राज्यातील पालिका, महापालिका निवडणूका लांबणार...

 

राज्यातील पालिका,महापालिका निवडणूका लांबणार...

मुंबई दि.18-राज्यातल्या पालिका निवडणुकांचे भवितव्य निश्चित करणारी सुनावणी तीन आठवड्यांनी लांबणीवर पडली असून स्थानिक स्वराज्य संस्थां संदर्भातली सुप्रीम कोर्टातली सुनावणी आता फेब्रुवारीच्या पहिल्या आठवड्यात होणार आहे.याबाबतचे प्रकरण काल लिस्ट मध्ये होते पण सुनावणी झाली नव्हती. आज प्रकरण मेन्शन मात्र त्यानंतर नवी तारीख देण्यात आली.त्यामुळे आता सूनावणी निकाल व त्यानंतर निवडणूकांच्या तारखा जाहिर होणार आहेत.

दरम्यान याबाबतच्या सूनावण्या लांबणीवर पडल्यातर राज्यातील निवडणूकांच्या तारखा ही पूढे जाणार आहेत. फेब्रुवारी महिन्यात पुढची सुनावणी झाली व त्यात निकाल लागला तर पूढे मार्च व एप्रिल महिन्यात शालेय परिक्षा, मे महिन्यात प्रभागरचना आरक्षण सोडत झाली तर निवडणूका नाही तर जुन-सप्टेंबर महिन्यात पावसाळा असणार आहे.एकूणच न्यायालयातील सूनावणी व निकाल यावर निवडणूकांच्या तारखा आवलंबून असणार आहेत.

राज्यातील विधानसभेतील दोन रिक्त जागांसाठी पोटनिवडणूक जाहीर झाली आहे. कसबापेठ आणि पिंपरी चिंचवड या दोन विधानसभा निवडणुकांच्या जागासाठी ही पोटनिवडणूक होणार आहे. यासाठी १० फेब्रुवारीपर्यंत उमेदवारांना अर्ज करता येणार असून २७ फेब्रुवारीला मतदान होणार आहे. 

पुण्यातील कसबा पेठच्या भाजपच्या आमदार मुक्ता टिळक व चिंचवडचे आमदार लक्ष्मण जगताप यांचे निधन झाल्यानंतर या जागा रिक्त झाल्या होत्या. या दोन्ही जागांसाठी पोटनिवडणूक जाहीर करण्यात आली आहे.

दरम्यान आज निवडणूक आयोगाने पूर्वकडील नागालॅंड मेघालय आणि त्रिपुरा या तीनही राज्याच्या विधानसभेचा कार्यकाळ संपत असल्याने निवडणूका जाहिर झाल्या आहेत.

त्रिपुरामध्ये 16 फेब्रुवारीला मतदान होणार आहे. मेघालय आणि नागालँडमध्ये 27 फेब्रुवारीला मतदान होणार आहे. सर्व राज्यांचे निकाल 2 मार्च रोजी जाहीर होतील.