Karad Today

   ‘आयुष्मान भारत’ योजनेच्या लाभार्थींना गोल्डन कार्डचे वितरण करताना केंद्रीय आरोग्य राज्यमंत्री डॉ. भारती पवार. बाजूस विक्रम पावसकर, डॉ. अतुल भोसले, एकनाथ बागडी व अन्य मान्यवर. देशाच्या विकासात महिलांचे महत्वाचे योगदान; ना.डॉ. भारती पवार... कराड दि.31: पंतप्रधान नरेंद्र मोदींच्या नेतृत्वाखाली भारताची झपाट्याने प्रगती होत आहे. जगात २२० कोटी कोरोना प्रतिबंधक लसीकरण करणारा भारत हा जगातील एकमेव देश आहे. हे सर्व पंतप्रधान मोदींमुळे शक्य झाले असून, नरेंद्र मोदींमुळे जगाचा भारताकडे बघण्याचा दृष्टिकोन बदलला आहे. नरेंद्र मोदींच्या रुपाने भारताला समर्पित आयुष्य देणारा पंतप्रधान लाभला आहे, असे गौरवोद्गार केंद्रीय आरोग्य व कुटुंबकल्याण राज्यमंत्री डॉ. भारती पवार यांनी काढले. भारतीय जनता पार्टी कराड दक्षिणच्यावतीने कराडमध्ये आयोजित ‘मन की बात’ कार्यक्रमावेळी त्या बोलत होत्या. कराड येथील वेणुताई चव्हाण सभागृहात पंतप्रधान नरेंद्र मोदी यांच्या 'मन की बात' कार्यक्रमाचे थेट प्रक्षेपण ना. डॉ. भारती पवार यांच्या प्रमुख उपस्थितीत करण्यात आले. व्यासपीठावर भाजपाचे प्रदेश उपाध्यक्ष विक्रम पावसकर, सा...

  सातारा जिल्ह्यात मतदार नोंदणीत कराड तालुका अव्वल; 31 पर्यंत नावे नोंदवा: प्रांताधिकारी अतुल म्हेत्रे... कराड दि.29 (प्रतिनिधी) आगामी लोकसभा निवडणुकीच्या पार्श्वभूमीवर कराड तालुका प्रशासनाने कराड उत्तर व कराड दक्षिण मतदार संघात मतदार यादी अद्यावत करण्यामध्ये बीएलओच्या मदतीने राबवण्यात आलेल्या मोहिमेत जिल्ह्यात अव्वल कामगिरी केली असून दोन्ही मतदारसंघातून 94 हजार प्राप्त अर्जातून 75 हजार अर्ज मंजूर केल्याची माहिती प्रांताधिकारी अतुल म्हेत्रे यांनी आज पत्रकार परिषदेत दिली. नवीन मतदार नोंदणी 31 डिसेंबर पर्यंत करण्याचे आवाहनही म्हेत्रे यांनी यावेळी केले. यावेळी प्रशिक्षणार्थी जिल्हाधिकारी एन चंद्रा, नायब तहसीलदार युवराज पाटील उपस्थित होते. भारत निवडणूक आयोग व महाराष्ट्र राज्याचे मुख्य निवडणूक अधिकारी यांच्या निर्देशानुसार 1 जानेवारी 2024 या अहर्ता दिनांकावर आधारित विशेष संक्षिप्त पुनरीक्षण कार्यक्रमाचे अंमलबजावणी 1 जून 2023 पासून सुरू होऊन 5 जानेवारी 2024 रोजी समाप्त होत आहे. या कार्यक्रमात मतदार यादीत नावे वाढवणे, नवीन मतदार नोंदणी करणे, स्थलांतरित व मयत मतदारांची नावे वगळणे तसेच नावा...

कराडमध्ये केंद्रीय राज्यमंत्र्यांच्या उपस्थितीत रविवारी 'मन की बात'... पंतप्रधान नरेंद्र मोदींच्या कार्यक्रमाचे थेट प्रक्षेपण; ना. डॉ. भारती पवार यांची उपस्थिती... कराड, दि .29 पंतप्रधान नरेंद्र मोदी यांच्या 'मन की बात' कार्यक्रमाचे थेट प्रक्षेपण रविवार दि. ३१ डिसेंबर रोजी सकाळी १० वाजता येथील वेणुताई चव्हाण सभागृहात करण्यात येणार आहे. या कार्यक्रमासाठी केंद्रीय आरोग्य व कुटुंबकल्याण राज्यमंत्री डॉ. भारती पवार प्रमुख उपस्थित राहणार आहेत. पंतप्रधान मोदी दर महिन्याच्या शेवटच्या रविवारी 'मन की बात' कार्यक्रमाद्वारे देशातील नागरिकांशी संवाद साधत असतात. या कार्यक्रमातून मानवी जीवनाला स्पर्श करणाऱ्या विविध विषयांवर ते जनतेला संबोधित करत असतात. या महिन्यातील 'मन की बात' कार्यक्रम रविवारी (ता. ३१) आकाशवाणी व दूरचित्रवाणीवरून प्रसारित केला जाणार असून, या कार्यक्रमाचे थेट प्रक्षेपण सकाळी १० वाजता कराड येथील वेणुताई चव्हाण सभागृहात करण्यात येणार आहे.  या कार्यक्रमासाठी केंद्रीय आरोग्य व कुटुंबकल्याण राज्यमंत्री डॉ. भारती पवार प्रमुख उपस्थित राहणार असून, भाजपचे पदा...

  कराडमधील 19 टपऱ्यांवर कोटपा कायद्यांतर्गत कारवाई... कराड, दि.28: जिल्हा रुग्णालयांतर्गत राष्ट्रीय तंबाखू नियंत्रण कार्यक्रमाच्यावतीने (एनटीपीसी) ‘कोटपा’ कायद्यानुसार कराड येथील १९ टपऱ्यांवर कारवाई करुन ७ हजार रुपये दंड वसूल करण्यात आला आहे. सिगारेट व अन्य तंबाखूजन्य उत्पादने (जाहिरात मनाई व व्यापार वाणिज्य उत्पादन आणि नियमन) कायदा २००३ अर्थात ‘कोटपा’ कायद्याच्या अंमलबजावणी व संनियंत्रणासाठी जिल्हाधिकारी यांच्या अध्यक्षतेखाली जिल्हा परिषदेचे मुख्य कार्यकारी अधिकारी, पोलीस अधीक्षक, जिल्हा शल्यचिकित्सक यांची जिल्हास्तरीय समिती कार्यरत आहे. या कायद्यानुसार शैक्षणिक संस्थेच्या परिसरात तंबाखूजन्य पदार्थांची विक्री, सार्वजनिक ठिकाणी धुम्रपानास बंदी, तंबाखूची जाहिरात आदी निर्बंध आहेत. त्याअनुषंगाने तंबाखू विक्री करणाऱ्या टपऱ्यांवर ही कारवाई करण्यात येत आहे, अशी माहिती जिल्हा शल्यचिकित्सक डॉ. युवराज कर्पे यांनी दिली आहे. काय आहे ‘कोटपा’ कायदा... भारत सरकारने २००३ मध्ये सिगारेट व अन्य तंबाखूजन्य पदार्थ नियंत्रण कायदा तयार केला आहे. या कायद्यातील काही महत्वाची कलमे खाली दिली आहेत. कलम ...

सर्वसामान्यांच्या हितासाठी कृष्णा बँक सदैव कटीबद्ध : डॉ. सुरेश भोसले... आगाशिवनगर शाखेचे उद्‌घाटन; पहिल्याच दिवशी ६ कोटी ७० लाख रुपयांच्या ठेवी... कराड, दि .26: कृष्णा सहकारी बँकेने नेहमीच सर्वसामान्य जनतेचे आर्थिक हित जपले आहे, असे प्रतिपादन य. मो. कृष्णा सहकारी साखर कारखान्याचे चेअरमन डॉ. सुरेश भोसले यांनी केले. आगाशिवनगर - मलकापूर (ता. कराड) येथे कृष्णा सहकारी बँकेच्या १९ व्या शाखेच्या व एटीएम सेंटरच्या उद्‌घाटनप्रसंगी ते बोलत होते. डॉ. सुरेश भोसले यांच्या हस्ते कृष्णा बँकेच्या नूतन शाखेचे व बँकेचे चेअरमन डॉ. अतुल भोसले यांच्या हस्ते एटीएम सेंटरचे उद्‌घाटन करण्यात आले. याप्रसंगी सौ. गौरवी भोसले, श्री. विनायक भोसले, बँकेचे व्हाईस चेअरमन दामाजी मोरे, मुख्य कार्यकारी अधिकारी भगवान जाधव, शाखाधिकारी सौ. ज्योती कदम यांची प्रमुख उपस्थिती होती. यावेळी बोलताना डॉ. सुरेश भोसले यांनी सहकारमहर्षी स्व. जयवंतराव भोसले आप्पांनी सुरू केलेल्या सर्वच सहकारी संस्था चांगल्या चालल्या असून, चांगल्या सहकार्‍यांमुळेच हे शक्य झाल्याचे सांगितले. डॉ. अतुल भोसले म्हणाले, की खातेदार, ग्राहक व ठेवीदारांच्या विश्...

कराड शहर डीबीने केला आणखी दिड किलो गांजा जप्त; शहरातील दोघे ताब्यात... कराड दि.26-कराड शहर गुन्हे प्रकटीकरण शाखेने कराडच्या मंडईत अचानक राबवलेल्या कोंबिंग ऑपरेशन मध्ये दीड किलो गांजासह दोघांना अटक केली आहे. गांजा व एक दुचाकी पोलिसांनी जप्त केली आहे. दोनच दिवसांपूर्वी कराड डी बी ने सव्वा किलो गांजा जप्त केला होता. याबाबत पोलिसांकडून मिळालेल्या माहितीनुसार, कराड शहर डीबीचे प्रमुख पोलीस उप निरीक्षक राजू डांगे व डी. बी. पथकातील सर्व अंमलदार यांनी मंडई परीसरात अचानक कोबींग ऑपरेशन राबवुन सराईत गुन्हेगाराचे घराची झाडाझडती घेतली. यात रेकॉर्ड वरील गुन्हेगार गणेश संजय वायदंडे व संदीप संपत बडेकर ऊर्फ बारक्या बडेकर हे यामा आर एक्स १०० गाडीवरुन बेकायदेशीर गांजाची वाहतुक करताना मिळुन आल्याने त्यांचे कडून सुमारे दिड किलो गांजा व एक लाख रुपये किंमतीची गाडी जप्त करण्यात आली आहे. सदर कारवाईत आरोपी गणेश संजय वायदंडे व संदीप संपत बडेकर ऊर्फ बारक्या बडेकर रा. बुधवार पेठ कराड यास ताब्यात घेण्यात आले आहे. उपविभागीय पोलीस अधिकारी अमोल ठाकुर यांचे सुचने नुसार व मार्गदर्शनाखाली वरिष्ठ पोलीस निरीक्षक प्रदीप सुर्...

कराडच्या शासकीय अभियांत्रिकी महाविद्यालयात माजी विद्यार्थ्यांचा स्नेह मेळावा संपन्न. तब्बल ८०० माजी विद्यार्थ्यांचा सहभाग... कराड दि.25:- येथील शासकिय अभियांत्रिकी महाविद्यालयात दिनांक 24 डिसेंबर रोजी माजी विद्यार्थ्यांचा स्नेह मेळावा आयोजित करण्यात आला होता. सदर स्नेह मेळाव्यास 1966 ते 2022 पर्यंतच्या जवळपास 800 विद्यार्थ्यांनी सहभाग नोंदविला. इतक्या मोठ्या प्रमाणात माजी विद्यार्थ्यांची उपस्थिती असणारा हा गेल्या दहा वर्षातील पहिलाच स्नेह मेळावा. सदर स्नेह मेळाव्यात माजी विद्यार्थ्यांच्या आठवणी जागृत करण्याच्या दृष्टिकोनातून महाविद्यालयाने पुढाकार घेतला होता. अबू चे कॅन्टीन, वसतिगृह, वर्ग खोल्या तसेच क्रीम रोल व चहा यांच्या सानिध्यात माजी विद्यार्थ्यांच्या अनेक जुन्या आठवणींना उजाळा मिळाला.  सदर कार्यक्रमास प्रमुख पाहुणे म्हणून प्रथितयश माजी विद्यार्थी मा. मोरेश्वर भालसिंग (अध्यक्ष नियमक मंडळ शासकीय अभियांत्रिक महाविद्यालय कराड), मिलिंद जोशी (कार्यकारी अध्यक्ष, महाराष्ट्र साहित्य परिषद पुणे) तसेच नरेंद्र जोशी (सेवानिवृत्त कार्यकारी अध्यक्ष थरमॅक्स लिमिटेड), भिमराया मैत्री (नियामक, ...

उड्डाणपूलाचे काम रोखल्यास आंदोलन करणार; दक्ष कराडकरसह अनेक संघटनांचा इशारा... कराड दि.23-कराडच्या उड्डाणपूला संदर्भात काहीजणांनी कराड मलकापूर बाजारपेठेच्या अनुषंगाने संबंधित विभागाला हायवेचे काम बंद पाडू असा आंदोलनाचा इशारा दिला असून त्या अनुषंगाने 10 जानेवारीला उड्डाणपुल व हायवेचे काम रोखण्याचा कोणी प्रयत्न केल्यास त्या विरोधात आम्ही त्याच दिवशी त्याच ठिकाणी आंदोलन करणार असल्याचा इशारा दक्ष कराडकर, रिपब्लिकन पार्टी ऑफ इंडिया, शिवसेना (ठाकरे गट), विश्व इंडियन पार्टी व महाराष्ट्र नवनिर्माण विद्यार्थी सेनेचे वतीने आज आयोजित पत्रकार परिषदेत देण्यात आला. यावेळी प्रमोद पाटील, संजय कांबळे, बापूसाहेब लांडगे, विनायक भोसले, प्रताप इंगवले, प्रमोद तोडकर, जबीर वाईकर, महेश जाधव, जवाहर पवार, महेश पवार उपस्थित होते.  कराड जवळ मलकापूर-कराड शहरातून जाणाऱ्या पुणे-बेंगळूरू आंतरराष्ट्रीय महामार्गाच्या उड्डाणपूल व सहापदरीकरण असे काम सुरू आहे. यामध्ये सर्वात महत्त्वाचा, नांदलापूर ते कराड असा सुमारे साडे तीन किलोमीटरचा उड्डाणपूल बांधण्याचे काम काही महिन्यांपासून सुरू झाले आहे. कोल्हापूर नाका, म्हणजे काही...

कराडाला जानेवारीत पहिला आंतरराष्ट्रीय कृषी महोत्सव; डॉ. सुरेश भोसले.. कराड दि.22-कृष्णाकाठचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जन्मशताब्दी वर्षाला आज पासून प्रारंभ झाला आहे. आप्पासाहेबांनी आपल्या कुशल कार्यकर्तृत्वाने कृष्णाकाठी समृद्धीची विकासगंगा आणली. त्यांच्या पुढाकारातून स्थापन झालेल्या विविध संस्थांच्या माध्यमातून शेतीक्षेत्राची आमूलाग्र प्रगती झाली. किंबहुना शेतकरी वर्गाची आर्थिकदृष्ट्या भरभराट झाली. याच पार्श्वभूमीवर कराड येथे कृष्णा कृषी व औद्योगिक महोत्सवाचे आयोजन करण्यात आल्याची माहिती कृष्णा सह. साखर कारखान्याचे चेअरमन डॉ. सुरेश भोसले व कृष्णा सह. बँकेचे चेअरमन डॉ. अतुल भोसले यांनी आज पत्रकार परिषदेत दिली. सदर महोत्सव 17 ते 21 जानेवारी 2024 या कालावधीत कराडच्या छत्रपती शिवाजी स्टेडियमवर आयोजित करण्यात आल्याचेही डॉ.भोसले यांनी सांगितले आजच्या बदलत्या तंत्रज्ञानामुळे कृषीक्षेत्रात नवनवीन आव्हाने निर्माण होत आहेत. अशा परिस्थितीत आपल्या भागातील शेतकऱ्यांना जगभरात कृषी क्षेत्रात सुरु असलेल्या नव्या तंत्रज्ञानाची, नव्या संशोधनाची, नव्या उत्पादनांची ...

कराडच्या त्या स्फोटातील जखमी मुलीचा उपचारा दरम्यान मृत्यू...   कराड दि.21 (प्रतिनिधी) येथील मुजावर कॉलनीत गॅस गळतीमुळे झालेल्या स्फोटात जखमी झालेल्या जोया मुल्ला (वय 11) या मुलीचा आज उपचार सुरू असताना मृत्यू झाला. यापूर्वी जोयाचे वडील शरीफ व आई सुलताना यांचा उपचारा दरम्यान मृत्यू झाला होता. त्यानंतर दोन लहान मुलांवर खाजगी रुग्णालयात उपचार सुरू होते. यामध्ये मुलगा राहत मुल्ला ( वय 7) बरा झाल्याने काही दिवसापूर्वी त्याला डिस्चार्ज देण्यात आला होता तर जोया या मुलीवर मिरज येथे उपचार सुरू होते... पुढे वाचा... मुजावर कॉलनीत 25 ऑक्टोंबर रोजी शरीफ मुबारक मुल्ला यांच्या घरात गॅस गळतीमुळे स्पोट झाला होता. यात मुल्ला कुटुंबीय गंभीर जखमी झाले होते. 31 ऑक्टोंबर रोजी शरीफ मुल्ला यांच्या पत्नीचा उपचार सुरू असताना मृत्यू झाला होता तर त्यानंतर चारच दिवसात 3 नोव्हेंबर रोजी शरीफ यांचा मृत्यू झाला. त्याचवेळी त्यांची दोन जखमी मुले पोरखी झाली होती. त्यांच्यावर मिरज येथील खाजगी रुग्णालयात उपचार सुरू होते. शरीफ मुल्ला यांचा मुलगा राहत हा उपचारांती बर झाल्याने त्याला नुकताच डिस्चार्ज देण्यात आला होता. तर ज...

सहकारमहर्षी स्व. जयवंतराव भोसले यांच्या ९९ व्या जयंतीनिमित्त शुक्रवारी विविध कार्यक्रम... कराड, दि .21: कृष्णाकाठच्या सहकार, आरोग्य आणि शैक्षणिक विकासाचे प्रणेते सहकारमहर्षी स्व. जयवंतराव भोसले (आप्पासाहेब) यांची शुक्रवार दि. २२ डिसेंबर रोजी ९९ वी जयंती साजरी होत आहे. यानिमित्त कराड व वाळवा तालुक्यात विविध कार्यक्रमांचे आयोजन करण्यात आले आहे.  शुक्रवारी (ता. २२) सकाळी ८.३० वाजता कृष्णा हॉस्पिटलच्या प्रांगणातील स्व. आप्पासाहेबांच्या पूर्णाकृती पुतळ्यास मान्यवरांच्या उपस्थितीत पुष्पार्पण व अभिवादन केले जाईल. त्यानंतर सकाळी ११ वाजता कृष्णा सहकारी बँकेच्या आगाशिवनगर – मलकापूर (ता. कराड) येथे सुरु करण्यात येणाऱ्या नूतन शाखेचे उद्‌घाटन कृष्णा विश्व विद्यापीठाचे कुलपती डॉ. सुरेश भोसले यांच्या हस्ते व नूतन ए.टी.एम.चे उद्‌घाटन बँकेचे चेअरमन डॉ. अतुल भोसले यांच्या हस्ते करण्यात येणार आहे. तसेच वाटेगाव (ता. वाळवा) येथे सहकारमहर्षी मा. जयवंतराव भोसले (आप्पा) नागरी सहकारी पतसंस्थेच्या नूतन शाखेचे उद्‌घाटन दुपारी १ वाजता डॉ. सुरेश भोसले व डॉ. अतुल भोसले यांच्या हस्ते करण्यात येणार आहे.  रेठ...

स्थानिक स्वराज्य संस्थांच्या निवडणुका सरकारने तात्काळ घ्याव्यात - आ.पृथ्वीराज चव्हाण... नागपूर: दि .20-राज्यातील स्थानिक स्वराज्य संस्थांच्या निवडणूका गेली २ वर्षाहून अधिक वर्षे प्रलंबित आहेत. त्यामुळे अशा ठिकाणी प्रशासकच्या माध्यमातून कारभार सुरु आहे. त्यामुळे जिथे प्रशासक आहेत अशा ठिकाणी लोकप्रतिनिधींच्या अभावी लोकांचे प्रश्न मार्गी लागण्यात अडथळे येत असल्याचे दिसून येते यामुळे सरकारने तात्काळ स्थानिक स्वराज्य संस्थांच्या निवडणूक घ्याव्यात अशी आग्रही मागणी माजी मुख्यमंत्री आ. पृथ्वीराज चव्हाण यांनी विधानसभेत केली.   तसेच पुढे बोलताना आ. पृथ्वीराज चव्हाण म्हणाले कि, पंधराव्या वित्त आयोगाच्या नियमाप्रमाणे 2021 ते 2025 पर्यंत या पाच वर्षांमध्ये महाराष्ट्राला एकूण 22 हजार 713 कोटी निधी हा फक्त ग्रामीण भागातील स्थानिक स्वराज्य संस्थांना मिळणार आहे. परंतु केंद्र सरकारने निर्णय घेतला आहे की ज्या ग्रामपंचायती, पंचायत समिती व जिल्हा परिषदा यांच्या निवडणुका झाल्या नाहीत व जिथे प्रशासक आहेत त्या ठिकाणी केंद्राचा हा निधी मिळणार नाही. त्याप्रमाणे राज्याच्या ग्रामीण विकास मंत्रालयाने सुद्...

कराडच्या उड्डाणपूल आराखड्यात कराड-मलकापूर शहरात जाण्यासाठी वळण मार्ग करावा अन्यथा आंदोलन उभारणार; आनंदराव पाटील... कराड दि.19- पुणे-बेंगळूरू राष्ट्रीय महामार्गाच्या सहापदरीकरणाचे काम सध्या सुरू आहे. यात नांदलापूर ते कराड असा सुमारे साडे तीन किलोमीटरचा उड्डाणपूल बांधण्यात आहे. हा उड्डाणपूल नांदलापूर फाटा ते कराड शहरातील स्व. यशवंतराव चव्हाण यांची स्वागत कमान ते कोयना नदीवरील नवीनपूल शहर हद्दीपर्यंत उतरणारा प्रस्तावित होता. मात्र पुलाच्या मूळ आराखडयात कोणाच्या तरी हस्तक्षेपाने बदल करण्यात आला असून हा उड्डाणपूल थेट वारुंजी-गोटे गावच्या हद्दीपर्यंत वाढवण्यात आला आहे. पहिल्या आराखड्यात कराड शहरात जाण्यासाठी वळणमार्ग होता. मात्र नवीन आराखडयात तो नसल्याने दोन शहराच्या व्यापारांचे नुकसान होणार आहे. कराड-मलकापूरच्या हितासाठी खा. उदयनराजे भोसले यांच्या सहकार्याने सर्वपक्षीय लढा उभारणार असून कराडचे महत्व कमी करणार असाल तर महामार्गाचे काम होऊ देणार नाही, असा इशारा माजी आ. आनंदराव पाटील यांनी आज पत्रकार परिषदेत दिला. कराड विश्रामगृह येथे झालेल्या पत्रकार परिषदेत हरीश जोशी, राजू मुल्ला, एकनाथ बागडी,...

रोजगाराच्या अधिक संधीसाठी MKCL चे KLiC कोर्सेस आता नव्या रूपात; वीणा कामथ  कराड दि.18- नव्या राष्ट्रीय शैक्षणिक धोरणात होणाऱ्या बदलास समोर ठेवून येणाऱ्या काळात शिक्षणात आता कौशल्य आणि कार्यबल विकास शिक्षणावर जास्तीत जास्त भर असणार आहे. त्यामुळे रोजगाराच्या अधिक संधीसाठी महाराष्ट्र ज्ञान महामंडळाकडून (MKCL) क्लिक (KLiC) कोर्सेस आता नव्या रूपात उपलब्ध करण्यात आल्याची माहिती महाराष्ट्र ज्ञान महामंडळाच्या  (MKCL) व्यवस्थापकीय संचालिका वीणा कामथ यांनी पत्रकार परिषदेत दिली. यावेळी MKCL चे दक्षिण विभागीय समन्वयक अनिल गावंडे, दीपक पाटील, दिनेश शिलेदार उपस्थित होते. भविष्यकाळात संपूर्ण विद्यार्थ्यांच्या सर्वांगीण विकास व रोजगार क्षम युवा पिढी निर्माण व्हावी यासाठी महाराष्ट्र ज्ञान महामंडळाने व्यावसायिक कौशल्य आणि रोजगार क्षम कौशल्य साठी लागणारे नवनवीन क्लिक कोर्सेस महाराष्ट्रातील चार हजार पाचशे केंद्रावर सुसज्ज कॉम्प्युटर लॅब व प्रशिक्षकांसोबत सुरू केलेले आहेत त्यासाठी आपल्या नजीकच्या केंद्राशी संपर्क साधावा असे आवाहनही वीणा कामथ यांनी यावेळी केले आहे. याबाबत अधिक माहिती देताना त्यापुढ...

कोल्हापूर-मुंबई वंदे भारत एक्सप्रेसचे 17 रोजी उद्घाटन;कराडला थांबा देण्याची मागणी... कराड दि.13- मुंबई-कोल्हापूर या वंदे भारत एक्सप्रेसचे 17 डिसेंबर रोजी पंतप्रधान नरेंद्र मोदी यांच्या हस्ते उद्घाटन होणार आहे. मात्र या एक्सप्रेसला सांगली आणि कराड येथे थांबा नसल्याने या दोन्ही महत्त्वाच्या स्टेशनवरील प्रवाशांना मुकावे लागणार आहे. त्यामुळे याबाबत या दोन्ही ठिकाणी या एक्सप्रेसला थांबे करावेत अशा मागणीचे पत्र खा. श्रीनिवास पाटील यांनी रेल्वे राज्यमंत्री रावसाहेब दानवे पाटील यांच्याकडे केली आहे. खा.पाटील यांनी रेल्वे राज्यमंत्री रावसाहेब दानवे पाटील यांना केलेल्या मागणीमध्ये म्हटले आहे की, या एक्सप्रेसचे उद्घाटन 17 डिसेंबर रोजी होणार असल्याचे वर्तमानपत्रामधून व आलेल्या बातम्या वरून कळले आहे. या गाडीला सांगली आणि कराड स्थानकावर थांबा देण्यात आला नाही. कोल्हापूर नंतर कराड आणि सांगली हे दोन महत्त्वाची रेल्वे स्थानके आहेत. मुंबईला जाण्यासाठी सर्वाधिक लोक कराड आणि सांगली या स्थानकावरून बुकिंग करतात. पर्यायाने या स्थानकावर गाडीला थांबा देण्यात यावा अशी मागणी रेल्वे प्रवासी संघटना करीत आहे. त्यामु...

छोट्या छोट्या गोष्टींच्या आनंदातून जीवन बनते सुंदर : गणेश शिंदे... स्व. जयमाला जयवंतराव भोसले यांची ९१ वी जयंती विविध उपक्रमांनी साजरी... कराड, दि.13: जीवन सुंदर व्हावे यासाठी निश्चित असा कोणताही फॉर्म्युला नाही; परंतु आयुष्यातील छोट्या छोट्या गोष्टींचा आनंद घेतला तर जीवन नक्कीच सुंदर बनते, असे प्रतिपादन सुप्रसिद्ध व्याख्याते गणेश शिंदे यांनी केले. कृष्णा सरिता महिला बझारच्यावतीने कृष्णा हॉस्पिटल कॅम्पसमधील सभागृहात आयोजित व्याख्यानात ते बोलत होते.  कृष्णा परिवाराच्या आधारस्तंभ स्व. श्रीमती जयमाला जयवंतराव भोसले (आईसाहेब) यांची ९१ वी जयंती विविध उपक्रमांनी साजरा करण्यात आली. यानिमित्त कृष्णा सरिता महिला बझारच्यावतीने सुप्रसिद्ध व्याख्याते गणेश शिंदे (पुणे) यांचे 'जीवन सुंदर आहे' या विषयावर  व्याख्यानाचे आयोजन करण्यात आले होते. श्री. शिंदे यांनी आपल्या व्याख्यानातून तब्बल दीड तास जीवनाचे अनेक पैलू उलगडून दाखवित, आपल्या अमृतवाणीने उपस्थितांना खिळवून ठेवले.  व्यासपीठावर ज्येष्ठ नेते मदनराव मोहिते, सौ. रंजना मोहिते, य. मो. कृष्णा सहकारी साखर कारखान्याचे चेअरमन डॉ. सुरेश भोसले...

कराड तालुका गुन्हे अन्वेषण शाखेतील पोलीसांची कारवाई;मोटारसायकलसह 1 शेळी 2 बोकड आरोपीसह जप्त... कराड दि.12- म्होप्रे ता. कराड येथून चोरीस गेलेली मोटरसायकल व दोन बोकड, एक शेळी चोरट्याकडून हस्तगत करण्याची कराड तालुका ग्रामीण पोलीस स्टेशनच्या गुन्हे अन्वेषण शाखेने कामगिरी केली आहे. याप्रकरणी एकास ताब्यात घेतली आहे. याबाबत पोलिसांकडून मिळालेल्या माहितीनुसार, दि. 10 डिसेंबर 2023 रोजीचे सायंकाळी दहा वाजण्याच्या सुमारास ते दि. 11 डिसेंबर 2023 रोजीचे सकाळी सात वाजण्याच्या दरम्याण मौजे म्होप्रे ता. कराड गावचे हद्दीत उत्तम जयराम जाईगडे यांचे बंदीस्त शेडातुन शंकर आनंदा पुजारी रा.म्होप्रे ता. कराड यांची तसेच गावातील सुनिल रमेश संकपाळ यांचेसुध्दा बंद असले शेडमधुन अज्ञात चोरट्याने 2 बोकड व 1 शेळी चोरुन नेहली आहे. तसेच शशिकांत नंदकुमार जाधव यांची मोटारसायकल बॉक्सर क्रमांक MH 10V 6887 असा एकुण 75000/- हजार रुपये चोरीस गेलेबाबत काल दि. 11 डिसेंबर रोजी सायंकाळी सात वाजता तक्रार नोंद केली होती. उपविभागीय पोलीस अधिकारी अमोल ठाकुर व पोलीस निरीक्षक विजय पाटील यांचे सुचनेनुसार सपोनि बाबर गुन्हे प्रकटीकरण शाखे...

विमानतळ विस्तारीकरण विरोधातील ग्रामस्थांच्या भावना सरकारपर्यंत पोहचविणार... भाजपाचे नेते डॉ. अतुल भोसले यांची विमानतळ विस्तारीकरणविरोधी कृती समितीला ग्वाही... कराड, दि.11: कराड तालुक्यातील वारुंजी, मुंढे, गोटे, केसे, पाडळी या भागातील ग्रामस्थांनी विमानतळ विस्तारीकरणाला विरोध दर्शविला आहे. मात्र विकासाचे काम करताना स्थानिक घटकांवर कुठलाही अन्याय होणार नाही, याची काळजी राज्य सरकार नेहमीच घेत असते. त्यामुळे कराड येथील विमानतळ विस्तारीकरण विरोधातील ग्रामस्थांच्या भावना राज्य सरकारपर्यंत पोहचविणार असल्याची ग्वाही भारतीय जनता पार्टीचे सातारा लोकसभा प्रभारी डॉ. अतुल भोसले यांनी या ग्रामस्थांना दिली.  कराड येथील विमानतळाचा विस्तार करण्याचे धोरण राज्य सरकारने आखले असून, त्यासाठी भरघोस निधीचीही तरतूद सरकारने केली आहे. मात्र या विस्तारीकरणाला स्थानिक ग्रामस्थांनी तीव्र विरोध दर्शविला आहे. विमानतळ विस्तारीकरणासाठी भूसंपादन करताना योग्य नियमांचे पालन झालेले नसल्याचा आक्षेप नोंदवून, बहुसंख्य ग्रामस्थांनी याला विरोध दाखविला आहे. याप्रश्नी विस्तारीकरणामुळे बाधित होणाऱ्या वारुंजी, मुंढे, गोटे, केसे...

आ. पृथ्वीराज चव्हाण यांच्या माध्यमातून कराड दक्षिण मतदारसंघात ८ कोटी ७० लाख ६९ हजाराचा निधी मंजूर... कराड दि.8 जिल्हा नियोजन समितीच्या जिल्हा वार्षिक योजना २०२३ - २४ मधून माजी मुख्यमंत्री आ. पृथ्वीराज चव्हाण यांच्या माध्यमातून कराड दक्षिण विधानसभा मतदारसंघातील विविध विकासकामांसाठी ८ कोटी ७० लाख ६९ हजार इतका भरघोस निधी मंजूर झाला आहे. या निधीतून आ. चव्हाण यांनी मतदरसंघातील समतोल राखला आहे. अशी माहिती आ. पृथ्वीराज चव्हाण यांच्या कार्यालयातून प्रसिध्दी पत्रकाद्वारे देण्यात आली. प्रसिध्दी पत्रकात पुढे म्हंटले आहे की, केंद्रीय पंतप्रधान कार्यालयीन राज्यमंत्री, राज्यसभा व लोकसभेचे खासदार असल्यापासून सातारा आणि कराड परिसराच्या विकासासाठी कटिबद्ध असलेल्या कराड दक्षिणचे आ. पृथ्वीराज चव्हाण यांनी राज्याचे मुख्यमंत्री असताना हजारो कोटी रुपयांचा निधी आणत मतदारसंघाचा कायापालट केला. गेली नऊ वर्षे आ. चव्हाण कराड दक्षिणचे प्रतिनिधीत्व करत आहेत. या नऊ वर्षातही त्यांनी विकासाची प्रक्रिया निरंतर चालू ठेवली आहे. जिल्हा नियोजन समितीकडे चालू आर्थिक वर्षात आ. चव्हाण यांनी विविध विकासकामांसाठी निधीची मागणी के...

स्वा. सावरकरांचा अपमान करणाऱ्या खर्गेंविरोधात भाजपाची जोरदार निदर्शने... कराड, दि.8: काँग्रेसचे राष्ट्रीय अध्यक्ष मल्लिकार्जुन खर्गे यांचे पुत्र, कर्नाटक सरकारमधील मंत्री प्रियांक खर्गे यांनी स्वातंत्र्यवीर सावरकर यांच्याविरोधात अपमानजनक वक्तव्य केले आहे. याबद्दल खर्गे यांच्या निषेधार्थ भारतीय जनता पार्टीच्या कराड दक्षिण शाखेच्यावतीने मलकापूर येथे जोरदार निदर्शने करण्यात आली.  कर्नाटक सरकारमधील मंत्री प्रियांक खर्गे यांनी ‘स्वातंत्र्यवीर सावरकरांचे योगदान काय? आणि त्यांचा पराक्रम काय? असा प्रश्न उपस्थित करुन देशातील संपूर्ण देशभक्तांचा अपमान केला आहे. काँग्रेसने स्वातंत्र्यवीर सावरकर यांचा अवमान करण्याची एकही संधी सोडलेली नाही. आधी राहुल गांधी आणि आता खर्गे सावरकरांवर टीका करताहेत. पण या देशातील जनता स्वातंत्र्यवीरांचा अवमान कधीच सहन करणार नाही. या अवमानाबद्दल मतदारही काँग्रेसला धडा शिकवतील, असा इशारा यावेळी भाजपाचे तालुकाध्यक्ष धनंजय पाटील यांनी दिला. यावेळी खर्गे आणि काँग्रेसच्या निषेधार्थ जोरदार घोषणाबाजी करण्यात आली.  यावेळी कापीलचे माजी सरपंच मोहनराव जाधव, पंकज पाटील, धना...

कराड दक्षिणेतील ३४.२५ कोटींच्या विकासकामांना राज्य पुरवणी अर्थसंकल्पात मंजुरी... भाजपाचे सातारा लोकसभा प्रभारी डॉ. अतुल भोसले यांच्या प्रयत्नांना यश.... कराड, दि.७ : नागपूर येथे आजपासून सुरू झालेल्या हिवाळी अधिवेशनात भाजपा - शिवसेना - राष्ट्रवादी काँग्रेस महायुती सरकारने राज्याचा पुरवणी अर्थसंकल्प सादर करताना, कराड दक्षिणमधील विकासकामांना मोठया प्रमाणावर मंजुरी दिली आहे. भाजपाचे सातारा लोकसभा प्रभारी डॉ. अतुल भोसले यांनी केलेल्या प्रयत्नांमुळे कराड दक्षिणमधील सुमारे ३४ कोटी २५ लाख रुपयांच्या विकासकामांना मंजुरी मिळाली असून, याबद्दल मुख्यमंत्री ना. एकनाथ शिंदे, उपमुख्यमंत्री ना. देवेंद्र फडणवीस, ना. अजित पवार, सार्वजनिक बांधकाममंत्री ना. रवींद्र चव्हाण व महायुती सरकारचे सर्वस्तरातून अभिनंदन केले जात आहे. कराड दक्षिणमधील विविध कामांसाठी निधी मंजुर करावा, याबाबत डॉ. अतुल भोसले सातत्याने प्रयत्नशील होते. त्यानुसार त्यांनी सार्वजनिक बांधकाममंत्री ना. रवींद्र चव्हाण यांच्याकडे पत्रव्यवहार करुन, या कामांना मंजुरी मिळावी अशी विनंती केली होती. या मागणीची दखल घेत आज थेट राज्याच्या पुरवणी अर्थसंक...

कराड दक्षिणमधील विकासकामांसाठी २ कोटी १० लाखांचा निधी मंजूर.... खा. उदयनराजे भोसले यांच्या खासदार फंडातून निधी; डॉ. अतुल भोसलेंचे प्रयत्न... कराड, दि.६ : कराड दक्षिणमधील जवळपास २३ गावांमधील विविध विकासकामांसाठी राज्यसभेचे सदस्य खासदार उदयनराजे भोसले यांच्या फंडातून २ कोटी १० लाख रुपयांचा निधी मंजूर झाला आहे. भारतीय जनता पार्टीचे प्रदेश कार्यकारिणी सदस्य डॉ. अतुल भोसले यांच्या प्रयत्नातून मंजूर झालेल्या या निधीमुळे, कराड दक्षिणमधील विकासकामांना गती प्राप्त होणार आहे.  कराड तालुक्यातील विविध विकासकामांसाठी खासदार फंडातून निधी उपलब्ध व्हावा, अशी मागणी डॉ. अतुल भोसले यांनी खा. उदयनराजे भोसले यांच्याकडे केली होती. त्यानुसार त्यांनी राज्यसभा स्थानिक विकास निधीमधून सुमारे २ कोटी १० लाख निधी मंजूर केला असून, यामध्ये कराड दक्षिणमधील विविध विकासकामे मार्गी लावण्यासाठी जिल्हा नियोजन समितीला सुचविण्यात आले आहे.  यामध्ये नांदलापूर येथील गोपाळ वस्तीत समाजमंदिर बांधण्यासाठी १० लाख, वडगाव हवेली येथील कराड – तासगाव रस्ता - कोडोली फाटा ते जगताप वस्ती रस्त्याच्या खडीकरण व डांबरीकरणासाठी १० लाख, ...

कराडात साजरा होणारा विजय दिवस समारोह यावर्षी नव्या रूपात... दोन दिवस विविध कार्यक्रमांचे आयोजन.... कराड दि. 5 (प्रतिनिधी) प्रतिवर्षाप्रमाणे याही यावर्षी कराडात दोन दिवस विविध कार्यक्रमाने नव्या रूपाने विजय दिवस समारोह साजरा करण्यात येणार असल्याची माहिती या समारोहाचे संस्थापक निवृत्त कर्नल संभाजी पाटील यांनी प्रसिद्धी पत्रकाद्वारे दिली आहे. विजय दिवस समारोह समितीच्या वतीने देण्यात आलेल्या या प्रसिद्धी पत्रकात पुढे म्हटले आहे की, भारतीय सैन्य दलाच्या बांगला मुक्तिसंग्रामातील दैदीप्यमान विजया प्रित्यर्थ, कराड येथे १९९८ पासून नि.कर्नल संभाजी पाटील यांच्या नेतृत्वाखाली प्रतिवर्षी दि. १४, १५, १६, डिसेंबर रोजी विजय दिवस समारोहाचे मोठ्या उत्स्फूर्त वातावरणात आयोजन केले जाते. सन २०२२ हे वर्ष विजय दिवस समारोहाचे रौप्यमहोत्सवी वर्ष होते. सन २०२३ पासून या समारोहाचे उपक्रमामध्ये काही मूलभूत बदल करून या वर्षीपासून समारोहाचे वतीने विद्यार्थी, युवा आणि लोकसहभागातून अनेक विविध उपक्रम राबविण्यात येणार असल्याचे समारोहाचे संस्थापक अध्यक्ष कर्नल संभाजी पाटील यांनी सांगितले. प्रतिवर्षी होणारा विजय दिवस समार...

माजी मुख्यमंत्री आ. पृथ्वीराज चव्हाण यांच्या प्रयत्नातून कार्वे गावासाठी 4 कोटी 22 लाखाचा निधी... कराड दि.2-माजी मुख्यमंत्री आ. पृथ्वीराज चव्हाण यांच्या प्रयत्नातून तसेच कार्वे गावचे माजी सरपंच वैभव थोरात यांच्या सातत्यपूर्ण पाठपुराव्यामुळे जल जीवन मिशन अंतर्गत कार्वे गावातील गोपाळनगर व वाढीव वस्तीसाठी ३ लाख लिटर क्षमतेची पिण्याच्या पाण्याची योजना मंजूर झाली असून ४ कोटी २२ लाख रुपयांचा निधी यासाठी मंजूर झाला आहे. याबाबतचे मंजुरी पत्र कार्वे गावचे माजी सरपंच वैभव थोरात, ग्रामपंचायत सदस्य सागर देसाई, अभिजीत वायदंडे, विठ्ठल हुलवान आदींनी ग्रामस्थांच्या वतीने आ. चव्हाण यांच्याकडून स्वीकारले. यावेळी युवानेते इंद्रजित चव्हाण, स्वीय सहायक गजानन आवळकर उपस्थित होते. कार्वे गावच्या पिण्याच्या पाणी योजनेसाठी इतका भरघोस निधी मंजूर केल्याबद्द्ल माजी सरपंच वैभव थोरात व ग्रामपंचायत सदस्यांनी आ. पृथ्वीराज चव्हाण यांचे आभार मानले.  कार्वे गावासाठी पृथ्वीराज चव्हाण मुख्यमंत्री असताना २०१३-१४ साली पेयजल योजना मंजूर झालेली होती. या योजनेचा विस्तार संपूर्ण गावामध्ये १६ कि.मी. इतका असून वॉर्ड क्र. ४ मध्...

फार्मा क्षेत्रातील विद्यार्थ्यांना परदेशात मोठी संधी उपलब्ध : डॉ. अनिल घुले... कृष्णा विश्व विद्यापीठात राष्ट्रीय परिषद उत्साहात; ८०० हून अधिक विद्यार्थ्यांचा सहभाग... कराड, दि.2: संपूर्ण जगात फार्मसी इंडस्ट्री झपाट्याने वाढत आहे. त्यामुळे फार्मा क्षेत्रातील विद्यार्थ्यांना परदेशात मोठी संधी उपलब्ध असल्याचे प्रतिपादन शिवाजी विद्यापीठाच्या आंतरराष्ट्रीय घडामोडी विभागाचे माजी संचालक डॉ. अनिल घुले यांनी केले. कृष्णा विश्व विद्यापीठाच्या फार्मसी अधिविभागातर्फे आयोजित ‘फार्मा क्षेत्रातील परदेशातील संधी’ या विषयावरील राष्ट्रीय परिषदेच्या उद्घाटनप्रसंगी ते बोलत होते. अध्यक्षस्थानी कुलसचिव डॉ. एम. व्ही. घोरपडे होते.  व्यासपीठावर श्री महालक्ष्मी अकॅडमीचे संचालक अभय केळकर, युरोप एज्युबोर्ड एज्युकेशन व करियर गायडन्स केंद्राचे समुपदेशक राहुल नाईक, कृष्णा विद्यापीठातील संशोधन संचालक डॉ. डी. के. अगरवाल, अंतर्गत गुणवत्ता हमी कक्षाचे संचालक डॉ. एस. आर. पाटील, आंतरराष्ट्रीय घडामोडी विभागाच्या उपसंचालिका अर्चना कौलगेकर, फार्मसी विभागाचे अधिष्ठाता प्रा.डॉ. एन. आर. जाधव, डॉ. अक्षदा कोपर्डे होत्या....

कराडात युवकावर भर दिवसा हल्ला; युवकाचा मृत्यू, हल्लेखोर फरार... राजू सनदी कराड  कराड दि.2 येथिल कार्वे नाका येथे अर्बन बँकेच्या समोर रस्त्यावर भर दिवसा एका युवकावर हल्ला झाल्याने त्याचा मृत्यू झाल्याची घटना घडली आहे. आज दुपारी अडीच वाजण्याच्या सुमारास ही घटना घडल्याने कार्वे नाका परिसरात तणावपूर्ण वातावरण होते. हल्ला करून हल्लेखोर फरार झाला असून पोलीस त्याचा शोध घेत आहेत. आज दुपारी 2:30 च्या सुमारास शुभम चव्हाण (वय 22) रा. वडोली निळेश्वर याच्यावर कर्वे नाका परिसरातच राहणाऱ्या मुबीन इनामदार या युवकाने पूर्व वैमन्याशातून टोकदार शस्त्राने वार केले. यावेळी त्याच्यासोबत अन्य दोन साथीदार असल्याचे समजते. सपासप अकरा वार केल्याने शुभमचा जागीच मृत्यू झाला. शुभम हा शहरातील चर्च नजिक एक सलून चालवत होता. तर शुभम वर हल्ला करणारा युवकाचेही कर्वे नाका परिसरात दुकान आहे. शुभम वर हल्ला करण्याचे कारण अद्याप समोर आलेले नाही. स्वर्गीय खाशाबा जाधव स्मारका समोरच रस्त्यावर ही घटना घडली आहे. शुभम आपल्या दोन मित्रांसह कार्वे नाका परिसरात आला होता.  दरम्यान या हल्ल्याची घटना समजतच घटनास्थळी पोलीस उपविभा...

चोरीची मोटारसायकल कराड वाहतूक शाखेच्या ताब्यात... कराड दि. येथील वाहतूक नियंत्रण शाखेच्या कर्मचाऱ्यांनी काल दैनंदिन कामकाजा दरम्यान चोरीची मोटर सायकल हस्तगत करून एकास ताब्यात घेतले असल्याची माहिती वाहतूक नियंत्रण शाखेचे सहाय्यक पोलीस निरीक्षक चेतन मछले यांनी दिली. याबाबत अधिक माहिती अशी की, येथील वाहतूक नियंत्रण शाखेचे अमंलदार पो. हवा. शरद विष्णु चव्हाण व पोलीस अंमलदार वैभव बापुराव यादव यांना दत्त चौक ते विजय चौक यादरम्यान वाहतूक नियमन व वाहन चेकिंग करीत असताना संबधित अमंलदार यांनी समोरून येणारे ग्रे रंगाची एफ झेड मोटार सायकल वरील चालक यांना इशारा करून बाजूला घेतले.  सदर चालकास त्याचे नांव व मोटार सायकल एफ झेड बद्दल व तिचे कागदपत्रा बाबत माहिती विचारली असता सदर चालक यांने आपले नांव दिपक किसन पोळ वय 24 वर्षे व्यवसाय चालक रा.शामगाव ता कराड जि सातारा असे सांगून नमूद एफ झेड बाबत उडवाउडवीची व असामाधानरकारक उत्तरे दिल्यामुळे व सदर मोटार सायकल एफ झेड चोरीची असावी असा संशय निर्माण झाला.... पुढे वाचा ... सदर एफ झेड बाबत आरटीओ कार्यालय, कराड येथून सविस्तर माहिती घेतली असता सदर वाहनाचा मूळ क्...