कोयना पाणलोट क्षेत्रात पावसाची दूसर्‍या दिवशी ही दिंडी.......

 

कोयना पाणलोट क्षेत्रात पावसाची दूसर्‍या दिवशी ही विश्रांती....

कराड दि.31 (प्रतिनिधी) कोयना पाणलोट क्षेत्रात पावसाने सलग दूसर्‍या दिवशी विश्रांती घेतली  आहे. मात्र कराड शहरासह काही भागात काल ढगांच्या गडगडाटासह विजांच्या कडकडाटात पावसाने चांगलीच हजेरी लावली.या पावसाने चांगलाच दणका दिला. जिल्ह्याच्या काही भागात मात्र पावसाने दडी मारली होती.काही ठिकाणी ऊन पडले होते तर काही ठिकाणी अधून मधून पावसाच्या हलख्या सरी कोसळत होत्या.

काल व आज सकाळी आठपर्यंत कोयना येथे 0 मि.मि, पावसाची नोंद झाली आहे.तर नवजा येथे केवळ 1 मि.मि.पाऊस पडला आहे. गेल्या चोविस तासात धरणात केवळ 0.07 टीएमसी पाणीसाठा वाढला असुन धरणातील वाढ संथगतीने होत आहे.धरण पूर्ण क्षमतेने भरण्यासाठी अजून 40.1 टीएमसी पाण्याची गरज आहे.

काल सायंकाळी पाच ते आज सकाळी आठ वाजेपर्यंत जिल्ह्यातील सर्व धरण, तलाव, प्रकल्प क्षेत्रात पावसाने काहीशी उघडीप दिली आहे. कोयना नवजा परिसरात फक्त 1 मिलिमीटर पावसाची नोंद झाली आहे. सकाळी आठ वाजेपर्यंत कोयना येथे 0 मि.मी तर नवजा येथे 1 मि.मी पावसाची नोंद झाली आहे तर महाबळेश्वरला 8 मिलिमीटर पाऊस नोंदला गेला आहे कोयना धरणात गतवर्षाच्या तुलनेत 22.18 % टक्के पाणीसाठा कमी आहे.

सध्या कोयना धरणात 64.99 टीएमसी पाणीसाठा असून धरण 61.75 % टक्के भरले आहे. गेल्या 24 तासात 0.07 टीएमसी पाणीसाठा धरणात वाढला आहे. धरणातील आवक ही कमी झाली असून सध्या 850 क्युसेक आवक सुरू आहे. तर धरणाच्या पायथा वीजगृहातून पाण्याचा विसर्ग बंद करण्यात आला आहे. गतवर्षी आजच्या दिवशी धरणात 88.34 टीएमसी पाणीसाठा होता तर धरण 83.93% भरले होते