कोयना पाणलोट क्षेत्रात पावसाची उघडीप;धरणातून विसर्ग बंद........

 कोयना पाणलोट क्षेत्रात पावसाची उघडीप....

कराड दि.28 (प्रतिनिधी) कोयना पाणलोट क्षेत्रात पावसाने उघडीप दिली आहे.धरणात येणारी आवक कमी झाल्याने पायथा गृहातून विसर्ग बंद करण्यात आला आहे.गेल्या चोविस तासात धरणात केवळ 0.22 टीएमसी पाणीसाठ्यात वाढ झाली आहे.जूलै महिन्यात तूलनेने पावसाची कमी नोंद झाली आहे.सध्या सूरू असलेल्या पावसाने धरणातील वाढ संथगतीने होत आहे.धरण पूर्ण क्षमतेने भरण्यासाठी अजून 40 टीएमसी पाण्याची गरज असून आॅगस्टमध्ये श्रावणातील पावसाच्या सरीने तरी धरण भरेल  का हे पाहावे लागेल.

काल सायंकाळी पाच ते आज सकाळी आठ वाजेपर्यंत केवळ 4 मिलिमीटर पावसाची नोंद झाली असून गत महिनाभरातील पावसाची ही सर्वात कमी नोंद झाली आहे. सकाळी आठ वाजेपर्यंत कोयना येथे 1 मि.मी तर नवजा येथे 3 मि.मी पावसाची नोंद झाली आहे तर महाबळेश्वरला 5 मिलिमीटर पाऊस नोंदला गेला आहे कोयना धरणात गतवर्षाच्या तुलनेत 22 % टक्के पाणीसाठा कमी आहे.

सध्या कोयना धरणात 64.36 टीएमसी पाणीसाठा असून धरण 61.26 % टक्के भरले आहे. गेल्या 24 तासात 0.22 टीएमसी पाणीसाठा धरणात झाला आहे. धरणातील आवक ही कमी झाली असून सध्या 2 हजार 557 क्युसेक आवक सुरू आहे. तर धरणाच्या पायथा वीजगृहातून पाण्याचा विसर्ग बंद करण्यात आला आहे. गतवर्षी आजच्या दिवशी धरणात 91 टीएमसी पाणीसाठा होता तर धरण 86.36% भरले होते.