कराड तालुका डी. बी. पथकाने तीन तासात लावला चोरीचा छडा; आरोपीसह मुद्देमाल जप्त...

कराड तालुका डी. बी. पथकाने तीन तासात लावला चोरीचा छडा; आरोपीसह मुद्देमाल जप्त...

कराड दि.3-कराड चांदोली रोडवरील धोंडेवाडी फाटा येथील डी पी जैन कंपनीच्या गेट समोर ठेवण्यात आलेल्या स्टीलच्या चोरी प्रकरणी कराड तालुका गुन्हा प्रकटीकरण शाखेने चोरीचा तीन तासात छडा लावत 90 हजाराच्या मुदेमालासह एकास अटक केली आहे.

याबाबत पोलिसांनी दिलेल्या माहितीनुसार, काल शनिवारी विकास जगन्नाथ पाटील रा. कासेगांव ता. वाळवा यांनी तक्रार दिली होती. की, आमचे कालेटेक ता. कराड येथील डी.पो. जैन कंपनीचे गेटजवळ उघड्यावरील 90,000/- रु किंमतीचे दिड टन वजनाचे स्टिल अज्ञात आरोपीने चोरुन नेले आहे. या तक्रारी वरुन कराड तालुका पोलीस ठाणंत गुन्हा दाखल झाला होता. 

सदरचा गुन्हा उघडकीस आणणोकामी उपविभागीय पोलीस अधिकारी अमोल ठाकुर व पोलीस निरीक्षक महेंद्र जगताप यांचे सुचनेनुसार काल दि. 2 मार्च रोजी गुन्हे प्रकटीकरण शाखेचे पोलीस अंमलदार नितीन येळवे, उत्तम कोळी, सचिन निकम, सज्जन जगताप, प्रफुल्ल गाडे, यांना मिळालेल्या बातमीनुसार त्यांनी पाचवड फाटा ता. कराड येथे सापळा लावला असता, नमुद गुन्हयातील आरोपी नामे सुखदेव सर्जेराव मोरे मुळ रा. भवानीनगर ता. वाळवा जि.सांगली सध्या रा. कालेटेक ता. कराड हा त्याचे ताब्यातील वाहन क्रमांक एम. एच. 50. एन. 5070 यामध्ये नमूद गुन्हयातील चोरीस गेलेला माल विक्री करणे करिता घेवून जात असताना निदर्शनास आल्यानंतर त्यास तेथेच पकडुन सदर गुन्हयातील वापरलेले थाहन व मालासह एकुण 3,90,000/- रु.किमतीचा माल आरोपी याचे ताब्यातुन हस्तगत करण्यात आला आहे. 

वरील कार्मागरी पोलीस अधिक्षक समीर शेख तसेच अपर पोलीस अधीक्षक श्रीमती आचंल दलाल, उपविभागीय पोलीस अधिकारी अमोल ठाकुर तसेच पोलीस निरीक्षक  महेंद्र जगताप यांचे मार्गदर्शनाखाली गुन्हे प्रकटीकरण शाखेचे पोलीस अमलदार नितीन येळवे, उत्तम कोळी, सचिन निकम, सज्जन जगताप, प्रफुल्ल गाडे, यांनी केली असुन पुढील तपास पो. हवा. उत्तम कोळी हे करीत आहेत.