Karad Today

कराड विमानतळाचे विस्तारीकरण व नाईट लँडींगची कामे वर्षभरात पूर्ण करण्यास प्राधान्य; पालकमंत्री शंभुराज देसाई.. सातारा दि. 30-एका वर्षात कराड विमानतळाचे विस्तारीकरण आणि रात्रीच्या वेळी विमान सेवा सुरू करण्याबाबतच्या कामाला प्राधान्य देण्यात आले आहे. यामुळे जिल्ह्यातील पर्यटन, उद्योग वाढीला चालना मिळणार आहे, असे कराड विमानतळाच्या विस्तारीकरणा बाबतच्या आढावा बैठकीत पालकमंत्री शंभूराज देसाई यांनी सांगितले.  या बैठकीला जिल्हाधिकारी जितेंद्र डुडी, पोलीस अधिक्षक समीर शेख, जिल्हा परिषदेचे मुख्य कार्यकारी अधिकारी महादेव घुले, उपवनसरंक्षक आदिती भारद्वाज, अप्पर जिल्हाधिकारी जीवन गलांडे, विमानतळ प्राधिकरणाचे विभागीय व्यवस्थापक संतोष नलावडे, उपविभागीय अधिकारी अतुल म्हेत्रे, जलसंपदा विभागाचे अधिक्षक अभियंता जयंत शिंदे, कराड विमानतळ व्यवस्थापक कृणाल देसाई आदी उपस्थित होते.  कराड विमानतळ विस्तारीकरण व नाईट लॅडींग हा विषय अनेक वर्षापासूनचा प्रलंबित आहे. माजी मुख्यमंत्री आमदार पृथ्वीराज चव्हाण यांच्या कार्यकाळात 2012-13 मध्ये विस्तारीकरणाचा आराखडा तयार करण्यात आला आहे. सध्याची असणारी 1 हजार 280 ...

आई - वडिलांनी किडनी देऊन आपल्या मुलांना दिला पुनर्जन्म!... कृष्णा हॉस्पिटलमध्ये एकाच दिवशी दोघांवर यशस्वी किडनी प्रत्यारोपण... कराड, दि .30: एकीकडे उस्मानाबाद जिल्ह्यातील एका खेड्यात वडापावचा गाडा चालवून आपल्या कुटुंबाचा उदरनिर्वाह करणारे १८ वर्षीय महेशचे (नाव बदलले आहे) आईवडील! आणि दुसरीकडे अक्कलकोट जवळच्या एका खेड्यात ऊसतोड मजूर म्हणून राबून, कुटुंबाचे पोट भरणारे २३ वर्षीय नितीनचे (नाव बदलले आहे) वडील! किडनी विकाराने त्रस्त झालेल्या या दोघांवर गेल्या ६ महिन्यांपासून सोलापूर जिल्ह्यातील एका दवाखान्यात डायलेसिस उपचार सुरु होते. तिथे या कुटुंबांची एकमेकांशी ओळख झाली. दोन्ही कुटुंबांना एकच चिंता सतावत होती, ती म्हणजे आपल्या मुलांना या संकटातून बाहेर काढायचे कसे? यासाठी समोर पर्यायही एकच होता; तो म्हणजे किडनी ट्रान्सप्लान्टचा! पण हातावरचे पोट असलेल्या या कुटुंबांना खर्च परवडणारा नव्हता. त्याचवेळी त्यांना कराडमधील कृष्णा हॉस्पिटलमध्ये होणाऱ्या यशस्वी किडनी ट्रान्सप्लान्ट शस्त्रक्रियेबद्दल माहिती समजते. ही दोन्ही कुटुंबे तडक तिकडून निघून येतात आणि आगाशिवनगरात एका खोलीत भाड्याने तब्बल ३ महिन...

  कराडच्या तीन सराईत गुन्हेगारावर मोक्कांतर्गत कारवाई... कराड, दि. 29 (प्रतिनिधी) - कराड शहर व परिसरात विविध प्रकारचे गंभीर गुन्हे असलेल्या ओगलेवाडी परिसरातील सुर्यवंशी टोळीच्या म्होरक्यासह तिघांवर मोक्का कायद्यान्वये कारवाई करण्यात आली आहे. टोळी प्रमुख सोमा उर्फ सोमनाथ अधिकराव सुर्यवंशी (वय 33), रविराज शिवाजी पळसे (वय 27), आर्यन चंद्रकांत सुर्यवंशी (वय 19) तिघेही रा. हजारमाची/ओगलेवाडी, ता. कराड अशी कारवाई करण्यात आलेल्यांची नावे आहेत. या तीन सराईत गुन्हेगारावर कराड शहर व परिसरात खून, खुनाचा प्रयत्न, अपहरण करून जबर मारहाण, जबरी चोरी, जबर मारहाण, विनयभंग, खंडणी, अवैध शस्त्र बाळगणे, शिवीगाळ करून दमदाटी करणे, शासकीय कामात अडथळा निर्माण करणे अशा प्रकारचे विविध गंभीर गुन्हे दाखल आहेत. याबाबत पोलिसांकडून मिळालेली माहिती अशी की, कराड शहर व परिसरातील वाढत्या गुन्हेगारीवर लक्ष केंद्रीत करून सराईत गुन्हेगार टोळीची दहशत निर्माण करून आर्थिक व इतर फायद्याकरीता संघटीतपणे गुन्हे करणाऱ्या गुन्हेगारांविरूद्ध महाराष्ट्र संघटीत गुन्हेगारी नियंत्रण अधिनियम अन्वये प्रभावी कारवाई करण्याबाबत पोलीस अधीक्ष...

कराडात १ फ़ेब्रुवारीला महासंस्कृती महोत्सवाचे आयोजन;मुख्याधिकारी शंकर खंदारे... कराड दि.29- शिवराज्याभिषेक सोहळ्यास ३५० वर्षे होत असल्याने महाराष्ट्र शासनाच्या सांस्कृतिक कार्य विभाग, सांस्कृतिक संचालनालय व सातारा जिल्हा प्रशासनाच्या वतीने दि- १ फ़ेब्रुवारी रोजी यशवंतराव चव्हाण स्मृती सदन (टाउन हॉल) येथे महासंस्कृती महोत्सवाचे आयोजन केले असल्याचे मुख्याधिकारी शंकर खंदारे यांनी प्रसिद्धी पत्रकाद्वारे कळविले आहे. दि- १ रोजी सकाळी ११ वाजता कराड शहर व तालुक्यातील प्राथमिक व माध्यमिक शाळा मधिल विद्यार्थ्याचे शिवरायांच्या जिवनावरील ऐतिहासिक प्रसंग व पोवाडे यांचे सादरीकरण करण्यात येणार आहे. तसेच सांयकाळी ६ वाजता जागर लोककलेचा हा लुप्त होत चाललेल्या कलांचा कला अविष्कार सादर करण्यात येणार असुन या मध्ये प्रामुख्याने पोवाडा, भारुड, गोंधळ इत्यादींचा समावेश करण्यात आला आहे. वरील दोन्ही कार्यक्रम टाऊन हॉल येथे होणार असुन, यासाठी जिल्हाधिकारी जितेंद्र डुडी, पोलिस अधिक्षक समिर शेख, मुख्य कार्यकारी अधिकारी ज्ञानेश्वर खिलारी यांनी या कार्यक्रमास नागरिकांनी उपस्थित राहण्याचे आव्हाहन केले आहे.

डॉ. सुरेश भोसले यांच्या ‘एव्हियन हेवन’ कॉफी टेबल बुकचे लोकार्पण... पश्चिम घाटातील जैवसंपदेचा चित्रमय आढावा; पगमार्क आर्ट गॅलरीतर्फे प्रकाशन... कराड, दि.27: येथील कृष्णा विश्व विद्यापीठाचे कुलपती डॉ. सुरेश भोसले यांनी छायाचित्रबद्ध केलेल्या ‘एव्हियन हेवन’ या कॉफी टेबल बुकचे लोकार्पण नुकत्याच एका कार्यक्रमात उत्साहात करण्यात आले. या कॉफी टेबल बुकच्या माध्यमातून पश्चिम घाटातील जैवसंपदेचा; विशेषत: पक्षीवैभवाचा चित्रमय आढावा घेण्यात आला आहे.   कृष्णा विश्व विद्यापीठाचे कुलपती तथा य. मो. कृष्णा सहकारी साखर कारखान्याचे चेअरमन असलेले डॉ. सुरेश भोसले यांनी स्वत:चा छायाचित्रणाचा छंद जोपासत, गेल्या १० वर्षांत पश्चिम घाटातील विविध स्थळांना भेटी दिल्या आहेत. या भेटीत त्यांनी पश्चिम घाटात असणारे पक्षीवैभव आपल्या कॅमेऱ्यात कैद केले. या जैवसंपदेचा चित्रमय आढावा घेणाऱ्या ‘एव्हियन हेवन’ अर्थात ‘पक्षांचे आश्रयस्थान’ या कॉफी टेबल बुकची निर्मिती, कोल्हापुरातील सुप्रसिद्ध पगमार्क आर्ट गॅलरीतर्फे करण्यात आली आहे. कराड येथे नुकत्याच झालेल्या कृष्णा कृषी महोत्सवात राज्याचे उपमुख्यमंत्री ना. देवेंद्र फ...

विद्यार्थ्यांनी शिक्षणानंतर नोकरीच्या मागे न लागता कराड अर्बन बँकेच्या सहाय्याने उद्योजक बना:- प्रा. विशाल गरड... कराड दि.25-युवकांनी लोकांच्या डोक्यात राहिल पाहिजे कारण डोक्यात गेलेली गोष्ट तःह्यात विसरत नाही. डोक्यात राहण्यासाठी काम करण्याची ताकत ही सकारात्मक विचारानेच येत असते आणि यासाठी चांगल्या वाचनाची गरज असल्याचे मार्गदर्शन प्रसिद्ध युवा व्याख्याते, लेखक, दिग्दर्शक, अभिनेते व चित्रकार प्रा. विशाल गरड यांनी कै. वा. ग. तथा आण्णासाहेब चिरमुले ट्रस्ट सातारा व दि कराड अर्बन को-ऑप. बँक लि., कराड यांच्या संयुक्त विद्यमाने आयोजित केलेल्या उद्योजकता विकास शिबिरासाठी उपस्थित कॉलेज युवक-युवतींना केले. दि कराड अर्बन को-ऑप. बँक लि., कराडच्या १०७ व्या वर्धापनदिनानिमित्त बँकेच्या शताब्दी सभागृहामध्ये आयोजित केलेल्या १२ व्या उद्योजकता विकास शिबिराप्रसंगी प्रमुख वक्ते प्रसिद्ध व्याख्याते, लेखक, दिग्दर्शक, अभिनेते व चित्रकार प्रा. विशाल गरड यांनी विद्यार्थ्यांना 'युवकांना यशस्वी जीवनासाठी उद्योजकतेची गुरूकिल्ली' या विषयावर मार्गदर्शन केले. कराड अर्बन बँक ही अशी एकमेव बँक आहे जी विद्यार्थ्...

कराड तालुका मतदार नोंदणीत राज्यात अव्वल; प्रांताधिकारी अतुल म्हेत्रे... कराड दि.23 (प्रतिनिधी) लोकसभा निवडणुकीच्या पार्श्वभूमीवर कराड तालुका प्रशासनाने कराड उत्तर व कराड दक्षिण मतदार संघात मतदार यादी अद्यावत करण्यामध्ये बीएलओ, अंगणवाडी सेविका, आशा वर्कर यांच्या मदतीने राबवण्यात आलेल्या मोहिमेत कराड तालुक्याने राज्यात अव्वल कामगिरी केली असल्याची माहिती प्रांत अधिकारी अतुल म्हेत्रे यांनी आज पत्रकार परिषदेत दिली.  दरम्यान कराड तालुक्यात मतदार नोंदणी कार्यक्रमात उत्कृष्ट कामगिरी केल्याने भारतीय निवडणूक आयोगाने कराडचे प्रांताधिकारी अतुल म्हेत्रे यांचा उत्कृष्ट मतदार नोंदणी अधिकारी म्हणून निवड केली आहे. त्यांचा उद्या मुंबई येथे आयोगाच्या वतीने सन्मान होणार आहे. कराड तालुक्यातील दोन्ही मतदारसंघातून 1 लाख 22 हजार 115 प्राप्त अर्जातून 1 लाख 13 हजार 519 अर्ज मंजूर केले असुन दोन्ही मतदारसंघात 36 हजार 122 नव मतदारांची नोंदणी केल्याची माहिती प्रांताधिकारी अतुल म्हेत्रे यांनी आज पत्रकार परिषदेत दिली. यावेळी नायब तहसीलदार युवराज पाटील उपस्थित होते. प्रसिद्ध करण्यात आलेली मतदार यादी राजकीय प्रतिनि...

कृषी प्रदर्शनात सापडलेले ११,००० रुपये व कागदपत्रे असलेले पाकीट स्वागत कक्षाच्या माध्यमातून परत.... कराड दि.20: कृष्णा आंतरराष्ट्रीय कृषी व औद्योगिक प्रदर्शन पाहण्यासाठी आलेले हजारमाची येथील पशू वैद्यकीय अधिकारी डॉ. बाजीराव पाटील यांचे पैसे व कागदपत्रे असलेले पाकीट स्वागत कक्षाच्या माध्यमातून परत देण्यात आले.  प्रदर्शन पाहत असताना श्री. पाटील यांचे पडलेले पाकीट कार्वे (ता. कराड) येथील फोटोग्राफर दिपक थोरात यांना सापडले. सदर पाकीट त्यांनी स्वागत कक्षामधील कृष्णा बँकेचे श्री. पोपट देसाई यांच्याकडे जमा केले. सापडलेल्या पाकीटामध्ये 11,000 रुपये व कागदपत्रे होती. सदरचे पाकीट त्या व्यक्तीपर्यंत पोहचण्यासाठी अलाउन्सिंग व सोशल मिडियाच्या माध्यमातून प्रयत्न करण्यात आले.  सदर पाकीट योग्य त्या व्यक्तीपर्यंत पोहच करण्यासाठी पोपट देसाई, अधिकराव पाटील, दिपक थोरात, रामभाऊ सातपुते, प्रशांत मोहिते, सुनील पवार, चंद्रकांत कुलकर्णी यांनी प्रयत्न केले. राजू सनदी कराड 

  कराड तालुका गुन्हे अन्वेषण शाखेतील पोलीसांची कारवाई... टेंभु धरणावरुन चोरीस गेलेले अँन्टीव्हॅक्युम वॉल मधील पितळी बुश आरोपी कडून जप्त... कराड दि.20-कराड तालुका ग्रामीण पोलीस स्टेशनच्या गुन्हे अन्वेषण शाखेच्या पथकाने टेंभु धरणावरुन चोरीस गेलेले अॅन्टीव्हॅक्युम वॉल मधील पितळी बुश चोरट्यास गजाआड करून मुद्देमाल जप्त केला आहे. बापुराव रघुनाथ मदने (वय 36) रा. टेंभु ता. कराड असे या संशयीताचे नाव आहे. याबाबत पोलिसांनी दिलेल्या माहितीनुसार दिनाकं 30 ऑक्टोंबर 2023 रोजी दुपारी 4 ते दिंनाक 15 डिसेंबर 2023 रोजी दुपारी 1 च्या सुमारास टेंभु ता.कराड गावचे हद्दीत दिपक श्रीरंग गवारे व्यवसाय-नोकरी रा. गजानन हौंसिग सोसायटी कराड यांनी टेंभु टप्पा 1 अ व 1 ब येथील पाण्याचा पाईप क्रं.1 ते 6 वर एकुण 12 अँन्टीव्हॅक्युम वॉल मधील पितळी बुश एकुण 12 नग वॉल (एकुण किं. 72000/- रुपये) खोलुन काढुन कोणीतरी अज्ञात चोरट्याने चोरुन नेहलेली आहे. म्हणून अज्ञात चोरटयाविरुध्द 30/12/2023 रोजी तक्रार नोंद केली होती.  उपविभागीय पोलीस अधिकारी अमोल ठाकुर, पोलीस निरीक्षक के. एन. पाटील अतिरीक्त कार्यभार कराड तालुका पोलीस ...

कराडच्या शिक्षण मंडळातर्फे जागतिक पातळीवरील भगवतगीता पाठांतर स्पर्धा संपन्न... कराड दि.19-शिक्षण मंडळ, कराडचे माजी संचालक व कन्या शाळेचे मुख्याध्यापक कै. अनंत श्रीधर भागवत यांच्या स्मृतिदिनानिमित्त (१८ जानेवारी) त्यांच्या स्मृती जपण्यासाठी संस्थेने गेली ३ वर्षे ऑनलाईन माध्यमातून भगवतगीता पाठांतर स्पर्धा घेण्यास प्रारंभ केला आहे. या पाठांतर स्पर्धांना देश पातळीवरून नव्हे तर इतर देशांमधून सुध्दा चांगला प्रतिसाद मिळत आहे. प्रत्येक गटासाठी वेगळे श्लोक व वेगळा अध्याय दिला जातो. ऑनलाईन माध्यमातून व्हिडीओज मागविले जातात त्यांचे परीक्षण करण्यात येते. या स्पर्धा गीता जयंतीचे औचित्य साधून घेतल्या जातात. यावर्षी दि. २२ डिसेंबर २०२३ रोजी गीता जयंतीदिनी २५०० विद्याथ्यांचे एकत्रित भगवतगीता पठण करण्यात आली. या कार्यक्रमात यावर्षीचा निकाल जाहीर करण्यात आला. सन २०२३-२०२४ या वर्षासाठी देश परदेशातून एकूण ३५९ स्पर्धकांची नोंद झाली होती. या स्पर्धा बालवाडी ते इ. ३ री, इ. ४ थी ते इ. ६ वी, इ. ७ वी ते इ. ९ वी, इ. १० ते इ. १२ वी व खुला गट अशा पाच गटांमधून स्पर्धा घेण्यात आली. प्रत्येक गटामधून पाच याप्रमाणे पाच...

विषमुक्त शेती आणि विषमुक्त कृषी उत्पादने ही काळाची गरज;उपमुख्यमंत्री देवेंद्र फडणवीस... कराड दि. 17 :- या देशातील पहिले वैज्ञानिक शेतकरीच होते. त्यांनी शेतीतून सोनं पिकवले. अन्नधान्याच्या वस्त्रांच्या समृध्दीकडे नेले.  पण जेंव्हापासून मोठ्या प्रमाणात रसायनांचा उपयोग शेतीमध्ये सुरू झाला. त्यातून काही काळ उत्पादकता वाढली असली तरी आज पुन्हा विषमुक्त शेती आणि विषमुक्त शेती उत्पादने ही काळाची गरज आहे. शेतीतील विज्ञान पुन्हा नव्याने मांडण्याची आवश्यकता आहे. सहकार महर्षी स्वर्गीय जयवंतराव भोसले (आप्पासाहेब) यांच्या जन्मशताब्दी वर्षानिमित्त कृष्णा कृषी व औद्योगिक महोत्सव 2024 चे उद्घाटन उपमुख्यमंत्री देवेंद्र फडणवीस यांच्या हस्ते झाले. कार्यक्रमाच्या अध्यक्षस्थानी कृष्णा सहकारी साखर कारखाना अध्यक्ष डॉ. सुरेश भोसले होते. प्रमुख पाहुणे खासदार श्रीमंत छत्रपती उदयनराजे भोसले, तर प्रमुख उपस्थिती अण्णासाहेब पाटील महामंडळाचे अध्यक्ष नरेंद्र पाटील, आमदार शिवेंद्रसिंहराजे भोसले, आमदार जयकुमार गोरे, जिल्हा परिषदेचे मुख्य कार्यकारी अधिकारी ज्ञानेश्वर खिलारी, मदनराव मोहिते, व अतुलबाबा भोसले. उपमुख्यमं...

कृष्णा कृषी महोत्सवात कराडकरांना मिळणार सांस्कृतिक पर्वणी... कृष्णा सांस्कृतिक महोत्सवात नामांकित कलाकारांची उपस्थिती... कराड, दि.16: कराड येथील छत्रपती शिवाजी महाराज स्टेडियमवर आयोजित कृष्णा कृषी महोत्सवात कराडच्या रसिकांना सांस्कृतिक पर्वणी लाभणार आहे. कृषी महोत्सवांतर्गत १७ ते २० जानेवारी दरम्यान कृष्णा सांस्कृतिक महोत्सवाचे आयोजन करण्यात आले असून, यानिमित्ताने नामांकित कलाकार उपस्थित राहणार आहेत. कृष्णाकाठाचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जयंतीनिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्या माध्यमातून आणि कृष्णा विश्व विद्यापीठ व कृष्णा सहकारी बँकेच्या सहकार्यातून कराड येथील छत्रपती शिवाजी महाराज स्टेडियमवर १७ ते २१ जानेवारी दरम्यान आंतरराष्ट्रीय कृष्णा कृषी व औद्योगिक महोत्सवाचे आयोजन करण्यात आले आहे. या महोत्सवात १७ ते २० जानेवारी दरम्यान कृष्णा सांस्कृतिक महोत्सवाचे आयोजन करण्यात आले आहे. बुधवारी (ता. १७) सायंकाळी ५ वाजता महाराष्ट्राची लोकधारा दाखविणारा ‘जय जय महाराष्ट्र माझा!’ हा कार्यक्रम आयोजित करण्यात आला आहे. भूपा...

  कराडमध्ये उद्यापासून अवतरणार कृषी पंढरी... आंतरराष्ट्रीय कृष्णा कृषी महोत्सवास होणार प्रारंभ; ना. देवेंद्र फडणवीस यांच्या हस्ते उद्घाटन... कराड, दि.16: कराड येथील छत्रपती शिवाजी महाराज स्टेडियमवर आजपासून (ता. १७) आंतरराष्ट्रीय कृष्णा कृषी महोत्सवाला प्रारंभ होत आहे. कराडमध्ये प्रथमच आंतरराष्ट्रीय स्वरुपाचा कृषी महोत्सव होत असून, विविध प्रकारचे कृषी तंत्रज्ञान एकाच छताखाली पाहायला मिळणार आहे. एकूणच कराडमध्ये आजपासून कृषी पंढरीच जणू अवतरणार आहे. कृष्णाकाठाचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जयंतीनिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्या माध्यमातून आणि कृष्णा विश्व विद्यापीठ व कृष्णा सहकारी बँकेच्या सहकार्यातून कराड येथील छत्रपती शिवाजी महाराज स्टेडियमवर १७ ते २१ जानेवारी दरम्यान आंतरराष्ट्रीय कृष्णा कृषी व औद्योगिक महोत्सवाचे आयोजन करण्यात आले आहे. य. मो. कृष्णा सहकारी साखर कारखान्याचे चेअरमन डॉ. सुरेश भोसले यांच्या मार्गदर्शनाखाली व भाजपाचे सातारा लोकसभा प्रभारी डॉ. अतुलबाबा भोसले यांच्या संकल्पनेतून होत असलेल्या या म...

कृष्णा कृषी महोत्सवाचे उपमुख्यमंत्री देवेंद्र फडणवीस यांच्या हस्ते उद्घाटन... महोत्सवाची तयारी अंतिम टप्प्यात; डॉ. सुरेश भोसले व डॉ. अतुलबाबा भोसले यांच्याकडून पाहणी... कराड, दि 15: कराड येथील छत्रपती शिवाजी महाराज स्टेडियमवर आयोजित आंतरराष्ट्रीय कृष्णा कृषी व औद्योगिक महोत्सवाची तयारी अंतिम टप्प्यात आली आहे. या तयारीची पाहणी य. मो. कृष्णा सहकारी साखर कारखान्याचे चेअरमन डॉ. सुरेश भोसले व भाजपाचे सातारा लोकसभा प्रभारी डॉ. अतुलबाबा भोसले यांनी केली. यावेळी त्यांनी या कृषी महोत्सवाचे उद्घाटन बुधवारी (ता. १७) सकाळी ११ वाजता महाराष्ट्राचे उपमुख्यमंत्री ना. देवेंद्र फडणवीस यांच्या हस्ते होणार असल्याची माहिती दिली. शेतकऱ्यांना शेतीसाठी उपयुक्त असलेली माहिती व शेतीसाठी असणारे साहित्य एकाच छताखाली उपलब्ध व्हावे, यासाठी कृष्णाकाठाचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जयंतीनिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्या माध्यमातून आणि कृष्णा विश्व विद्यापीठ व कृष्णा सहकारी बँकेच्या सहकार्यातून कराड येथील छत्रपती शिवाजी महाराज स्टेडियमवर १७ त...

  सरकारी शाळा टिकविण्याची गरज - पृथ्वीराज चव्हाण... सैदापूर येथील जि.प. शाळेच्या नवीन इमारतीचे भूमिपूजन, रु. ५० लाख निधीची तरतूद... कराड दि.15-जिल्हा परिषदेच्या शाळा असतील, नगरपालिकेच्या शाळा असतील या सर्व सरकारी शाळा सद्याच्या काळात टिकविण्याची गरज आहे, आणि हि जबाबदारी शिक्षकांची आहेच पण त्याबरोबर पालकांची सुद्धा असल्याचे मत माजी मुख्यमंत्री आ. पृथ्वीराज चव्हाण यांनी व्यक्त केले. ते सैदापूर येथे जिल्हा परिषदेच्या नवीन शाळा बांधकामाच्या भूमिपूजन प्रसंगी बोलत होते.  यावेळी महाराष्ट्र प्रदेश काँग्रेसचे सरचिटणीस उदयसिंह पाटील, कराड दक्षिण काँग्रेसचे अध्यक्ष मनोहर शिंदे, माजी जिल्हा परिषद सदस्य निवासराव थोरात, प्रा. धनाजी काटकर, गटविकास अधिकारी प्रताप पाटील, गट शिक्षणाधिकारी सन्मित देशमाने, कराड दक्षिण काँग्रेसचे उपाध्यक्ष नाना जाधव, उद्योजक उदय थोरात, सचिन पाटील, शाळेचे मुख्याध्यापक युवराज बागुल, काँग्रेसचे युवानेते इंद्रजित चव्हाण, शिवाजीराव जाधव, विवेक जाधव, सुनील जाधव, बाळासाहेब जाधव-माजी चेअरमन सैदापूर सोसायटी, धनाजी जाधव, तानाजी माळी, अनिल जाधव, अभिजित जाधव, दत्तात्रय जाधव आ...

  सातारा जिल्ह्यांतर्गत पोलीस अधिकाऱ्यांच्या बदल्या... कराड शहर पोलीस ठाणे, वाहतूक शाखा अधिकाऱ्यांच्या बदल्या... कराड- दि.14-सातारा जिल्हा पोलीस अंतर्गत काही अधिकार्‍यांच्या बदल्यांचे आदेश नुकतेच जिल्हा पोलीस प्रमुख समीर शेख यांनी पारित केले आहेत. त्यानुसार कराडचे वरिष्ठ पोलीस निरीक्षक प्रदीप सूर्यवंशी यांची सातारा येथे तर कराडच्या वाहतूक नियंत्रण शाखेचे प्रमुख चेतन मछले यांची मल्हारपेठ पोलीस स्टेशनला बदली करण्यात आली आहे. याबाबतचे आदेश नुकतेच पारित करण्यात आले आहेत. कराड तालुका पोलीस स्टेशनचे सहाय्यक पोलीस निरीक्षक अमित बाबर यांची बदली सातारा शहर पोलीस ठाण्याला करण्यात आली आहे. कराड शहरचे सहाय्यक पोलीस निरीक्षक संदीप सूर्यवंशी यांची कराडच्या वाहतूक नियंत्रण शाखेत बदली करण्यात आली आहे. कराड शहर पोलीस स्टेशनचे पोलीस उपनिरीक्षक अर्जुन चोरगे यांची बदली उपविभागीय पोलिस अधिकारी वाई येथे करण्यात आली आहे. मल्हारपेठ पोलीस स्टेशनचे सहाय्यक पोलीस निरीक्षक उत्तम भापकर यांची कराड शहर पोलीस ठाण्याला बदली झाली आहे. रहिमतपूर पोलीस ठाण्याचे सहाय्यक पोलीस निरीक्षक गणेश कड यांची कराड शहर पोलीस ठाण्य...

कराडात शिवसेना ठाकरे गटाचा युवा संवाद मेळावा घेणार; इंद्रजीत गुजर (कॅप्टन)... कराड दि.14 (प्रतिनिधी) कराडात लवकरच युवा संवाद मेळावा घेण्यात येईल असे आश्वासन आज शिवसेना (उद्धव बाळासाहेब ठाकरे) गटाचे नेते व खासदार संजय राऊत यांनी शिवसेनेचे सातारा जिल्हा समन्वयक इंद्रजीत गुजर (कॅप्टन) यांना दिले. खासदार राऊत व गुजर यांची येथील हॉटेल महिंद्रा वर बैठक झाली त्यावेळी विविध मुद्द्यावर चर्चा करण्यात आली असल्याची माहिती इंद्रजीत गुजर यांनी दिली.  शिवसेनेचे नेते खासदार संजय राऊत हे कार्यक्रमानिमित्त येथे आल्यानंतर हॉटेल महिंद्रा वर शिवसेनेचे सातारा जिल्हा समन्वयक इंद्रजीत गुजर (कॅप्टन) यांच्याशी बैठक घेऊन चर्चा करण्यात आली. यावेळी गुजर यांनी शिवसेनेच्या कराडात होणाऱ्या आगामी विविध कार्यक्रमांच्या नियोजनाबाबत त्यांच्याशी चर्चा केली. तसेच युवा सेना नेते आदित्य ठाकरे यांच्या प्रमुख उपस्थितीत कराडात युवा संवाद मिळावा घेण्यात यावा अशी मागणी केली, त्यावर राऊत यांनी लवकरच आपण या युवा संवाद मेळाव्याचे भव्य आयोजन कराड येथे करू असे आश्वासन दिले. शिवसेना पक्षाचे सातारा जिल्हा समन्वयक इंद्रजीत गुजर (कॅप्...

देशातील सर्वांत उंच ‘सोन्या’ बैल ठरणार कृष्णा कृषी महोत्सवाचे आकर्षण... दोन टनाचा रेडा अन्‌ अडीच फुटी गाय असेल लक्षवेधी... कराड, दि.१४ : कराड येथे १७ जानेवारीपासून सुरु होणाऱ्या आंतरराष्ट्रीय कृष्णा कृषी महोत्सवात देशातील सर्वांत उंच आणि देखणा असा सोन्या बैल सर्वांच्या आकर्षणाचा केंद्रबिंदू ठरणार आहे. सोन्या बैलासह या महोत्सवात दोन टनाचा रेडा, देशातील सर्वांत लहान अडीच फुटाची ‘पूंगनूर’ गाय लक्षवेधी ठरणार आहेत. शेतकऱ्यांना शेतीसाठी उपयुक्त असलेली माहिती व शेतीसाठी असणारे साहित्य एकाच छताखाली उपलब्ध व्हावे, यासाठी कृष्णाकाठाचे भाग्यविधाते सहकारमहर्षी स्व. जयवंतराव भोसले (आप्पासाहेब) यांच्या जयंतीनिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्या माध्यमातून आणि कृष्णा विश्व विद्यापीठ व कृष्णा सहकारी बँकेच्या सहकार्यातून कराड येथील छत्रपती शिवाजी महाराज स्टेडियमवर १७ ते २१ जानेवारी दरम्यान आंतरराष्ट्रीय कृष्णा कृषी व औद्योगिक महोत्सवाचे आयोजन करण्यात आले आहे. कृष्णा कारखान्याचे चेअरमन डॉ. सुरेश भोसले व भाजपाचे सातारा लोकसभा प्रभारी डॉ. अतुलबाबा भोसले यांच्या संकल्पने...

सौ.रजनीदेवी पाटील यांना मान्यवरांकडून श्रद्धांजली... कराड दि.14: खासदार श्रीनिवास पाटील यांच्या पत्नी व राष्ट्रवादी कॉंग्रेस पार्टीच्या आयटी सेलचे प्रदेशाध्यक्ष सारंग पाटील यांच्या मातोश्री सौ.रजनीदेवी पाटील यांचा रक्षाविसर्जन विधी आज कराड येथील वैकुंठधाम येथे शोकाकुल वातावरणात पार पडला. या विधीला राजकीय, सामाजिक, सहकार, प्रशासकीय, शैक्षणिक, सांप्रदायिक क्षेत्रातील मान्यवरांसह जिल्हाभरातून मोठा जनसमुदाय उपस्थित राहिला होता. भारताच्या माजी राष्ट्रपती प्रतिभाताई पाटील, मंत्री दिलीप वळसे पाटील, मंत्री छगन भुजबळ, रा.स.प.चे नेते महादेव जानकर यांनी रविवारी फोनवरून तर राष्ट्रवादीचे प्रदेशाध्यक्ष आ.जयंत पाटील, शिवसेना नेते खा.संजय राऊत, आ.दिपक चव्हाण, आ.मानसिंगराव नाईक, आ.अरूण लाड, आ. अनिल बाबर यांनी निवासस्थानी भेट देऊन सांत्वन केले. आ.बाळासाहेब पाटील, डॉ.अतुल भोसले, माजी आयुक्त प्रभाकर देशमुख, माजी आमादार प्रभाकर घार्गे, माथाडी नेते नरेंद्र पाटील, भाजपाचे जिल्हाध्यक्ष धैर्यशील कदम, अनिल देसाई, मदनराव मोहिते, राजेश पाटील, हिंदुराव पाटील, हर्षद कदम, इंग्रजीत गुजर आदींनी उपस्थित राहून श्रद्धांज...

कराडात कृष्णा कृषी महोत्सवाच्या मंडपाचे छ. शिवाजी स्टेडियमवर भूमिपूजन... कराड, दि .13: कृष्णाकाठचे भाग्यविधाते सहकारमहर्षी स्व. जयवंतराव भोसले यांच्या जन्मशताब्दी वर्षानिमित्त य. मो. कृष्णा सहकारी साखर कारखाना पुरस्कृत कृष्णा कृषी परिषदेच्यावतीने कराड येथे दि. १७ ते २१ जानेवारी दरम्यान आंतरराष्ट्रीय कृषी व औद्योगिक महोत्सवाचे आयोजन करण्यात आले आहे. या पार्श्वभूमीवर प्रदर्शनस्थळ असलेल्या छत्रपती शिवाजी महाराज स्टेडियमवर मान्यवरांच्या हस्ते भूमिपूजन करुन, मंडप उभारणीस प्रारंभ करण्यात आला.  याप्रसंगी माजी आमदार आनंदराव पाटील, कराडच्या माजी नगराध्यक्षा सौ. रोहिणी शिंदे, कृष्णा कारखान्याचे व्हाईस चेअरमन जगदीश जगताप, संचालक दयानंद पाटील, निवासराव थोरात, वसंतराव शिंदे, दत्तात्रय देसाई, बाबासो शिंदे, बाजीराव निकम, जितेंद्र पाटील, श्रीरंग देसाई, धोंडीराम जाधव, कृष्णा कृषी परिषदेचे अध्यक्ष गजेंद्र पाटील, आर. टी. स्वामी, जिल्हा कृषी अधिकारी सौ. भाग्यश्री फरांदे, ‘आत्मा’ संस्थेचे प्रकल्प प्रमुख दिग्वीजय बंडगर, तहसीलदार श्री. चंद्रा, उपविभागीय कृषी अधिकारी रियाज मुल्ला आदी मान्यवरांची प्रमुख उप...

  सातारा जिल्ह्यात 4 कोरोना बाधित रूग्णांची वाढ.. कराड दि.11 (प्रतिनिधी) कोरोनाच्या नव्या व्हेरियंटने सध्या सर्वत्र चिंता वाढवली असली तरी नागरिकांनी घाबरू नये असे आरोग्य विभागाने स्पष्ट केले आहे. जिल्ह्यात 415 कोरोना चाचण्या घेण्यात आल्या. त्यामध्ये आज आलेल्या रिपोर्टमध्ये 4 बाधित रुग्णाची वाढ झाली. जिल्ह्यात सध्या 41 सक्रिय (अॅक्टिव्ह) रूग्ण आहेत. आज नमूने-चाचणी-415  आज बाधित वाढ- 4 आज कोरोनामुक्त-0  घरी उपचारार्थ रूग्ण-41 रूग्णालयात उपचार-0 ---------------------------------------- देशात गेल्या 24 तासांत 514 नव्या कोरोना बाधित रुग्णांची नोंद झाली आहे. तर 4 जणांचा मृत्यू झाला आहे. सध्या देशात 4 हजार  सक्रिय रुग्ण आहेत.महाराष्ट्रातही रुग्णसंख्या वाढत असून त्यामुळे चिंता वाढल्य़ा आहेत. आतापर्यंत महाराष्ट्रात 250 रुग्ण आढळले आहेत. राजू सनदी कराड 

नव्या भारताच्या सक्षम नेतृत्वासाठी युवापिढीने योगदान द्यावे : ना. अजयकुमार मिश्रा... कराड, दि ९: देशातील शून्य ते २८ वर्ष वयोगटातील ४० कोटी लोक हे भविष्यात फक्त देशाचे नाही; तर जगाचे नेतृत्व करणार आहेत. या वयोगटातील लोकांना सक्षम करण्याचे काम पंतप्रधान नरेंद्र मोदी करत आहेत. विद्यार्थ्यांच्या प्रतिभेला वाव देण्यासाठी ते प्रयत्नशील आहेत. त्यामुळे नव्या भारताच्या सक्षम नेतृत्वासाठी आणि राष्ट्राच्या निर्मितीत विद्यार्थ्यांनी व युवापिढीने योगदान द्यावे, असे आवाहन केंद्रीय गृहराज्यमंत्री ना. अजयकुमार मिश्रा यांनी केले. विद्यानगर – सैदापूर (ता. कराड) येथील रयत शिक्षण संस्थेच्या सद्गुरु गाडगे महाराज महाविद्यालयात नवमतदार व युवकांच्या संवाद मेळाव्यात ते बोलत होते.  व्यासपीठावर भाजपाचे सातारा लोकसभा प्रभारी डॉ. अतुलबाबा भोसले, जिल्हाध्यक्ष धैर्यशील कदम, माजी आमदार प्रमोद जठार, प्रदेश कार्यकारिणी सदस्या सौ. स्वाती पिसाळ, महाविद्यालयाचे प्राचार्य डॉ. मोहन राजमाने, रामकृष्ण वेताळ, श्रीनिवास जाधव, माजी जि. प. सदस्य सागर शिवदास, माजी पं. स. सदस्य चंद्रकांत मदने, भाजपाचे तालुकाध्यक्ष पैलवान धनंजय...

विद्यानगरमध्ये ५ कोटींच्या विकासकामाचे भूमिपूजन उत्साहात... केंद्रीय मंत्री ना. अजयकुमार मिश्रा यांची प्रमुख उपस्थिती; आयुष्मान भारत कार्डचे वितरण... कराड, दि.9: महाराष्ट्र राज्य शासनाच्या माध्यमातून व डॉ. अतुलबाबा भोसले यांच्या विशेष प्रयत्नातून मंजूर झालेल्या ५ कोटींच्या निधीतून होणाऱ्या विद्यानगर - सैदापूर (ता. कराड) येथील बनवडी फाटा ते कृष्णा कॅनॉल चौकापर्यंतच्या रस्त्याच्या डांबरीकरण कामाचे भूमिपूजन केंद्रीय गृहराज्यमंत्री ना. अजयकुमार मिश्रा यांच्या हस्ते उत्साहात करण्यात आले. यावेळी त्यांच्या हस्ते कराड दक्षिण मतदारसंघातील लाभार्थ्यांना आयुष्मान भारत कार्डचे वितरण करण्यात आले.  याप्रसंगी भाजपाचे सातारा लोकसभा प्रभारी डॉ. अतुलबाबा भोसले, जिल्हाध्यक्ष धैर्यशील कदम, माजी आमदार प्रमोद जठार, प्रदेश कार्यकारिणी सदस्या सौ. स्वाती पिसाळ, रामकृष्ण वेताळ, श्रीनिवास जाधव, माजी जि. प. सदस्य सागर शिवदास, माजी पं. स. सदस्य चंद्रकांत मदने, भाजपाचे तालुकाध्यक्ष पैलवान धनंजय पाटील, शहराध्यक्ष एकनाथ बागडी, कराडचे माजी नगरसेवक सुहास जगताप, महिला मोर्चाच्या जिल्हा उपाध्यक्ष डॉ. सारिका गावडे, सै...

आनंदाचं वाटप करणे हा आनंदी होण्याचा एकच मार्ग;प्रल्हाद पै... कराड दि.8- आयुष्य जगत असताना आपण आपल्याकडे आनंद आहे हे हेच विसरून जातो. जीवन जगण्याची कला आपण शिकत नाही, गरज वाटत नाही. दुःखाचं वाटप क्षणाक्षणाला सुरू असतं. दुसऱ्याचे पाय खेचत पुढे ओढतात, मागे ओढण्यातच आपण वेळ व्यतीत करतो. आनंदाचं वाटप करणे हा आनंदी होण्याचा एकच मार्ग आहे, असा दिव्य संदेश सद्गुरु वामनराव पै यांचे चिरंजीव आणि जीवन विद्या मिशनचे आजीव विश्वस्त प्रल्हाद पै यांनी दिला. सद्गुरू वामनराव पै यांच्या जन्मशताब्दी वर्षानिमित्त कराड येथील छत्रपती शिवाजी स्टेडियम आयोजित भव्य विश्वप्रार्थना यज्ञ आणि 'आनंदाचे देणें 'या विषयावर ते बोलत होते. यावेळी स्टेडियमवर उपस्थित सुमारे 25000 हून अधिक लोकांनी विश्वाच्या कल्याणासाठी आणि विश्वशांतीसाठी 'हे ईश्वरा सर्वांना चांगली बुद्धी दे, आरोग्य दे. सर्वांना सुखात ,आनंदात, ऐश्वर्यात ठेव .सर्वांचं भलं कर, कल्याण कर ,रक्षण कर आणि तुझे गोड नाम मुखात अखंड राहू दे' ही सद्गुरु वामनराव पै रचित विश्वप्रार्थना म्हटली. कराड, सातारा, सांगली ,कोल्हापूर, पुणे तसेच पश्चिम महाराष्ट्रातील...