Karad Today

  कराडच्या प्रशासकीय कार्यालयात अर्ज दाखल करण्यासाठी झालेली गर्दी.... ग्रामपंचायत उमेदवारी अर्ज पारंपारिक पध्दतीने स्विकारण्याचे निवडणू आयोगाचे आदेश..... कराड दि.1 (प्रतिनिधी) ग्रामपंचायत निवडणुकीसाठी राज्य निवडणूक आयोगाने सर्व जिल्हाधिकाऱ्यांना आदेश देत या निवडणुकीसाठी पारंपारिक पद्धतीने अर्ज स्वीकारण्याचे आदेश पारित केले आहेत. याशिवाय उद्या 2 डिसेंबर अखेरच्या दिवशी अर्ज स्वीकारण्याची वेळ साडेपाच पर्यंत वाढवण्यात आल्याचे ही आदेशात म्हटले आहे.उमेदवारी अर्ज भरण्यापासून एक ही उमेदवार वंचित राहू नये यासाठी आयोगाने आॅफलाईन पध्दतीने अर्ज स्विकारण्याचे आदेश निवडणूक अधिकार्‍यांना दिले आहेत. गेली दोन दिवस ऑनलाइन उमेदवारी अर्ज सादर करताना विविध अडचणींचा सामना करावा लागत होता. त्यामुळे भरपूर वेळ वाया जात असल्याचे तक्रारी सुरू होत्या. आज सकाळी राज्य निवडणूक आयोगाने तातडीने राज्यातील सर्व जिल्हाधिकाऱ्यांना आदेश दिले असून उमेदवारी अर्ज पारंपारिक पद्धतीने म्हणजेच ऑफलाईन स्वीकारण्यात स्वीकारण्यात यावेत असे आदेश दिले आहेत. त्याच्या अंमलबजावणी ही सुरू झाली असून उमेदवारी अर्ज दाखल करण्यासाठी गर्दी व...

  कराड तालुका ग्रामपंचायत निवडणूक;सरपंच पदासाठी 14, तर सदस्य पदासाठी 84 अर्ज दाखल... कराड, दि. 30 (प्रतिनिधी) - कराड तालुक्यातील 44 ग्रामपंचायतींचा निवडणूक कार्यक्रमा अंतर्गत आज तिसर्‍या दिवशी सरपंच पदासाठी 14 अर्ज दाखल झाले असुन सदस्य पदासाठी एकूण 84 अर्ज दाखल झाले आहेत.14 गावात अजून ही सरंपच व सदस्य पदासाठी एक ही अर्ज दाखल झालेला नाही  दिवसभरात सरपंच पदासाठी दाखल झालेले अर्ज तर कंसात आज पर्यंत दाखल अर्ज - तारूख 1 (2), शामगाव 1 (2), दुशेरे 1 (1), गोंदी 2 (2) आणे 1 (5), हिंगनोळे 2 (3), घोलपवाडी 1 (1), कुसुर 0 (2), अंधारवाडी 1 (1), कालगाव 1 (1), मनू 1 (2), कोरेगाव 1 (2), गणेशवाडी 1 (1), पश्चिम सुपने 1 (1), रेटरे खुर्द 1 (1), जूळेवाडी 0 (3), कासारशिरंबे 0 (4), किवळ 0 (1), आटके 1 (5), चरेगाव 0 (1), तळबीड 0 (5), वडगाव हवेली 0 (3) असे  14 (49) अर्ज सरपंच पदास्ठी दाखल झाले आहेत. दिवसभरात ग्रामपंचायत सदस्य पदासाठी दाखल झालेले अर्ज  तर कंसात आज पर्यंत दाखल अर्ज - हनुमानवाडी 3 (3), हवेलवाडी 2 (7) , तारूख 1 (1) , दुशेरे 1 (2), गोंदी 1 (1), हिंगनोळे 9 (16), साबळवाडी 3...

गडकोट व किल्ले संवर्धनासाठी दुर्ग प्राधिकरणाची स्थापना करणार- मुख्यमंत्री एकनाथ शिंदे... शिवमय वातावरणात किल्ले प्रतापगडावर छत्रपतींच्या अश्वारूढ पुतळ्यावर हेलिकॉप्टरमधुन पुष्पवर्षाव... सातारा दि. 30: शिवकालीन धाडशी खेळाने व शिवमय वातावरणात मुख्यमंत्री एकनाथ शिंदे  यांच्या उपस्थितीत किल्ले प्रतापगड ता. महाबळेश्वर येथे शिवप्रताप दिन मोठया उत्साहात साजरा करण्यात आला.यावेळी शिवकालीन गड किल्ले संवर्धनासाठी दुर्ग प्राधिकरण स्थापन करण्यात येणार असल्याचे प्रतिपादन मुख्यमंत्री श्री शिंदे यांनी यावेळी केले.  कार्यक्रमाच्या प्रारंभी किल्ले प्रतापगड येथील बुरुजावरील शिवशाहीचे प्रतीक असलेल्या भगव्या ध्वजाचे ध्वजारोहण केले. त्यानंतर भवानी मातेची मनोभावे मुख्यमंत्री श्री. शिंदे  यांनी आरती केली.  छत्रपतींची मूर्ती  ठेवण्यात आलेल्या पालखीचे मुख्यमंत्री एकनाथ शिंदे यांच्या हस्ते पुष्प अर्पण करुन भक्तिभावे पूजन करण्यात आले. यावेळी मुख्यमंत्री श्री. शिंदे यांच्या हस्ते छत्रपती शिवाजी महाराजांच्या अश्वारुढ पुतळ्यास पुष्पहार अर्पण करण्यात आला. यावेळी 'क्षत्रिय कुलावतंस, राजाधिराज.....

  स्वतंत्र दिव्यांग कल्याण विभाग स्थापन करणार.... मुंबई दि.29--दिव्यांगांच्या सर्वांगीण विकासासाठी स्वतंत्र दिव्यांग कल्याण विभाग स्थापन करण्याचा निर्णय आज झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते. हा विभाग ३ डिसेंबरपासून  कार्या‍न्वित होईल. मुख्यमंत्री एकनाथ शिंदे यांच्या अध्यक्षतेखाली झालेल्या बैठकीत मुख्यमंत्र्यांनी यासंदर्भात निर्देश दिले होते. सध्याच्या सामाजिक न्याय व विशेष सहाय्य विभागांतर्गत दिव्यांग कल्याणाची दोन कार्यासने वेगळी करुन हा स्वतंत्र विभाग निर्माण होईल. यामध्ये दिव्यांग वित्त विकास महामंड‍ळ व त्यांची कार्यालयं यांचा देखील समावेश असेल. या विभागासाठी स्वतंत्र सचिव व अधिकारी-कर्मचारी मिळून २०६३ पदे नव्याने निर्माण करण्यात येतील. यामध्ये सचिवस्तरापासून ते शिपायांपर्यंतच्या पदांचा समावेश आहे. यासाठी सुमारे ११८ कोटी खर्चासही मंजूरी देण्यात आली. सध्या महाराष्ट्रात ३० लाखांपेक्षा जास्त दिव्यांग व्यक्ती असून दिव्यांगांचे शिक्षण, प्रशिक्षण, पुनर्वसनाच्या योजना या सामाजिक न्याय विभागाच्या नियंत्रणाखाली दिव्यांग कल्य...

  कराड तालुका ग्रामपंचायत निवडणूक;सरपंच पदासाठी 24, तर सदस्य पदासाठी 89 अर्ज दाखल... कराड, दि. 29 (प्रतिनिधी) - कराड तालुक्यातील 44 ग्रामपंचायतींचा निवडणूक कार्यक्रमा अंतर्गत कालपासून उमेदवारी अर्ज दाखल करण्यास प्रारंभ झाला आहे. आज दूसर्‍या दिवशी सरपंच पदासाठी 24 अर्ज दाखल झाले असुन सदस्य पदासाठी एकूण 89 अर्ज दाखल झाले आहेत. दिवसभरात सरपंच पदासाठी दाखल झालेले अर्ज - तारूख 1, शामगाव 1, आणे 3, कुसुर 2, कालगाव 1, मनू 1, पश्चिम सुपने 1,जूळेवाडी 3, कासारशिरंबे 4, किवळ 1, आटके 2, चरेगाव 1, तळबीड 1, वडगाव हवेली 2 असे  24 अर्ज सरपंच पदास्ठी दाखल झाले आहेत. दिवसभरात ग्रामपंचायत सदस्य पदासाठी दाखल झालेले अर्ज- हवेलवाडी 3 , तारूख 1 , दुशेरे 1, हिंगनोळे 8, अंतवडी 1, शामगाव 2, डेळेवाडी 1, आणे 11, कुसूर 3, पाडळी (हेळगाव) 1, कालगाव 2, मनु 1, कोरेगाव 2, रेटरे खुर्द 2, जुळेवाडी 4, कासारशिरंबे 5, सुपने 2, किवळ 3, आटके 20, चरेगाव 2,  तळबीड 14 असे आज 89 अर्ज दाखल झाले असल्याची माहिती निवडणूक विभागाने दिली आहे.

कराड : नूतन चेअरमन सौ. कल्याणी तांबवेकर व व्हा. चेअरमन सौ. शशिकला चव्हाण यांचा सत्कार करताना संस्थेच्या संस्थापिका सौ. उत्तरा भोसले.... कृष्णा महिला औद्योगिक संस्थेच्या चेअरमनपदी सौ. कल्याणी तांबवेकर.... व्हा. चेअरमनपदी सौ. शशिकला चव्हाण यांची निवड; सौ. उत्तरा भोसले यांच्या हस्ते सत्कार.... कराड, दि.29-: येथील कृष्णा महिला औद्योगिक उत्पादक सहकारी संस्थेच्या चेअरमनपदी  सौ. कल्याणी नितीन तांबवेकर यांची; तर व्हाईस चेअरमनपदी सौ. शशिकला धनाजी चव्हाण यांची निवड करण्यात आली. या नव्या पदाधिकाऱ्यांचा सत्कार संस्थेच्या संस्थापिका सौ. उत्तरा सुरेश भोसले यांच्या हस्ते सत्कार करण्यात आला.  महिलांच्या उद्योजकतेला प्रोत्साहन देणाऱ्या कृष्णा महिला औद्योगिक उत्पादक सहकारी संस्थेची पंचवार्षिक निवडणूक नुकतीच बिनविरोध पार पडली. या नवनिर्वाचित संचालक मंडळाची बैठक संस्थेच्या संस्थापिका सौ. उत्तरा भोसले यांच्या प्रमुख उपस्थितीत व निवडणूक निर्णय अधिकारी कमलेश पाचुपते यांच्या अध्यक्षतेखाली कृष्णा सरिता महिला बझार येथे नुकतीच संपन्न झाली. या बैठकीत संस्थेच्या चेअरमनपदी सौ. कल्याणी तांबवेकर यांची; तर व्...

कराड तालुका ग्रामपंचायत निवडणूक;सरपंच पदासाठी 9, तर सदस्य पदासाठी 20 अर्ज दाखल... कराड, दि. 28 (प्रतिनिधी) - कराड तालुक्यातील  44 ग्रामपंचायतींचा निवडणूक कार्यक्रमा अंतर्गत आजपासून उमेदवारी अर्ज दाखल करण्यास प्रारंभ झाला आहे. आज सरपंच पदासाठी 9 अर्ज दाखल झाले असुन सदस्य पदासाठी एकूण 20 अर्ज दाखल झाले आहेत.यामध्ये हनुमानवाडी 1, आणे 1, कोरेगाव 1, आटके 2, तळबीड 3 आणि वडगाव हवेली 1 असे  9 अर्ज सरपंच पदास्ठी दाखल झाले आहेत. दिवसभरात सदस्य पदासाठी हवेलवाडी 2, आणे 7, पश्चिम सुपने 1, आटके 4, तळबीड 2 आणि वडगाव हवेली 4 असे एकूण 20 अर्ज दाखल झाले असल्याची माहिती निवडणूक विभागाने दिली आहे. आज 28 नोव्हेंबर ते 2 डिसेंबर रोजी सकाळी 11 ते दुपारी 3 या कालावधीत उमेदवारी अर्ज दाखल करता येणार आहे. 5 डिसेंबर रोजी सकाळी 11 वाजल्यापासून छाननी संपेपर्यंत. बुधवार दि. 7 रोजी दुपारी 3 वाजेपर्यंत उमेदवारी अर्ज मागे घेता येणार आहे. निवडणूक चिन्ह नेमून देण्याचा तसेच अंतिमरित्या निवडणूक लढविणाऱ्या उमेदवारांची यादी प्रसिध्द करण्याचा दिनांक व वेळ बुधवार दि. 7 डिसेंबरला दुपारी 3 वा. नंतर. आवश्यकता भासल्यास रवि...

  कराडात महात्मा फुले यांच्या पूण्यातिथी निमित्त मान्यवरांकडून अभिवादन. कराड दि.28 (प्रतिनिधी) ब्रिटिश सत्तेच्या कालखंडात हिंदू समाजाच्या रूढी परंपरा विरोधात अनेक सुधारकांनी आवाज उठवला त्यापैकी एक म्हणजे महात्मा ज्योतिबा फुले. स्त्री शिक्षण, विधवा विवाह, पुनर्विवाह, संमतीवय, बालविवाह यांसारख्या ज्वलंत विषयावर ज्योतिबा फुले यांनी समाजाला जागृत करण्याचा प्रयत्न केल केला. अशा या महान समाज सुधारकाची 132 वी पूण्यतिथी आज कराड येथे विविध मान्यवरांच्या उपस्थितीत साजरी करण्यात आली.येथिल बूधवार पेठेतील महात्मा फूले यांच्या पूतळ्यास पूष्पहार अर्पण करुन मान्यवरांनी त्यांच्या स्मृतीस अभिवादन केले. माजी नगराध्यक्ष अशोकराव भोसले, काँग्रेस ओबीसी सेलचे प्रदेशाध्यक्ष भानुदास माळी, जिल्हा अल्पसंख्यांक अध्यक्ष झाकीर पठाण, समता सामाजिक विकास संस्थेचे अध्यक्ष आनंदराव लादे, कराड नगर परिषदेचे आरोग्य अभियंता आर डी भालदार, आरोग्य निरीक्षक मिलिंद शिंदे, कामगार संघटनेचे अध्यक्ष आनंद खवळे, वरिष्ठ मुकदम मारुती काटरे, सुरेश शिंदे, माणिक बनकर, रमेश वायदंडे संतोष वायदंडे, महात्मा फूले उत्सव समितीचे सदस्य, नियोजन क...

जूळेवाडीत मित्राचा खून करुन पळून गेलेल्या आरोपीस 24 तासात अटक;खूनाचा गून्हा उघडकीस... कराड दि.27 (प्रतिनिधी) कराड तालुक्यातील जुळेवाडी येथे काल रात्री मित्राचा खून करून करून पळून गेलेल्या जुळेवाडी येथीलच एकास कराड तालुका पोलिसांनी 24 तासाच्या आत अटक करून गुन्हा उघडकीस आणला आहे. त्याबाबत कराड तालुका पोलिसात गुन्हा दाखल झाला असून पोलीस पुढील तपास पो.नि.आनंदराव खोबरे हे करीत आहेत. याबाबत पोलिसांनी दिलेल्या माहितीनुसार काल रात्री आठ वाजण्याच्या सुमारास जुळेवाडी तालुका कराड येथे पुजारी चौकात राजवर्धन महादेव पाटील (वय 24) याच्यावर गावातील विजय बाबुराव काशीद यांनी अज्ञात कारणावरून धारदार शस्त्राने जीव मारण्याच्या उद्देशाने हल्ला केला होता. या हल्ल्यात राजवर्धन गंभीर जखमी झाला होता. त्याच्यावर कृष्णा हॉस्पिटलमध्ये उपचार सुरू होते, मात्र उपचार सुरू असताना त्याचा मृत्यू झाला. याप्रकरणी कराड तालुका पोलिसात गुन्हा दाखल झाला होता. दरम्यान कराड तालुका पोलिसात सदर गुन्हा दाखल झाल्यानंतर वरिष्ठ पोलीस अधिकाऱ्यांच्या सूचनेनुसार कराड तालुका पोलीस स्टेशनचे सहाय्यक पोलीस निरीक्षक बिराजदार पोलीस उपनिरीक्षक ...

गायरान अतिक्रमणाबाबत विधानसभेत लक्षवेधी मांडणार;कराडात अजित पवारांचे आश्वासन... कराड दि.27-गायरान व सरकारी जमिनीवरील निवासी अतिक्रमणे हटविण्यात यावीत या उच्च न्यायालयाच्या निर्णयामुळे भुमिहीन, शेतमजूर, अनुसूचित जाती -जमाती व भटके विमुक्त यांचे घरांना संरक्षण देण्यासाठी विधानसभेच्या हिवाळी अधिवेशनात लक्षवेधी मांडणार असल्याचे आश्वासन विधानसभेचे विरोधी पक्षनेते अजित पवार यांनी कराड भेटीत आज दलित महासंघाच्या शिष्टमंडळास दिले. सांगली दौर्‍यावर जात असताना कराड येथे दलित महासंघाचे संस्थापक अध्यक्ष प्रा. डॉ. मच्छिंद्र सकटे, कार्याध्यक्ष प्रकाश वायदंडे, जिल्हाध्यक्ष रमेश सातपुते, बहुजन समता पार्टीचे जिल्हाध्यक्ष रामभाऊ दाभाडे, जयवंत सकटे, शंकर तुपे, सुहास पिसाळ, तानाजी वायदंडे, सुधिर साठे, संजय मदने, विनोद अवघडे, दिनकर पिसाळ आदिंनी आज अजित पवारांची भेट घेऊन गायरान जमिनीच्या प्रश्नाबाबत चर्चा केली. यावेळी अजित पवार यांनी तातडीने राज्याचे महसूल व वनविभाचे सचिव डॉ.नितीन करीर यांचेकडून भ्रमणध्वनी वरुन या विषयावरील माहिती घेतली.राज्य सरकार मा.उच्च न्यायालयाचे आदेशावर मा.सर्वोच्च न्यायालयात अपील दाखल...

  सह्याद्रीच्या वाहनतळावर ट्रॅक्टरखाली सापडून तरुणाचा मृत्यू;कारखान्यावर तणाव... कराड दि.27(प्रतिनिधी) - सह्याद्री सहकारी साखर कारखान्याच्या वाहनतळावर ऊस वाहतूक करणाऱ्या ट्रॅक्टर खाली सापडून एका तरुणाचा मृत्यू झाल्याची घटना घडली आहे.या घटनेनंतर सकाळी ऊस वाहने आत जाण्याच्या गेटवर व वाहन तळावर काही काळ तणाव निर्माण झाला होता. ट्रॅक्टर चालक,मालक तसेच मृताच्या नातेवाईंकानी यावेळी गर्दी केली होती. अविनाश जाधव (वय 22) रा. सुपने ता. कराड असे मृत झालेल्या युवकाचे नाव आहे. याबाबत घटनास्थळावरून मिळालेली माहिती नूसार, सह्याद्री कारखाना कार्यस्थळावरील वाहन तळावर आज सकाळी भाऊसाहेब गायकवाड रा. जालना यांच्या मालकीचा ऊस वाहतूक करणाऱ्या ट्रॅक्टर खाली (एम. एच. 21 बी. व्ही. 1762) एक जण सापडल्याचे निदर्शनास आले.उपस्थित चालक मालक यांनी याबाबत कारखाना प्रशासनास तसेच पोलिसांना माहिती दिली.दरम्यान या घटनेनंतर सबंधित ट्रॅक्टर चालक घटनास्थळावरुन गायब झाला होता. सदर घटनेची माहिती मिळताच तळबीड पोलीस ठाण्याचे अधिकारी,कर्मचारी घटनास्थळी दाखल झाले होते. दरम्यान या घटनेची नोंद उंब्रज पोलिसात झाली असुन नेमकी घटना ...

  संविधान दिनानिमित्त कराड न्यायालयात संविधानाचे वाचन व पदयात्रा... कराड दि.26 (प्रतिनिधी) आज संविधान दिन संपूर्ण देशभरात साजरा करण्यात आला. यानिमित्त विविध कार्यक्रमांचे आयोजन करण्यात आले होते. संविधान दिनाच्या निमित्ताने विविध सामाजिक संघटनांच्या वतीने अनेक कार्यक्रम राबवण्यात आले. कराड तालुका विधी सेवा व कराड बार असोशियनच्या वतीने आज अप्पर जिल्हा व सत्र न्यायालयापासून भारतरत्न डॉ. बाबासाहेब आंबेडकर स्मारकापर्यंत पदयात्रा काढण्यात आली. अतिरिक्त जिल्हा न्यायालय अधीक्षक न्यायाधिश एम. व्ही.भागवत साहेब, ढेकणे साहेब, तसेच कराड बार असोसिएशनच्या अध्यक्षा विद्याराणी साळुंखे यांच्या प्रमुख उपस्थितीत न्यायालय आवारात संविधानाचे वाचन करण्यात आले.अॅड. अभयसिंह पाटील,अॅड.गायकवाड तसेच बार असो.चे सर्व सदस्य, न्यायालयीन कर्मचारी, वकील यामध्ये सहभागी झाले होते.सकाळी न्यायालयात  संविधानाचे वाचन केल्यानंतर अतिरिक्त जिल्हा सत्र न्यायालयापासून डॉ. बाबासाहेब आंबेडकर स्मारकापर्यंत पदयात्रा काढण्यात आली.

  जिल्ह्यात उच्चांकी उचल दिल्याबद्दल शेतकरी संघटनांतर्फे डॉ. सुरेश भोसले यांचा सत्कार.... रेठरे बुद्रुक, दि.26 : येथील यशवंतराव मोहिते कृष्णा सहकारी साखर कारखान्याने यंदाच्या हंगामात गाळप होणाऱ्या ऊसाला 3000 रूपये पहिली उचल जाहीर केली आहे. सातारा जिल्ह्यात उच्चांकी उचल दिल्याबद्दल बळीराजा शेतकरी संघटना आणि स्वाभिमानी शेतकरी संघटनेच्यावतीने कारखान्याचे चेअरमन डॉ. सुरेश भोसले यांचा कारखाना कार्यस्थळावर सत्कार करण्यात आला. शेतकरी सभासदांच्या हिताचा कारभार करणाऱ्या कृष्णा कारखान्याने नेहमीच उच्चांकी दर देऊन, शेतकरी सभासदांचे हित साधण्याचा प्रयत्न केला आहे. यंदाही कृष्णा कारखाना किती रुपये दर जाहीर करणार याकडे शेतकरी वर्गाचे डोळे लागले असताना, कारखान्याने जिल्ह्यात सर्वाधिक म्हणजेच 3000 रुपयांची पहिली उचल देण्याचा निर्णय जाहीर केला. शेतकऱ्यांना सर्वाधिक उचल जाहीर केल्याबद्दल बळीराजा संघटनेचे संस्थापक-अध्यक्ष पंजाबराव पाटील व स्वाभिमानी शेतकरी संघटनेचे जिल्हाध्यक्ष देवानंद पाटील यांच्या हस्ते चेअरमन डॉ. सुरेश भोसले यांचा पुष्पगुच्छ देऊन सत्कार करण्यात आला. यावेळी बोलताना पंजाबराव पाटील म...

  कराड शहरातील शेकडो जाहिरात फलक नगरपरिषदेने हटवले;विनापरवाना फलक लावल्यास दंडात्मक कारवाई... कराड दि.26-(प्रतिनिधी) कराडात काल शुक्रवारी मुख्यमंत्री यांचा दौरा होता. यानिमित्त शहरभर सर्वत्र विविध चौकात तसेच दुभाजक मध्ये जाहिरातीचे शेकडो फलक लावले होते. अनेक फलकांना परवानगी ही घेतली नव्हती. या फलकामुळे शहराच्या सौंदर्यकरणाला प्रचंड बाधा पोहचली होती. याबाबत नागरिकांनी नगर परिषदेकडे तक्रार केल्यानंतर नगर परिषदेने शहरातील शेकडो फलक, बॅनर, बोर्ड, पोस्टर्स हटवण्यास सुरुवात केली आहे. तर काही जाहिरात फलक ज्यांनी लावले होते त्यांनी हे काढून घेण्यास सूरूवात केली आहे. शहर हद्दीत कुठेही जाहिरातीचे बॅनर, फलक परवानगीशिवाय लावण्यात येऊ नयेत असा ठराव नगरपरिषदेत झाला आहे. त्यामुळे फुकट्या जाहिरातदारांना काही प्रमाणात आळा बसला होता. मात्र तरीही नगर परिषदेच्या संबंधित विभागाच्या नजरेआड अनेक जण फलक लावताना दिसून येत आहेत. प्रशासनाला याची पुसटशीही कल्पना नसते तर काही ठिकाणी दोन बोर्डाची परवानगी घेऊन चार बोर्ड लावल्याचेही प्रशासनाच्या निदर्शनास आल्यानंतर त्यांनी त्या संबंधित जाहिरात दारावर कारवाईचा बडग...

ग्रामपंचायत ते लोकसभा निवडणुकीत भाजपाची ताकद दाखवा : डॉ. सुरभी भोसले... कराड, दि.26 : भारतीय जनता पक्ष सर्वसामान्य माणसाला केंद्रबिंदू मानून काम करणारा पक्ष आहे. पंतप्रधान नरेंद्र मोदी यांच्या मार्गदर्शनाखालील केंद्र सरकार देशातील प्रत्येक नागरिकाची काळजी घेत आहे. आता आपण ग्रामपंचायत निवडणूक ते लोकसभा निवडणुकीत भाजपाचे उमेदवार विजयी करून पक्षाची ताकद दाखवून द्यावी, असे प्रतिपादन भाजपा महिला मोर्चाच्या जिल्हाध्यक्ष डॉ. सुरभी भोसले यांनी केले. कोयना वसाहत (ता. कराड) येथे आयोजित महिला मेळाव्यात त्या बोलत होत्या.  याप्रसंगी जिल्हा सरचिटणीस मनिषा पांडे, कराडच्या माजी नगराध्यक्षा रोहिणी शिंदे, महिला मोर्चाच्या जिल्हा उपाध्यक्ष डॉ. सारिका गावडे, कराड तालुकाध्यक्ष शामबाला घोडके, स्वाती पिसाळ, रिना भणगे, कोयना वसाहतीच्या सरपंच सुवर्णा वळीव यांची प्रमुख उपस्थिती होती. डॉ. भोसले पुढे म्हणाल्या, भाजप हा सर्वसामान्य कार्यकर्त्यांना संधी देणार पक्ष आहे. कराड तालुक्यातील पक्षसंघटन मजबूत असून, महिला मोर्चाही चांगले काम करत आहे. येत्या निवडणुकीत आपण कराड दक्षिणचे नेते डॉ. अतुल भोसले यांना मोठ्या मत...

पाचवडेश्वर-कोडोली पुलाचे माजी मुख्यमंत्री आ. पृथ्वीराज चव्हाण यांच्या हस्ते भूमिपूजन... कराड दि 25-.कराड दक्षिणमध्ये दळणवळणाच्या दृष्टीने क्रांतिकारक ठरणाऱ्या पाचवडेश्वर येथील कृष्णा नदीवरील कोडोली-पाचवडेश्वर पुलाचे आज माजी मुख्यमंत्री आ. पृथ्वीराज चव्हाण यांच्या हस्ते भूमिपूजन झाले. यावेळी रयत सह साखर कारखान्याचे अध्यक्ष उदयसिंह पाटील, सातारा जिल्हा काँग्रेस कमिटीचे अध्यक्ष डॉ सुरेश जाधव, कराड दक्षिण काँग्रेस कमिटीचे अध्यक्ष मनोहर शिंदे, मलकापूर नगराध्यक्षा नीलम येडगे, विद्याताई थोरवडे, मंगल गलांडे, नरेंद्र पाटील, नितीन थोरात, जयवंतराव जगताप, नानासाहेब जगताप, शिवाजीराव मोहिते, निवास थोरात, इंद्रजीत चव्हाण, नामदेवराव पाटील आदींसह मान्यवर यावेळी उपस्थित होते.  कराड तालुक्यातील दुशेरे, शेरे परिसरातील गावांसह सांगली जिल्ह्यातील होणारी वाहतूक थेट पुणे बेंगलोर महामार्गाला जोडण्यासाठी माजी मुख्यमंत्री, आमदार पृथ्वीराज चव्हाण यांच्या प्रयत्नातून जवळपास 45 कोटी रुपयांचा निधी मंजूर झाला असून या पुलाचे बांधकाम येत्या काही दिवसात सुरु होणार आहे. महामार्ग ते पाचवडेश्वर मार्ग कोडोली ते शेणोली स...