‘जयवंत शुगर्स’ कारखान्याचा 12 वा बॉयलर अग्निप्रदीपन सोहळा उत्साहात....
‘जयवंत शुगर्स’ कारखान्याचा 12 वा बॉयलर अग्निप्रदीपन सोहळा उत्साहात....
कराड, ता. 27 : धावरवाडी (ता. कराड) येथील जयवंत शुगर्स साखर कारखान्याचा १२ वा बॉयलर अग्निप्रदीपन सोहळा मोठ्या उत्साहात संपन्न झाला. ‘जयवंत शुगर्स’चे संस्थापक आणि य. मो. कृष्णा सहकारी साखर कारखान्याचे चेअरमन डॉ. सुरेश भोसले यांच्या हस्ते बॉयलर अग्निप्रदीपन करण्यात आले.
याप्रसंगी विनायक भोसले, ‘जयवंत शुगर्स’चे चेअरमन चंद्रकांत देसाई, प्रेसिडेंट सी. एन. देशपांडे, सरव्यवस्थापक एन. एम. बंडगर आदी मान्यवरांची प्रमुख उपस्थिती होती. प्रारंभी कारखान्याचे केनयार्ड सुपरवायझर अच्युत गोरे व त्यांच्या सुविद्य पत्नी सौ. प्रतिभा यांच्या हस्ते धार्मिक विधी करण्यात आले. त्यानंतर मान्यवरांच्या हस्ते बॉयलर अग्निप्रदीपन करण्यात आले.
यावेळी बोलताना डॉ. सुरेश भोसले म्हणाले, की जयवंत शुगर्सने गेल्या १२ वर्षांत चांगली प्रगती साधली आहे. अल्पावधीतच साखर उद्योगात जयवंत शुगर्सने नाव कमावले असून, कारखान्याला अनेक पुरस्कारही प्राप्त झाले आहेत. कारखान्याच्या या प्रगतीत सेवक-कर्मचाऱ्यांचा वाटा मोठा असून, कर्मचाऱ्यांना वेतनवाढीचा लाभ लवकरच मिळवून दिला जाईल.
यावेळी ‘जयवंत शुगर्स’चे उपसरव्यवस्थापक (टेक्निकल) आर. आर. इजाते, चिफ केमिस्ट जी. व्ही. हराळे, सिव्हिल इंजिनिअर एस. एच. शेख, केन मॅनेजर नाथाजी कदम, चिफ अकौटंट आर. के. चन्ने, पर्चेस मॅनेजर व्ही. व्ही. थोरात, इरिगेशन इंजिनिअर आर. एस. नलवडे, प्रशासकीय अधिकारी आर. टी. सिरसाट, ई.डी.पी. मॅनेजर ए. एल. काशीद, मुख्य शेतकरी अधिकारी आर. जे पाटील, मनुष्यबळ विकास अधिकारी संजय भुसनर, पर्चेस ऑफिसर पी. एस. जाधव, इन्स्ट्रुमेंट मॅनेजर ए. बी. खटके, डिस्टीलरी विभागप्रमुख व्ही. जी. म्हसवडे, सुरक्षा अधिकारी विठ्ठल भोसले, केनयार्ड सुपरवायझर एस. एम. सोमदे, ए. एम. गोरे यांच्यासह कारखान्याचे अधिकारी व कर्मचारी उपस्थित होते.
Comments
Post a Comment