कराड शहर पोलीस ठाणेच्या गुन्हे प्रकटीकरण शाखेची दमदार कामगिरी

 

जप्त केलेला मुद्देमाल व ताब्यात घेतलेल्या आरोपी समवेत गुन्हे प्रकटीकरण शाखेचे प्रमुख अशोक भापकर व इतर पोलीस कर्मचारी

कराड शहर पोलीस ठाणेच्या गुन्हे प्रकटीकरण शाखेची दमदार कामगिरी 

सराईत रेकॉर्डवरील गुन्हेगाराकडुन 1 देशी बनावटीचे पिस्टल व 1 जीवंत काडतूस केले हस्तगत. 

कराड, दि. 8 - कराड शहर गुन्हे प्रकटीकरण शाखेने आज मलकापूर येथे सापळा रचून कराड शहरातील एकाकडून देशी बनावटीचे एक पिस्तूल व एक जिवंत काडतूस असा 66 हजार रुपये किमतीचा मुद्देमाल जप्त करून एकाच अटक केली आहे. जीवन शांताराम मस्के वय 30 वर्ष राहणार शुक्रवार पेठ कराड असे या अटक केलेल्या रेकॉर्डवरील गुन्हेगाराचे नाव आहे.

याबाबत पोलिसांनी दिलेल्या माहितीनुसार, आज दिनांक 08/08/2025 रोजी गुन्हे प्रकटीकरण शाखा कराड यांना त्यांचे बातमीदारामार्फत मिळाले बातमीवरुन मलकापुर येथील छत्रपती शिवाजी चौक येथे सापळा रचुन कराड शहर पोलीस ठाणे अभिलेखावरील गुन्हेगार जीवन शांताराम मस्के वय 30 वर्षे, रा. 92 शुक्रवारपेठ कराड ता. कराड यास शिताफीने ताब्यात घेवुन त्याचेकडुन 1 देशी बनावटीचे पिस्टल (अग्नीशस्त्र) व 1 जीवंत काडतुस (राऊंड) असा एकुण 66,000/- रु.किंमतीचा मुद्देमाल जप्त करणेत आलेला आहे.

कराड शहरातील गुन्हेगारांवर नियंत्रण ठेवण्यासाठी  वरिष्ठ पोलीस अधिकाऱ्यांच्या मार्गदर्शनाखाल उपविभागीय पोलीस अधिकारी श्रीमती राजश्री पाटील यांनी कराड शहरातील गुन्हेगारी टोळया व गटातटांचा समुळ नाश करण्यासाठी मोहीम सुरु केलेली आहे. वरिष्ठ पोलीस निरीक्षक राजु ताशिलदार यांचे मार्गदर्शनाखाली सदर मोहीमेच्या अनुशंगाने कोम्बिंग ऑपरेशन दरम्यान छापा कारवाई करुन गुन्हे प्रकटीकरण शाखेने सदरची कारवाई केलेली आहे.

सदरची कामगिरी वरिष्ठ पोलीस अधिकाऱ्यांच्या मार्गदर्शनाखाली गुन्हे प्रकटीकरण शाखा अधिकारी सहा. पोलीस निरीक्षक अशोक भापकर, पोलीस उपनिरीक्षक सतिश आंदेलवार, पो.ना संतोष पाडळे, सज्जन जगताप, अनिल स्वामी, संदीप कुंभार, पो.शि., धिरज कोरडे, अमोल देशमुख, आनंदा जाधव, मोहसिन मोमीन, दिग्वीजय सांडगे, संग्राम पाटील, मुकेश मोरे, सोनाली पिसाळ यांनी केलेली आहे.

----------------------

(सदर बातमीतला मजकूर परवानगीशिवाय माध्यमांसह कोणीही वापरू नये)