थेची पाहणी केली असून सायंकाळी सातारा जिल्हा पोलीस प्रमुख समीर शेख यांनी या वाहतुकीतील बदला संदर्भात अध्यादेश जारी केला आहे. कराड उपविभागीय पोलीस अधिकारी अमोल ठाकूर यांच्या सूचनेनुसार कराड शहर वाहतूक नियंत्रण शाखेचे सहाय्यक पोलीस निरीक्षक राहुल वरोटे व त्यांच्या टीमने बुधवारी रात्री 10 ते गुरुवारी पहाटे 5 व शुक्रवारी रात्री 10 ते शनिवारी पहाटे 5 दरम्यान महामार्गावरील तसेच कराड शहर व मलकापूर येथील या वाहतुकीतील बदला संदर्भात योग्य नियोजन केले आहे. महामार्गावरील हा पादचारी पूल बुधवा...

यशस्वी होण्यासाठी युवकांनी वैचारीक व आकलन क्षमता वाढविणे आवश्यक : डॉ. राधाकृष्णन पिल्लई... कराड दि.11-युवकांनी यशस्वी होण्यासाठी जे दिसत त्या पलिकडचे पहायला आणि जे ऐकू येते त्या मागचे ऐकायला शिकले पाहिजे. यासाठी वैचारिक क्षमता वाढविली पाहिजे. विचार करण्यासाठी अनुभवाची गरज नसते तर स्वतःची आकलन शक्ती वाढविण्याची गरज असते. आणि यामुळेच जीवनात यशस्वी होण्यासाठी उपलब्ध असलेल्या विविध संधींमधील योग्य पर्याय निवडणे सुलभ होत असल्याचे प्रतिपादन प्रसिद्ध व्याख्याते प्रशिक्षक व वैयक्तिक मार्गदर्शक डॉ. राधाकृष्णन पिल्लई यांनी केले. दि कराड अर्बन को-ऑप. बँक लि. कराडच्यावतीने सातारा येथील स्व. यशवंतराव चव्हाण सभागृहामध्ये सातारा शहरातील पहिल्या व बँकेच्या १३ व्या उद्योजकता विकास शिबिराचे आयोजन केले होते. याशिबिरास प्रमुख वक्ते प्रसिद्ध व्याख्याते, प्रशिक्षक व वैयक्तिक मार्गदर्शक डॉ. राधाकृष्णन पिल्लई यांनी विद्याथ्यांना 'युवकांना यशस्वी जीवनासाठी चाणक्य नीति' या विषयावर केले. डॉ. पिल्लई पुढे म्हणाले की, परिस्थिती कशीही असली तरी मनस्थिती ही योग्यच असली पाहिजे. व्यवसाय वाढविण्यासाठी फक्त ज्ञान ...

भाजपा सरकारचे कराड दक्षिणवर विशेष लक्ष : मदनराव मोहिते... विंग येथे ७३ लाखांच्या विकासकामांचे भूमिपूजन व उद्घाटन उत्साहात... विंग, ता. १० : केंद्रात आणि राज्यात सत्तेवर असलेल्या भाजपा सरकारचे कराड दक्षिणवर विशेष लक्ष आहे. विकासाची आस असलेल्या डॉ. अतुल भोसलेंना ताकत देण्यासाठी सरकारकडून भरभरून विकासनिधी दिला जात आहे. डॉ. अतुल भोसलेंच्या सक्षम नेतृत्वामुळे गेले वर्षभर कराड दक्षिणमध्ये विकासाचा झंझावात सुरू आहे, असे प्रतिपादन य. मो. कृष्णा सहकारी साखर कारखान्याचे माजी चेअरमन मदनराव मोहिते यांनी केले. विंग (ता. कराड) येथे विविध विकासकामांच्या भूमिपूजन व उदघाटनप्रसंगी ते बोलत होते. भाजपाचे सातारा लोकसभा प्रभारी डॉ. अतुल भोसले यांच्या विशेष प्रयत्नातून विंग येथे कणसे पाणंद ते विंग वेशीपर्यंत रस्ता खडीकरण व डांबरीकरण (५० लक्ष), वेताळनगर रस्ता काँक्रीटीकरण (१० लक्ष), सुरेश नलवडे घर ते प्राथमिक आरोग्य केंद्र रस्ता खडीकरण व डांबरीकरण (५ लक्ष), जिल्हा परिषद शाळा खोल्या दुरुस्ती (५ लक्ष) आणि व्यायाम शाळा साहित्य (३ लाख) असा एकूण ७३ लाख रुपयांचा विकासनिधी प्राप्त झाला आहे. या विविध विकासकामांचे भूम...

आ.पृथ्वीराज चव्हाण (बाबा) यांचे प्रयत्नातून आटके येथे मंजूर झालेल्या ५ कोटी ३० लाखांच्या विकास कामांचे उदघाटन व भूमीपुजन संपन्न... कराड दि.10-कराड दक्षिण मतदार संघातील आटके, ता. कराड येथील पाचवड वस्ती ते बाराबिगा रेठरे बुद्रुककडे जाणाऱ्या रस्त्याचे उद्घाटन महाराष्ट्र प्रदेश काँग्रेस कमिटी सरचिटणीस उदयसिंह पाटील (दादा) व पवार वस्ती ते पीरापर्यंत जाणा-या रस्त्याचे भूमीपुजन कराड दक्षिण तालुका काँग्रेस कमिटी मनोहर शिंदे, युवा नेते इंद्रजीत चव्हाण यांच्याहस्ते संपन्न झाले. सदर कार्यक्रमाचे अध्यखतेखाली आटके गावच्या लोकनियुक्त सरपंच सौ. रोहिणी पाटील ह्या उपस्थित होत्या.  त्यावेळ उदयसिंह पाटील (दादा) यांनी कराड दक्षिण विधानसभा मतदार संघात आ.पृथ्वीराज चव्हाण (बाबा) यांचे माध्यमातून विविध विकास कामांना निधी उपलब्ध होत आहे. त्याचप्रमाणे आटके गावामध्ये ५ कोटी ३० लक्ष एवढा भरघोस निधी उपलब्ध करुन दिला असून या गावाने नेहमीच काँग्रेसच्या विचार धारेला साथ दिलेली आहे. त्यामुळे देशात व राज्यात या मतदार संघाची वेगळी ओळख आहे. यापुढेही आपले गाव काँग्रेसच्या विचाराच्या पाठीशी ठाम उभे राहील. मनोहर शिंदे ...