कोयना पाणलोट क्षेत्रात पावसाचा जोर मंदावला; कोयना धरणातून विसर्ग बंद....

 

जिल्ह्यात पावसाची उघडीप;कोयना धरणातील पाणी साठा शंभरीकडे....

कराड दि. 25 (प्रतिनिधी) कोयना पाणलोट क्षेत्रात पावसाचा जोर मंदावला आहे. जिल्ह्यात ही पावसाने उघडीप दिली आहे. काल कोयना धरणाचे दरवाजे बंद केल्यानंतर आज पायथा विद्यूत गृहातून होणारा विसर्ग ही बंद करण्यात आला आहे. आज दिवसभरात कोयना नवजा परिसरात केवळ 20 मि.मि. पावसाची नोंद झाली आहे.धरणाचा पाणीसाठा शंभरीपर्यंत पोहचला आहे.

सध्या कोयना धरणात 7 हजार 572 क्यूसेक पाण्याची आवक होत आहे.धरणात दिवसभरात 00.53 टीएमसी पाणीसाठा वाढला आहे. सध्या कोयना धरणात 98.99 टीएमसी पाणीसाठा असून धरण 94.06% टक्के भरले आहे.

आज सकाळी आठ ते सायंकाळी पाच वाजेपर्यंत जिल्ह्यातील सर्वच प्रकल्प क्षेत्रात पावसाचा मंदावला होता. कोयना नवजा परिसरात 20 मिलिमीटर पावसाची नोंद झाली आहे. सकाळी आठ वाजेपर्यंत कोयना येथे 11 मि.मी तर नवजा येथे 9 मि.मी पावसाची नोंद झाली आहे तर महाबळेश्वरला 8 मिलिमीटर पाऊस नोंदला गेला आहे.

जिल्ह्यात सध्या कोयना धरणातून 0 तर धोम धरणातून 0, कण्हेर धरणातून 550, उरमोडी धरणातून 500, धोम बलकवडी धरणातून 334, तारळी मधून 510 तर वीर धरणातून 23 हजार 785 क्युसेक पाण्याचा विसर्ग सुरू आहे.