कराड अर्बन बँकेचे नूतन अध्यक्ष समीर जोशी, उपाध्यक्ष शशांक पालकर व मुख्य कार्यकारी अधिकारी सीए. धनंजय शिंगटे यांचा माजी सेवकांकडून सत्कार

कराड अर्बन बँकेचे नूतन अध्यक्ष समीर जोशी, उपाध्यक्ष शशांक पालकर व मुख्य कार्यकारी अधिकारी सीए. धनंजय शिंगटे यांचा माजी सेवकांकडून सत्कार

कराड, दि. 17 - दि कराड अर्बन को-ऑपरेटिव्ह बँक लि., कराड बँकेच्या अध्यक्षपदी श्री. समीर जोशी व उपाध्यक्षपदी श्री. शशांक पालकर यांची निवड झाल्याबद्दल बँकेच्या मुख्य कार्यालयात माजी सेवकांनी अत्यंत आत्मियतेने बँकेचे नवनिर्वाचीत अध्यक्ष, उपाध्यक्ष व मुख्य कार्यकारी अधिकारी सीए. धनंजय शिंगटे यांचा शाल, श्रीफळ व पुष्पगुच्छ देवून सत्कार केला.

याप्रसंगी बँकेचे संचालक, अधिकारी तसेच ज्येष्ठ माजी सेवक डी. एच. कुलकर्णी, हेमंत देशपांडे, श्री. विश्वनाथ जोशी (काका), श्री. माधव माने, श्री. प्रकाश सराफदार, श्री. चंद्रकांत जिरंगे (नाना), श्री. विलास चव्हाण, श्री. किशोर जाधव, श्री. नेताजी जमाले, श्री. मोहन वराडकर यांचेसह ४० माजी सेवक उपस्थित होते.

कराड अर्बन बँकेचे कुटुंबप्रमुख श्री. सुभाषराव जोशी व माजी अध्यक्ष डॉ. सुभाष एरम यांच्या मार्गदर्शनाखाली बँकेची आजपर्यंतची वाटचाल सुरु आहे. त्यांनी घालून दिलेल्या तत्वांचा आदर्श डोळ्यासमोर ठेवून सर्व संचालक मंडळाच्या सहकार्यातून यापुढील वाटचाल करणार आहे. बँकेच्या सर्व शाखांमध्ये उत्तम ग्राहकसेवा, पारदर्शक कामकाज व समाजाभिमुख योजना राबविणार असल्याचा मनोदय अध्यक्ष श्री. समीर जोशी यांनी याप्रसंगी व्यक्त केला.

बँकेच्या प्रगतीत आजी-माजी सेवकांचे योगदान मोठे आहे. यापुढील काळात बँकेचा व्यवसाय आणि सामाजिक कार्याचा व्याप अधिक वाढविण्याचा निर्धार बँकेचे उपाध्यक्ष शशांक पालकर यांनी व्यक्त केला.

या सत्कार सोहळ्यास उपस्थित माजी सेवकांनी बँकेविषयी मनोगत व्यक्त केले.