कराडात गोळ्या झाडून ठार मारण्याचा प्रयत्न करणारे व दहशत माजवणारे जेरबंद

कराड शहर पोलीसांची कौतुकास्पद कामगिरी,गोळ्या झाडून ठार मारण्याचा प्रयत्न करणारे व दहशत माजवणारे आरोपी अटकेत:2 पिस्टल 1 चाकू जप्त... 

कराड दि.25 (प्रतिनिधी) कराड शहर पोलीस ठाणे हद्दीत रविवारी रात्री मुजावर कॉलनी परिसरात पिस्टल मधून फायरिंग झाली. त्याबाबत शहारुख मुल्ला यांनी निशिकांत शिंदे व परशुराम करवले यांनी जीवे ठार मारण्याचा प्रयत्न केला म्हणून तक्रार दिलेने कराड शहर पो.ठाणे गुरनं 968/2022 भादविसक 307,504,506,34 सह आर्म ॲक्ट 3,4,25 प्रमाणे दाखल झाला. 

सदर गुन्ह्याचे गांर्भिय ओळखून वरिष्ठ पोलीस निरीक्षक बी.आर.पाटील यांनी नमुदचा गुन्हा गुन्हे प्रकटीकरण शाखेचे सपोनि अमित बाबर यांचेकडे पुढील तपासकामी दिला. उपविभागीय पोलीस अधिकारी रणजीत पाटील व वरिष्ठ पोलीस निरीक्षक बी.आर.पाटील यांच्या मार्गदर्शनाखाली सपोनि अमित बाबर व त्यांचे गुन्हे प्रकटीकरण शाखेच्या टीमने कौशलपुर्वक तपास करून नमुद गुन्ह्यातील आरोपीत निशिकांत शिंदे यास कराड येथून व तडीपार गुंड परशुराम रमेश करवले यास आटपाडी ता.खानापूर जि.सांगली येथून ताब्यात घेवून अटक करण्यात आलेले होते. नमुद गुन्ह्याचे तपासादरम्यान नमुद गुन्ह्यातील आरोपीत यांचेकडून गुन्ह्यात वापरलेले 1,00,000/- रुपये किंमतीच्या 2 पिस्टल, पुंगळी व चाकु असे जप्त करणेत आलेले आहे. सदरचा गुन्हा हा घरासमोर बसण्याच्या कारणावरून झाल्याचा तपासामध्ये निष्पन्न झाला आहे. नमुद गुन्ह्याचा पुढील तपास सुरू आहे. 

सदरची कामगिरी पोलीस अधीक्षक समीर शेख, अपर पोलीस अधीक्षक अजित बोऱ्हाडे, उपविभागीय पोलीस अधिकारी डॉ.श्री. रणजीत पाटील व कराड शहर पोलीस ठाण्याचे वरिष्ठ पोलीस निरीक्षक बी.आर.पाटील यांचे मार्गदर्शनाखाली गुन्हे प्रकटीकरण शाखेचे प्रमुख सपोनि अमित बाबर, सपोनि तब्बसुम शादीवान, सफौ सतीश जाधव, रघुवीर देसाई, नितीन येळवे, जयसिंग राजगे, संजय जाधव, सचिन साळुंखे, कुलदीप कोळी, प्रफुल्ल गाडे, आनंदा जाधव, सागर भोसले, महेश शिंदे, संतोष लोहार, रईस सय्यद, माणिक थोरात, सोनाली मोहिते यांनी केलेली आहे.