Karad Today

  कराड शहर पोलीस ठाणेच्या गुन्हे प्रकटीकरण शाखेची कामगिरी...बनावट सोन्याची बिस्कीटे 50 लाख रुपयांना विक्री करणेकरीता आलेल्या तिघांना अटक कराड, दि. 30 -दिनांक 29/07/2025 रोजी कराड शहरातील ज्वेलर्स मालक आसिफ अकबर मुल्ला यांना आरोपीत 1) गोविंद एकनाथराव पदातुरे वय 40 वर्षे, रा. भुतेकरवाडी ता. अहमदपुर जि. लातुर 2) सर्जेराव आनंदा कदम वय 36 वर्षे, रा. पिसाद्री ता. पन्हाळा जि. कोल्हापुर 3) अधिक आकाराम गुरव वय 50 वर्षे, रा. म्हासुर्णे ता. खटाव जि.सातारा यांनी आपसांत संगनमत करुन फिर्यादी यांचा विश्वास संपादन करुन, दिशाभुल करुन खोटे बनावटीकरण केलेली 11 सोन्याची बिस्कीटे 50 लाख रुपयांना विक्री करायची आहेत असे खोटे सांगुन माझी फसवणुक करायचा प्रयत्न केलेला होता.  सदरची माहीती गुन्हे प्रकटीकरण शाखेचे अधिकारी व अंमलदार यांना मिळताच अधिकारी व अंमलदार यांनी सापळा रचुन गजानन हौसिंग सोसायटी गोवारे ता. कराड येथे नमुद आरोपीत यांना ताब्यात घेतलेले आहे. नमुद आरोपीत यांचेकडुन 550 ग्रॅम वजनाची बनावट बिस्कीटे जप्त केलेली आहेत. सदरची कामगिरी पोलीस अधीक्षक तुषार दोशी, अपर पोलीस अधीक्षक श्रीमती वैशाली कडुक...

कामेरी : सहकारमहर्षी मा. जयवंतराव भोसले (आप्पा) नागरी सहकारी पतसंस्थेच्या शाखेच्या उद्‌घाटनप्रसंगी आ. सत्यजित देशमुख. बाजूस डॉ. सुरेश भोसले, आ.डॉ. अतुलबाबा भोसले, देवराज पाटील, सम्राट महाडिक व अन्य मान्यवर. सहकारमहर्षी मा. जयवंतराव भोसले (आप्पा) नागरी सहकारी पतसंस्थेच्या कामेरी शाखेचे उद्घाटन कराड, दि. 26 : कृष्णा उद्योग समूहातील सर्व संस्था आदर्शवत कार्य करत आहेत. चांगला उद्योग समूह कसा चालतो, याचे मूर्तिमंत उदाहरण म्हणजे कृष्णा उद्योग समूह आहे, असे गौरवोद्गार शिराळा विधानसभा मतदारसंघाचे आमदार सत्यजित देशमुख यांनी काढले. कामेरी (ता. वाळवा) येथे सहकारमहर्षी मा. जयवंतराव भोसले (आप्पा) नागरी सहकारी पतसंस्थेच्या २७ व्या शाखेच्या उद्‌घाटनप्रसंगी प्रसंगी ते बोलत होते.  आ. सत्यजित देशमुख यांच्या हस्ते पतसंस्थेच्या शाखेचे उद्‌घाटन करण्यात आले. यावेळी य. मो. कृष्णा सहकारी साखर कारखान्याचे चेअरमन डॉ. सुरेश भोसले, आमदार डॉ. अतुलबाबा भोसले, भाजपाचे सांगली ग्रामीण जिल्हाध्यक्ष सम्राट महाडिक, राष्ट्रवादी काँग्रेस पक्ष (शरदचंद्र पवार) गटाचे जिल्हाध्यक्ष देवराज पाटील, सांगली जिल्हा मध्यवर्ती सहका...

सहा पदरीकरणासह उड्डाणपुलाच्या रखडलेल्या कामाबाबत शिवसेनेचे (उबाठा) केंद्रीय मंत्री नितिन गडकरी यांना पत्र  महामार्गासह उड्डाणपुलचे काम तात्काळ पूर्ण करण्याची मागणी कराड, दि. 26 - पुणे बेंगलोर महामार्गावर सुरू असलेल्या सहा पदरीकरणाचे काम अत्यंत संत गतीने सुरू असल्याने याचा परिणाम वाहतुकीवर होत आहे. अनेक अपघात ही होत आहेत. अजूनही सहा पदरीकरणासह कराडच्या उड्डाणपुलाचे काम बाकी आहे ते तात्काळ पूर्ण करावी अशी मागणी शिवसेना (उद्धव बाळासाहेब ठाकरे) पक्षाच्या वतीने सातारा उपजिल्हाप्रमुख नितीन काशीद- पाटील यांनी केंद्रीय मंत्री नितीन गडकरी यांच्याकडे पत्राद्वारे केली आहे. नितीन गडकरी यांना दिलेल्या पत्रात म्हटले आहे की, सन 2022 पासून (पेठ नाका) सांगली जिल्हा ते (शेंद्रे) सातारा जिल्हा राष्ट्रीय महामार्ग क्रमांक ४८ जुना ४ चे सहा पदरीकरणाचे विकास काम चालू करण्यात आले आहे. सदर काम अदानी समूहाच्या मार्गदर्शनाखाली डी पी जैन इन्फ्रास्ट्रक्चर यांच्या माध्यमातून चालू आहे. सदर विकास काम २०२३/२४ या आर्थिक वर्षात वेगवान गतीने झाले परंतु एप्रिल 25 पासून सदर विकास काम रखडले आहे यात प्रामुख्याने कराड...

कराड पालिकेचे तत्कालीन मुख्याधिकारी शंकर खंदारे यांना अटक; कराड कोर्टात केले हजार... कराड, दि. 24 - कराड नगर परिषदेत झालेल्या लाच प्रकरणात तत्कालीन मुख्याधिकारी शंकर खंदारे यांना अखेर चार महिन्या नंतर अटक करण्यात आली आहे. खंदारे यांना अटक केल्यानंतर कराड येथील अतिरिक्त जिल्हा सत्र न्यायालयात हजर केले असता त्यांना पाच दिवसांची पोलीस कोठडी सुनावण्यात आली आहे. पदावरून कार्यमुक्त झाल्यानंतरही बांधकाम परवानगीसाठी १० लाखांची लाच मागितल्याप्रकरणी खंदारे यांच्यासह चौघांच्या विरोधात लाचलुचपत प्रतिबंधक विभागाने कारवाई केली होती, त्यामध्ये तिघांना अटक करण्यात यश आले होते, मात्र खंदारे हे फरार होते.  आज गुरुवार, दि. 24 रोजी सकाळी साताऱ्यात स्थानिक गुन्हे विशेष शाखेने त्यांना अटक करून लाच लुचपत विभागाकडे सोपवले होते. त्यानंतर संबंधित विभागाने खंदारे यांना आज कराड येथील अतिरिक्त जिल्हा कोर्टात हजर केले असता न्यायालयाने त्यांना 28 जुलैपर्यंत पोलिस कोठडीत ठेवण्याचे आदेश दिले आहेत. 25 मार्च 2025 रोजी कराड नगरपालिकेत लाचलुचपत विभागाने धाड टाकून कारवाई केली होती. यामध्ये दोघांना रंगे हात पकडण्यात आले...

मुंबई : ‘पद्मभूषण कै. वसंतदादा पाटील उत्कृष्ट नागरी सहकारी बँक’ पुरस्कार सहकार राज्यमंत्री ना. पंकज भोयर यांच्या हस्ते स्वीकारताना कृष्णा सहकारी बँकेचे पदाधिकारी. कृष्णा बँकेचा ‘उत्कृष्ट नागरी सहकारी बँक’ पुरस्काराने मुंबईत गौरव दि महाराष्ट्र स्टेट को-ऑपरेटिव्ह बँक असोसिएशनतर्फे पुरस्कार प्रदान कराड, दि. 24 : कृष्णाकाठच्या ग्रामीण भागाची अर्थवाहिनी म्हणून ओळखल्या जाणार्‍या कृष्णा सहकारी बँकेला मुंबई येथे ‘दि महाराष्ट्र स्टेट को-ऑपरेटिव्ह बँक असोसिएशन’च्यावतीने सन २०२३-२४ साठीचा ‘पद्मभूषण कै. वसंतदादा पाटील उत्कृष्ट नागरी सहकारी बँक’ पुरस्कार प्रदान करण्यात आला. महाराष्ट्राचे सहकार राज्यमंत्री ना. पंकज भोयर यांच्या हस्ते कृष्णा बँकेच्या संचालकांनी हा पुरस्कार स्वीकारला. सहकारी बँकांच्या कार्याला प्रोत्साहन देण्याच्या उद्देशाने, ‘दि महाराष्ट्र स्टेट को-ऑपरेटिव्ह बँक असोसिएशन’च्यावतीने दरवर्षी सर्वोत्कृष्ट कामगिरी करणार्‍या बँकांना विविध पुरस्कारांनी गौरविण्यात येते. या संस्थेने राज्यातील ५०० कोटी ते १००० कोटी रूपयांपर्यंतच्या ठेवी असणार्‍या नागरी सहकारी बँकांची पाहणी करून, या विभागात सर्...

सीए दिलीप गुरव यांचा देशातील सहकारी बँकांमधील सर्वोत्तम प्रभावशाली नेतृत्व म्हणून गौरव कराड, दि. 24 - इंडियन स्टार्टअप टाईम्स यांच्यातर्फे (नवीन युगातील प्रभावी डिजीटल न्यूज) दिला जाणारा देशपातळीवर मानाचा समजला जाणारा सहकारी बँकांमधील सर्वात प्रभावशाली नेतृत्वाला पुरस्कार दिला जातो. अर्बन कुटुंबाचे सल्लागार सीए दिलीप गुरव यांना त्यांच्या मुख्य कार्यकारी अधिकारी कार्यकालातील केलेल्या विशेष कार्यामुळे सर्वोत्तम प्रभावशाली नेतृत्व हा गौरव प्राप्त झाला आहे.  अर्बन कुटुंबियांसाठी हा अतिशय अभिमानाचा क्षण आहे. सीए दिलीप गुरव यांची भूमिका सर्वसमावेशक असून तळागाळातील लोकांना बँकिंग सेवा, कर्जाची उपलब्धता आणि अचूक व तत्पर ग्राहक सेवा तसेच आर्थिक साक्षरतेसाठी त्यांनी केलेले कार्य अतुलनीय आहे. कराड अर्बन बँक एक विश्वासार्ह आणि सकल जनांचा आर्थिक आधारवड ठरला पाहिजे हे त्यांनी मनापासून केलेल्या नेतृत्वामधून सिद्ध केले आहे. अशा शब्दात इंडियन स्टार्टअप टाईम्स ने सीए दिलीप गुरव यांच्याविषयी गौरोगार काढले आहेत. सन्मान करताना असा उल्लेख केला आहे की, प्रामाणिकपणा आणि सर्वसमावेशक बाबींवर विशेष लक्ष केंद...

रणजीतनानांच्या दातृत्वाला तोड नाही : आ. मनोज घोरपडे यांचे प्रशंसोदृगार समाजोपयोगी उपक्रमांनी वाढदिवस साजरा  कराड, दि. 23 - समाजात अनेक लोकांकडे प्रचंड पैसा आहे. पण समाजासाठी खर्च करण्याची दानत लागते. ही दानत रणजीतनाना पाटील यांच्याकडे असून त्यांचे आणि समाजाचे जिव्हाळ्याचे नाते आहे, असे प्रशंसोदृगार आमदार मनोज घोरपडे यांनी काढले. उपमुख्यमंत्री एकनाथ शिंदे यांचे कटृर समर्थक, शिवसेना नेते सामाजिक कार्यकर्ते रणजीत पाटील (नाना) यांच्या वाढदिवसानिमित्त आयोजित सत्कार कार्यक्रमात ते बोलत होते. माजी आरोग्य सभापती विजय वाटेगावकर, माजी नगरसेवक आप्पा माने, शिवसेनेचे विनायक भोसले, उद्योजक सचिन पाटील यांची उपस्थिती होती. आमदार मनोज घोरपडे म्हणाले की, रणजीत नानांच्या रुपाने मला सच्चा व जिवलग मित्र मिळाला आहे. शहरात मोठ्यांपासून लहानांपर्यंत त्यांचे सर्व स्तरात स्नेहाचे संबंध आहेत. छत्रपती संभाजी महाराज स्मारक व लिबर्टीचे स्पोर्ट्स कॉम्प्लेक्स ही मोठी विकासकामे त्यांच्या अविरत धडपड व चिकाटीने मार्गी लागली. आपल्या उत्पन्नातील बराच भाग ते समाजासाठी खर्च करतात. आज वाढदिवसानिमित्त आयोजित महाआरोग्य शिब...

भाजपाच्या महारक्तदान संकल्प अभियानाला उदंड प्रतिसाद मुख्यमंत्री ना. देवेंद्र फडणवीस यांच्या वाढदिवसानिमित्त कराड येथे अभियान उत्साहात संपन्न  कराड, दि. 22 : महाराष्ट्राचे मुख्यमंत्री ना. देवेंद्र फडणवीस यांच्या वाढदिवसानिमित्त भाजपाचे सातारा जिल्हाध्यक्ष आमदार डॉ. अतुलबाबा भोसले यांच्या मार्गदर्शनाखाली कराड येथे भव्य महारक्तदान संकल्प अभियान राबवण्यात आले. या शिबीराला रक्तदात्यांचा मोठा प्रतिसाद लाभला.  मुख्यमंत्री ना. देवेंद्र फडणवीस यांच्या वाढदिवसानिमित्त भारतीय जनता पार्टीच्यावतीने संपूर्ण महाराष्ट्रभर ‘महारक्तदान अभियान’ राबविण्यात आले. या उपक्रमांतर्गत सातारा जिल्ह्यातील ३३ मंडलांमध्ये महारक्तदान शिबीरांचे आयोजन करण्यात आले होते. कराड येथील यशवंतराव चव्हाण बहुउद्देशीय सभागृहात कराड शहर, कराड दक्षिण मध्य, कराड दक्षिण पूर्व आणि कराड दक्षिण पश्चिम अशा चार मंडलांचे रक्तदान शिबिर मोठ्या उत्साहात पार पडले.  भाजपाचे प्रदेश उपाध्यक्ष विक्रम पावसकर व माजी आमदार आनंदराव पाटील यांच्या हस्ते या शिबीराचे उद्‌घाटन करण्यात आले. शिबीरात अनेकांनी रक्तदान करत आपला सहभाग नोंदविला. याव...

कराड अर्बन बँकेची १०८ वी वार्षिक सर्वसाधारण सभा उत्साहात संपन्न  सभासदांना ८% लाभांश जाहीर. कराड, दि. 21 :- कराड अर्बन बँकेची १०८ वी वार्षिक सर्वसाधारण सभा रविवारी येथील पंकज मल्टिपर्पज हॉल येथे बँकेचे अध्यक्ष डॉ. सुभाष एरम यांच्या अध्यक्षतेखाली पार पडली. यावेळी माजी अध्यक्ष व ज्येष्ठ संचालक सुभाषराव जोशी, बँकेचे उपाध्यक्ष समीर जोशी, व्यवस्थापन मंडळाचे अध्यक्ष डॉ. अनिल लाहोटी, कराड अर्बन कुटंब सल्लागार सीए. दिलीप गुरव, प्र. मुख्य कार्यकारी अधिकारी सीए. धनंजय शिंगटे आणि सर्व संचालक तसेच सर्व सदस्यांसह सभासदांनी मोठ्याप्रमाणात हजेरी लावली होती. सन २०२४-२५ या आर्थिक वर्षात बँकेने एकूण व्यवसायाचा रू.५८०० कोटींचा ऐतिहासिक टप्पा पार करत एकूण व्यवसाय रू. ५८३७ कोटींवर पोहोचविला आहे. यामध्ये रू.३५७४ कोटींच्या ठेवी तर रू. २२६३ कोटींचा कर्ज व्यवसाय आहे. बँकेला एकूण रु. ४८.९५ कोटींचा ढोबळ तर, आयकर व तरतुदी वजा जाता रु.२६.४७ कोटींचा निव्वळ नफा झाला असून बँकेने आपली सक्षमता व सदृढता कायम राखली असल्याचे अध्यक्ष डॉ. सुभाष एरम यांनी सांगितले. बँकेने मागील वर्षीप्रमाणे वसुलीच्या कामकाजामध्ये कृती आर...

मुख्यमंत्री ना. देवेंद्र फडणवीस यांच्या वाढदिवसानिमित्त जिल्ह्यात मंगळवारी महारक्तदान अभियान सातारा जिल्ह्यात ३३ ठिकाणी आयोजन; ५००० रक्तपिशव्यांच्या संकलनाचे उद्दिष्ट कराड, दि. १९ : महाराष्ट्राचे लोकप्रिय मुख्यमंत्री ना. देवेंद्र फडणवीस यांच्या वाढदिवसानिमित्त भारतीय जनता पार्टीच्यावतीने मंगळवार दि. २२ जुलै रोजी संपूर्ण महाराष्ट्रभर ‘महारक्तदान अभियान’ राबविण्यात येणार आहे. या उपक्रमांतर्गत सातारा जिल्ह्यातील ३३ मंडलांमध्ये महारक्तदान शिबीरांचे आयोजन करण्यात आले असून, जिल्ह्यातून एकूण ५००० रक्तपिशव्यांचे संकलन करण्याचा निर्धार आल्याची माहिती भाजपाचे जिल्हाध्यक्ष आमदार डॉ. अतुलबाबा भोसले यांनी दिली आहे.  मुख्यमंत्री ना. देवेंद्र फडणवीस यांच्या वाढदिवसानिमित्त भाजपाच्यावतीने राज्यभर सेवा अभियानअंतर्गत महारक्तदान शिबीर आयोजित करण्याचा निर्धार प्रदेशाध्यक्ष आ. रवींद्र चव्हाण यांनी केला आहे. याअंतर्गत सातारा जिल्ह्यात विविध तालुक्यांमध्ये एकूण ३३ मंडल क्षेत्रांच्या ठिकाणी रक्तदान शिबीर आयोजित करण्यात येणार आहे.  दरम्यान, कराड दक्षिण मतदारसंघातही मंगळवारी (ता. २२) मार्केट यार्ड, करा...

      कराड पंचायत समितीच्या नवीन प्रशासकीय इमारतीचे संकल्पचित्र कराड पंचायत समितीच्या नव्या इमारतीसाठी 15 कोटी रुपयांचा निधी मंजूर कराड, दि. 18 : कराड तालुका पंचायत समितीच्या कार्यालयाची नवी सुसज्ज प्रशासकीय इमारत साकारण्यासाठी आमदार डॉ. अतुलबाबा भोसले गेल्या अनेक महिन्यांपासून प्रयत्नशील होते. त्यांच्या सातत्यपूर्ण पाठपुराव्यामुळे भाजपा-महायुती सरकारने कराड पंचायत समितीच्या स्वतंत्र आणि सुसज्ज प्रशासकीय इमारतीच्या उभारणीसाठी तब्बल १५ कोटी रुपयांचा निधी मंजूर केला आहे. ग्रामीण विकास विभागाच्या आदेशानुसार हा निधी मंजूर करण्यात आला असून, ३६२० चौ. मी. क्षेत्रफळाच्या जागेत या प्रशासकीय इमारतीचे बांधकाम लवकरच सुरू होणार आहे. कराड पंचायत समितीची सध्याची प्रशासकीय इमारत ही जुनी व जीर्ण झाली आहे. यामुळे कामकाजासाठी आवश्यक जागा अपुरी पडत आहे. याच इमारतीमध्ये बांधकाम विभाग, लघुपाटबंधारे, बाल विकास प्रकल्प आदी विभागांची कार्यालये कार्यरत आहेत. कराड तालुका हा लोकसंख्येच्या आणि कामकाजाच्या दृष्टीने मोठा तालुका असून, शासकीय कामांसाठी याठिकाणी मोठ्या प्रमाणावर लोकं येतात. पण अपुऱ्या जाग...

कराड अर्बन बँकेची रविवारी १०८ वी वार्षिक सर्वसाधारण सभा ; डॉ. सुभाष एरम कराड : दि. 18 - दि कराड अर्बन को-ऑपरेटिव्ह बँक लि., कराडची १०८ वी वार्षिक सर्वसाधारण सभा रविवार दि.२० जुलै २०२५ रोजी पंकज मल्टीपर्पज हॉल, कराड येथे आयोजित केली असल्याची माहिती बँकेचे अध्यक्ष डॉ. सुभाष एरम यांनी दिली. कराड अर्बन बँकेस रिझर्व्ह बँकेकडून आणखीन पाच नवीन शाखा उघडण्याची परवानगी मिळाली असून आता सध्या एकूण ६७ शाखा कार्यरत आहेत नवीन पाच शाखांमुळे ७२ शाखा होणार आहेत. बँकेने मागील काळात ठेवलेली उद्दिष्टये ५८०० कोटी व्यवसायपूर्ती, शून्य टक्के एनपीए, मोबाईल बँकिंग सेवा, यूपीआय सेवा अशी सर्व उद्दिष्टये पूर्ण झाल्याचा आनंद होत असल्याचे सांगत रविवार दि. २० जुलै २०२५ रोजी सकाळी ११.३० वा. पंकज मल्टीपर्पज हॉल, हॉटेल पंकजचे मागे, कोल्हापूर नाक्याजवळ, कराड येथे आयोजलेल्या १०८ व्या वार्षिक सर्वसाधारण सभेला सभासदांनी उपस्थित राहण्याचे आवाहन बँकेचे अध्यक्ष डॉ. सुभाष एरम यांनी सर्व सभासदांना केले आहे. सदरच्या सभेची नोटीस सर्व सभासदांना यापूर्वी त्यांच्या पत्त्यावर पाठविण्यात आलेली आहे. यावेळी माजी अध्यक्ष व ज्येष्ठ संचालक ...

  मा. रणजीत पाटील (नाना) यांच्या वाढदिवसानिमित्त भव्य मोफत आरोग्य सेवा शिबिराचे आयोजन कराड, दि. 16 (प्रतिनिधी) - सामाजिक भान व सेवाभावाची परंपरा कायम ठेवत रणजीत पाटील (नाना) यांच्या वाढदिवसानिमित्त 19 जुलै रोजी रणजीत पाटील (नाना) मित्र परिवाराच्या वतीने कराड शहरात भव्य मोफत महा आरोग्य सेवा शिबिराचे आयोजन करण्यात आले आहे. यानिमित्ताने मोफत आरोग्य सेवेबरोबरच गरजू महिलांना नवीन शिलाई मशीन मूळ किमती वरती ती ही 30% सूट मध्ये देण्यात येणार आहे. शिबिरात देण्यात येणाऱ्या मोफत सेवा  या शिबिरात नेत्र तपासणी व मोफत मोतीबिंदू शस्त्रक्रिया (चष्मा मोफत), स्त्रीरोग तपासणी (प्रत्येक महिलेस खास भेटवस्तू), जनरल मेडिसिन व सर्जरी, दंत चिकित्सा, हाडांचा तपास विभाग, बीपी, शुगर तपासणी, आवश्यक औषधांचे वाटप, महालॅबद्वारे विविध चाचण्या करण्यात येणार आहेत. ज्येष्ठ नागरिकांना छत्री वाटपासह शिबिरातील विशेष उपक्रम  मोफत महारोग्य सेवा शिबिराच्या निमित्ताने ज्येष्ठ नागरिकांना छत्री व काठी वाटप , विद्यार्थ्यांना शालेय साहित्य वाटप, नगरपालिका आरोग्य कर्मचाऱ्यांना रेनकोट वाटप, गुणवंत विद्यार्थ्यांचा सत्का...

कृष्णा कारखान्यास सर्वोत्कृष्ट डिस्टीलरीसाठी राष्ट्रीय पुरस्कार जाहीर भारतीय शुगरकडून सन्मान; कोल्हापुरात शुक्रवारी होणार वितरण कराड, दि. 15 : रेठरे बुद्रुक (ता. कराड) येथील यशवंतराव मोहिते कृष्णा सहकारी साखर कारखान्यास सर्वोत्कृष्ट डिस्टीलरीसाठी राष्ट्रीय पुरस्कार जाहीर करण्यात आला आहे. देशातील साखर उद्योगात अग्रगण्य असणाऱ्या भारतीय शुगर संस्थेच्यावतीने हा पुरस्कार कोल्हापूर येथे शुक्रवारी (ता. १८) होणाऱ्या शानदार सोहळ्यात प्रदान करण्यात येणार आहे. कृष्णा कारखान्याचे चेअरमन डॉ. सुरेश भोसले यांच्या मार्गदर्शनाखाली कारखाना प्रशासनाने नेहमीच नवनवीन प्रयोग करत, शेतकरी सभासदांचे हित साधले आहे. साखर उत्पादनासोबतच कारखान्याच्या माध्यमातून उपपदार्थ निर्मितीवर भर दिला आहे. कारखान्यात उच्च प्रतीचे इथेनॉल, देशी मद्य, रेक्टीफाईड स्पिरिट इत्यादींचे उत्पादन घेतले जाते. कृष्णा कारखान्याच्या डिस्टीलरीमध्ये सर्वोच्च फर्मन्टेशन आणि डिस्टलेशन कार्यक्षमतेसह १२८ % प्रकल्प क्षमतेचा वापर केला आहे. तसेच निर्धारित वेळेत ऑईल कंपन्यांना संपूर्ण इथेनॉल प्रमाणाचा पुरवठा यशस्वीरित्या पूर्ण केला आहे. त्याचबरोबर सर...

  श्री मळाईदेवी पतसंस्थेचा 283 कोटींचा व्यवसाय  39 वी वार्षिक सर्वसाधारण सभा उत्साहात संपन्न  कराड, दि. 13 - श्री मळाईदेवी नागरी सहकारी पतसंस्था मर्यादित, जखिणवाडी या संस्थेची ३९ वी वार्षिक सर्वसाधारण सभा उत्साहात पार पडली. संस्थेच्या मुख्य कार्यालयात संस्थेचे संस्थापक, शेतीमित्र अशोकराव थोरात यांचे मार्गदर्शनाखाली पार पडलेल्या या सभेच्या अध्यक्षस्थानी संस्थेचे चेअरमन अजित थोरात होते. या सभेस सभासदांनी मोठी गर्दी केली होती. प्रारंभी, सर्जेराव शिंदे यांनी सभेचे नोटीस वाचन केले. सर्व विषय एकमताने मंजूर करण्यात आले. यावर्षी संस्थेने आर्थिक वर्ष ३१ मार्च २०२५ अखेर २८३ कोटी रुपयांचा संमिश्र व्यवसाय साध्य केल्याची माहिती चेअरमन अजित थोरात यांनी दिली. संस्थेला ४.१९ कोटी रुपयांचा तरतुदीपूर्वीचा नफा झाला असून, एनपीएसाठी १०० टक्के तरतूद करण्यात आली आहे. यंदाही संस्थेकडून १० टक्के लाभांश जाहीर करण्यात आला आहे. संस्थेच्या ठेवी १६१.९० कोटींवर पोहोचल्या असून, १२१.९२ कोटी रुपयांचे कर्जवाटप झाले आहे. विविध बँकांमध्ये संस्थेने तरलतेच्या दृष्टीने ६४ कोटी रुपयांची गुंतवणूक केली आहे. वसूल भा...

लोकनेते स्व. विलासकाका पाटील (उंडाळकर) यांची १५ जुलैला ८७ वी जयंती कराड येथे अभिवादन कार्यक्रमाचे आयोजन. कराड, दि. 12 (प्रतिनिधी) : महाराष्ट्र राज्याचे माजी सहकार मंत्री, लोकनेते स्व. विलासकका पाटील (उंडाळकर) यांची ८७वी जयंती दिनांक १५ जुलै २०२५ रोजी साजरी करण्यात येणार आहे. त्यानिमित्त कोयना सहकारी बँकेचे मुख्य कार्यालय, लोकनेते विलासकाका पाटील प्रवेश‌द्वार, मार्केट यार्ड, कराड येथे अभिवादन कार्यक्रमाचे आयोजन करण्यात आले आहे. स्व. विलासकाका पाटील यांचा जन्म १५ जुलै १९३८ रोजी झाला होता. जिल्हा परिषद सदस्य ते सलग ३५ वर्षे आमदार, तसेच महाराष्ट्र राज्याच्या विविध खात्यांचे मंत्री म्हणून त्यांनी अतिशय प्रभावीपणे कार्य केले. विशेषतः सहकार क्षेत्रात व ग्रामीण भागाच्या विकासासाठी सर्वसामान्य जनतेच्या कल्याणाकरिता त्यांनी दिलेले योगदान प्रेरणादायी राहिले आहे. या अभिवादन कार्यक्रमात स्व. विलासकाका यांच्यावर प्रेम करणाऱ्या सर्व नागरिकांनी तसेच सहकार क्षेत्रात काम करणारे कार्यकर्ते, विविध संस्थाचे प्रतिनिधीं, सामाजिक, राजकीय क्षेत्रातील मान्यवरांनी मंगळवार दि. १५ जुलै २०२५ रोजी सकाळी १०.३० ते दुप...

कराड : भाजपा राज्य परिषद सदस्यपदी निवड झाल्याबद्दल संजय पवार व हर्षवर्धन मोहिते यांचा सत्कार करताना कृष्णा कारखान्याचे चेअरमन डॉ. सुरेश भोसले भाजपा राज्य परिषदेवर संजय पवार व हर्षवर्धन मोहिते यांची निवड कराड दक्षिणमधील भाजपा कार्यकर्त्यांमध्ये उत्साहाचे वातावरण   कराड, दि. 10 : भारतीय जनता पक्षाच्या राज्य परिषद सदस्यपदी कराड दक्षिणमधून माजी पंचायत समिती सदस्य संजय पवार आणि भाजपाचे माजी तालुकाध्यक्ष हर्षवर्धन मोहिते यांची निवड जाहीर करण्यात आली आहे. भाजपचे प्रदेशाध्यक्ष आ. रवींद्र चव्हाण यांनी या नावांची घोषणा केली असून, या निवडीनंतर कराड दक्षिणमधील भाजप कार्यकर्त्यांमध्ये उत्साहाचे वातावरण निर्माण झाले आहे. रेठरे बुद्रुक (ता. कराड) येथील संजय पवार हे १९८७ पासून सामाजिक आणि राजकीय क्षेत्रात सक्रिय आहेत. स्थानिक स्वराज्य संस्थांपासून ते सामाजिक संस्थांपर्यंत अनेक जबाबदाऱ्या त्यांनी समर्थपणे पार पाडल्या आहेत. यापूर्वी ते पंचायत समितीचे सदस्य राहिले असून, संजय गांधी निराधार योजनेचे कराड तालुकाध्यक्ष म्हणून त्यांनी गरजू वंचितांसाठी कार्य केले आहे. सध्या ते शेतकरी शिक्षण प्रसारक मंडळाचे ...

श्री मळाई देवी नागरी सहकारी पतसंस्था मर्यादित जखिनवाडी तर्फे वाहन वितरण सोहळा कराड, दि. 8 अशोकराव थोरात भाऊ शेती मित्र यांच्या मार्गदर्शनाखाली श्री मळाई देवी नागरी सहकारी पतसंस्थेच्या वतीने वाहन तारण कर्ज वितरण सोहळा संपन्न झाला. याप्रसंगी वाहनाचे पूजन संस्थेचे संचालक शामराव सखाराम पवार व सल्लागार दत्तात्रय आबा लावंड यांच्या हस्ते करण्यात आले. कमी व्याज दर या योजने अंतर्गत वाहनाचे वितरण करण्यात केले.  याप्रसंगी बोलताना संस्थेचे संस्थापक अध्यक्ष अशोकराव थोरात भाऊ म्हणाले की, महाराष्ट्रात सर्वत्र वाहन विक्री वाढत आहे सर्वसामान्य नागरिकांना दुचाकी चार चाकी वाहन खरेदीसाठी 12% व्याजदराने त्वरित कर्ज उपलब्ध करून देण्याची सुविधा श्री मळाई देवी नागरी सहकारी पतसंस्थेने केली आहे.  सदर योजनेचा लाभ संस्थेच्या सोमवार पेठ व शास्त्रीनगर शाखेतील कर्जदार यांनी घेतला. वाहने ही सर्वसामान्यांची गरज झाली आहे. दुचाकी व चार चाकी वाहनाचे देशात उत्पन्न वाढत आहे व खरेदी ही वाढत आहे. संस्थेच्या सभासदांना वाहने खरेदी करण्यासाठी ही प्रोत्साहन पर योजना आखली आहे तरी या योजनेचा लाभ सर्व सभासदांनी घ्यावा. श्र...

सहकारी पाणीपुरवठा योजनांना वीजबिल माफी देऊन पुन्हा अनुदान सुरु करावे ; आ. डॉ. अतुल भोसले  कराड, दि. 8 : राज्यातील हजारो शेतकऱ्यांना आधार देणाऱ्या सहकारी तत्त्वावरील पाणीपुरवठा योजना सध्या संकटात सापडल्या आहेत. सरकारने १ एप्रिल २०२५ पासून या योजनांना दिले जाणारे ७५ टक्के अनुदान थांबवल्याने, ग्रामीण भागातील बागायती शेती अडचणीत आली आहे. त्यामुळे शासनाने हा निर्णय मागे घेऊन या सहकारी पाणीपुरवठा योजनांना वीजबिल माफी देऊन पुन्हा अनुदान सुरु करावे, अशी जोरदार मागणी भाजपाचे जिल्हाध्यक्ष आमदार डॉ. अतुलबाबा भोसले यांनी विधानसभेत केली.  विधानसभेच्या पावसाळी अधिवेशनात पुरवणी मागण्यांवर सभागृहात चर्चा सुरु असताना आ.डॉ. भोसले म्हणाले, १९६० ते १९९० या कालखंडात ग्रामीण भागात शेकडो पाणीपुरवठा योजना सहकारी तत्त्वावर उभ्या राहिल्या. त्या काळातील सामाजिक नेतृत्व, स्थानिक संघटनशक्ती आणि हजारो शेतकऱ्यांच्या श्रमातून या योजना साकार झाल्या. परंतु सरकारकडून मिळणाऱ्या अनुदानाच्या आधारावर टिकून असलेल्या या योजना आता आर्थिक संकटात सापडल्या आहेत. सध्या सरकारने ७.५ एच.पी.पर्यंतच्या कृषीपंपांसाठी वीजबिल माफ...

सातारा जिल्ह्यात शिवसेना भक्कम करणार;शिवसेनेचे सातारा जिल्हा समन्वयक राजेंद्रसिह यादव यांचा निर्धार कराड उत्तर विधानसभा मतदारसंघात अनेक चेअरमन, व्हायचेअरमन पदाधिकारी युवा नेते यांनी उपमुख्यमंत्री एकनाथ शिंदे शिवसेना गटात जाहीर प्रवेश केला कराड, दि. 5 - पालकमंत्री शंभूराजे देसाई, संपर्कप्रमुख शरद कणसे कराड उत्तरचे शिवसेनेचे युवा नेते पै. संतोष वेताळ आबा यांच्या मार्गदर्शनाखाली अनेक जणांनी उपमुख्यमंत्री एकनाथ शिंदे यांच्या नेतृत्वावर विश्वास ठेवून शिवसेनेत जाहीर प्रवेश केला याबद्दल सातारा जिल्हा शिवसेनेचे समन्वयक राजेंद्रसिंह यादव यांनी सर्वांचे आभार मानले.  उपमुख्यमंत्री एकनाथ शिंदे यांनी महाराष्ट्रात विकासाची गंगा सर्वसामान्य माणसाच्या घरापर्यंत पोहोचवली अनेक सुख सुविधांचा लाभ गोरगरीब गरजूंना दिला. त्यामुळे महाराष्ट्रात उपमुख्यमंत्री एकनाथ शिंदे यांच्या नेतृत्व सर्वसामान्य माणसाला भावलं आहे. त्यामुळे अनेक जण शिवसेनेत जाहीर प्रवेश करीत आहेत, येणाऱ्या भावी काळात सातारा जिल्ह्यात मोठ्या प्रमाणात अनेक जण शिवसेनेत जाहीर प्रवेश करतील त्यामुळे सातारा जिल्ह्यात शिवसेनेचा वटवृक्ष होईल असा...

  कराड तालुक्यातील 201 ग्रामपंचायतच्या सरपंच पदाचे आरक्षण जाहीर  कराड, दि. 4 - कराड तालुक्यातील 201 ग्रामपंचायतच्या सरपंच पदाचे आरक्षण आज सकाळी येथील यशवंतराव चव्हाण स्मृति सदनात जाहीर करण्यात आले. राजकीय दृष्ट्या महत्त्वपूर्ण असणाऱ्या 125 हून गावात सरपंच पद महिलांसाठी आरक्षित झाल्याने अनेक जणांची विकेट तर काही जणांना लॉटरी लागली आहे. 201 ग्रामपंचायत पैकी 60 गावांमध्ये सर्वसाधारण महिला तर 61 गावांमध्ये सर्वसाधारण, 27 गावामध्ये नागरिकांचा मागास प्रवर्ग महिला तर 12 गावात अनुसूचित जाती प्रवर्ग महिला, 12 गावात अनुसूचित जाती प्रवर्ग, एका गावात अनुसूचित जमाती प्रवर्ग महिलांसाठी तर 27 गावात नागरिकांचा मागास प्रवर्ग महिला साठी आरक्षण जाहीर करण्यात आले आहे. अनुसूचित जाती महिलांसाठी - शिंगणवाडी, माळवाडी, आणे, वाण्याचीवाडी, बेलवाडी, चोरजवाडी, विठोबाचीवाडी, घोणशी, भोसलेवाडी, वनवासमाची (स. ग.), पवारवाडी, आरेवाडी, मेरवेवाडी,  अनुसूचित जाती प्रवर्ग - बाबरमाची, विठोबाचीवाडी, सयापूर, वराडे, नारायणवाडी, येवती, विरवडे, भोळेवाडी, शेळकेवाडी (म्हासोली), बामणवाडी, हवेलवाडी, हनूमानवाडी. अनुसूचि...

कराड अर्बन बँकेच्या वतीने वारकऱ्यांना भेट वस्तूंचे वाटप  25 हजार हरिपाठाची पुस्तकांचे ही केले वितरण  कराड, दि. 4 - कराड अर्बन को-ऑपरेटिव बँकेच्या वतीने प्रतिवर्षीप्रमाणे याही वर्षी पंढरपूरला निघालेल्या पालखी सोहळ्यात वारकऱ्यांसाठी भेटवस्तू व त्यासोबत 25000 हरिपाठ यांची पुस्तकांचेही वारकऱ्यांना वाटप करण्यात आले आहे. हा उपक्रम राबवत असताना त्याबद्दल सौ. जयश्री दिलीप गुरव उपाध्यक्षा, कै. द.शि. एरम मूकबधिर विद्यालय व उपाध्यक्षा कराड अर्बन बझार, कराड यांनी त्यांच्या शब्दात व्यक्त केलेली भावना.                               ' विठ्ठल वारी '  आषाढ शुध्द एकादशी भूवैकुंठ पंढरपुरास लक्षावधी भाविक एकत्र येतात. चंद्रभागेत स्नान करून पांडुरंगाचे दर्शन घेतले जाते. पांडुरंगाच्या आरतीचा अवर्णनीय सोहळा पाहून भाविकांचे मन प्रसन्न होते. 'वारी' हा एक 'अध्यात्मिक प्रवास' असून, ही वारीची परंपरा तेराव्या शतकात सुरु झाली. विठ्ठलवारी ही भक्ती आणि शांतीचा प्रवास, मंदिरापर्यंत पोहोचविणारा प्रवास नसून माणसा-माणसामधील श्रध्देचा...

एनकूळ : कृष्णा हॉस्पिटलतर्फे राबविण्यात आलेल्या ‘आरोग्य वारी’ उपक्रमांतर्गत वैद्यकीय सेवेचा लाभ घेताना वारकरी. ‘कृष्णा’च्या आरोग्य वारीने दिली १० हजार वारकऱ्यांना मोफत वैद्यकीय सेवा गेली २४ वर्षे अव्याहतपणे उपक्रम सुरु; वारकऱ्यांचा उदंड प्रतिसाद कराड, दि. 3 : येथील कृष्णा हॉस्पिटलच्या माध्यमातून वारकऱ्यांच्या सेवेसाठी गेली २४ वर्षे अव्याहतपणे ‘आरोग्य वारी’ उपक्रम राबविला जातो. यंदा या उपक्रमांतर्गत पंढरपूर वारी मार्गावर सुमारे १० हजारांहून अधिक वारकऱ्यांना मोफत वैद्यकीय सेवा आणि औषधोपचार देण्यात आले. या उपक्रमाला वारकऱ्यांनी उदंड प्रतिसाद देत, कृष्णा हॉस्पिटलच्या कार्याचे विशेष कौतुक केले. महाराष्ट्राचे आराध्य दैवत असलेल्या श्री पांडुरंगाच्या दर्शनासाठी आषाढी वारीच्या पार्श्वभूमीवर लाखो वारकऱ्यांचा जनसागर पंढरपूरकडे जात आहे. या अध्यात्मिक यात्रेत सहभागी झालेल्या वारकऱ्यांच्या आरोग्याची काळजी घेण्यासाठी, कृष्णा चॅरिटेबल ट्रस्टचे अध्यक्ष डॉ. सुरेश भोसले आणि आमदार डॉ. अतुलबाबा भोसले यांच्या मार्गदर्शनाखाली कृष्णा हॉस्पिटलच्यावतीने गेली २४ वर्षे ‘आरोग्य वारी’ उपक्रम राबविला जात आहे.  द...

नवी दिल्ली : राष्ट्रीय सहकारी साखर कारखाना महासंघाच्यावतीने केंद्रीय मंत्री ना. प्रल्हाद जोशी यांच्या हस्ते राष्ट्रीय पुरस्कार स्वीकारताना कृष्णा कारखान्याचे चेअरमन डॉ. सुरेश भोसले व सौ. उत्तरा भोसले. बाजूस केंद्रीय राज्यमंत्री ना. निमुबेन बांभनिया, माजी केंद्रीय मंत्री सुरेश प्रभू, हर्षवर्धन पाटील व अन्य मान्यवर. कृष्णा कारखान्याचा नवी दिल्लीत राष्ट्रीय पुरस्काराने गौरव उच्च तांत्रिक कार्यक्षमतेसाठी सन्मान; चेअरमन डॉ. सुरेश भोसले यांनी स्वीकारला पुरस्कार कराड, दि. 3 : रेठरे बुद्रुक (ता. कराड) येथील यशवंतराव मोहिते कृष्णा सहकारी साखर कारखान्याला उच्च तांत्रिक कार्यक्षमतेसाठी प्रथम क्रमांकाच्या राष्ट्रीय पुरस्काराने नवी दिल्लीत गौरविण्यात आले. देशातील साखर क्षेत्रातील अग्रगण्य असणाऱ्या राष्ट्रीय सहकारी साखर कारखाना महासंघाच्यावतीने, नवी दिल्ली येथे आयोजित शानदार सोहळ्यात केंद्रीय मंत्री ना. प्रल्हाद जोशी यांच्या हस्ते कारखान्याचे चेअरमन डॉ. सुरेश भोसले यांनी हा पुरस्कार स्वीकारला.   देशातील सर्व सहकारी साखर कारखाने व नऊ राज्यांतील साखर संघ सदस्य असलेल्या नवी दिल्ली येथील ‘राष्ट...