Karad Today

  कराडचा सराईत गून्हेगार अभिनंदन झेंडे वर्षभरासाठी स्थानबध्द... कराड दि.28 (प्रतिनिधी) कराडचा सराईत गून्हेगार अभिनंदन झेंडे याच्यावर एमपीडीए (महाराष्ट्र प्रोहिबिशन ऑफ डेंजरस अ‍ॅक्टिव्हिटी) नूसार कारवाई करीत त्यास एक वर्षासाठी स्थानबध्द करुन जिल्हा पोलिस प्रमुख समिर शेख व कराडचे वरिष्ठ पोलिस निरिक्षक बी आर पाटील यांनी झेंडेला दणका दिला आहे.विविध गून्हे दाखल असलेल्या झेंडेने पोलिसांना जेरीस आणले होते.तडीपार हद्दपार करुन ही झेंडे सूधरत नसल्याने त्याच्या विरोधात एमपीडीए अॅक्ट नूसार कारवाई करण्याबाबत पो.नि पाटील यांनी एसपींकडे प्रस्ताव सादर केला होता. याबाबत पोलिसांकडून मिळालेल्या माहितीनूसार अभिनंदन रतन झेंडे (वय 35) रा. शाहू चौक कराड हा खुनाचा प्रयत्न करणे, दुखापत करणे, शिवीगाळ करणे, धमकी देणे, बेकायदेशीर जमाव जमवुन दहशत निर्माण करून मालमत्तेचे नुकसान करणे, सार्वजनिक शांतता भंग करणे, बेकायदेशीर हत्यार बाळगणे, सरकारी नोकरास मारहाण करणे, खंडणी मागणे, जबरी चोरी असे गुन्हे सातत्याने करीत होता. त्यास सातारा जिल्हयातून तडीपार करुन देखील त्यास गुन्हेगारी कृत्यापासून परावृत्त करणे अशक्यप्राय ...

कराड नगरपरिषदेचे दरवाढ नसलेले 366 कोटींचे बजेट मंजूर... कराड दि.28 (प्रतिनिधी) कराड नगर परिषदेचा सन 2023-24 चा दरवाढ नसलेला 366 कोटींचे अंदाजपत्रक प्रशासकीय बैठकीत मंजूर झाल्याची माहिती मुख्याधिकारी तथा प्रशासकीय अधिकारि रमाकांत डाके यांनी प्रसिद्धी पत्रिका द्वारे दिली आहे. सन 2023-24 या वर्षाचा अर्थसंकल्प (बजेट) तयार झालेले असून एकूण 366 कोटी 7 लाख रुपयांचा कोणतीही दरवाढ नसलेला हा अर्थसंकल्प असून यामध्ये विविध विभागांसाठी तरतुदी करण्यात आल्या आहेत. या बजेटमध्ये अपेक्षित महसुली जमा 106 कोटी 71 लाख 25 हजार 45 इतकी दाखवण्यात आली आहे. यामध्ये सन 2022- 23 ची अखेरची व सन 2023-24 ची आरंभीची शिल्लक 10 लाख 94 हजार 837 अशी एकूण महसुली जमा 106 कोटी 82 लाख 19 हजार 882 दर्शवण्यात आली आहे. या बजेटमध्ये अपेक्षित भांडवली जमा 232 कोटी 38 लाख 27 हजार 667 इतकी दाखवण्यात आली आहे. यामध्ये सन 22-23 ची अखेरची व सन 23-24 ची आरंभीची शिल्लक 26 कोटी 87 लाख 48 हजार 576 अशी एकूण भांडवली जमा 259 कोटी 25 लाख 76 हजार 243 दर्शविण्यात आली आहे. बजेटमध्ये अपेक्षित महसुली खर्च 106 कोटी 79 लाख 10 हजार 402 इतका दर्शवण्यात ...

  रस्ते अपघात कमी करण्यासाठी आरटीओ कार्यालय सक्रिय;उप प्रादेशिक परिवहन अधिकारी विनोद चव्हाण... सातारा-दि.27-जिल्ह्यातील वाढती अपघातांची संख्या पाहता याविषयी उप प्रादेशिक परिवहन कार्यालयाकडून उपाययोजना राबविण्यात येत आहेत. अपघातांची संख्या कमी करणे. तसेच रस्ते सुरक्षेमध्ये वाढ करणे हा या उपाययोजनांचा उद्देश आहे. अपघात व अपघाती मृत्यू कमी करण्याच्या दृष्टीने जिल्ह्यासाठी उपाययोजना केल्याची माहिती उपप्रादेशिक परिवहन अधिकारी विनोद चव्हाण यांनी दिली.  ज्या ठिकाणी वारंवार अपाघात घडतात अशा ब्लॅकस्पॉटनिहाय अधिकारी यांची नेमणूक केली. इतर यंत्रणांशी समन्वयातून 42 वरुन 08 इतके ब्लॅकस्पॉट शिल्लक राहिले एकूण 34 ब्लॅकस्पॉट कमी झाले. रस्ता सुरक्षा व इतर कारवाईबाबत लक्षांक साध्य करण्यासाठी विशेष पथकांची निर्मिती व कारवाई. रस्ता सुरक्षा जनजागृती कार्यक्रमाचे विविध स्तरावर आयोजन. रस्त्याच्या उजव्या बाजूने चाला अशा प्रकारचे अभियान राबाविण्यात आले. राष्ट्रीय, राज्य व इतर रस्ते यांच्याबाबत कारावयाच्या उपाययोजना संदर्भात आवश्यक बाबींची पुर्तता करण्यासाठी समन्वय साधून कामकाज केले.  पूढे वाचा.....

  कोल्हापूर नाका-जाधव आर्केड नजीकचा बोगदा अखेर जमीनदोस्त;नवीन पूल उभारणीचा लवकरच शूभारंभ... कराड दि.27 (प्रतिनिधी) महामार्गावरील कोल्हापूर नाका येथिल जाधव आर्केड नजीकचा बोगदा अखेर आज जमीनदोस्त करण्यात आला.तत्पूर्वी बोगद्यापासून हाॅटेल पंकज दरम्यानचा पूलाचा संपूर्ण भराव काढण्यात आला असून या ठिकाणी नवीन पूलाच्या पहिल्या पिलरच्या उभारणीचा लवकरच शूभारंभ करण्यात येणार आहे.या ठिकाणापासून ते लोटस फर्निचर दरम्यान 3.4 कि.मी.चा सिंगल पिलवरील सहा लेनचा नवीन उड्डाणपूल बांधण्यात येणार आहे. पूढे वाचा... 2005 साली हा बोगदा वाहतुकीला खूला करण्यात आला होता.गर्दीच्या वेळी शाहू चौकातून दैत्य निवारणी,रणजित टाॅवर,पंकज लाॅन पासून महामार्गावर जाण्यासाठी हा बोगदा उपयोगी पडत होता.कालांतराने महामार्गावरील वाहतूक वाढल्यानंतर या बोगद्यातील मार्ग अडचणीचा ठरू लागला होता.परिणामी अपघात घडू लागल्याने रस्ते विकास महामंडळ व वाहतुक पोलिस प्रशासनाने तो बोगदा बंद करण्यावर विचार विनिमय केला.त्यानंतर या बोगद्याच्या दोन्ही बाजूला बहिर्वक्र मिरर बसवण्यात आले.मात्र याचा ही फारसा उपयोग झाला नाही.ऊलट वाहनचालक चूकीच्या दि...

कराड नगरपरिषदचे मुख्याधिकारी रमाकांत डाके यांना मातृशोक... कराड दि.27- : कराड नगरपरिषदेचे विद्यमान मुख्याधिकारी रमाकांत डाके यांना आज 27 फेब्रुवारी रोजी सकाळी मातृशोक झाला. डाके यांच्या मातोश्री सौ.सुनिता दिलीप डाके (वय-  61) यांचे आज सकाळी सव्वासात वाजता हृदयविकाराच्या तीव्र झटक्याने पलूस या त्यांच्या राहत्या घरी दुःखद निधन झाले. सौ सुनीता डाके यांनी आपल्या मुलांना चांगले शिक्षण मिळावे असा नेहमी प्रयत्न केला. त्यांनी पारंपरिक व्यवसायात पतीला सर्वतोपरी मदत केली आहे. स्वतःचे शिक्षण कमी असुन त्यांनी आपल्या मुलांना चांगल्या प्रकारे शिक्षण दिले आहे. त्यांचा मुलगा रमाकांत डाके मुख्याधिकारी असुन लहान मुलीने डी.एड शिक्षण पूर्ण केले आहे. तसेच रमाकांत डाके हे प्रशासकीय सेवेत रुजू असून कराड नगरपरिषदेचे विद्यमान मुख्याधिकारी म्हणून ते कार्यरत आहेत.  सौ. सुनिता दिलीप डाके यांच्यावर पलूस (ता. पलूस) येथे अंत्यसंस्कार करण्यात आले. तसेच सौ सुनीता डाके यांच्या पश्चात एक मुलगा व 2 मुली, नात, नातवंडे असा परिवार आहे. रक्षाविसर्जन  1 मार्च रोजी सकाळी 9 वाजून 30 मिनिटांनी पलूस येथील स्मशानभूमी...

  नागझरी येथील आश्रमशाळा डिजिटल करणार - सारंग पाटील... कराड दि.26-ग्रामीण भागातील गरिब, होतकरु विद्यार्थ्यांना तसेच आश्रमशाळेतील विद्यार्थांच्या दर्जेदार शिक्षणासाठी मदत करण्याची इंद्रधनु फाउंडेशन या सामाजिक संघटनेची भूमिका दिशादर्शक आहे. नागझरी ता.कोरेगाव येथील संत रोहिदास आश्रमशाळा डिजिटल करण्यासाठी श्रीनिवास पाटील सोशल फाउंडेशन पुढाकार घेइल असा विश्वास राष्ट्रवादीच्या आयटी सेलचे प्रदेशाध्यक्ष सारंग पाटील यांनी व्यक्त केला.. पूढे वाचा... माजी राज्यपाल खा.श्रीनिवास पाटील यांच्या वाढदिवसानिमित्ताने इंद्रधनु फाउंडेशन, कराडच्या वतीने नागझरी ता.कोरेगांव येथील संत रोहिदास आश्रमशाळेतील ८३ विद्यार्थी विद्यार्थीनींना शालेय साहित्य , क्रीडा साहित्याचे वाटप सारंग पाटील यांच्या हस्ते करण्यात आले. यावेळी इंद्रधनु फाउंडेशनचे विश्वस्त विकास भोसले, नितीन ढापरे, संदिप चेणगे, माणिक डोंगरे, अशोक मोहने, प्रमोद‌ तोडकर, सरपंच परिषदेचे प्रदेशाध्यक्ष जितेंद्र भोसले, माजी सरपंच आर.आर.फडतरे, सामाजिक कार्यकर्ते विकास थोरात, बाळासाहेब भोसले, सरपंच वैशाली धनाजी यादव, उपसरपंच विश्वास भोसले, पोलीस पाटील रुपाली...

  ग्रामीण महिला नवउद्योजकांची अनोखी कराडची जत्रा;महिला बचत गटाच्या उत्पादित मालाचा खरेदी महोत्सव... कराड, दि.25: कराड तालुक्यातील ग्रामीण भागामधील उमेद अभियान अंतर्गत असलेल्या बचत गटाच्या महिलांनी उत्पादित केलेल्या वस्तूंना बाजारपेठ मिळवण्याच्या अनुषंगाने व प्रोत्साहन देण्यासाठी नाविण्यपूर्ण अशा कराडच्या जत्रेचे आयोजन दि.28 फेब्रुवारी व 1 मार्च रोजी करण्यात आले आहे. कराड येथील बैल बाजार मैदान, शेती उत्पन्न बाजार समिती येथे उमेद- तालुका अभियान व्यवस्थापन कक्ष, कराड पंचायत समिती व ज्ञानदीप राष्ट्रीय सामाजिक व शैक्षणिक विकास संस्था ओंड यांच्या वतीने या कराडच्या जत्रेत 100 स्टॉल मधून घरगुती व दर्जेदार उत्पादने खरेदी करण्याची संधी कराडकरांना उपलब्ध होणार असल्याची माहिती कराड पंचायत समितीच्या गटविकास अधिकारी मीना साळुंखे यांनी दिली. ग्रामीण महिलांनी उत्पादित केलेल्या मालाला विक्रीची खात्रीशीर बाजारपेठ मिळवून देण्याच्या प्रामाणिक हेतूने उमेद तालुका अभियान कक्ष पंचायत समिती कराड व ज्ञानदीप राष्ट्रीय सामाजिक व शैक्षणिक व संस्था यांच्या संयुक्त विद्यमाने सातारा जिल्हा परिषदेचे मुख्य कार्यकार...

  गावांच्या विकासासाठी निधीची कमतरता पडू दिली जाणार नाही... पालकमंत्री शंभूराज देसाई यांची सरपंचांच्या कार्यशाळेत ग्वाही... सातारा-दि.25- गावच्या विकासात ग्रामपंचायतचा मोठा वाटा आहे .शासनाच्या विविध योजनांचा लाभ घेऊन गावच्या विकासाबरोबर गावातील नागरिकांना रोजगार कसा मिळेल यासाठी सरपंच व सदस्यांनी  प्रयत्न करावे  तसेच विकास कामांसाठी शासनाकडून निधीची कमतरता पडू दिली जाणार नाही अशी ग्वाही पालकमंत्री शंभराज देसाई यांनी दिली. पाटण विधानसभा मतदारसंघातील सरपंच, उपसरपंच व ग्रामपंचायत सदस्य यांची एकदिवशीय कार्यशाळा महाराष्ट्र दौलत लोकनेते बाळासाहेब देसाई शताब्दी स्मारक दौलतनगर ता.पाटण येथे आयोजित करण्यात आली.  या एकदिवशीय कार्यशाळेचे उद्घाटन   राज्य उत्पादन शुल्क  तथा पालकमंत्री श्री. देसाई यांच्या हस्ते झाले आहे. यावेळी ते बोलत होते. या प्रसंगी सांगली जिल्हा परिषदेचे मुख्य कार्यकारी अधिकारी जितेंद्र डुडी, यशदाचे उपमहासंचालक डॉ. मल्लीनाथ कलशेट्टी ,जिल्हा परिषदेचे प्रभारी मुख्य कार्यकारी अधिकारी महादेव घुले, उपमुख्य कार्यकारी अधिकारी अर्चना वाघमाळे, रविराज देसा...

  कोल्हापूरच्या कणेरी मठातील गो-शाळेतील अनेक गायींचा मृत्यू... कोल्हापूर दि.24-कोल्हापूर जिल्ह्यातील सिध्दगिरी कणेरी मठात (Siddhagiri Sansthan Kaneri Math) शिळे अन्न खायला घातल्याने 50 हून अधिक गायींचा मृत्यू झाल्याची खळबळजनक घटना घडली आहे. गेल्या चार दिवसांपासून या मठात सुमंगलम पंचमहाभूत लोकोत्सव (Sumangalam Panchamahabhuta Lokotsav ) सुरू आहे. या दरम्यान हा धक्कादायक प्रकार समोर आला आहे. मठात असलेल्या गो-शाळेतील गायींना शिळे अन्न खायला घातल्याने तब्बल 50 हून अधिक गायी दगावल्या असल्याची चर्चा सूरू असुन 30 गायी कोमात आहेत. या मठात हजारो देशी गायींची गोशाळा आहे. दरम्यान आज या कनेरी मठात सुमंगलम पंचमहाभूत लोकोत्सव कार्यक्रमासाठी गुजरातचे राज्यपाल आचार्य देवव्रत हे कोल्हापूर जिल्ह्याच्या दौऱ्यावर येत आहेत. तसेच उद्या केरळचे राज्यपाल आरिफ मोहम्मद खान हेही या कार्यक्रमासाठी उपस्थित राहणार आहेत तर कर्नाटक विधिमंडळाचे वरिष्ठ सभागृह अध्यक्ष बसवराज होरत्ती हेही या कार्यक्रमासाठी येणार आहेत. पूढे वाचा... कोल्हापूर नजीकच्या कणेरी मठात अचानक घडलेल्या या प्रकाराने कणेरी मठावर खळबळ उडाली आहे.काल...

    सरस्वती शिशुवाटिकेचे नवोपक्रम स्पर्धेत सलग दुसर्‍या वर्षी घवघवीत यश;दोन  शिक्षिका  ठरल्या विजेत्या...  कराड दि.23 (प्रतिनिधी) राज्य शैक्षणिक संशोधन व प्रशिक्षण परिषद महाराष्ट्र पुणे (SCERT) आयोजित राजस्तरिय नवोपक्रम स्पर्धा 2022-23 स्पर्धा झाली. या स्पर्धेचा निकाल जाहीर करण्यात आला आहे. यामध्ये जनकल्याण प्रतिष्ठान संचलित सरस्वती शैक्षणिक संकुलातील 2 शिक्षिकांनी घवघवीत यश संपादन केले आहे.सलग दूसर्‍या वर्षी मिळालेल्या या यशामूळे शाळेचे नाव उंचावले आहे.विजेत्या शिक्षिका सौ.तृप्ती गोखले व सौ.भाग्यश्री कोळेकर यांचे  संस्थेचेवतीने अभिनंदन करण्यात आले आहे... पूढे वाचा... शिक्षकांकडून राबवण्यात येणाऱ्या नवनवीन उपक्रमांची माहिती इतर शिक्षकांनाही मिळावी, या उद्देशाने नवोपक्रम स्पर्धा घेण्यात येते. यापूर्वी जिल्हास्तरीय स्पर्धेत ही सरस्वती शैक्षणिक संकुलातील 5 शिक्षिका विजेत्या ठरल्या होत्या. यावर्षी राज्यस्तरीय स्पर्धेत ही 2 शिक्षिका विजेत्या ठरल्याने सर्वत्र शाळेचे कौतुक केले जात आहे.... पूढे वाचा... या स्पर्धेमध्ये पूर्व प्राथमिक गटात सौ.तृप्ती उमेश गोखले ...

कुस्तीपटू खाशाबा जाधव यांच्या जीवनावर येणार सिनेमा... कराड दि.22-दिग्दर्शक नागराज मंजुळे यांनी कोल्हापुरातील कुस्तीच्या मैदानातून पैलवान खाशाबा जाधव यांच्या आयुष्यावर सिनेमा बनवण्याची घोषणा केली आहे. कुस्तीमध्ये देशाला पहिले ऑलम्पिक पदक मिळवून देणाऱ्या आणि जागतिक दर्जाचे पैलवान राहिलेल्या खाशाबा जाधव यांच्या आयुष्यावर सिनेमा बनवण्याचा निर्णय नागराज मंजुळे यांनी घेतला आहे. कुस्तीच्या मैदानातून घोषणा.... कोल्हापूर जिल्ह्यातील शिरोळ तालुक्यातील उमळवाडमध्ये महाशिवरात्री यात्रेनिमित्त आयोजित भव्य निकाली कुस्त्यांच्या जंगी मैदानात नागराज मंजुळे यांनी हजेरी लावली होती. याच कुस्तीच्या मैदानातून नागराज मंजुळे यांनी ही मोठी घोषणा केली आहे... पूढे वाचा... नागराज मंजुळे म्हणाले "खाशाबा जाधव हे जागतिक किर्तीचे आणि दर्जाचे पैलवान होते. त्यामुळे त्यांच्यासाठी काहीतरी करण्याची इच्छा होती. त्यामुळे त्यांच्या आयुष्यावर सिनेमा बनवण्याचा निर्णय आम्ही घेतला आहे. माझ्यासाठी ही खूप आनंदाची गोष्ट आहे. लवकरच मी यासंदर्भात माहिती देईन. या सिनेमाचं शूटिंग देखील कोल्हापुरात होऊ शकतं. या सिनेमाच्या माध्यमातून...

  धावरवाडी : जयवंत शुगर्सच्या वजनकाट्याची पाहणी करताना शासकीय व शेतकरी संघटनेचे प्रतिनिधी... जयवंत शुगर्सच्या वजनकाट्यावर शासनाकडून विश्वासार्हतेची मोहोर... कराड दि.22- धावरवाडी (ता. कराड) येथील जयवंत शुगर्स कारखाना कार्यस्थळाला शासकीय प्रतिनिधी व शेतकरी संघटनेचे प्रतिनिधी यांच्या संयुक्त समितीने भेट देऊन वजनकाट्याची पाहणी केली. यावेळी समितीच्या सदस्यांनी विविध निकषांच्या आधारे वारंवार केलेल्या वजनावेळी, प्रत्येकवेळी अचूक वजन नोंदविण्यात आल्याने जयवंत शुगर्सचा वजनकाटा हा अचूक आणि विश्वासार्ह असल्याचे प्रशस्तिपत्र शासनाच्या समितीकडून देण्यात आले. त्यामुळे जयवंत शुगर्सच्या वजनकाट्याला शासनाकडून विश्वासार्हतेची मोहोर प्राप्त झाली आहे. .पूढे वाचा ... सातारा जिल्ह्यातील विविध साखर कारखान्यांच्या वजनकाट्यांची पाहणी प्रशासनाकडून केली जात आहे. यानुसार वाईचे उपविभागीय अधिकारी राजेंद्रकुमार जाधव, वैद्यमापन निरीक्षक योगेश अग्रवाल, लेखा परीक्षक लक्ष्मण माने, रयत क्रांती संघटनेचे अध्यक्ष अशोक लोहार आदींनी संयुक्तपणे कारखाना कार्यस्थळाला भेट देऊन पाहणी केली. यावेळी कारखान्याकडे उपलब्ध असलेल्या ...

  मलकापूरात शेकडो झांडावर पडली कुर्‍हाड;परिसर होतोय भकास... कराड दि.22 (प्रतिनिधी) सहा पदरीकरणाअंतर्गत पेट नाका ते शेंद्रे सुरू असलेल्या कामात कराडच्या मलकापूर जवळ असणाऱ्या शेकडो झाडावर कुऱ्हाड पडली आहे. काल मलकापूर पासून पाचवड फाटा दरम्यान असणाऱ्या झाडांची तोडणी सुरू करण्यात आली आहे. मलकापूर येथे कोयना औद्योगिक वसाहत, डी मार्ट परिसरात दोन्ही बाजूला असणारी झाडे जमीनदोस्त झाल्याने संपूर्ण परिसर भकास दिसू लागला आहे. आजही हे काम सुरू असून दोन्ही बाजूची झाडे तोडली जात आहेत. .पूढे वाचा... येत्या काही दिवसात मलकापूर येथील भरावाचा पूल पाडण्यात येणार असल्याने सातारा व कोल्हापूर या दोन्ही बाजूकडे जाणारे सर्विस रोड वरील कामे सुरू करण्यात आले आहेत. या पुलाच्या पाडकामामुळे मोठ्या प्रमाणात वाहतूक वळवण्यात येणार आहे. त्यामुळे सेवा रस्त्यांची दुरुस्ती तसेच रुंदीकरण करण्याचे काम सध्या सुरू आहे. पंकज हॉटेल ते नांदलापूर हद्दीतील लोटस फर्निचर यादरम्यान साडेतीन किलोमीटरचा नवीन उड्डाणपूल होणार असल्याने या साडेतीन किलोमीटर परिसरातील कामकाजाला सध्या गती आली आहे... पूढे वाचा... गेले दोन दिवस झाले मलकापूर ...

सह्याद्री कारखान्याजवळ पाऊण कोटीचा गूटखा पकडला; मुद्देमालासह दोघे ताब्यात... कराड दि.21 (प्रतिनिधी) यशवंतनगर ता. कराड येथे सह्याद्री सहकारी साखर कारखाना नजीक असणाऱ्या विठ्ठल मंदिरासमोर काल मध्यरात्री तळबीड पोलिसांनी गुटख्याची वाहतूक करणारा आयशर कंटेनरसह 83 लाख 9 हजार 296 रुपयांचा गुटखा जप्त केला आहे. या प्रकरणी दोघांना ताब्यात घेतले असून तळबीड पोलिसात याबाबतचा गून्हा दाखल झाला आहे.याचा पुढील तपास सहाय्यक पोलीस निरीक्षक राहुल वरुटे हे करीत आहेत. याबाबत तळबीड पोलिसांनी दिलेल्या माहितीनुसार काल मध्यरात्री कराड-मसूर रस्त्याने कर्नाटक मधून बेकायदेशीर गुटख्याची वाहतूक एका आयशर कंटेनर मधून होणार असल्याची माहिती तळबीड पोलिसांना मिळाल्यानंतर वरिष्ठ अधिकाऱ्यांच्या मार्गदर्शनाखाली सहाय्यक पोलीस निरीक्षक राहुल वरुटे व तळबीड पोलीस स्टेशनचे पोलीस फौजदार गोपीचंद बाकले, पो.हवा. आप्पा ओंबाशे, पो हवा. शहाजी पाटील, पो कॉन्स्टेबल निलेश विभुते, महेश शिंदे यांनी मिळालेल्या माहितीनुसार मध्यरात्री यशवंतनगर येथील विठ्ठल मंदिरासमोर सापळा रचून बेकायदेशीर वाहतूक करणाऱ्या आयशर कंटेनर गुटख्यासह ताब्यात घेतला......

  कराडात बारावी परिक्षेस प्रारंभ;  महिलेची  15 दिवसांच्या बाळासह परिक्षेला हजेरी... कराड दि.21 (प्रतिनिधी) कोरोना संसर्ग काळानंतर प्रथमच शैक्षणिक वर्ष पूर्ण झालेल्या इयत्ता बारावीच्या बोर्डाच्या परीक्षेस आज प्रारंभ झाला. कराड शहरातील विविध परीक्षा केंद्रावर  विद्यार्थ्यांसह पालकांनी मोठी गर्दी केली होती. यावर्षी विद्यार्थ्यांना पेपर सोडवण्यासाठी अधिकची दहा मिनिटं वेळ वाढवून देण्यात आली आहे. महामार्गावरील उड्डाणपूल पाडण्याच्या कामामुळे वळवण्यात आलेल्या वाहतुकीचा फटका काही विद्यार्थ्यांना नकळत बसला. मात्र वाहतूक पोलिसांनी परीक्षा देणाऱ्या विद्यार्थ्यांना ठिकठिकाणी त्यांच्या वाहनांना वाट मोकळी करून दिल्याने विद्यार्थी वेळेत परीक्षा केंद्रावर पोहोचू शकले.शहरातील विविध परीक्षा केंद्रावर पोलीस बंदोबस्त तैनात ठेवण्यात आला होता. पूढे वाचा ... दरम्यान कराडच्या विटामाता विद्यालयातील परीक्षा केंद्रावर लक्ष वेधले ते एका परीक्षार्थी महिलेने. ही महिला आपल्या पंधरा दिवसांच्या बाळाला घेऊन परीक्षा देण्यासाठी केंद्रावर आल्याने अनेक जणांच्या नजरा या परीक्षार्थी महिलेकडे वळल्या होत्या. ...

जयवंत शुगर्सचा 5 लाख मेट्रिक टन ऊस गाळपाचा टप्पा पूर्ण... कराड दि.20- : धावरवाडी (ता. कराड) येथील जयवंत शुगर्सने या गळीत हंगामात यशस्वीपणे घोडदौड सुरू ठेवली असून, कारखान्याने ५ लाख मेट्रिक टन ऊस गाळपाचा टप्पा पार केला आहे. तसेच ३१ जानेवारीपर्यंतचे ऊसबिल वर्ग करून, ऊसउत्पादक शेतकऱ्यांचे हित जोपासले आहे... पूढे वाचा.. जयवंत शुगर्सने संस्थापक डॉ. सुरेश भोसले यांच्या मार्गदर्शनाखाली नेहमीच ऊसउत्पादक शेतकऱ्यांच्या हिताला प्राधान्य दिले आहे. यंदाचा गळीत हंगाम १४ नोव्हेंबर २०२२ रोजी सुरू झाला. कारखान्याने आजअखेर   ९८ दिवसात ५ लाख ४ हजार ७५ मे. टन ऊसाचे गाळप केले असून, ५ लाख ५० हजार ३०० क्विंटल साखर उत्पादित केली आहे. सरासरी साखर उतारा १२.३५ टक्के इतका राहिला असून, को-जनरेशन प्रकल्पातून आजअखेर २ कोटी ६५ लाख ५३ हजार १० युनिट इतक्या विजेची निर्मिती कारखान्याने केली आहे... पूढे वाचा. . ऊस उत्पादक शेतकऱ्यांचे हित लक्षात घेऊन जयवंत शुगर्सने ३१ जानेवारी अखेरपर्यंतचे ऊस बिल प्रतिटन २९५१ रुपयांप्रमाणे शेतकऱ्यांच्या खात्यावर वर्ग केले आहे. त्याचबरोबर ऊस तोडणी वाहतुकीचे बिलही संबंधिताना अदा करण...

  कराड नगरपरिषदेच्या वतीने विविध स्पर्धांचे आयोजन... कराड दि.20 (प्रतिनिधी) कराड नगर परिषदेच्या वतीने माझी वसुंधरा अभियान 3.0 अंतर्गत विविध स्पर्धांचे आयोजन करण्यात आले आहे. रांगोळी स्पर्धा, पोस्टर्स स्पर्धा, वक्तृत्व स्पर्धा व निबंध स्पर्धांचा यामध्ये समावेश असल्याची माहिती मुख्याधिकारी रमाकांत डाके यांनी दिली. या स्पर्धांचा कालावधी 24 फेब्रुवारी ते 27 फेब्रुवारी 2023 पर्यंत आहे. माझी वसुंधरा माझी जबाबदारी हा चारही स्पर्धांचा विषय असणार आहे. 27 फेब्रुवारी रोजी 11 ते 2 या वेळेत स्वर्गीय यशवंतराव चव्हाण स्मृति सदनात रांगोळी स्पर्धेचे आयोजन करण्यात आले आहे.या स्पर्धेत पाच बक्षीस देण्यात येणार आहेत. प्रथम क्रमांक पाच हजार द्वितीय क्रमांक तीन हजार, तृतीय क्रमांक दोन हजार व उत्तेजनार्थ एक हजार रुपयांची दोन बक्षिसे देण्यात येणार आहेत... पूढे वाचा स्पर्धेच्या नियम व अटी- ---1)स्पर्धकाचे वय किमान 14 वर्षे असावे, 2)एका स्पर्धकाला एकच रांगोळी काढता येईल (रांगोळीचा आकार चार फूट बाय तीन फूट असावा) 3) काढलेली रांगोळी ही दिलेल्या विषयावर अनुसरून असावी. 4) रांगोळी काढताना व पूर्ण झाल्यावर फोटो व ...