सरसेनापतींच्या समाधिस्थळी विजय दिवस समिती व तळबीड ग्रामस्थांतर्फे अभिवादन

तळबीड : सरसेनापती हंबीरराव मोहिते यांच्या समाधीस्थळी अभिवादन प्रसंगी मान्यवर.

सरसेनापतींच्या समाधिस्थळी विजय दिवस समिती व तळबीड ग्रामस्थांतर्फे अभिवादन 

कराड, दि. 16 - विजय दिवस समारोह समिती, तळबीड ग्रामस्थ व मान्यवरांच्या उपस्थितीत छत्रपती शिवाजी महाराजांचे सरसेनापती हंबीरराव मोहिते यांच्या तळबीड (ता. कऱ्हाड) येथील समाधीस्थळी आज अभिवादन करण्यात आले. 

भारताने बांग्लादेश युध्दात मिळवलेल्या विजयाप्रित्यर्थ दरवर्षी कर्नल संभाजीराव पाटील यांच्या संकल्पनेतुन येथे मोठ्या दिमाखात विजय दिवस समारोह साजरा केला जातो. विजय दिवसाच्या आजच्या मुख्य दिवशी सरसेनापती हंबीरराव मोहिते यांच्या तळबीड येथील समाधीस्थळी विजय दिवस समारोह समिती व तळबीड ग्रामस्थांच्यावतीने अभिवादन करण्यात येते.

आज सकाळी सैनिक कल्याण विभागाचे उपसंचालक कर्नल सतेश हांगे, कर्नल समीर कुलकर्णी, लेफ्टनंट कर्नल मंदार जाधव, शिवाजी विद्यापिठाचे कुलगुरू डॉ. डी. टी. शिर्के, एसजीएम कॉलेजचे प्राचार्य डॉ. मोहन राजमाने, विजय दिवस समारोह समितीचे सचीव अॅड. संभाजीराव मोहिते, सहसचीव विलासराव जाधव, संचालक सलीम मुजावर, चंद्रकांत जाधव, माजी नगरसेवक विनायक पावसकर, सौरभ पाटील, तळबीडच्या सरपंच मृणालिनी मोहिते, उपसरपंच दादासाहेब मोहिते, माजी सरपंच जयवंतराव मोहिते, ग्रामसेवक सुनिल ढाणे, प्राचार्य डॉ. सतीश घाटगे, बाजीराव गायकवाड, शंकरराव मोहिते, शामराव मोहिते, खरेदी विक्री संघाचे अध्यक्ष अनिल मोहिते, ए. आर. पवार, सलीम मुजावर, माणिक बनकर, प्रसाद पावसकर, प्रफुल्ल ठाकूर, चंद्रशेखर नखाते, मोहन डोळ, रत्नाकर शानभाग, प्रा. बी. एस. खोत, अॅड. भंडारे, राजीव अपिने, अनिल मोहिते, जयप्रकाश मोहिते, उमेश मोहिते, राजेंद्र मोहिते, सैन्यदलातील अधिकारी व उद्यान ग्रुपचे सहकारी यांनी अभिवादन केले.  

कुलगुरु डॉ. शिर्के म्हणाले, मराठा साम्राजाचा इतिहास जाज्वल्य असुन तो नव्या पिढापर्यंत पोहचवण्यासाठी प्रयत्न होणे आवश्यक आहे. कोल्हापूर महापालिकेच्या लोगो मध्ये ताराराणींचा फोटो आहे, ही गौरवास्पद बाब आहे. तळबीडला ४०० वर्षाचा इतिहास आहे. तो इतिहास आणि वारसा जतन करण्याचे काम तळबीडकर करत आहेत याचे समाधान आहे. यावेळी मान्यवरांनी मनोगत व्यक्त केले. 

प्राचार्य डॉ. मोहन राजमाने म्हणाले, कर्नल संभाजीराव पाटील यांनी रयत शिक्षण संस्थेत विजय दिवस समारोह समितीच्यावतने पहिले सैनिकी प्रशिक्षण सुरु केले आहे. सैनिक अधिकारी निर्माण कऱण्यासाठी एसजीएम कॉलेजचा मोठा सहभाग असेल. तळबीडच्या विद्यार्थ्यांना सैनिकी प्रशिक्षणासाठी आवश्यक ती मदत एसजीएम कॉलेजकडुन केली जाईल. कर्नल समीर कुलकर्णी, कर्नल हांगे सैनिकी भरतीसंदर्भात मार्गदर्शन केले. 

तळबीड ग्रामपंचायतीच्यावतीने कुलगुरु डॉ. शिर्के, लेफ्टनंट कर्नल मंदार जाधव यांना मानपत्र मान्यवरांच्या हस्ते प्रदान करण्यात आले. सलीम मुजावर, राजीव अपिने यांनी मानपत्राचे वाचन केले. सरपंच मृणालिनी मोहिते यांनी प्रास्तविक केले. जयवंतराव मोहिते यांनी आभार मानले.