Karad Today

कराडच्या यशवंतराव चव्हाण कृषी प्रदर्शनाच्या मंडप उभारणीस वेग प्रथमच विना खांबाचा मंडप, ६ डिसेंबर पासून कृषी प्रदर्शनास प्रारंभ.. कराड, दि. 30 - शेती उत्पन्न बाजार समितीच्यावतीने दरवर्षी भरविण्यात येणारे यशवंत कृषी प्रदर्शन येत्या ६ डिसेंबर पासून सुरू होत आहे. कृषी प्रदर्शनाचे यंदा १९ वे वर्ष असून या  प्रदर्शनाच्या तयारीसाठी उभारल्या जाणाऱ्या मंडपाची उभारणी वेगाने सुरू आहे. प्रथमच विना खांबाच्या मंडपात हे प्रदर्शन भरणार आहे.  शासन कृषी विभागाच्या सर्वोतपरी सहकार्यातून हे प्रदर्शन होणार आहे. कृषी विभाग, जिल्हा परिषद व पंचायत समिती तसेच पशुसंवर्धन विभागाचे याकामी मोठे सहकार्य लाभत आहे. जनावरांच्या बाजार तळावर प्रदर्शनाच्या मंडपाची उभारणी केली जात आहे. पाच विभागात अत्याधुनिक तंत्रज्ञानाचा हा मंडप आहे. यंदा प्रथमच विना खांबावर हा मंडप उभारला जात आहे. हा मंडप पिलरलेस डोममध्ये वॉटरप्रुफ असणार आहे. त्यामध्ये ४०० स्टॉल, पशू पक्षांचे स्वतंत्र दालन आहे. आरोग्य विभाग व नवनवीन तंत्रज्ञान दाखवणारे स्टॉल असतील. संपूर्ण मंडपात हवा खेळती राहणार आहे. शेतकऱ्यांना समोर ठेवून प्रदर्शन भरवले जाणार ...

कराड : शासकीय अधिकाऱ्यांसमवेत आढाव बैठकीत चर्चा करताना आमदार डॉ. अतुलबाबा भोसले. झोपडपट्टीवासीयांच्या पुनर्वसनाचा प्रश्न अग्रक्रमाने मार्गी लावा;आ. डॉ. अतुलबाबा भोसले यांचे निर्देश... कराड दि. 29 (प्रतिनिधी) - कराड दक्षिण विधानसभा मतदारसंघाचे नवनिर्वाचित आमदार डॉ. अतुलबाबा भोसले यांनी शासकीय विश्रामगृहात तालुक्यातील विविध शासकीय अधिकाऱ्यांसमवेत आढावा बैठक घेतली. यावेळी त्यांनी विविध विभागांच्या कामकाजाचे स्वरुप समजावून घेतले. तसेच मतदारसंघातील विविध नागरी समस्या तातडीने सोडविण्यासाठी ठोस कृती आराखडा सादर करण्याच्या सूचना आ. डॉ. भोसले यांनी अधिकाऱ्यांना दिल्या.  कराड दक्षिण विधानसभा मतदारसंघातील आगशिवनगर, पाटण कॉलनी, स्टेडियमसह अन्य ठिकाणी असलेल्या झोपडपट्टीवासीयांच्या पुनर्वसनाचा प्रश्न अग्रक्रमाने मार्गी लावण्याचे निर्देश आ. डॉ. अतुलबाबा भोसले यांनी प्रशासनाला दिले. प्रधानमंत्री आवास योजनेच्या माध्यमातून स्वत:चे पक्के घर मिळविणे हा या नागरिकांचा हक्क आहे. त्यामुळे येत्या ५ वर्षात एकही माणूस झोपडपट्टीत न राहता, त्याला स्वत:चे हक्काचे पक्के घर मिळवून देण्यासाठी सरकारच्या माध्यमातून ...

कराड : नूतन आमदार डॉ. अतुलबाबा भोसले यांना शुभेच्छा देण्यासाठी लोकांनी केलेली अलोट गर्दी. नूतन आमदार डॉ. अतुलबाबा भोसलेंना शुभेच्छा देण्यासाठी लोकांची अलोट गर्दी. कराड, दि.29 (प्रतिनिधी) - कराड दक्षिण विधानसभा मतदारसंघाचे नवनिर्वाचित आ. डॉ. अतुलबाबा भोसले यांच्या विजयानंतर पहिल्यांदाच त्यांना शुभेच्छा देण्यासाठी आज कृष्णा कॅम्पसमध्ये लोकांनी मोठी गर्दी केली होती. नुकत्याच झालेल्या निवडणुकीत भाजप महायुतीचे उमेदवार डॉ. अतुलबाबा भोसले यांनी कराड दक्षिण विधानसभा मतदारसंघात मोठया मताधिक्याने विजय मिळवला. विजयानंतर लोकांनी मतदारसंघात मोठ्या उत्साहात डॉ. अतुलबाबा भोसले यांचे स्वागत केले. तसेच त्यांना शुभेच्छा देण्यासाठी अलोट गर्दी केली.  यावेळी बोलताना आ. डॉ. भोसले म्हणाले, कराड दक्षिणच्या लोकांनी मला भरभरून मते दिली. मला मोठ्या मताधिक्याने विधानसभेत पाठवले आहे. नागरिकांच्या सेवेसाठी मी सदैव कटिबद्ध आहे. कराड दक्षिण मतदारसंघाच्या सर्वांगीण विकासासाठी मी सर्वोतोपरी सहकार्य करणार आहे.  याप्रसंगी माजी आमदार आनंदराव पाटील, कृष्णा कारखान्याचे उपाध्यक्ष जगदीश जगताप, संचालक जितेंद्र पाटील, ...

  नवनिर्वाचित आमदार डॉ. अतुलबाबा भोसले यांचे ना. देवेंद्र फडणवीस यांनी केले अभिनंदन मुंबई दि.24 : कराड दक्षिण विधानसभा मतदारसंघातील भाजपा - महायुतीचे नवनिर्वाचित आमदार डॉ. अतुलबाबा भोसले यांचे निवडणुकीतील यशाबद्दल सर्वस्तरातून अभिनंदन होत आहे. या यशाबद्दल राज्याचे उपमुख्यमंत्री ना. देवेंद्र फडणवीस यांनी डॉ. भोसले यांचे मुंबईत अभिनंदन केले.  कराड दक्षिण विधानसभा मतदारसंघातील लढतीकडे संपूर्ण राज्याचे लक्ष लागून राहिले होते. कराड दक्षिण विधानसभा मतदारसंघ हा काँग्रेसचा बालेकिल्ला समजला जात होता. या मतदारसंघात आत्तापर्यंत केवळ तीनच लोकप्रतिनिधींनी प्रतिनिधित्व केले असून, हे तिघेही लोकप्रतिनिधी काँग्रेसचे मातब्बर नेते राहिले आहेत. यापैकी गेल्या १० वर्षांपासून या मतदारसंघातून राज्याचे माजी मुख्यमंत्री पृथ्वीराज चव्हाण आमदार म्हणून कार्यरत होते. त्यांचा या निवडणुकीत भाजपा - महायुतीचे उमेदवार डॉ. अतुलबाबा भोसले यांनी ३९,३५५ मतांनी पराभव करत देदीप्यमान विजय संपादन केला. या ऐतिहासिक विजयात कराड दक्षिणमध्ये पहिल्यांदाच कमळ फुलविण्यात यशस्वी झालेल्या डॉ. अतुलबाबा भोसले यांच्यावर राज्यभरातू...

  मी कोणत्याही पदावर नसलो तरी कराडकरांच्या सेवेकरिता कायम समर्पित राहणार; आ. पृथ्वीराज चव्हाण कराड, दि.23 (प्रतिनिधी) : महाराष्ट्र विधानसभा निवडणुकीच्या निकालानंतर माजी मुख्यमंत्री पृथ्वीराज चव्हाण यांनी प्रतिक्रिया देत म्हटले आहे कि, मतदारांनी आपला कौल दिला आहे. कराड दक्षिणच्या मतदारांचा निर्णय शिरोधार्थ आहे. माझ्या सहकार्यांनी सर्व शक्तीनुसार निवडणुकीत काम केले. त्या सर्वाना मनःपूर्वक धन्यवाद. मी कुठे कमी पडलो याचे आत्मपरीक्षण करावे लागणार आहे. मी कोणत्याही पदावर नसलो तरी कराडकरांच्या सेवेकरिता कायम समर्पित राहणार आहे.  या निवडणुकीत अतुल भोसले विजयी झालेत त्यांचे अभिनंदन, ते कराडच्या मतदारांच्या अपेक्षा पूर्ण करतील व कराडच्या सर्वांगीण विकासाकरिता काम करतील त्या कामी त्यांना माझे सहकार्य असेल.  राज्यात श्री. एकनाथराव शिंदे यांच्या नेतृत्वाखाली महायुतीला निर्णायक विजय मिळाला आहे, त्यांचे व त्यांच्या सहकाऱ्यांचे अभिनंदन. ते राज्याच्या विकासाकरिता सतत प्रयत्नशील राहतील व जनतेला दिलेली आश्वासने पूर्ण करतील हि अपेक्षा. त्यांच्या पुढील वाटचालीस माझ्या शुभेच्छा  ज्या प्र...

  कराड शहरात उद्या वाहतूक मार्गात मोठा बदल दक्षिणची रत्नागिरी गोडाऊन तर उत्तरची मतमोजणी स्व. यशवंतराव चव्हाण बहुउद्देशीय हॉल येथे होणार कराड, दि. २२ (प्रतिनिधी) - कराड दक्षिण व उत्तर विधानसभा मतदारसंघाची मतमोजणी प्रक्रिया शनिवारी सकाळी 6 वाजता सुरू होत आहे. त्यामुळे दिनांक २३ नोव्हेंबर रोजी सकाळी ६ ते सायंकाळी ६ वाजे पर्यत शहरातील वाहतुक मार्गात तात्पुरता बदल करण्यात आला आहे.  कराड दक्षिणची रत्नागिरी गोडाऊन येथे मतमोजणी असल्याने विजय दिवस चौक येथुन भेदा चौक बाजुकडे जाणाऱ्या सर्व वाहनांना (एस.टी. बस वगळून) प्रवेश बंद करणेत आला असून, सदरची वाहने विजय दिवस चौक येथुन दत्त चौक, पोपटभाई पेट्रोल पंप मार्गे कोल्हापुर नाका बाजुकडे जातील. तसेच एस.टी. बस ही विजय दिवस चौक येथुन टी पॉईन्ट मार्गे एस.टी. स्टॅन्ड येथे व त्याच मार्गे परत बाहेर येतील. कार्वेनाका बाजुकडुन भेदा चौकाकडे जाणाऱ्या सर्व वाहनांना गेट नं. ४ येथुन भेदा चौक बाजुकडे जाण्यासाठी प्रवेश बंद करण्यात आला आहे, सदरची वाहने गेट नं.४ येथुन बैलबाजार रोड, मलकापुर, हायवे रोड मार्गे कराड शहरात जातील. पोपटभाई पेट्रोल पंप येथुन भेदा चौक...

  कार्वे : येथील जाहीर सभेत बोलताना आ. पृथ्वीराज चव्हाण, समोर उपस्थित जनसमुदाय कराड दक्षिण मधून पृथ्वीराज बाबांनाच निवडून द्या;माजी आ. रामहरी रूपनवर... कराड, दि. १८ (प्रतिनिधी) : मतदारांचे दुःख व त्यांच्या विकासाच्या मागणीवर टिक करून काम करतो, तो लोकप्रतिनिधी हवा. पृथ्वीराजबाबा कोण व काय आहेत. हे जाणून घ्यायचे तर १९८०च्या दशकात अमेरिकेतील शास्त्रज्ञांनी संगणकाचा शोध लावला. त्यांनी संगणकामध्ये इंग्रजीशिवाय दुसरी भाषा येवू शकत नाही, असा दावा केला. परंतु पृथ्वीराजबाबांनी संगणकामध्ये देव नागरी भाषा आणून क्रांती केली. आणि असा बुद्धिमान प्रतिनिधी कराड दक्षिणचा आहे. हे भाग्य जपण्यासाठी कराड दक्षिणमधील जनता फालतू माणसाला संधी देत नाही. आणि कामाच्या माणसाला निवडून आणल्याशिवाय राहत नाही. असे सांगून पृथ्वीराजबाबा निवडून आल्यानंतर मुख्यमंत्री, पक्षाचे प्रदेशाध्यक्ष, विधानसभेचे अध्यक्ष होतील. अशावेळी सरकारच्या तिजोरीतून खाली पडलेला ढिगारा कराड दक्षिणमध्ये सरायचा नाही. त्यासाठी विकास निधीची काळजी कशाला करताय. २८८ आमदारांमध्ये पृथ्वीराजबाबा सभ्य आणि सुसंस्कृत नेते आहेत. मंत्रालयातील सचिवांना बाबा...

काले येथिल जाहीर सभेत बोलताना डॉ.अतुलबाबा भोसले   दक्षिणच्या शाश्वत विकासासाठी मला संधी द्या;डॉ.अतुलबाबा भोसले कराड दि.18 : कराड दक्षिणमधील माता-भगिनींच्या कल्याणासाठी, युवकांच्या रोजगारासाठी, जनतेच्या हक्कांसाठी आणि कराड दक्षिणच्या शाश्वत विकासासाठी काम करण्याची मला संधी द्या. तुमचा सेवक म्हणून काम करण्यासाठी मी कटीबद्ध आहे, असे प्रतिपादन भाजपा – महायुतीचे कराड दक्षिणमधील उमेदवार डॉ. अतुलबाबा भोसले यांनी दिली. काले (ता. कराड) येथे आयोजित जाहीर प्रचार सभेत ते बोलत होते.  भाजपा – महायुतीचे कराड दक्षिणमधील उमेदवार डॉ. अतुलबाबा भोसले यांच्या प्रचारार्थ काले येथे जाहीर सभेचे आयोजन करण्यात आले होते. व्यासपीठावर ज्येष्ठ नेते मदनराव मोहिते, य. मो. कृष्णा सहकारी साखर कारखान्याचे चेअरमन डॉ. सुरेश भोसले, दलित महासंघाचे संस्थापक अध्यक्ष प्रा. मच्छिंद्र सकटे, कराड शेती उत्पन्न बाजार समितीचे माजी उपसभापती सुनील पाटील, व्हाईस चेअरमन जगदीश जगताप, संचालक दयानंद पाटील, दत्तात्रय देसाई, गणपतराव हुलवान, सुलोचना पवार आदी मान्यवर उपस्थित होते.  यावेळी मतदारांशी संवाद साधताना डॉ. अतुलबाबा भोसल...

कराड : येथील काँग्रेस महाविकास आघाडीच्या सांगता सभेत बोलताना खा. सचिन पायलट, समोर उपस्थित जनसमुदाय.. आ. पृथ्वीराज चव्हाण सारख्या स्वाभिमानी नेत्याला निवडून द्या ; खा. सचिन पायलट कराड, दि.17 (प्रतिनिधी) : छत्रपतींच्या कराड या भूमीत आल्यानंतर माझी छाती अभिमानाने सतत फुगते. असे सांगून राजस्थानचे काँग्रेसचे नेते व खा. सचिन पायलट म्हणाले, भाजप व महायुतीच्या सरकारमध्ये पदाची लढाई सुरू आहे. हे पाहून जनतेचा विकास काय होणार, हे तुमच्या लक्षात येईल. पृथ्वीराजबाबांना तुम्ही आजपर्यंत अनेकदा निवडून दिले आहे. कराडची जनता सौभाग्यशाली आहे, की असा सभ्य व अंगावर कोणताही डाग नसणारा हा नेता आहे. पृथ्वीराजबाबांनी मान, सन्मान आणि पदे मिळवली. व त्यातून तुमची मान कोणासमोर झुकू दिली नाही. अशा स्वाभिमानी नेत्याला विजयी करा. व जातीवादी नेत्यांना कडवे उत्तर द्या. असे आवाहन खा. सचिन पायलट यांनी कराड येथील शिवतीर्थ दत्त चौकात झालेल्या कराड दक्षिण विधानसभा मतदारसंघातील काँग्रेस व महाविकास आघाडीचे उमेदवार आ. पृथ्वीराज चव्हाण यांच्या प्रचाराच्या विराट सांगता सभेत केले. राज्याचे माजी मुख्यमंत्री आ. पृथ्वीराज चव्हाण, कर...

  अतुलबाबाना निवडून देण्याचा माजी सैनिकांचा निर्धार माजी सैनिक व कुटुंबियांचा वाठार येथे भव्य मेळावा   वाठार, दि. 17 (वार्ताहर) भाजपा सरकारने देशाच्या संरक्षण व्यवस्थेला बळकटी मिळवून दिली आहे. देशासाठी आपल्या प्राणाचे बलिदान देण्यासाठी सज्ज असलेल्या आजी – माजी सैनिकांच्या हितासाठी त्यांनी अनेक कल्याणासाठी निर्णय घेतले आहेत. त्यामुळे राज्यात पुन्हा भाजपा-महायुतीचे सरकार आणण्यासाठी कराड दक्षिणमधून डॉ. अतुलबाबा भोसले यांना मोठ्या मताधिक्याने निवडून देण्याचा निर्धार माजी सैनिकांनी व त्यांच्या कुटुंबियांनी वाठार येथे आयोजित भव्य मेळाव्यात केला. भाजपा-महायुतीचे कराड दक्षिणमधील उमेदवार डॉ. अतुलबाबा भोसले यांच्या प्रचारार्थ वाठार (ता. कराड) येथील विराज मल्टिपर्पज हॉलमध्ये माजी सैनिक मेळाव्याचे आयोजन करण्यात आले होते. याप्रसंगी व्यासपीठावर सैनिक फेडरेशनचे प्रशांत कदम, एस. ए. माशाळकर, व्ही. वाय. चव्हाण, निवृत्त सुभेदार नागेश जाधव, निवृत्त कर्नल महादेव काटकर, ‘मेस्को’चे मोहिते, जयराम स्वामी मठाचे विठ्ठलस्वामी महाराज आदी मान्यवर उपस्थित होते.  यावेळी माजी सैनिक व त्यांच्या कुटुंबियां...

कराडला सर्वात पुढे नेण्याची ताकद व कुवत आ. पृथ्वीराज चव्हाण यांच्यातच आहे. कराड बार असोसिएशनच्या विद्यमान अध्यक्षांसह 20 माजी अध्यक्षांचा आ. पृथ्वीराज चव्हाण यांना मतदान करण्याचे आवाहन . कराड, दि. 16 (प्रतिनिधी)  आ. पृथ्वीराज चव्हाण यांना आमदार म्हणून निवडून दिले तर आपण महाराष्ट्र राज्याचा भावी मुख्यमंत्री निवडून देऊ. विरोधी उमेदवार हे गेली अनेक वर्ष राजकीय जीवनात असून त्यांची राजकीय कार्यकीर्द आपल्यासमोर आहे. त्यांनी सातत्याने केलेल्या पक्षांतरामुळे राजकीय विश्वासार्थता गमावली आहे. या उलट उत्तुंग राजकीय कारकीर्द, धोरणात्मक दृष्टी यामुळे कराड जिल्हा होऊन कराडला सर्वात पुढे नेण्याची ताकद व कुवत आ. पृथ्वीराज चव्हाण यांच्यातच असल्याने आ. पृथ्वीराज चव्हाण यांना आपले अमूल्य मत द्यावे असे आवाहन कराड बार असोसिएशनच्या विद्यमान अध्यक्ष एड. एम टी देसाई यांच्यासह वीस माजी अध्यक्षांनी केले आहे.  यावेळी विद्यमान अध्यक्ष एड. एम टी देसाई, सयाजीराव पाटील, प्रतापराव जानुगडे, मानसिंगराव पाटील, अधिकराव पाटील, बबनराव जाधव, दिलीप पाटील, चंद्रकांत कदम, दादासाहेब जाधव, प्रकाशराव चव्हाण, शिवाजीराव नि...

कराड : येथे अखिल भारतीय मराठा महासंघाच्यावतीने आ. पृथ्वीराज चव्हाण यांना पाठिंबा देताना पदाधिकारी... अखिल भारतीय मराठा महासंघाचा आ. पृथ्वीराज चव्हाण यांना पाठिंबा कराड, दि. (प्रतिनिधी) : कराड दक्षिण विधानसभा मतदारसंघाचे राष्ट्रीय काँग्रेस व महाविकास आघाडीचे उमेदवार आ. पृथ्वीराज चव्हाण यांना मराठा समाजाच्यावतीने पाठिंबा देण्यात आला. याबाबत पाठिंब्याचे पत्र मराठा महासंघाच्यावतीने आ. पृथ्वीराज चव्हाण यांना देण्यात आले. मनोज जरांगे - पाटील यांच्या आदेशावरून सातारा जिल्ह्यातील महाविकास आघाडीच्या सर्व उमेदवारांना मराठा समाजाने पाठिंबा दिला असल्याचे यावेळी सांगण्यात आले.  यावेळी अखिल भारतीय मराठा महासंघाचे जिल्हाध्यक्ष अनिल घराळ, जिल्हा सरचिटणीस विवेक कुराडे - पाटील, सुरज जाधव, कराड दक्षिण तालुकाध्यक्ष युवराज कुराडे - पाटील, कराड शहराध्यक्ष संदीप काळे, ज्येष्ठ मार्गदर्शक विजय शिंदे, अमर पाटील यांच्यासह संघटनेचे पदाधिकारी व कार्यकर्ते मोठ्या संख्येने उपस्थित होते. आ. पृथ्वीराज चव्हाण यांनी राज्याचे मुख्यमंत्री असताना पहिल्यांदा मराठा समाजाला आरक्षण दिले होते. मराठा समाजाबद्दल त्यांची भूमिक...

मोठे उद्योग व मोठी गुंतवणूक या भागात करण्यासाठी मी प्रयत्न करणार;डॉ. अतुलबाबा भोसले कराड, दि. 16 (प्रतिनिधी) कराडमधील स्थानिक भूमिपुत्रांना तसेच युवकांना अधिकाधिक रोजगार उपलब्ध करण्याचा संकल्प माझा आहे. महायुती सरकारच्या माध्यमातून मोठं मोठे उद्योग व मोठी गुंतवणूक या भागात करण्यासाठी मी प्रयत्न करणार आहे, असे आश्वासन डॉ. अतुलबाबा भोसले यांनी दिले.  विंग येथे आयोजित प्रचार बैठकीत ते बोलत होते. यावेळी बाजार समितीचे माजी उपसभापती सुनील पाटील, कृष्णा कारखान्याचे संचालक वसंतराव शिंदे, सयाजी यादव, जयंवत माने, महादेव पाटील, हेमंत पाटील, राजेंद्र खबाले, आण्णासो कचरे, विकास माने, शिंदेवाडीचे सुरेश शिंदे, सचिन पाचूपते, हेमंत पाटील, विकास खबाले, बंडा खबाले, संजय खबाले,आबासो खबाले, अमोल पाटील, भिमराव कणसे, धनाजी कणसे, शिवाजी पाटील, संदीप माळी, सचिन नलवडे, श्रीरंग नलवडे, सुरेश खबाले, संभाजी पाटील, विकास होगले, नंदकुमार कडव यांची प्रमुख उपस्थिती होती. डॉ.,अतुलबाबा भोसले पुढे म्हणाले, विंग गावाला 13 कोटी निधी दिला आहे. अनेक काम पूर्ण झाली आहेत. गावातील मूलभूत प्रश्न सोडवले जातील जात आहेत. विंग गा...

  कराड : येथील युवक मेळाव्यात बोलताना उदयसिंह पाटील - उंडाळकर... भाजपने युवकांच्या मनात न्यूनगंड निर्माण केला;उदयसिंह पाटील - उंडाळकर कराड, दि.15 (प्रतिनिधी) : गेली ८ ते १० वर्षे राज्यात भाजपाचे सरकार आहे. त्यांनी राज्यात विकासाच्या योजना राबविण्याऐवजी राजकारण करून राज्य अस्थिर केले. भाजपने दररोज कोणत्या ना कोणत्या कारणाने राज्य अस्थिर ठेवण्याचे काम केले. राज्यात व देशात हेट ऑब्जेक्ट पसरवत संभ्रम केला. देशातील युवकांच्या मनात न्यूनगंड निर्माण करून त्यांनी आपली राजकीय पोळी भाजण्याचे काम केले आहे. असे प्रतिपादन प्रदेश काँग्रेसचे सरचिटणीस उदयसिंह पाटील - उंडाळकर यांनी केले.  कराड येथे कराड दक्षिण विधानसभा मतदारसंघातील काँग्रेस व महाविकास आघाडीच्या प्रचारार्थ आयोजित युवक मेळाव्यात ते बोलत होते. आघाडीचे उमेदवार आ. पृथ्वीराज चव्हाण, महाराष्ट्र प्रदेश युवक काँग्रेसचे उपाध्यक्ष शिवराज मोरे, राष्ट्रवादी काँग्रेस शरदचंद्र पवार गटाचे शहराध्यक्ष पोपटराव साळुंखे, बाळासाहेब मोहिते, ज्ञानदेव राजापूरे, अक्षय सुर्वे, माजी नगरसेवक अशोक कोळी, रमेश वायदंडे आदीसह मोठ्या संख्येने युवक यावेळी उपस्...

काँग्रेसने 60 वर्षांत काय विकास केला; देवेंद्र फडणवीस यांची टीका... कराडला अतुलबाबा भोसले यांच्या प्रचारार्थ महायुतीची विराट सभा  कराड, दि. 15 (प्रतिनिधी) या देशात गेली 60 वर्ष  काँग्रेसची सत्ता असताना त्यांनी नेमका काय विकास केला, हे सांगावे. तीच स्थिती कराड दक्षिण मध्येही आहे. कराड दक्षिण मध्ये आनंदराव चव्हाण, प्रेमिलाकाकी चव्हाण आणि पृथ्वीराज चव्हाण या चव्हाण कुटुंबीयांकडे लोकप्रतिनिधित्व असताना त्यांनी कराड दक्षिणसाठी काय केले. मुख्यमंत्री असताना पृथ्वीराज चव्हाण यांनी फुटकी कवडीही दिली नाही. त्यामुळे प्रचारात त्यांच्याकडे सांगायला विकासकामांचे मुद्देच नाहीत, अशी टीका राज्याचे उपमुख्यमंत्री देवेंद्र फडणवीस यांनी आ. पृथ्वीराज चव्हाण यांच्यावर केली केली.  कराड येथे महायुतीतर्फे भाजपचे उमेदवार डॉ. अतुलबाबा भोसले यांच्या प्रचारार्थ आयोजित जाहीर प्रचारसभेत ते बोलत होते. यावेळी भगवंत खुबा, खा. उदयनराजे भोसले, जेष्ठ नेते मदनराव मोहिते, कृष्णा कारखान्याचे चेअरमन डॉ. सुरेश भोसले, माजी आ. आनंदराव पाटील, भाजपाचे जिल्हाध्यक्ष धैर्यशील कदम यांची प्रमुख उपस्थिती होती.  भाजप - ...

विकासाचे व्हिजन असलेल्या अतुलबाबांना विधानसभेत पाठवा;डॉ. प्रमोद सावंत कराड दि. 14 (वार्ताहर) माजी मुख्यमंत्री पृथ्वीराज चव्हाण यांनी त्यांच्या मुख्यमंत्रीपदाच्या कार्यकाळात कोणते ही ठोस शाश्वत काम करता आले नाही. त्यांच्या काळातील एकही प्रकल्प आज पूर्णत्वास गेलेला नाही. त्यांचे आता वय झाले आहे. त्यामुळे त्यांना कराड दक्षिणच्या जनतेने रिटायर करून डॉ. अतुलबाबा भोसले यांच्यासारख्या तरुण, तडफदार, विकासाचे व्हिजन असलेल्या नेतृत्वाला विधानसभेत पाठवा, असे आवाहन गोव्याचे मुख्यमंत्री डॉ. प्रमोद सावंत यांनी केले.  कराड दक्षिण विधानसभा मतदारसंघातील उमेदवार डॉ. अतुलबाबा भोसले यांच्या प्रचारार्थ डॉक्टरांचा संवाद मेळावा आयोजित करण्यात आला होता. या मेळाव्यात मार्गदर्शन करताना ते बोलत होते. यावेळी कृष्णा कारखान्याचे चेअरमन डॉ. सुरेश भोसले, माजी नगराध्यक्षा रोहिणी शिंदे, डॉ. सारिका गावडे यांची प्रमुख उपस्थिती होती.   डॉ. सावंत म्हणले, देश स्वतंत्र होऊन 75 वर्षे झाली या 60 वर्षांच्या काळात काँग्रेसने केवळ स्वतःसाठीच राज्य केले, देशाचा काय विकास केला? असा सवाल उपस्थित करत अटल बिहारी वाजपेयी ...

डॉ. अतुलबाबा भोसले यांच्या प्रचारार्थ उपमुख्यमंत्री ना. देवेंद्र फडणवीस यांची उद्या मलकापुरात जाहीर सभा कराड, दि. 14 (प्रतिनिधी) : भारतीय जनता पार्टी, शिवसेना, राष्ट्रवादी काँग्रेस, आर.पी.आय. व मित्रपक्षांच्या महायुतीचे कराड दक्षिणमधील अधिकृत उमेदवार डॉ. अतुलबाबा सुरेश भोसले यांच्या प्रचारार्थ मलकापूर (ता. कराड) येथे राज्याचे उपमुख्यमंत्री ना. देवेंद्र फडणवीस यांची जाहीर सभा आयोजित करण्यात आली आहे. शुक्रवार दि. १५ नोव्हेंबर २०२४ रोजी सकाळी ११.३० वाजता मलकापुरातील बैल बाजार रोडवरील श्री गणपती मंदिरामागील भव्य पटांगणावर ही सभा होणार आहे.  विधानसभा निवडणुकीचा प्रचार आता शिगेला पोहचला आहे. या निवडणुकीच्या प्रचारात भाजपा – महायुतीचे कराड दक्षिणचे उमेदवार डॉ. अतुलबाबा भोसले यांनी आघाडी घेत, राष्ट्रीय व राज्य पातळीवरील नेत्यांच्या सभांच्या माध्यमातून प्रचाराचे रान चांगलेच तापविण्याचा प्रयत्न सुरु केला आहे. नुकतीच विंग (ता. कराड) येथे केंद्रीय गृहमंत्री ना. अमित शाह यांची अलोट गर्दीत जाहीर प्रचार सभा पार पडली. त्यानंतर आता मलकापूर (ता. कराड) येथे शुक्रवारी (ता. १५) सकाळी ११.३० वाजता उपमुख्...

वाठार : कुस्तीगीर मेळाव्यात बोलताना डॉ. अतुल बाबा भोसले कराड दक्षिणमध्ये कुस्तीगीरांसाठी आंतरराष्ट्रीय दर्जाची तालीम उभारणार; अतुलबाबा भोसले कराड दि. 13 (प्रतिनिधी) कराड तालुक्यातील सुपुत्रांनी कराडचे नाव कुस्ती क्षेत्रात  आंतरराष्ट्रीय पातळीवर नेले आहे. त्यांचा आदर्श ठेवून इथली युवा पिढी कुस्तीचे धडे गिरवते. छत्रपती शिवाजी महाराज क्रिकेट स्टेडियमप्रमाणे महायुतीच्या सरकारच्या माध्यमातून कराड दक्षिणमध्ये कुस्तीगीरांसाठी आंतरराष्ट्रीय दर्जाची तालीम उभारणार अशी ग्वाही डॉ. अतुलबाबा भोसले यांनी दिली. वाठार येथे कराड दक्षिण मतदारसंघातील कुस्तीगीरांच्या मेळाव्यात ते बोलत होते. यावेळी जिल्हा कुस्तीगीर संघाने डॉ. अतुलबाबा भोसले यांना जाहीर पाठींबा दिला.  याप्रसंगी रेठरे बुद्रुकचे माजी सरपंच पैलवान बबनराव दमामे, पैलवान आनंदराव मोहिते, दादासो थोरात, राजाराम यादव, साहेबराव करांडे, अशोक नलवडे, आनंदराव मोहिते, हिंदुराव पाटील, अरुण थोरात, धनंजय पाटील यांची प्रमुख उपस्थिती होती. डॉ. अतुलबाबा भोसले पुढे म्हणाले, शेतकरी कुटुंबातील एक मुलगा पैलवान करायचा असेल तर संपूर्ण कुटुंब त्यासाठी परिश्रम घ...

मलकापूर : आ. पृथ्वीराज चव्हाण यांच्या प्रचारार्थ जाहीर सभेत बोलताना आ. सतेज ऊर्फ बंटी पाटील पृथ्वीराज चव्हाण नाम हि काफी है; माजी मंत्री आ. सतेज ऊर्फ बंटी पाटील मलकापूर दि.13 : चांदा ते बांदा पृथ्वीराजबाबांना कोणी चुकीचे बोलत नाही. एवढी पुण्याई व कर्तृत्व त्यांच्याकडे आहे. त्यांनी केंद्रीय मंत्री व मुख्यमंत्री असताना स्वतःचे घर भरण्यासाठी काही केले नाही. दुसऱ्या बाजूला पैशाचा पाऊस पाडणारे नेतृत्व आहे. मला कराड दक्षिणच्या मातीचा कल स्पष्ट दिसत आहे. कराडच्या भूमीला मोठे करणे, तुमची सेवा करणे हे पृथ्वीराजबाबांचे उद्दिष्ट आहे. त्यांच्या एकनिष्ठतेचे फळ आपण त्यांना द्यायचे आहे. त्यांचा दरारा काय आहे, हे आम्ही जवळून पाहिले आहे. हे नेतृत्व आपल्याला जपायला हवे. यांच्याबद्दल एकच सांगता येईल. पृथ्वीराज चव्हाण नाम हि काफी है. असे प्रतिपादन माजी मंत्री आ. सतेज ऊर्फ बंटी पाटील यांनी केले. मलकापूर येथे राष्ट्रीय काँग्रेस व महाविकास आघाडीचे अधिकृत उमेदवार आ. पृथ्वीराज चव्हाण यांच्या प्रचारार्थ जाहीर सभेत ते बोलत होते. आ. पृथ्वीराज चव्हाण, अॅ ड. उदयसिंह पाटील - उंडाळकर, मनोहर शिंदे, अजितराव पाटील - चिख...

कराड : संतभूमी संरक्षक संघर्ष समितीने जाहीर पाठिंबा दिल्यानंतर आ. पृथ्वीराज चव्हाण यांचा सत्कार करताना मधुसूदन पाटील, समवेत शिष्टमंडळ मुख्यमंत्री म्हणून पुन:श्च भाग्य लाभावे यासाठी आमचा पाठिंबा; संत भूमी संरक्षक संघर्ष समिती... कराड दि.12 (प्रतिनिधी) :  संतभूमी संरक्षक संघर्ष समितीने कराड दक्षिण विधानसभा मतदारसंघातील राष्ट्रीय काँग्रेस व महाविकास आघाडी मित्रपक्षाचे अधिकृत उमेदवार आ. पृथ्वीराज चव्हाण यांना जाहीर पाठिंबा दिला आहे. श्री क्षेत्र देहू येथील तपोभूमीतील या समितीचे संस्थापक तुकोबाभक्त मधुसूदन पाटील व त्यांच्या शिष्टमंडळाने आ. चव्हाण यांच्या निवासस्थानी भेटून पाठिंबा जाहीर करीत चव्हाण दाम्पत्याचा वारकरी शाल व तुळशीमाळाचा हार घालून सत्कार केला.  मधुसूदन पाटील म्हणाले की, आपण महाराष्ट्र राज्याचे मुख्यमंत्री असताना संतभूमीसाठी फार मोठे योगदान दिले आहे. त्यामधील अत्यंत महत्वाचे कार्य म्हणजे श्री क्षेत्र देहू जवळील संत तुकोबारायांची ध्यान साधना तपोभूमी भंडारा भामचंद्र डोंगर हे राज्य संरक्षित स्मारक म्हणून सन २०११ ला शासनाने घोषित केले. व त्यासाठी शासनाच्या सांस्कृतिक, पुरा...

विद्यमान आमदारांना जनता जागा दाखवेल;डॉ. अतुलबाबा भोसले उंडाळे दि. 12 (वार्ताहर) : कराड दक्षिण च्या विद्यमान आमदारांनी केंद्रात आणि राज्यात सत्तापदावर असताना त्यांनी या मतदारसंघाकडे कधीही ढुंकुनही पाहिले नाही. आता मात्र निवडणुकीच्या तोंडावर आयटी हब, रोजगारासारखी खोटी आश्वासने मतदारांना देत आहेत. अशी खोटी आश्वासने देणाऱ्या विद्यमान आमदारांना आता जनतेनेच जाब विचारुन येत्या निवडणुकीत त्यांना त्यांची जागा दाखवून देईल असे प्रतिपादन महायुतीचे उमेदवार डॉ. अतुलबाबा भोसले यांनी केले.  कराड दक्षिणमधील भाजपा महायुतीचे उमेदवार डॉ. अतुलबाबा भोसले यांच्या प्रचारार्थ येळगाव येथे जाहीर सभा झाली त्यावेळी डॉक्टर भोसले बोलत होते. यावेळी व्यासपीठावर कृष्णा कारखान्याचे संचालक दयानंद पाटील, पै. आनंदराव मोहिते, पंकज पाटील, संजय शेवाळे भूषण जगताप व मान्यवर प्रमुख उपस्थित होते.   डॉ. अतुलबाबा भोसले म्हणाले, की येळगाव भागात मतदारांचा मिळत असलेला प्रतिसाद भारावून टाकणारा आहे. गेल्या अडीच वर्षात महायुती सरकारच्या माध्यमातून कराड दक्षिणमध्ये ७४५ कोटींचा विकासनिधी आणला. यात प्रामुख्याने येळगाव भागातील ...

  डॉ. अतुलबाबा भोसले यांच्या प्रचार बैठकींना विविध गावात उस्फुर्त प्रतिसाद... कराड दि. ११ - कराड दक्षिण विधानसभा मतदारसंघात भाजप महायूतीचे अधिकृत उमेदवार डॉ. अतुलबाबा भोसले यांच्या प्रचार बैठकींना विविध गावात उत्स्फूर्त प्रतिसाद मिळत आहे. येवती म्हासोली, शेवाळेवाडी व पाटीलवाडी परिसरात असणारी विविध गावे व वाड्यांच्या विकासासाठी आपण भाजप महायूतीच्या सरकारच्या माध्यमातून मोठ्या प्रमाणात निधी देऊन या ठिकाणच्या विकासासाठी नेहमीच प्रयत्नशील राहू अशी ग्वाही डॉ. अतुलबाबा भोसले यांनी या प्रचार दौऱ्यात दिली. निवडणुकीत प्रचारासाठी कमी अवधी राहिला असून, आपण भाजपा महायुतीच्या सरकारने केलेल्या योजनांची व केलेल्या विकासकामांची माहिती जास्तीत जास्त लोकांपर्यंत पोहचवा असे सांगून विद्यमान आमदार गेल्या दहा वर्षातील कामे पुन्हा या निवडणुकीत सांगत आहेत. त्यांनी एकालाही रोजगार उपलब्ध करून दिला नाही. भूकंप संशोधन केंद्र उभारले हे आता ते किती वर्षे सांगणार आहेत? असा प्रश्न डॉक्टर अतुल भसले यांनी प्रचार बैठकी दरम्यान उपस्थित केला. विद्यमान आमदार अजून जुनीच विकासकामे किती दिवस सांगत बसणार आहात? निवडून आल्या...

सावत्र भाऊ आणि बहिणींना या निवडणुकीत जागा दाखवा;चित्राताई वाघ  कराड, दि.10 (प्रतिनिधी) राज्यातील महिलांच्या सक्षमीकरणासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि उपमुख्यमंत्री अजितदादा पवार या भावांनी 'लाडकी बहीण'सारखी कल्याणकारी योजना राबवली. परंतु, ही योजना बंद पाडण्यासाठी त्याच बहिणींचे सावत्र भाऊ कोर्टात गेले. तसेच सावत्र बहिणींनीही या योजनेसाठी सरकारी तिजोरीत पैसा नसल्याचे धादांत खोटे सांगत महिलांना पैशांची लाच देऊ नका, अशी भाषा वापरली. आया - बहिणींचा आधार काढून घेण्याचा प्रयत्न करणाऱ्या अशा सावत्र भाऊ आणि बहिणींना या निवडणुकीत जागा दाखवा, अशी टीका भाजपच्या महिला प्रदेशाध्यक्षा चित्राताई वाघ यांनी माजी मुख्यमंत्री पृथ्वीराज चव्हाण, तसेच सुप्रियाताई सुळे आणि प्रणितीताई शिंदे यांच्यावर केली.  ओंड (ता. कराड) येथे महायुतीचे अधिकृत उमेदवार डॉ. अतुलबाबा भोसले यांच्या प्रचारार्थ आयोजित महिला मेळाव्यात त्या बोलत होत्या. विचारमंचावर उमेदवार डॉ. अतुलबाबा भोसले, कृष्णा महिला औद्योगिक सहकारी संस्थेच्या संस्थापिका सौ. उत्तराताई भोसले (आईसाहेब), भाजप सातारा जिल्हा म...

आ. पृथ्वीराज चव्हाण यांच्यासारखे सोज्वळ नेतृत्व जपा; सुषमाताई अंधारे... कराड दि.10 - कमळ हे दलदलीत उगवते. कराडचा भाग सखल असल्याने इथे कमळ कधीच उगवलेले नाही. आपल्या हितासाठी आपल्याला कराडची संस्कृती हलवू द्यायची नाही. हाताला साथ देवून पृथ्वीराज चव्हाण यांच्यासारखे सोज्वळ नेतृत्व जपा. कराड दक्षिणेची जनता पृथ्वीराज बाबांच्या रूपाने राज्याचे नेतृत्व निवडत आहे. असे सांगून निवडणुकीची रणधुमाळी सुरू असताना माजी मुख्यमंत्री एवढे शांत आहेत. पण दोनवेळा पडलेला समोरचा माणूस पैशाच्या जोरावर एवढ्या उड्या मारतोच कसा? दोन-तीन वेळा पडून सुद्धा एवढा पैसा येतो कुठून? असा सवाल करत समोरच्या उमेदवाराला पडायचा लयं नाद असेल, तर त्याचा नाद पुरा करा. तीनवेळा पडले त्यांना चौथ्यांदा पाडा. असे आवाहन शिवसेनेच्या उपनेत्या सुषमा अंधारे यांनी केले.  कराड तालुका महाविकास आघाडीच्या भव्य महिला मेळाव्यात त्या बोलत होत्या. आ. पृथ्वीराज चव्हाण, सौ. सत्वशिला पृथ्वीराज चव्हाण, कर्नाटकचे माजी मंत्री विनयकुमार सोरके, प्रदेश युवक काँग्रेसचे उपाध्यक्ष शिवराज मोरे, मनोहर शिंदे, प्रा. धनाजी काटकर, कराडच्या माजी नगराध्यक्षा शारदा...

कराड : येथील महात्मा फुले चौकात झालेल्या कोपरा सभेत बोलताना आ. पृथ्वीराज चव्हाण, व्यासपीठावर राजेंद्र शेलार व इतर कराड शहरात आ. पृथ्वीराज चव्हाण यांना वाढता पाठिंबा ; ठिकठिकाणी जल्लोषी स्वागत. कराड दि.9 (प्रतिनिधी) : राज्यातील विधानसभा निवडणूक ही दोन व्यक्तींची नसून, ती दोन विचारांची आहे. एका बाजूस शाहू, फुले, आंबेडकर यांचे विचार जोपासणारी महाविकास आघाडी आणि दुसऱ्या बाजूला संविधान व राज्यघटना मोडून पुन्हा वर्णव्यवस्था आणणारे जातीयवादी भाजप या दोन विचारांची ही लढाई आहे. याच जातीयवादी मंडळींना कराडकरांनी दोनदा हद्दपार केले. आता तिसऱ्यांदा जातीयवादी शक्तींना पराभूत करून कराड दक्षिणेचा काँग्रेसचा गड शाबूत ठेवा. असे प्रतिपादन राज्याचे माजी मुख्यमंत्री आ. पृथ्वीराज चव्हाण यांनी केले.  येथील मंगळवार पेठ व बुधवार पेठ येथील पदयात्रेनंतर महात्मा फुलेनगर येथे झालेल्या कोपरा सभेत ते बोलत होते. प्रदेश काँग्रेसचे सरचिटणीस राजेंद्र शेलार, कराडचे माजी उपनगराध्यक्ष फारुख पटवेकर, माजी नगरसेवक प्रदीप जाधव, सिद्धार्थ थोरवडे, शितल वायदंडे, ज्ञानदेव राजापुरे, राहुल चव्हाण, शिवराज मोरे, डॉ. मधुकर माने, अ...