कोयना पाणलोट क्षेत्रात पावसाची उघडीप;धरणातील पाण्याचे उद्या पूजन....

 

जिल्ह्यात पावसाची उघडीप;कोयना धरणातील पाण्याचे उद्या पूजन....

कराड दि. 26 (प्रतिनिधी) कोयना पाणलोट क्षेत्रात पावसाने आज पूर्ण उघडीप दिली आहे.जिल्ह्यात ही पावसाने उघडीप दिली आहे.कोयना धरणातून विसर्ग पूर्ण बंद करण्यात आला आहे. आज दिवसभरात कोयना नवजा परिसरात पावसाने पूर्ण उघडीप दिली आहे. धरणातील पाण्याचे उद्या सकाळी मंत्री शंभूराज देसाई यांच्या हस्ते पूजन होणार आहे.

सध्या कोयना धरणात 6 हजार 172 क्यूसेक पाण्याची आवक होत आहे.धरणात दिवसभरात 00.54 टीएमसी पाणीसाठा वाढला आहे. सध्या कोयना धरणात 99.53 टीएमसी पाणीसाठा असून धरण 94.42% टक्के भरले आहे.

आज सकाळी आठ ते सायंकाळी पाच वाजेपर्यंत जिल्ह्यातील सर्वच प्रकल्प क्षेत्रात पावसाने उघडीप दिली होती. सकाळी आठ ते सांयकाळी पाच वाजेपर्यंत कोयना, नवजा  व महाबळेश्वरला 0 मिलिमीटर पाऊस नोंदला गेला आहे.

जिल्ह्यात सध्या कोयना धरणातून 0 तर धोम धरणातून 0, कण्हेर धरणातून 450, उरमोडी धरणातून 500, धोम बलकवडी धरणातून 334, तारळी मधून 208 तर वीर धरणातून 5 हजार 237 क्युसेक पाण्याचा विसर्ग सुरू आहे.