ग्रामीण विज्ञान प्रदर्शनातून घडतील उद्याचे बालवैज्ञानिक - प्रा डॉ . व्ही .एस .राव.

 

कराड येथील सायन्स कॉलेजमध्ये आयोजित जिल्हास्तरीय विज्ञान प्रदर्शनात बक्षीस वितरण करताना या याशनी नागराजन व इतर

ग्रामीण विज्ञान प्रदर्शनातून घडतील उद्याचे बालवैज्ञानिक - प्रा डॉ . व्ही .एस .राव. 

कराडला ५२ व्या जिल्हास्तरीय विज्ञान प्रदर्शनाचा समारोप 

कराड, दि. 9 -विज्ञान हा आजच्या आधुनिक जीवनाचा अविभाज्य भाग असून, मानवाला सर्व क्षेत्रात प्रगती साधून चांगले सहज जीवन जगण्यासाठी विज्ञानाची आवश्यकता आहे. विज्ञानामुळे विद्यार्थ्यांच्या कल्पनाशक्तीचा, सृजनशीलतेला, विकास होत असतो. देशाचे भवितव्य घडविणारे बालवैज्ञानिक अशाच प्रदर्शनातून पुढे येतील असा विश्वास कार्यक्रमाचे प्रमुख पाहुणे प्रा. डॉ . व्ही एस राव यांनी व्यक्त केला.

कराड येथील यशवंतराव चव्हाण सायन्स कॉलेजमध्ये आयोजित विज्ञान प्रदर्शनाच्या समारोप प्रसंगी ते बोलत होते. समारंभाच्या प्रमुख अध्यक्षा मुख्य कार्यकारी अधिकारी श्रीमती याशनी नागराजन, शिवाजी शिक्षण संस्थेचे जनरल सेक्रेटरी अल्ताफ हुसेन मुल्ला, शिक्षणाधिकारी श्रीमती शबनम मुजावर, तेजस गबंरे, दत्तात्रय गिरी हे प्रमुख पाहुणे उपस्थित होते.

डॉ. राव पुढे म्हणाले की, विज्ञान प्रदर्शनामध्ये भाग घेणे महत्त्वाचे असते .विज्ञानाची गोष्ट तळागाळापर्यंत ,प्रत्येक खेडेगावमध्ये पोहचली पाहिजे . सर्व विद्यार्थ्यांची कल्पकता व नव-नाविन्यता जोपासले आहे. उद्याचे तुम्ही मोठे शास्त्रज्ञ होणारा आहात. तुम्ही सर्वांनी वैज्ञानिक दृष्टिकोन जोपासली पाहिजे. डोळे उघडून बघा झापड लावू नका आणि निसर्गाकडे पहा असा त्यांनी मोलाचा सल्ला दिला. प्रत्येक विद्यार्थ्यांचा प्रयोग उत्तुंग होता व कौतुकास्पद होता असे त्यांनी नमूद केले.

जिल्हा परिषदेच्या मुख्य कार्यकारी अधिकारी याशनी नागराजन म्हणाले की, तुम्ही सर्वजण विजेते आहात. तुम्ही सर्वजण उद्याचे संशोधक आहात. असे चांगले काम करत राहा. विद्यार्थ्यांनी त्यांच्या नवकल्पनांची सुस्पष्टता आणि शास्त्रीय दृष्टिकोनातून बघावे. खेडेपाड्यातील तसेच भारतातील लोकांना तुमचा प्रयोगाचे लाभ मिळतील असा विश्वास त्यांनी व्यक्त केला. विज्ञान प्रदर्शन हा एक मेळावा असतो प्रत्येक उपकरणं चांगले आहे. तुम्हाला या प्रदर्शनातून प्रेरणा मिळते. वैज्ञानिक दृष्टिकोन निर्माण झाला पाहिजे. विज्ञानामुळे संशोधक होता आले नाही तरी चालेल, परंतु त्यासाठी चांगले योगदान मिळावा हेतू हा विज्ञान प्रदर्शनाचा असतो. खेडेपाड्यातील विद्यार्थ्यांना या विज्ञान प्रदर्शनामुळे मार्गदर्शन मिळते.

श्रीमती शबनम मुजावर, डॉ.बालाप्रसाद अंकमावर, श्रीमती ठोके मॅडम, व शशांक ढोने, विद्यार्थ्यांमधून तनुजा इंदलकर व दिव्यांक राणा या विद्यार्थ्याने आपले मनोगत व्यक्त केले.

प्रात्यक्षिकातील प्रमुख आकर्षणांमध्ये पर्यावरणीय तंत्रज्ञान, नॅनो तंत्रज्ञान, रोबोटिक्स, कचरा व्यवस्थापन, सोलर ऍडजेस्ट पंप, शेती अंतर्गत मशागत तंत्र, पक्षी व प्राणी नियंत्रक प्रकल्प आणि शाश्वत ऊर्जा यावर आधारित नवीनतम संशोधन प्रकल्प समाविष्ट होते. विद्यार्थ्यांनी आपल्या प्रकल्पाचे सखोल विश्लेषण करत, त्याच्या तांत्रिक बाजू समजावून सांगितल्या. प्रत्येक प्रकल्पाला तज्ञ परीक्षकांकडून प्रशंसा व मार्गदर्शन मिळाले. जिल्हा स्तरावर विद्यार्थ्यांचे वैज्ञानिक कुतूहल आणि संशोधनातील आवड पाहून शिक्षण विभागाने विद्यार्थ्यांच्या या प्रयत्नाचे कौतुक केले.

या जिल्हास्तरीय विज्ञान प्रदर्शनामध्ये माध्यमिक शिक्षक गट, प्राथमिक शिक्षक गट व प्रयोगशाळा परिचर गट यांच्याही प्रयोगाचे तज्ञ परीक्षकांकडून परीक्षण झाले. या ५२ व्या जिल्हास्तरीय विज्ञान प्रदर्शन पाण्यासाठी कराड तालुका व सातारा जिल्ह्यातील विविध शाळांनी भेटी दिल्या. व बाल वैज्ञानिकांनी केलेल्या संशोधनाचे निरीक्षण केले. या जिल्हास्तरीय विज्ञान प्रदर्शनामध्ये प्राथमिक विद्यार्थी ३३ व ७ दिव्यांग विद्यार्थ्यांनी सहभाग घेतला. तसेच माध्यमिक विद्यार्थ्यांनी ३६ व दिव्यांग ६ विद्यार्थ्यांनी सहभाग नोंदवला. तसेच प्राथमिक शिक्षक ११, माध्यमिक शिक्षक ११ व ७ प्रयोगशाळा सहाय्यक परिचर यांनी या जिल्हास्तरीय विज्ञान प्रदर्शनामध्ये सहभाग नोंदवला.

या जिल्हास्तरीय विज्ञान प्रदर्शनाकरिता कराड तालुक्यातील विविध शाळांतील अनेक विद्यार्थी, त्यांचे शिक्षक या विज्ञान प्रदर्शनास भेट देऊन आपल्यात वैज्ञानिक दृष्टिकोन जागृत ठेवण्याचे काम मोठ्या उत्साहाने केले. तसेच महाविद्यालयाच्या विविध विभागाच्या प्रयोगशाळाही त्यांनी पाहिल्या त्यांच्या मनात असणारी शिक्षणाबद्दलची खऱ्या अर्थाने स्वप्न सत्यात उतरण्यासाठी निश्चितच प्रेरणा मिळाल्या. या संपूर्ण विज्ञान प्रदर्शनामध्ये जवळजवळ ११ तालुक्यातील१०८ उपकरणांनी वेगवेगळ्या गटांमध्ये सहभाग नोंदवला असून आपल्यात असणारी सर्जनशीलता, क्रियाशीलता सिद्ध करण्याचे काम केले. या प्रदर्शनाला परिसरातून अत्यंत उल्लेखनीय असा प्रतिसाद मिळाला.

५२ वे जिल्हास्तरीय विज्ञान प्रदर्शनातील विजेते प्राप्त विद्यार्थ्यांची नावे पुढीलप्रमाणे उच्च प्राथमिक गट, प्रथम क्रमांक,१) रुद्र संजय बरकडे (श्री कोटेश्वर विद्यालय, गोवे, प्रकल्पाचे नाव-मुजरांसाठी बहुउद्देशीय यंत्र) द्वितीय क्रमांक,२) स्नेहा संदीप चव्हाण, (पी.एम. श्री. कराड नगरपालिका शाळा क्रमांक ३, प्रकल्पाचे नाव- हवेची गुणवत्ता दर्शविणे) तृतीय क्रमांक, ३) गौरीशंकर पाटील (जि .प .शाळा बीबी, प्रकल्पाचे नाव- इको फ्रेंडली खादान्य सुरक्षा गोळी) उत्तेजनार्थ सुमित संदीप शिंदे (स.गा.म प्राथ. विद्यामंदिर ,सैदापूर, प्रकल्पाचे नाव पीजो इलेक्ट्रिक्स शूज) प्राथमिक गटामध्ये दिव्यांगटात प्रथम क्रमांक विघ्नेश विक्रम दरेकर(भारत विद्या मंदिर संभाजीनगर, सातारा, प्रकल्पाचे नाव-दिव्यांग मित्र) उत्तेजनार्थ कार्तिक प्रदीप जाधव (कर्मवीर भाऊराव पाटील विद्यालय, धामणेर, प्रकल्पाचे नाव-ट्री गार्ड)

उच्च माध्यमिक गट विद्यार्थी गटामध्ये प्रथम क्रमांक १)अदीबा जहांगीर तांबोळी(कमला निमकर बाल भवन फलटण), द्वितीय क्रमांक२) ऋषिकेश प्रशांत चव्हाण(अनंत इंग्लिश स्कूल सातारा), तृतीय क्रमांक ३) सिद्धेश चंद्रकांत सुर्वे(मोरणा विद्यालय मोरगिरी), उत्तेजनार्थ मोहम्मद अली अमीर अंबेकरी(एच .के. डी. उर्दू हायस्कूल, कराड), माध्यमिक गट दिव्यांग गटामध्ये प्रथम क्रमांक १) वशिका जगन्नाथ भोसले(ज्ञान विद्या मंदिर खेड), उत्तेजनार्थ, देवांश उमेश ढवळे(महात्मा गांधी विद्यालय उंब्रज). तसेच प्राथमिक शिक्षक गटामध्ये प्रथम क्रमांक१) श्रीमती सुप्रिया सुभाष कार्वेकर,(जि. प. शाळा, सैदापूर) उत्तेजनार्थ, श्री. विष्णू ज्ञानू ढेबे(जि .प. प्राथमीक शाळा, चिखली). तसेच माध्यमिक शिक्षक गटामध्ये प्रथम क्रमांक १) सौ उर्मिला. व्ही. नाचणे(यशवंतराव चव्हाण विद्यालय पिंपोडे), उत्तेजनार्थ, श्री. प्रकाश कलाप्पा कांबळे(भवानी विद्यामंदिर व ज्युनिअर कॉलेज). व प्रयोगशाळा सहाय्यक परिचर गटामध्ये प्रथम क्रमांक १) श्री पांडुरंग नाथा गायकवाड,(सद्गुरु माध्यमिक आश्रमशाळा ,शेरे) उत्तेजनार्थ, श्री तात्याबा मारुती नाळे(स.म. हनुमंतराव पवार हायस्कूल, फलटण) या विजेत्या सहभागांची राज्यस्तरीय विज्ञान प्रदर्शनासाठी निवड झाली आहे.

कॉलेजचे प्राचार्य डॉ.एस. बी केंगार यांनी स्वागत व प्रस्ताविक केले. प्रमुख पाहुण्यांचा परिचय डॉ .के. एस. जगधने यांनी केले. तसेच पारितोषिक वितरण निकाल वाचन एस. एस .लावंड यांनी केले. या कार्यक्रमाचे सूत्रसंचालन सौ .विद्या जाधव व सौ.शर्वरी पाटील यांनी केले. या कार्यक्रमाचे आभार श्री .एस .एन. गाडे यांनी केले. या कार्यक्रमासाठी कॉलेजचे उपप्राचार्य श्री. एस. एल. महामुनी, सौ पुजारी व धोत्रे- पाटील मॅडम, तसेच पारितोषिक पात्र स्पर्धक, त्यांचे मार्गदर्शक शिक्षक, कॉलेजचे प्राध्यापक, शिक्षकतर कर्मचारी, विद्यार्थी बहुसंख्येने उपस्थित होते.