कराडात देशी बनावटीचे पिस्टल व जिवंत काडतुसासह एकास अटक....

कराड शहर डीबी पथकाने आगाशिवनगर परिसरातुन एक देशी बनावटीचे पिस्टल व जिवंत काडतुसासह एका युवकास केले अटक एकुण 60,200/-किमंतीचा मुद्देमाल केला जप्त...

कराड दि.8- कराड शहर गुन्हे प्रकटीकरण शाखेने कराड नजीकच्या आगाशिवनगर येथून एकास पिस्टल व जिवंत काढतुसासह ताब्यात घेतले आहे. लवराज रामचंद्र दुर्गावळे (वय 29 वर्षे) रा. आगाशिवनगर मलकापुर असे अटक केलेल्या इसमाचे नाव असून त्याच्याकडून साठ हजार दोनशे रुपयांचा मुद्देमाल जप्त करण्यात आला आहे.

याबाबत पोलिसांनी दिलेल्या माहितीनुसार, समीर शेख पोलीस अधीक्षक सातारा, अपर पोलीस अधीक्षक आँचल दलाल. उपविभागीय पोलीस अधिकारी अमोल ठाकुर यांनी आगामी निवडणुका व कराड शहराचा राजकीय इतिहास पाहता कराड शहर पोलीस ठाणेचे वरिष्ठ पोलीस निरीक्षक श्री. के. एन. पाटील यांना कराड शहरात बेकायदा शस्त्र, गावठी पिस्टल / कट्टे बाळगणाऱ्या इसमांची माहिती काढुन त्यांचेवर तात्काळ कारवाई करण्याबाबत आदेशित केले होते. त्या अनुषगाने वपोनि पाटील यांनी पोलीस उप निरीक्षक पंतग पाटील यांचे मार्गदर्शनाखाली पोलीस हवा. शशिकांत काळे, अमित पवार, पोलीस नाईक संतोष पाडळे, कुलदिप कोळी, अमोल देशमुख, मुकेश मोरे, दिग्विजय सांडगे यांची सदर कामगीरी साठी एक विशेष पथक म्हणुन रचना केली होती.

दिनांक 6 फेब्रुवारी रोजी वरिष्ठ पोलीस निरीक्षक के.एन. पाटील यांना त्यांचे विश्वसनीय बातमीदार मार्फत बातमी प्राप्त झाली की, आगाशिवनगर इमर्सन कंपनी जवळ एक संशयीत इसम देशी बनावटीचे पिस्टल विक्रीसाठी येणार आहे. त्याबाबत त्यांनी पोलीस उप निरीक्षक पतंग पाटील व पथकास माहिती देवून तात्काळ कारवाई करण्यास सांगितले. त्यानुसार सदर पथकाने आगाशिवनगर इमर्सन कंपनी शेजारी सापळा रचुन मिळाले बातमी प्रमाणे एक संशयीत इसम ताब्यात घेतला त्याचेकडे अधिक चौकशी करुन अंगझडती घेतली असता त्याचे कंबरेला एक देशी बनावटीची मॅगझिन सह पिस्टल/ गावटी कट्टा व जिवंत काडतुस ( राउंड) असा एकुण 60,200/- रुपये किंमतीचा मुद्देमाल मिळुन आला.

याबाबत कराड शहर पोलीस ठाणेस गुन्हा नोंद करण्यात आला असुन पुढील तपास वरिष्ठ पोलीस निरीक्षक के. एन. पाटील यांचे मार्गदर्शनाखाली पोलीस उप निरीक्षक पतंग पाटील व डी.बी. टिम करीत आहेत. अटक आरोपी :- लवराज रामचंद्र दुर्गावळे वय 29 वर्षे रा. आगाशिवनगर मलकापुर ता. कराड जि. सातारा सदरची कामगिरी पोलीस अधीक्षक समीर शेख, अपर पोलीस अधीक्षक आँचल दलाल, उपविभागीय पोलीस अधिकारी अमोल ठाकुर व मा. वरिष्ठ पोलीस निरीक्षक के.एन. पाटील यांच्या मार्गदर्शनाखाली गुन्हे प्रकटीकरण अधिकारी पोलीस उप निरीक्षक पतंग पाटील, पोलीस उपनिरीक्षक अझरूददीन शेख, सो, सफौ रघुवीर देसाई, सफौ संजय देवकुळे, पोलीस हवा. शशिकांत काळे, अमित पवार, पोलीस नाईक, कुलदिप कोळी, संतोष पाडळे, पो.शि. अमोल देशमुख, मुकेश मोरे, दिग्विजय सांडगे. महेश शिंदे, आनंदा जाधव, सोनाली पिसाळ यांनी केलेली आहे.

सातारा पोलीस दलाकडून नोव्हेंबर 2022 पासून आज पर्यंत 72 देशी बनावटीची पिस्तुले /कट्टे व 182 काडतुसे जप्त करण्यात आली आहेत.