कराड शहर गुन्हे प्रकटीकरण शाखेने आठ दुचाकी चोरणाऱ्यास केले जेरबंद....

विविध जिल्हयातून 8 दुचाकी चोरणाऱ्या सराईत चोरट्यास कराड शहर डीबीने केला जेरबंद...

कराड शहर गुन्हे प्रकटीकरण शाखेची कारवाई; पाच लाख 30 हजारांच्या आठ दुचाकी जप्त...

कराड, दि. 20 - सातारा सांगली कोल्हापूरसह विविध जिल्हयातून दुचाकी चोरी करणाऱ्या सराईत चोरट्यास कराड शहर गुन्हे प्रकटीकरण शाखेने अटक केली आहे. या कारवाईत पोलिसांनी संशयित विक्रम रमेश सकट (वय 27) रा. बेघर वस्ती, सैदापूर, याच्याकडून एकूण पाच लाख 30 हजार रुपये किंमतीच्या आठ दुचाकी जप्त केल्या आहेत.

कराड तळबीड कोरेगाव पुसेगाव (सातारा), हुपरी (कोल्हापूर), जयसिंगपूर विश्रामबाग (सांगली) या पोलीस स्टेशनमध्ये मोटरसायकल चोरीच्या तक्रारी दाखल झाल्या होत्या. सदर दाखल गुन्हे हे कराड शहर गुन्हे प्रकटीकरण शाखेने उघडकीस आणले आहेत त्यांचे सर्वत्र कौतुक होत आहे.

याबाबत पोलिसांकडून मिळालेली माहिती अशी की, पोलीस अधीक्षक समीर शेख, अपर पोलीस अधीक्षक आँचल दलाल, पोलीस उप अधीक्षक अमोल ठाकूर यांनी दि. 15 रोजी झालेल्या गुन्हेगारांब्बत्च्या बैठकीत कराड शहरासह उपनगरात होणाऱ्या  दुचाकी चोरीबाबत विशेष आढावा घेवून कराड शहर पोलीस ठाण्याचे वरिष्ठ पोलीस निरीक्षक कोंडीराम पाटील यांना दुचाकी चोरीच्या गुन्हयाचा तात्काळ छडा लावण्याबाबत आदेश केले होत. त्यानुसार केलेल्या कारवाईत कराड शहर गुन्हे प्रकटीकर शाखेने सैदापूर, ता. कराड, तसेच जिल्हयातील विविध भागातून चोरी झालेल्या एकूण आठ दुचाकींसह एका संशियत आरोपीला मोठ्या शिताफीने ताब्यात घेतले.

वरिष्ठ पोलीस निरीक्षक कोंडीराम पाटील यांच्या मार्गदर्शनाखाली पोलीस उप निरीक्षक पतंग पाटील व गुन्हे प्रकटीकरण पथकाने  दुचाकी चोरीच्या गुन्हयाबाबत पथकाचे दोन गट तयार करून कराड शहर व उपनगरात गस्त घालण्याबाबत आदेश केले होते. 16 रोजी सायकांळी 5.30 वाजण्याच्या  सुमारास सैदापूर परिसरात गस्त करत असताना एक इसम संशयीतरित्या दुचाकीवर उभा असलेला दिसला. पोलीस उप निरीक्षक पतंग पाटील यांना त्याच्या हालचाली संशयास्पद वाटल्याने सदर इसमास ताब्यात घेवून चौकशी केली असता, त्याचे ताब्यातील दुचाकी चोरीची असल्याचे निष्पन्न झाले. सदर आरोपीस पोलीस ठाण्यात आणून पोलीस उप निरीक्षक पतंग पाटील यांनी चौकशी केली. तसेच  डी. बी. पथकाच्या मदतीने सदर आरोपीकडून सातारा, सागंली, कोल्हापूर जिल्हयातून चोरी झालेल्या एकूण आठ दुचाकी आरोपी नामे विक्रम रमेश सकट रा. बेघरवस्ती, सैदापूर, ता. कराड याच्याकडून जप्त केल्या.

सदरची कामगिरी पोलीस अधीक्षक समीर शेख, अपर पोलीस अधीक्षक आँचल दलाल, पोलीस उप अधीक्षक अमोल ठाकूर, वरिष्ठ पोलीस निरीक्षक कोंडीराम पाटील यांच्या मार्गदर्शनाखाली गुन्हे प्रकटीकरण अधिकारी पोलीस उप निरीक्षक पतंग पाटील, सहाय्यक फौजदार रघुवीर देसाई, सहाय्यक फौजदार संजय देवकुळे, पोलीस हवालदार शशिकांत काळे, अमित पवार, पोलीस नाईक, कुलदिप कोळी, संतोष पाडळे, पोलीस शिपाई अमोल देशमुख, मुकेश मोरे, दिग्विजय सांडगे, महेश शिंदे, आनंदा जाधव, सोनाली पिसाळ यांनी केली.

राजू सनदी कराड 

कराड टुडे न्यूज