कराड नगरपरिषदेच्या प्लास्टिक निर्मुलन मोहिमेत कराडात पाच व्यापार्‍यांवर कारवाई....

 

कराड नगरपरिषदेच्या प्लास्टिक निर्मुलन मोहिमेत कराडात पाच व्यापार्‍यांवर कारवाई....

कराड दि.20 (प्रतिनिधी) स्वच्छ सर्वेक्षण 2023 व माझी वसुधंरा अभियाना अंतर्गत एकल वापराच्या (सिंगल युज) प्लास्टिकच्या वस्तुंच्या बंदीची कडक अंमलबजावणी कराडात सूरू करण्यात आली आहे.आज बाजारपेठेत करण्यात आलेल्या तपासणी मोहिमेत अनेक दूकानांची तपासणी करण्यात येऊन पाच दूकानदारांकडून पंचवीस हजारांचा दंड वसूल करीत सूमारे 82 किलो प्लास्टीकचे साहित्य जप्त करण्यात आले.

नगरपरिषदेचे मुख्याधिकारी रमाकांत डाके यांच्या सूचनेनूसार शहरात नगरपरिषद आरोग्य विभाग व महाराष्ट्र प्रदुषण नियंत्रण मंडळाच्या वतीने आज प्लास्टिक निर्मूलन मोहीम राबवण्यात आली. या मोहिमेत बाजारपेठेतील अनेक दूकांनाची तपासणी करून 5 दूकांनावर प्रत्येकी पाच हजार रूपयांची दंडात्मक कारवाई करण्यात आली. तर बंदी असलेले व प्लास्टीकचा वापर असलेले 82 किलोचे साहित्य जप्त करण्यात आले. यामध्ये प्लास्टीक बॅग, स्ट्राॅ, डिश तसेच प्लास्टीकचे बाऊल या वस्तूंचा समावेश आहे.

सिंगल युज प्लास्टिकच्या वस्तू वापरण्यास बंदी केल्यानंतर त्याच्या अंमलबजावणी कराड नगर परिषदेने सुरू ठेवली आहे. या अंतर्गत नगरपरिषदेच्या वतीने बाजारपेठेत विविध ठिकाणी प्लास्टिक निर्मूलन मोहीम राबवण्यात आली. यावेळी काही दुकानांची तपासणी करण्यात आली. यामध्ये पाच दुकानात प्रतिबंध करण्यात आलेले प्लास्टिकच्या वस्तू आढळून आल्याने त्या दुकानदारांवर दंडात्मक कारवाई करीत प्लास्टिकच्या वस्तू जप्त करून प्रत्येकी पाच हजार रुपयांचा दंड करण्यात आला.तसेच नगरपरिषदेच्यावतीने दूकानदारांना कापडी व पर्यावरणपूरक पिशव्यांचे वाटप करण्यात आले.

या प्लास्टिक निर्मूलन मोहिमेत कराड नगर परिषदेचे आरोग्य अभियंता आर डी भालदार यांच्या मार्गदर्शनाखाली महाराष्ट्र प्रदूषण नियंत्रण मंडळाच्या सातारा फिल्ड आॅफिसर ए. एस.जगदाळे तसेच आरोग्य कर्मचारी मनोज गायकवाड, संजय चावरे, शेखर लाड, नारायण कांबळे, अशोक डाईंगडे, कुंदन लादे,योगेश उथळे, भोसले, महेश भिसे सहभागी झाले होते.