Karad Today

कराड:लेफ्ट.जनरल संजय कुलकर्णी यांचा सन्मान करताना जनकल्याण प्रतिष्ठानचे अध्यक्ष शिरीष गोडबोले, रवळनाथ शेंडे... भारतीय सैन्यांनी अत्यंत प्रतिकूल परिस्थितीत मात करत मिळवला सियाचीनवर ताबा - लेफ्ट.जनरल संजय कुलकर्णी कराड, दि. 31 - जनकल्याण प्रतिष्ठान व श्री रेफ्रिजेरेशन कराड यांच्या संयुक्त विद्यमाने सियाचीनची विजयगाथा या कार्यक्रमाचे आयोजन करण्यात आले होते. या कार्यक्रमात भारतीय सैन्यदलाचे निवृत्त लेफ्टनंट जनरल, माजी महासंचालक व सियाचीनचे नायक अशी ओळख असणारे श्री.संजय कुलकर्णी प्रमुख म्हणून उपस्थित होते.  कार्यक्रमाची सुरुवात दीप प्रज्वलन व भारतमाता पूजनाने करण्यात आली. श्री.संजय कुलकर्णी यांचा श्री.शिरीष गोडबोले व श्री.रवळनाथ शेंडे यांच्या हस्ते विशेष सत्कार करण्यात आला. तसेच या कार्यक्रमाच्या आयोजनातील सहकार्याबद्दल श्री. रवळनाथ शेंडे यांचा ही सत्कार करण्यात आला.  हिमालयातील सियाचीन ग्लेशिअरवर ताबा मिळवण्यासाठी सैन्याच्या तुकडीचे प्रतिनिधित्व श्री.संजय कुलकर्णी यांनी केले होते तसेच सियाचीन ग्लेशिअर वर सर्वात प्रथम उतरणारे भारतीय सैनिक म्हणून 'सियाचीनचे नायक' म्हणून त्यांना गौरव...

कराड शहरातील विविध विकासकाकामांसाठी तब्बल १० कोटींचा निधी मंजूर... कराड, दि. 28 : गणपती बाप्पाच्या आगमनाने कराड शहर सणाच्या उत्साहात न्हाऊन निघाले असतानाच; भाजप-महायुती सरकारने कराड शहरातील विविध विकासकाकामांसाठी तब्बल १० कोटींचा निधी मंजूर करुन कराडकरांचा आनंद द्विगुणित केला आहे. भाजपाचे सातारा जिल्हाध्यक्ष आमदार डॉ. अतुलबाबा भोसले यांच्या विशेष प्रयत्नातून मंजूर झालेल्या या निधीच्या माध्यमातून, कराड शहरात नवी उद्याने व क्रीडांगण, सामाजिक सभागृहे, प्रशासकीय इमारतीचे नुतनीकरण, स्मशानभूमीचा विकास अशा पायाभूत कामांना चालना मिळणार आहे. त्यामुळे कराड शहराच्या सौंदर्यात मोठी भर पडणार आहे.  कराड शहराच्या सर्वांगीण विकासासाठी आमदार डॉ. अतुलबाबा भोसले विशेष प्रयत्नशील राहिले आहेत. भाजपा – महायुती सरकारच्या माध्यमातून त्यांनी शहराच्या प्रगतीसाठी अनेक नाविण्यपूर्ण उपक्रम राबविण्यासाठी यापूर्वीदेखील भरघोस निधी उपलब्ध करुन दिला आहे. यात आता आणखी १० कोटींच्या निधीची भर पडली आहे. आ.डॉ. भोसले यांनी केलेल्या सातत्यपूर्ण पाठपुराव्यामुळे ‘नगरपरिषदांना वैशिष्ट्यपूर्ण कामासाठी विशेष अनुदान’ या योजनेअं...

मलकापूरच्या घनकचरा व्यवस्थापनासाठी ४१ लाखांचा निधी मंजूर आ. डॉ. अतुलबाबा भोसले यांच्या पाठपुराव्याला यश; बायोमायनिंग प्रकल्पासाठी मंजुरी मलकापूर, दि. 27 : मलकापूर (ता. कराड) शहरातील वाढत्या घनकचऱ्याच्या समस्येवर तोडगा काढण्यासाठी शासनाने ४१ लाख रुपयांचा निधी मंजूर केला आहे. नगरविकास विभागाच्या स्वच्छ महाराष्ट्र अभियान (नगरी) २.० अंतर्गत बायोमायनिंग प्रकल्पासाठी ही मंजुरी मिळाली असून, या निधीसाठी भाजपचे जिल्हाध्यक्ष आमदार डॉ. अतुलबाबा भोसले यांनी राज्य शासनाकडे पाठपुरावा केला होता. या प्रकल्पामुळे मलकापूरकरांचा दीर्घकाळाचा कचऱ्याचा प्रश्न सुटण्यास मदत होणार आहे. महाराष्ट्र शासनाने स्वच्छ महाराष्ट्र अभियान (नगरी) २.० अंतर्गत राज्यातील एकूण ९० नगरपरिषद व नगरपंचायतींमध्ये जुन्या साठवलेल्या कचऱ्यावर बायोमायनिंग प्रकल्प उभारण्याच्या प्रस्तावांना प्रशासकीय मान्यता दिली आहे. यामध्ये मलकापूर नगरपरिषदेचा समावेश व्हावा, यासाठी आमदार डॉ. अतुलबाबा भोसले यांनी शासन स्तरावर वेळोवेळी पाठपुरावा केला होता. त्यानुसार या योजनेत मलकापूर नगरपरिषदेचा समावेश झाला असून, त्यासाठी ४१ लाखांचा निधी मंजूर झाला आहे....

आटके - इंद्रजित चव्हाण यांचे स्वागत व सत्कार करताना आटके गावच्या सरपंच सौ. रोहिणी नितीन पाटील.... आटके येथील तलाठी कार्यालय व भक्त निवासचे भूमिपूजन इंद्रजीत चव्हाणांच्या हस्ते संपन्न कराड, दि. 25 - माजी मुख्यमंत्री पृथ्वीराज चव्हाण यांनी कराड दक्षिणमध्ये कोट्यवधींची विकासकामे केली आहेत. त्या कामांची अजून ही भूमिपूजन व उदघाटने सुरु आहेत, विकास हेच ध्येय ठेवून पदाचा सामाजिक कामासाठी उपयोग करून आपले आयुष्य व्यतीत करणारे पृथ्वीराज चव्हाण हे एक आदर्श राजकारणी म्हणून त्यांची ओळख आहे असे प्रतिपादन इंद्रजित चव्हाण यांनी व्यक्त केले. आटके येथील तलाठी कार्यालय व भक्त निवास या दोन्ही विकास कामाचे भूमिपूजन इंद्रजीत चव्हाण यांच्या हस्ते संपन्न झाले यावेळी आटके गावच्या लोकनियुक्त सरपंच सौ. रोहिणी नितीन पाटील, उपसरपंच रमेश जाधव, महाराष्ट्र प्रदेश काँग्रेस कमिटीचे सरचिटणीस अजितराव पाटील, गजानन आवळकर, ग्रा.प सदस्य सुरेश पाटील, बी.जी. काळे सर, संजय जाधव, हंबीरराव पाटील, सुनील जाधव, चंद्रकांत पाटील, संजय पाटील, अवधूत पाटील यांच्यासह प्रशासकीय अधीकारी यावेळी उपस्थित होते.  यावेळी बोलताना इंद्रजीत चव्ह...

भाजपचे आरोप मतचोरीचा घोटाळा झाकण्यासाठीच - इंद्रजीत चव्हाण मी व माझ्या कुटुंबाने एकाच ठिकाणी मतदान केले आहे, भाजपने केलेल्या आरोपांचे खंडन  कराड, दि. 22 : माझ्यावर व माझ्या कुटुंबावर दुबार मत नोंदणीचे केलेल्या आरोपांचे खंडन करतो कारण पृथ्वीराज चव्हाणांचे नाव घेऊन मतांची झालेली चोरी झाकण्यासाठीच भाजपच्या कराड दक्षिण मधील पदाधिकार्यांनी आरोप केले आहेत. भाजपचे आरोप हे मतचोरीचा घोटाळा झाकण्यासाठीच केले आहेत अशी टीका इंद्रजीत चव्हाण यांनी पत्रकार परिषदेत केली.  यावेळी गजानन आवळकर, अजितराव पाटील, भानुदास माळी, झाकीर पठाण, दिग्विजय सूर्यवंशी, प्रशांत देशमुख, बंडानाना जगताप, नितीन थोरात, नानासो पाटील, शिवाजीराव मोहिते, प्रदीप जाधव, आदींची यावेळी उपस्थिती होती.  भाजपच्या पदाधिकाऱ्यांनी माजी मुख्यमंत्री पृथ्वीराज चव्हाण यांच्या स्वीय सहाय्यकाचे मतदार यादीत दोन ठिकाणी मतदान नोंदणी असल्याचे पत्रकार परिषद घेऊन सांगितले होते. त्यानंतर आज पुन्हा भाजपच्या पदाधिकाऱ्यांनी चव्हाण यांच्या कुटुंबीयांची नावे दोन मतदारसंघात दुबार तिबार असल्याचा दावा केला होता त्यावर आज काँग्रेसच्या पदाधिकार्‍या...

माजी मुख्यमंत्री पृथ्वीराज चव्हाण यांची मतदान चोरी; कुटुंबातील अनेक सदस्यांची दुबार तिबार मतदान नोंदणी  कराड दक्षिण मधील निवडणूक फसवणूक उघड भाजपच्या पदाधिकाऱ्यांनी मतदार यादीतील पुराव्यासह केला खळबळ जनक दावा कराड, दि. 22 - माजी मुख्यमंत्री पृथ्वीराज चव्हाण हे अखिल भारतीय काँग्रेस कमिटीने नेमलेल्या मतदार सत्यशोधन समितीचे महाराष्ट्राचे प्रमुख आहेत. त्यांच्या नेतृत्वाखालील समिती मतदार संघातील वाढीव मतदार तसेच दुबार मतदार नोंदणीची चौकशी करत आहे. मात्र 2014 व 2019 ची कराड दक्षिण मधील निवडणूक फसवणूक करून माजी मुख्यमंत्री पृथ्वीराज चव्हाण यांनीच मतदान चोरी करत विजय मिळवल्याचा खळबळजनक दावा सैदापूरचे उपसरपंच मोहनराव जाधव यांच्यासह भाजपाच्या पदाधिकाऱ्यांनी आज पत्रकार परिषदेत केला आहे. चव्हाण यांच्याच कुटुंबातील नातेवाईकांची कराड दक्षिण व पाटण मतदारसघात दुबार तिबार मतदान नोंदणी असल्याचा दावा करीत मतदार यादीचा पुरावा पत्रकार परिषदेत स्क्रीनवर दाखवण्यात आला. यावेळी भाजपचे तालुकाध्यक्ष धनाजी पाटील, शहराध्यक्ष सुषमा लोखंडे, माजी नगरसेवक सुहास जगताप, अतुल शिंदे, मलकापूरचे माजी नगरसेवक राजेंद्र याद...

शहरातील अतिक्रमणाविरोधात हॉकर संघटनेचे पालकमंत्र्यांना निवेदन कराड, दि. 21 - कराड शहरात कालपासून कराड नगर परिषदेच्या वतीने अतिक्रमण मोहीम सुरू करण्यात आली आहे. ती चुकीच्या पद्धतीने असून शहरातील हाकर्स धारकांना योग्य न्याय द्यावा अन्यथा हॉकर्स धारकांना जीव देण्याशिवाय पर्याय नसल्याचा इशारा कराड शहर चार चाकी हातगाडा व हॉकर संघटनेच्या वतीने पालकमंत्री शंभूराज देसाई यांना दिलेल्या निवेदनात देण्यात आला आहे. पालकमंत्री यांना दिलेल्या निवेदनात म्हटले आहे की, कराड शहरात अतिक्रमन वाढलेय हे मान्य आहे. या मागील कारण ही तपासले पाहिजे प्रत्येक वेळी वाहतुकीस अडचण म्हणून हातगाड्यावर कारवाई. नक्की आडचण कोणामुळे हे प्रशासन बघत नाही. हॉकर्स धारकांचा प्रश्न अजून मिटला नाही. सुप्रीम कोर्टाचा आदेश असूनही हॉकर्स झोनची निर्मिती झालेली नाही.  वारंवार कोणाच्यातरी तक्रारिची दखल घेऊन गोरगरीब विक्रेत्यावर कारवाई होत आहे. कोर्टाच्या आदेशाचे कोणतीही आमलाबजावणी पालिकेकडून झालेली नाही. तरी आपणास ही विनती आहे की आमचे हक्काचे हॉकर्स झोन निर्मिती झाल्याशिवाय आमच्यावर कारवाई होऊ नये. अन्यथा आम्हा सर्व हॉकर्स धारकांना...

देखावे सादर करण्यासाठी शेवटचे पाच दिवस रात्री बारापर्यंत मुदत... पालकमंत्री शंभूराज देसाई यांच्या तत्परतेबद्धल गणेश मंडळांकडून सत्कार... कराड, दि. 21 - शहरातील सार्वजनिक गणेश मंडळांना देखावे सादर करण्यासाठी गणेशोत्सवात शेवटचे पाच दिवस रात्री बारा वाजेपर्यंत ध्ननीक्षेपकाची मुदत देण्यात येणार आहे. राज्याचे पर्यटन तथा पालकमंत्री जिल्ह्याचे पालकमंत्री शंभूराज यांनी याबाबत मंगळवारी राज्य मंत्रिमंडळाच्या बैठकीत मुख्यमंत्री देवेंद्र फडणवीस यांच्याशी चर्चा केली आहे. त्यांनी यास मान्यता दिली असून लवकरच प्रशासनाला याबाबतचे आदेश प्राप्त होतील, अशी माहिती पालकमंत्री शंभूराज देसाई यांनी येथे पत्रकार परिषदेत दिली. शिवसेना नेते राजेंद्रसिंह यादव व, रणजीत पाटील, पै. संतोष वेताळ, माजी सभापती स्मिता हुलवान, विजय वाटेगावकर, राजेंद्र माने उपस्थित होते. पालकमंत्री शंभूराज देसाई यांच्या दोन दिवसांपूर्वीच्या कराड दौऱ्यात शिवसेना नेते व यशवंत विकास आघाडीचे अध्यक्ष राजेंद्रसिंह यादव यांच्या पुढाकाराने शहरातील गणेश मंडळांनी पालकमंत्री शंभूराज देसाई यांची भेट घेऊन उत्सवाच्या अनुषंगाने काही मागण्या केल्या होत्या....

  जनकल्याण प्रतिष्ठानच्या क्षुधाशांती केंद्राने सलग २५ वर्ष लोकांचे अल्पदरात पोट भरले, ही अभिमानाची बाब आहे - सौ.मीना सुपनेकर कराड, दि. 20 - जनकल्याण प्रतिष्ठानच्या क्षुधाशांती केंद्राने सलग २५ वर्ष लोकांचे अल्पदरात पोट भरले, ही अभिमानाची बाब असल्याचे कौतुक सौ.मीना सुपनेकर यांनी केले. जनकल्याण प्रतिष्ठान, कराडच्या ‘क्षुधाशांती केंद्र’ रौप्य महोत्सवी वर्षात पदार्पण करीत आहे यानिमित्त विशेष कार्यक्रमाचे आयोजन करण्यात आले होते. या कार्यक्रमात सौ सुपनकर प्रमुख पाहुण्या म्हणून बोलत होत्या. कार्यक्रमाच्या अध्यक्षस्थानी जनकल्याण प्रतिष्ठानचे अध्यक्ष शिरीष गोडबोले होते. १५ ऑगस्ट २००१ रोजी जनकल्याण प्रतिष्ठानच्या वतीने कराड मधील नागरिकांना अल्प दरात भोजन व नाश्ता उपलब्ध व्हावा या हेतूने हे क्षुधाशांती केंद्र सुरु केले. २०२५-२६ क्षुधाशांती केंद्राचे रौप्य महोत्सवी वर्ष साजरे केले जात असून या निमित्त सातारा येथील प्रसिद्ध व्यावसायिक नितीनजी सुपनेकर व सौ.मीनाताई सुपनेकर यांना या कार्यक्रमाच्या निमित्ताने प्रमुख अतिथी म्हणून निमंत्रित करण्यात आले होते.    प्रारंभी प्रतिष्ठानचे अध्य...

कराड प्रांताधिकार्‍यांना निवेदन देताना काँग्रेसचे पदाधिकारी व कार्यकर्ते. कराड दक्षिणमधील बोगस मतदान प्रक्रिया राबविणाऱ्या अधिकार्यांवर कारवाई करण्याची काँग्रेसकडून मागणी कराड, दि. 19 : कराड दक्षिण विधानसभा मतदारसंघात शिराळा, इस्लामपूर, कोरेगाव, पाटण या व इतर भागातील मतदारांची मोठ्या प्रमाणात नोंदणी झालेली आहे. हि बाब अत्यंत गंभीर असून लोकशाही प्रक्रियेला बाधा पोहचवीणारी आहे. त्यामुळे कराड दक्षिण मध्ये बोगस मतदान प्रक्रिया राबवणाऱ्या अधिकाऱ्यांवर कारवाई करावी अशी मागणी आज काँग्रेसच्या पदाधिकाऱ्यांनी केली आहे. यावेळी इंद्रजित चव्हाण, नामदेवराव पाटील, गजानन आवळकर, नितीन ढापरे, संभाजी चव्हाण, संजय तडाखे, सुरेश भोसले, देवदास माने, प्रदीप जाधव आदींसह पदाधिकारी उपस्थित होते. आज कराडचे प्रांताधिकारी यांना निवेदन दिले परंतु याबाबत प्रांताधिकारी यांच्याकडून उडवाउडवीची उत्तरे दिली गेली. कराड दक्षिण मधील बोगस मतदानाच्या गंभीर बाब निदर्शनास आणून देण्यासाठी आम्ही आलो होतो पण प्रांतांकडून कोणत्याही प्रकारचे समाधानकारक उत्तर दिले गेले नाही उलट ते भाजपचे प्रवक्ते असल्यासारखे आम्हाला उत्तरे देत होते. ...

कराड : कृष्णा सहकारी बँकेच्या ५४ वार्षिक सर्वसाधारण सभेत बोलताना चेअरमन आ.डॉ. अतुलबाबा भोसले. कृष्णा बँकेला पारदर्शक काम व धोरणात्मक निर्णयांमुळे देश व राज्य पातळीवरील पुरस्कार - चेअरमन आ.डॉ. अतुलबाबा भोसले... कराड, दि. 19 : पारदर्शक काम व धोरणात्मक निर्णयांमुळे कृष्णा बँकेला देश व राज्यपातळीवरील विविध पुरस्कार मिळत आहेत. सभासदांच्या विश्वास व योगदानामुळेच कृष्णा बँक उन्नत आर्थिक प्रगतीकडे वाटचाल करत आहे, असे प्रतिपादन चेअरमन आ.डॉ. अतुलबाबा भोसले यांनी केले. कृष्णा सहकारी बँकेच्या ५४ व्या वार्षिक सर्वसाधारण सभेत ते बोलत होते.  आटके टप्पा (ता. कराड) येथील विराज मल्टिपर्पज हॉल येथे कृष्णा सहकारी बँकेची ५४ वी वार्षिक सर्वसाधारण सभा खेळीमेळीच्या वातावरणात पार पडली. य. मो. कृष्णा सहकारी साखर कारखान्याचे चेअरमन डॉ. सुरेश भोसले यांच्या हस्ते बँकेचे संस्थापक सहकारमहर्षी स्व. जयवंतराव भोसले (आप्पासाहेब) यांच्या प्रतिमेस पुष्पहार अर्पण करुन सभेचा प्रारंभ करण्यात आला.  यावेळी व्यासपीठावर कृष्णा बँकेचे व्हाईस चेअरमन दामाजी मोरे, कृष्णा कारखान्याचे संचालक दयानंद पाटील, निवासराव थोरात, संजय...

माजी मुख्यमंत्री पृथ्वीराज चव्हाण यांच्या स्वीय सहाय्यकाकडूनच दुबार मतदार नोंदणी  बोगस मतदान करण्यासाठी पदाचा गैरवापर केला  पृथ्वीराज चव्हाण यांची याला मूकसंमती आहे का? कराड, दि. 16 - देशात नुकतेच काही राजकीय पक्षांनी मतदारांची दुबार नोंदणी झाल्याचा आक्षेप नोंदविला आहे. या अनुषंगाने २६०-कराड दक्षिण विधानसभा मतदारसंघात महाराष्ट्राचे माजी मुख्यमंत्री पृथ्वीराज चव्हाण यांच्या स्वीय सहाय्यकानेच चक्क दुबार मतदार नोंदणी केल्याचा धक्कादायक प्रकार आमच्या निदर्शनास आला असल्याची माहिती सैदापूरचे माजी उपसरपंच मोहनराव जाधव यांनी पत्रकार परिषदेत दिली. यावेळी वाठार गावचे सरपंच प्रमोद पाटील, तसेच पदाधिकारी उपस्थित होते. दरम्यान या स्वीय सहाय्यकाने केवळ स्वतःचेच नाही; आपल्या पत्नीचे व भावाचे नावदेखील कराड दक्षिण विधानसभा मतदारसंघात दोन-दोन ठिकाणी नोंदविल्याचे दिसून आले असून बोगस मतदान करण्यासाठीच आपल्या पदाचा गैरवापर करत त्यांनी हे कृत्य केल्याचा स्पष्ट आरोप करून जाधव यांनी या संपूर्ण प्रकाराची वस्तुस्थिती कागदोपत्री पुराव्यानिशी सादर करत याबाबत तक्रार दाखल करणार असल्याचे सांगितले. वाठार व कर...

  बोगस मतदाना विरोधात संबंधितांनी पोलीस ठाण्यात तक्रार दाखल करावी ; प्रांताधिकारी अतुल म्हेत्रे कराड, दि. 12 - कराड तालुक्यातील कपिल गोळेश्वर या ठिकाणी मतदार नोंदणी, बोगस मतदान या सदर्भात झालेल्या आरोपांवर कराड उपविभागीय अधिकारी तथा प्रांताधिकारी अतुल मेहत्रे यांनी यासंबंधी ज्यांनी आरोप केले आहेत त्यांनी पोलिस ठाण्यात तक्रार दाखल करावी त्यानंतर त्याबाबत संबंधित विभाग तपास करेल असे सांगत त्या 9 मतदारांची नावे वगळण्याची कार्यवाही केली जाणार असल्याची माहिती पत्रकार परिषदेत दिली. यावेळी तहसीलदार कल्पना ढवळे, पुरवठा अधिकारी साहिला नायकवडी, सहा. महसूल अधिकारी युवराज पाटील, निवडणूक नायब तहसीलदार हेमंत बेसके, सहाय्यक महसूल अधिकारी गोपाल वसू, शिवराज माळी उपस्थित होते.  दरम्यान यावेळी प्रांताधिकारी अतुल म्हेत्रे यांनी गतकाही विधानसभा तसेच नुकत्याच झालेल्या लोकसभा निवडणूक कार्यक्रमा दरम्यान ऑनलाइन पद्धतीने नव मतदारांसह, विविध नमुन्यातील फार्मच्या माध्यमातून वाढीव मतदार, नावे वगळणे, पुनर्न नोंदणी यासह प्रत्येक वेळी झालेली वाढ, वगळलेली नावे याबाबतची सविस्तर आकडेवारीसह माहिती दिली.  कर...

कराड : मायलन लॅबोरेटरीज कंपनीच्यावतीने आयोजित कॅम्पस इंटरव्ह्यूद्वारे निवड झालेल्या विद्यार्थ्यांसमवेत कृष्णा इन्स्टिट्यूट ऑफ फार्मसीचे अधिष्ठाता प्रा.डॉ. नामदेव जाधव व अन्य मान्यवर . कृष्णा इन्स्टिट्यूट ऑफ फार्मसीच्या १६ विद्यार्थ्यांची कॅम्पस इंटरव्ह्यूद्वारे यशस्वी निवड नामांकित मायलन लॅबोरेटरीज बहुराष्ट्रीय कंपनीत संधी; विद्यार्थ्यांचे सर्व स्तरातून अभिनंदन कराड, दि. 12 : येथील कृष्णा विश्व विद्यापीठाशी संलग्न असलेल्या कृष्णा इन्स्टिट्यूट ऑफ फार्मसीमध्ये शिकणाऱ्या १६ विद्यार्थ्यांची कॅम्पस इंटरव्ह्यूद्वारे छत्रपती संभाजीनगर व नाशिक येथील नामांकित मायलन लॅबोरेटरीज या बहुराष्ट्रीय कंपनीत निवड झाली आहे. या निवडीबद्दल या विद्यार्थ्यांचे सर्व स्तरातून अभिनंदन होत आहे.  याबद्दल अधिक माहिती देताना कृष्णा इन्स्टिट्यूट ऑफ फार्मसीचे अधिष्ठाता प्रा.डॉ. नामदेव जाधव म्हणाले, कृष्णा इन्स्टिटयूट ऑफ फार्मसी हे देशात ६७ क्रमांकाचे एन.आय.आर.एफ. मानांकित महाविद्यालय आहे. आमच्या संस्थेत विद्यार्थ्यांना गुणवत्तापूर्ण शिक्षणाबरोबरच, शिक्षणानंतर उत्तम नोकरीची संधी उपलब्ध करुन देण्यासाठी विशेष प्रयत्न...

कराडसह परिसरात तीन वर्षांत ७६ गॅस सिलेंडर जप्त; बारा जणांच्या वर गुन्हा दाखल. कराड उपविभागात अवैध गॅस साठ्यांवर प्रभावी नियंत्रण - प्रांताधिकारी अतुल म्हेत्रे कराड, दि. 12 : - कराड व परिसरात अवैध पद्धतीने गॅस सिलेंडरचा साठा करून खाजगी वाहनांमध्ये गॅस भरण्याच्या प्रकारांवर पुरवठा विभागाने गेल्या तीन वर्षांत कारवाया करत एकूण ७६ गॅस सिलेंडर जप्त करून बारा जणांच्या वर गुन्हा दाखल केला असल्याची माहिती प्रांताधिकारी अतुल म्हेत्रे यांनी पत्रकार परिषदेत दिली.  2023 मध्ये आगाशिवनगर मलकापूर परिसरात चौघांच्यावर गुन्हा दाखल करत 27 सिलेंडर तर 2024 साली मलकापूर आगाशिवनगर, मंगळवार पेठ कराड येथे तिघांच्यावर गुन्हा दाखल करत 17 सिलेंडर व 2025 ऑगस्ट पर्यंत आगाशिवनगर, सैदापूर, बनवडी फाटा या ठिकाणी पाच जणांच्या वर गुन्हा दाखल करत 32 सिलेंडर जप्त केले आहेत. कराड व मलकापूर परिसरात अवैध पद्धतीने गॅस सिलेंडरचा साठा करून खाजगी वाहनांमध्ये गॅस भरण्यात येत असल्याची माहिती पुरवठा विभागाला मिळाली होती. त्यानुसार सन २०२३ मध्ये १६ सप्टेंबर रोजी पूजा मार्केट पाठीमागे, आगरशिवनगर येथे २५ आणि ६ डिसेंबर रोजी ढेबेवाडी ...

बनावट दाखला सादर करून जात प्रमाणपत्र मिळवणाऱ्या कालवडे येथील एकावर गुन्हा दाखल  कराड, दि. 12 : - शाळा सोडल्याचा बनावट दाखला सादर करून “लमानी (विमुक्त जाती संवर्ग)” या प्रवर्गाचे जात प्रमाणपत्र मिळविल्याचा प्रकार उघडकीस आल्याने याप्रकरणी वसंत धरमू पवार रा. कालवडे (ता. कराड) यांच्यावर कराड शहर पोलिस ठाण्यात गुन्हा दाखल करण्यात आला असल्याची माहिती प्रांताधिकारी अतुल म्हेत्रे यांनी दिली. याबाबतची माहिती अशी की, कालवडे (ता. कराड) येथील वसंत धरमू पवार यांनी त्यांची मुलगी नेहा वसंत पवार हिला “लमानी (विमुक्त जाती संवर्ग)” या प्रवर्गाचे जात प्रमाणपत्र मिळविण्यासाठी त्यांनी 1 ऑगस्ट 2023 रोजी अर्ज दाखल केला होता. या अर्जाची तहसील कार्यालय, महसूल सहाय्यक नायब तहसीलदार व तहसीलदार तसेच उपविभागीय अधिकारी कराड यांच्या छाननीनंतर 15 सप्टेंबर 2023 रोजी त्यांना “लमानी (विमुक्त जाती संवर्ग)” चे प्रमाणपत्र देण्यात आले.  सदरचा जातीचा दाखला पडताळणीसाठी जिल्हा जाती पडताळणी समिती सातारा यांच्याकडे गेला असता धरमू हेमलू पवार यांचा शाळा सोडल्याचा दाखला बनावट असल्याचे आढळून आले. अर्जदार वसंत धरमू पवार यांन...

माजी मुख्यमंत्री पृथ्वीराज बाबांच्या पाठपुराव्यानेच विमानतळ विस्तारसाठी वेळोवेळी निधी... कराड, दि. 11-: स्व. यशवंतराव चव्हाण साहेब यांचे स्वप्न आणि धोरण होते की प्रत्येक तालुकास्तरावर विमानतळ असले पाहिजे. त्यानुसार कराड येथे विमानतळाची स्थापना झाली. त्यानंतर कालांतराने यशवंतराव चव्हाण साहेबांच्या नंतर कराड चे सुपुत्र श्री पृथ्वीराज बाबा चव्हाण हे महाराष्ट्राचे मुख्यमंत्री झाले व त्यांनी यशवंतराव चव्हाण साहेबांच्या जन्मशताब्दी निमित्त कराड साठी विशेष निधीची तरतूद केली. त्याचवेळी कराड विमानतळाचे विस्तारीकरण भविष्याच्या दृष्टीने महत्त्वाचे आहे असे जाणून यासाठी पृथ्वीराज बाबांनी तरतूद करीत नियोजन केले. कराड विमानतळाचे विस्तारीकरण हे माजी मुख्यमंत्री मा. पृथ्वीराज बाबा चव्हाण यांचे काम असून त्यांच्या ड्रीम प्रोजेक्ट मधील हा एक महत्वाचा उपक्रम आहे. त्यांनी त्यांच्या दूरदृष्टीने मुख्यमंत्री पदाच्या काळापासून कराडच्या विमानतळाचे विस्तारीकरण साठी सर्व प्रशासकीय परवानगी पासून ते निधी मिळेपर्यंत पूर्ण पाठपुरावा केलेला आहे. कराडच्या विमानतळ विस्तारीकरणासाठी १७.१६ कोटींच्या निधीबाबत जो श्रेय घेण्या...

ढेबेवाडी फाट्यावर लॉन्चर मशीन उतरवण्यात येणार; ठेकेदार कंपनीची तयारी सुरू; वाहतुकीची घेण्यात आली चाचणी... कराड, दि. 10 (प्रतिनिधी) - पुणे बेंगलोर महामार्गावर ढेबेवाडी फाटा येथे उड्डाण पुलावर असणारे सेगमेंट लॉन्चर मशीन या आठवड्यात उतरवण्यात येणार आहे. त्यासाठी वाहतुकीत काही प्रमाणात बदल करण्याचे नियोजन आहे. त्या अनुषंगाने आज ठेकेदार कंपनीने ढेबेवाडी फाटा येथे वाहतुकीची चाचणी घेतली. ढेबेवाडी फाटा येथे उड्डाण पुलावरून लॉन्चर मशीन उतरवण्यासाठी महामार्ग पोलीस मदत केंद्राच्या समोर मोठी क्रेन लावण्यात येणार आहे. तत्पूर्वी महामार्गावर कोयना औद्योगिक वसाहत ते कृष्णा हॉस्पिटल, ढेबेवाडी फाटा, अक्षता मंगल कार्यालय या दरम्यान उड्डाणपुलाखालील रस्ता वाहतुकीसाठी खूला केला जाणार आहे. पुलाखालील रस्ता सुरू केल्याने या परिसरात पुलाखाली दोन पिलर च्या मधोमध कोणतीही वाहने पार्किंग करू नये अथवा दोन्ही पिलर मध्ये असलेल्या छोट्या जागेतून जाण्याचा प्रयत्न करू नये. जेणेकरून वाहतुकीची कोंडी व अपघात होणार नाही. या कामामुळे वाहतुकीत सर्वसाधारण कसा बदल असेल याबाबत कराड टुडे न्यूज नेटवर्कच्या माध्यमातून वाहनधारकांसाठी...

  जप्त केलेला मुद्देमाल व ताब्यात घेतलेल्या आरोपी समवेत गुन्हे प्रकटीकरण शाखेचे प्रमुख अशोक भापकर व इतर पोलीस कर्मचारी कराड शहर पोलीस ठाणेच्या गुन्हे प्रकटीकरण शाखेची दमदार कामगिरी  सराईत रेकॉर्डवरील गुन्हेगाराकडुन 1 देशी बनावटीचे पिस्टल व 1 जीवंत काडतूस केले हस्तगत.  कराड, दि. 8 - कराड शहर गुन्हे प्रकटीकरण शाखेने आज मलकापूर येथे सापळा रचून कराड शहरातील एकाकडून देशी बनावटीचे एक पिस्तूल व एक जिवंत काडतूस असा 66 हजार रुपये किमतीचा मुद्देमाल जप्त करून एकाच अटक केली आहे. जीवन शांताराम मस्के वय 30 वर्ष राहणार शुक्रवार पेठ कराड असे या अटक केलेल्या रेकॉर्डवरील गुन्हेगाराचे नाव आहे. याबाबत पोलिसांनी दिलेल्या माहितीनुसार, आज दिनांक 08/08/2025 रोजी गुन्हे प्रकटीकरण शाखा कराड यांना त्यांचे बातमीदारामार्फत मिळाले बातमीवरुन मलकापुर येथील छत्रपती शिवाजी चौक येथे सापळा रचुन कराड शहर पोलीस ठाणे अभिलेखावरील गुन्हेगार जीवन शांताराम मस्के वय 30 वर्षे, रा. 92 शुक्रवारपेठ कराड ता. कराड यास शिताफीने ताब्यात घेवुन त्याचेकडुन 1 देशी बनावटीचे पिस्टल (अग्नीशस्त्र) व 1 जीवंत काडतुस (राऊंड) असा एकुण...

कोयना बँकेच्या नवनिर्वाचित अध्यक्ष आणि उपाध्यक्ष यांचा सत्कार करताना अ‍ॅड. उदयसिंह पाटील (उंडाळकर), श्रीमती अपर्णा यादव (उपनिबंधक), अदिराज पाटील (उंडाळकर), संचालक मंडळ आणि रयत संघटनेचे पदाधिकारी, कार्यकर्ते. कोयना बँकेच्या अध्यक्षपदी कृष्णत पाटील तर उपाध्यक्षपदी साहेबराव शेवाळे यांची निवड. कराड, दि. 7 : कोयना सहकारी बँक लि, कराड या बँकेची पंचवार्षिक निवडणूक नुकतीच बिनविरोध पार पडली असून बँकेच्या अध्यक्षपदी कृष्णत पाटील रा. काले तर उपाध्यक्षपदी साहेबराव शेवाळे रा कराड यांची संचालक मंडळाच्या विशेष सभेत एकमताने निवड करण्यात आली. सदर सभा श्रीमती अपर्णा यादव उपनिबंधक (सहकारी संस्था), कराड यांच्या अध्यक्षतेखाली पार पडली. या निवडीच्या निमित्ताने आयोजित सत्कार समारंभात नव्याने निवडून आलेल्या अध्यक्ष व उपाध्यक्ष यांचा सत्कार अ‍ॅड. उदयसिंह पाटील (उंडाळकर), श्रीमती अपर्णा यादव (उपनिबंधक), अदिराज पाटील (उंडाळकर), संचालक मंडळ तसेच रयत संघटनेच्या पदाधिकाऱ्यांनी केला. समारंभात बोलताना नवनिर्वाचित अध्यक्ष कृष्णत पाटील म्हणाले,बँकेच्या कामकाजात पारदर्शकता, कार्यक्षमता आणि सभासदहित हे आमचे सर्वोच्च प्र...

कराड : सहकारमहर्षी स्व. जयवंतराव भोसले (आप्पा) व धर्मराज एल. वाय. पाटील यांच्या 12 व्या स्मृतिदिनानिमित्त अभिवादन करताना माजी आमदार आनदराव पाटील, निवासराव थोरात,रंगराव थोरात, संपतराव थोरात,अनिल जाधव,सुनिल थोरात, अधिकराव गुजले, सुभाष थोरात, वैभव थोरात, महेश थोरात, कृष्णत थोरात व इतर मान्यवर आप्पासाहेबांची व एल.वाय. बाबाची मैत्री म्हणजे कृष्ण सुधामाची जोडी: माजी आमदार आनंदराव पाटील सहकारमहर्षी स्व. जयवंतराव भोसले व धर्मराज स्व. एल. वाय. पाटील यांना 12 व्या स्मृतिदिनानिमित्त मान्यवरांकडून अभिवादन कराड, दि. 6 : निस्वार्थीपणे मैत्रीचे नाते जपणारे आप्पासाहेब व एल.वाय बाबा यांनी समाजहिताच्या कामांना गती दिली. एल. वाय. बाबांना आप्पासाहेबांचा शब्द म्हणजे अंतिम शब्द असायंचा. अशा या थोर व्यक्तीच्या विचारांचा वारसा पुढे चालवला पाहिजे. असे प्रतिपादन माजी आमदार आनंदराव पाटील यांनी केले. ते कृष्णाकाठच्या सहकार, सामाजिक, शैक्षणिक व आरोग्य विकासाचे प्रणेते आणि कृष्णा उद्योग समूहाचे शिल्पकार सहकारमहर्षी स्व. जयवंतराव भोसले (आप्पा) व ज्यांना कार्वे गावाने धर्मराज ही पदवी बहाल केली असे धर्मराज एल. वाय. पा...

 लाच प्रकरणी पोलीस उपनिरीक्षकास सक्तमजुरीची शिक्षा कराड, दि. 6 - येथील अप्पर जिल्हा व सत्र न्यायालयाने कराड शहर पोलीस स्टेशनला काम केलेल्या तत्कालीन पोलीस उपनिरीक्षक भरत गोपाळ होळकर यांना सात हजार रुपये लाच स्वीकारल्याबद्दल विविध कलमान्वये 2 वर्ष सश्रम कारावास आणि 15 हजार रुपये दंडाची शिक्षा सुनावली आहे. या बाबत माहिती अशी की, सेवानिवृत्त पोलिस उपनिरीक्षक भरत गोपाळ होळकर (वय 66) हे कराड शहर पोलीस स्टेशनला कार्यरत होते. त्यांनी 2014 मध्ये फिर्यादीच्या तक्रारीच्या अहवालासाठी 7 हजार रुपये लाच मागितली होती ती त्यानी पंचासमक्ष कचेरी नजीकच्या दर्शन हॉटेल समोर स्वीकारली होती. म्हणून भरत होळकर यांच्या विरोधात कराड शहर पोलीस ठाण्यात या प्रकरणी 21 जुलै 2014 रोजी गुन्हा दाखल झाला होता. या गुन्ह्याचा तपास सातारा येथील लाचलुचपत प्रतिबंधक विभागाच्या तत्कालीन पोलीस निरीक्षक श्रीमती वैशाली पाटील यांनी करून, 30 डिसेंबर 2014 रोजी न्यायालयात दोषारोपपत्र दाखल केले होते. या खटल्याची सुनावणी कराड येथील अप्पर जिल्हा व सत्र न्यायालयाचे विशेष न्यायाधीश डी. बी. पतंगे यांच्यासमोर झाली. न्यायाधीश पतंगे यांनी ...

शुक्रवार पेठेत पंपिंग स्टेशन क्रमांक दोनजवळ व्यायामशाळेचे भूमिपूजन  कराड, दि. 6 - येथील शुक्रवार पेठेत पंपिंग स्टेशन क्रमांक दोन शेजारच्या जागेत व्यायामशाळा बांधण्याच्या कामाचे भूमिपूजन शिवसेना नेते व यशवंत विकास आघाडीचे अध्यक्ष राजेंद्रसिंह यादव यांच्या हस्ते झाले. या कामासाठी 68 लाख 8 हजार रुपये खर्च येणार आहे. तत्कालीन मुख्यमंत्री एकनाथ शिंदे व पालकमंत्री शंभूराज देसाई यांच्याकडे पाठपुरावा करून राजेंद्रसिंह यादव यांनी जिल्हा नियोजन समितीच्या माध्यमातून हा निधी मिळवला होता. या प्रभागाचे माजी नगरसेवक विजय वाटेगावकर यांनी पंपिंग स्टेशन क्रमांक दोन शेजारच्या जागेत व्यायामशाळा बांधण्याची मागणी केली होती. ही व्यायामशाळा दोन मजली असणार आहे. याप्रसंगी विजय वाटेगावकर, माजी सभापती स्मिता हूलवान, सुधीर एकांडे, राजेंद्र डुबल, नामदेव किरपेकर, सागर माने, राजू गोरे, आशुतोष डुबल, सुलोचना पवार, सादिक मुजावर, राहुल थोरात, सुभाष पवार संतोष देसाई नितीन सुर्वे, विनोद भोसले, हारुण मुजावर यांच्यासह परिसरातील नागरिक उपस्थित होते. रंगारवेस येथेही व्यायामशाळा प्रस्तावित  दरम्यान शुक्रवार पेठेतील र...

कराड : सहकारमहर्षी स्व. जयवंतराव भोसले (आप्पा) यांच्या १२ व्या स्मृतिदिनानिमित्त अभिवादन करताना श्री. पृथ्वीराज भोसले. बाजूस अन्य मान्यवर. सहकारमहर्षी स्व. जयवंतराव भोसले यांना १२ व्या स्मृतिदिनानिमित्त मान्यवरांकडून अभिवादन कराड, दि. 6 : कृष्णाकाठच्या सहकार, सामाजिक, शैक्षणिक व आरोग्य विकासाचे प्रणेते आणि कृष्णा उद्योग समूहाचे शिल्पकार सहकारमहर्षी स्व. जयवंतराव भोसले (आप्पा) यांच्या १२ व्या स्मृतिदिनी त्यांना विविध क्षेत्रातील मान्यवरांनी अभिवादन केले. ज्येष्ठ नेते मदनराव मोहिते, श्री. पृथ्वीराज भोसले, डॉ. इंद्रजीत मोहिते यांच्यासमवेत कराड व वाळवा तालुक्यातील विविध क्षेत्रातील मान्यवरांनी, कृष्णा हॉस्पिटलच्या प्रांगणातील आप्पासाहेबांच्या पुतळ्याला पुष्पहार अर्पण करून अभिवादन केले. याप्रसंगी राष्ट्रीय खनिज विकास महामंडळाचे संचालक भरत पाटील, माजी आमदार आनंदराव पाटील, डॉ. अशोक गुजर, लोकशाही आघाडीचे अध्यक्ष जयंत पाटील, कराडचे माजी उपनगराध्यक्ष जयवंत पाटील, प्रांताधिकारी अतुल म्हेत्रे, तहसीलदार कल्पना ढवळे, नायब तसीलदार भाऊसाहेब राठोड, मोटर वाहन निरीक्षक चैतन्य कणसे, वाहतूक शाखेचे सहाय्यक...

भैरवनाथ सहकारी पाणीपुरवठा योजनेच्या पाईपलाईन स्थलांतरासाठी १७.१६ कोटीचा निधी मंजूर  विमानतळ विस्तारीकरण कामाला मिळणार गती  कराड, दि. 5 : कराड विमानतळाच्या विस्तारीकरणांतर्गत येथील भैरवनाथ सहकारी पाणीपुरवठा योजनेच्या पाईपलाईन स्थलांतरासाठीच्या सुधारित वाढीव खर्चास मंजुरी मिळावी, यासाठी भाजपाचे जिल्हाध्यक्ष आ.डॉ. अतुलबाबा भोसले गेल्या अनेक महिन्यांपासून प्रयत्नशील होते. त्यांच्या प्रयत्नांना यश लाभले असून, भैरवनाथ सहकारी पाणीपुरवठा योजनेच्या पाईपलाईन स्थलांतरासाठी १७.१६ कोटी रुपयांच्या सुधारीत खर्चाच्या निधीस भाजपा-महायुती सरकारने मान्यता दिली आहे. शासनाच्या या निर्णयामुळे लवकरच या पाईपलाईनचे स्थलांतर होऊन, विमानतळ विस्तारीकरण कामाला गती मिळण्यास मदत होणार आहे. कराड हे पश्चिम महाराष्ट्रातील मध्यवर्ती ठिकाण असून, याठिकाणी दिवंगत यशवंतराव चव्हाण यांच्या पुढाकारातून विमानतळ उभा राहिले. या विमानतळाच्या विस्तारीकरणासाठी भाजपा-महायुती सरकार विशेष प्रयत्नशील आहे. याचाच भाग म्हणून सन २०२३ मध्ये राज्याचे तत्कालीन उपमुख्यमंत्री ना. देवेंद्र फडणवीस यांच्या विशेष पुढाकारामुळे कराडच्या विमान...