कराडात पर्यावरणपूरक गणेश विसर्जनासाठी नगरपरिषदेची तयारी सूरू.....
कराडात पर्यावरणपूरक गणेश विसर्जनासाठी विविध भागात जलकूंड....
कराड शहरात पर्यावरण पूरक गणेश विसर्जना बरोबर मूर्ती दान संकल्पनेलाही मोठा प्रतिसाद नागरिक देत असतात. गतवर्षि नागरिकांनी आपल्या गणेश मूर्तीचे विधीवत पूजा करून नगरपालिकेच्या कर्मचाऱ्यांकडे गणेश मूर्ती दान केल्या होत्या. यासाठी कराड नगर परिषदेने शहरात विविध प्रभागामध्ये गणेश मूर्ती संकलित करण्यासाठी ट्रॅक्टर ट्रॉलीची व्यवस्था केली होती. या संकल्पनेस नागरिकांनी मोठा प्रतिसाद दिला होता. याही वर्षी नागरिकांनी तसाच प्रतिसाद द्यावा असेही आव्हान नगर परिषदेने केले आहे.
या ठिकाणी असणार आहेत जलकूंड...
कराड शहरातील सोमवार पेठेमध्ये कृष्णा घाट व भैरोबा गल्ली मध्ये तसेच मंगळवार पेठेत कृष्णा नाक्यावर व पी डी पाटील पाणीपुरवठा संस्थे शेजारी तर शुक्रवार पेठेत रंगारवेस चौकात तसेच विठ्ठल चौकासह नगरपालिकेच्या पंपिंग स्टेशन नंबर दोन शेजारील मोकळ्या जागेत जलकुंड ठेवण्यात येणार आहेत. शनिवार पेठेत दत्त चौक, कोयनेश्वर मंदिराजवळ, दैत्य निवारणी मंदिराजवळ, शाहू चौकात, कोल्हापूर नाक्यावर, कार्वे नाक्यावरील पाण्याचे टाकी शेजारी, पी डी पाटील उद्यानाजवळ मार्केट यार्ड गेट नंबर 1 शेजारी जलकूंड उपलब्द केले जाणार आहेत.
शहरातील वाढीव भागातील शिक्षक कॉलनीत ईदगाह रस्त्याच्या कोपऱ्यावर, दौलत कॉलनीमध्ये डॉक्टर शिरसागर यांच्या शेजारी पोस्टल कॉलनी मध्ये तर खराडे कॉलनीतील दत्त मंदिरा नजीक व शिवाजी हाउसिंग सोसायटी ही जलकुंड ठेवण्यात येणार आहेत तर शाडूंच्या मूर्तीसाठी स्वतंत्र शेततळे निर्माण करण्यात येणार असून प्लास्टर ऑफ पॅरिस मूर्तीसाठी स्वतंत्र शेततळे निर्माण करण्यात येणार आहे.
दरम्यान कराड नगरपरिषदेचे मुख्याधिकारी रमाकांत डाके व कराड शहर पोलीस स्टेशनचे वरिष्ठ पोलीस निरीक्षक बी आर पाटील यांनी शहरातील विसर्जन मार्ग तसेच गणेश मंडळाचे ठिकाणे, कृष्णा घाटावरील गणेश विसर्जन करण्यासाठीची व्यवस्था याबद्दल विविध ठिकाणी भेटी देत पाहणी केली असून कृष्णा घाटावर नदीपात्रात येणाऱ्या रस्त्यावर मुरूम टाकून रस्ता करण्याचे कामही सुरू करण्यात आले आहे.
Comments
Post a Comment