पोक्सो गुन्ह्यातील कराडच्या फरार आरोपीस अटक; कराड शहर डीबीची कारवाई...
पोक्सो गुन्ह्यातील कराडच्या फरार आरोपीस अटक; कराड शहर डीबीची कारवाई...
याबाबत पोलिसांनी दिलेल्या माहितीनुसार, सहा महिन्यापूर्वी बज्या माने याने एका अल्पवयीन मुलीस अमिष दाखवून पळवून नेल्यापासून तो फरार होता. त्याबाबत कराड शहर पोलीस ठाण्याचे वरिष्ठ पोलीस निरीक्षक कोंडीराम पाटील व गुन्हे प्रकटीकरण शाखेस या फरार आरोपीचा शोध घेऊन त्याला अटक करण्याच्या सूचना दिल्या होत्या.
गुन्हे प्रकटीकरण शाखेचे पोलीस उपनिरीक्षक पतंग पाटील यांना त्याबाबत गोपनीय बातमीदाराकडून माहिती मिळाली की, बज्या माने हा मंगळवारी कराड परिसरात येणार असल्याची खात्रीशीर माहिती मिळाली. त्याअनुषंगाने गुन्हे पथकातील पोलीस हवालदार आनंदा जाधव, महेश शिंदे यांनी वारुंजी फाटा येथे सापळा रचून थांबले असता बज्या माने याला पोलिसांची चाहूल लागताच तो पळून जाण्याच्या तयारीत असताना पोलीस उपनिरीक्षक पतंग पाटील, आनंदा जाधव, महेश शिंदे यांनी त्याचा पाठलाग करून त्याला ताब्यात घेऊन त्याच्याकडे सखोल चौकशी केली असता त्याने गुन्हा केल्याची कबुली दिली असून त्याला अटक करण्यात आली आहे.
बज्या माने याच्यावर विविध कलमाअंतर्गत सात गुन्हे दाखल आहेत. अधिक तपास पोलीस उपनिरीक्षक सुभाष फडतरे करीत आहेत. सदरची कामगिरी डीवायएसपी अमोल ठाकूर, वरिष्ठ पोलीस निरीक्षक कोंडीराम पाटील यांचे मार्गदर्शनाखाली गुन्हे प्रकटीकरण शाखेचे पोलीस उपनिरीक्षक पतंग पाटील, सहाय्यक फौजदार रघुवीर देसाई, संजय देवकुळे, पोलीस हवालदार शशिकांत काळे, अमित पवार, कुलदिप कोळी, संतोष पाडळे, अमोल देशमुख, मुकेश मोरे, दिग्विजय सांडगे, आनंदा जाधव, महेश शिंदे, संग्राम पाटील, अमित पवार, सोनाली पिसाळ यांनी केली.
Comments
Post a Comment