Karad Today

पालकमंत्री बाळासाहेब पाटील यांच्याकडून लोककलावंतांची विचारपूस.... कराड दि.23-करवडी ता.कराड येथील विविध विकास कामांच्या भूमिपूजन व उदघाटन कार्यक्रमप्रसंगी राज्यभर लोकप्रिय असलेल्या लोककलावंत श्रीमती मंगला बनसोडे यांनी पालकमंत्री बाळासाहेब पाटील यांची भेट घेतली, यावेळी ना. पाटील यांनी त्यांची आस्तेवाईकपणे विचारपूस केली व शुभेच्छा दिल्या. कोरोनाच्या काळात इतर क्षेत्राप्रमाणेच लोककलावंतांना मोठ्या अडचणीचा सामना करावा लागला होता, अशा परिस्थितीतदेखील राज्यातील महाविकास आघाडी सरकार कलावंतांच्या पाठीशी खंबीरपणे उभे राहिले होते. दरम्यानच्या काळात जिल्ह्यात अनेक ठिकाणी अतिवृष्टी, भूस्खलन होऊन जीवित हानी झाली, त्यावेळी देखील ना. पाटील यांनी संवेदनशीलता दाखवून, 4-5 किलोमीटरचा पायी चिखल तुडवत घटनास्थळी भेट देऊन पुन्हा एकदा जिल्ह्याचे पालकत्व सिध्द केले. आता परिस्थिती पूर्वपदावर येवू लागली आहे. परंतु कोरोना महामारीच्या कालावधीत महाविकास आघाडी सरकार कलावंताचे मागे खंबीरपणे उभे राहिले त्याबद्दल श्रीमती मंगला बनसोडे यांनी ना. पाटील व महाविकास आघाडी सरकारचे आभार मानले, व कृतज्ञता व्यक्त केली. दरम्यान लो...

जिल्ह्यात एका ही बाधिताची नोंद नाही... कराड दि.22 (प्रतिनिधी) सातारा जिल्ह्यात आज जाहीर केलेल्या रिपोर्टनुसार जिल्ह्यात आज एका ही कोरोना बाधिताची नोंद झाली नाही, जिल्ह्यात काल 143 जणांच्या चाचण्या घेण्यात आल्या. जिल्ह्यात सध्या उपचारार्थ एक ही रुग्ण नाही. राज्यात 326 कोरोना बाधित रुग्णांची वाढ... महाराष्ट्रात आज 326 कोरोना बाधित रुग्णांची वाढ झाली असून गेल्या चोवीस तासात 251 जण कोरोनामुक्त झाले आहेत.सध्या राज्यात 1 हजार 903 उपचारार्थ रुग्ण आहेत. आज मुंबईत 1 हजार 903, पुण्यात 287 रुग्ण अॅक्टीव्ह आहेत.   देशात 2 हजार 226 कोरोना बाधित रुग्णांची वाढ... भारतात गेल्या 24 तासात 2 हजार 226 नवीन कोरोना बाधित रुग्णांची वाढ झाली असून 2  हजार 202 जण कोरोनामुक्त झाले आहेत.  सध्या देशात 14 हजार 955 रुग्ण ॲक्टिव आहेत.  आज 65 कोरोना बाधित रुग्णाच्या मृत्यूची नोंद झालेली आहे. 

  केंद्रानंतर राज्याकडून ही सामान्य जनतेला दिलासा;इंधनाचे दर केले कमी... मुंबई दि.22-केंद्र सरकारने पेट्रोल डिझेल वरील एक्साईज ड्युटी कमी करण्याचा निर्णय घेत काल पेट्रोल 8 रूपये तर डिझेल 6 रुपयांनी स्वस्त केल्यानंतर आज महाराष्ट्र सरकारनेही पेट्रोल डिझेल वरील कर कमी करत पुन्हा एकदा राज्यातील जनतेला दिलासा दिला आहे. राज्य सरकारने मूल्यवर्धित करात घट करण्याचा निर्णय घेतल्याने आता इंधनाच्या दरातही घट झाली आहे. महाराष्ट्र सरकारच्या या निर्णयामुळे आता पेट्रोल 2 रुपये 8 पैसे आणि डिझेलच्या दरात 1 रुपया 44 पैशांनी घट झाली आहे. यामुळे राज्याच्या तिजोरीवर वार्षिक 2500 रुपये कोटींचा भार पडणार आहे. केंद्र सरकारने इंधनाच्या दरात कपात केल्यानंतर राज्य सरकारवर इंधनाच्या दरात कपात करण्याचा दबाव वाढला होता तसेच राज्य सरकारच्या भूमिकेकडे सर्वांचे लक्ष लागून राहिले होते. अखेर राज्य सरकारने दर कमी केल्याने महागाईने पिचलेल्या जनतेला मोठा दिलासा मिळाला आहे.

जिल्ह्यात एका ही बाधिताची नोंद नाही... कराड दि.21 (प्रतिनिधी) सातारा जिल्ह्यात आज जाहीर केलेल्या रिपोर्टनुसार जिल्ह्यात आज एका ही कोरोना बाधिताची नोंद झाली नाही, जिल्ह्यात काल 71 जणांच्या चाचण्या घेण्यात आल्या. जिल्ह्यात सध्या उपचारार्थ एक ही रुग्ण नाही. राज्यात 307 कोरोना बाधित रुग्णांची वाढ... महाराष्ट्रात आज 307 कोरोना बाधित रुग्णांची वाढ झाली असून गेल्या चोवीस तासात 240 जण कोरोनामुक्त झाले आहेत.सध्या राज्यात 1 हजार 828 उपचारार्थ रुग्ण आहेत. आज मुंबईत 1 हजार 211, पुण्यात 306 रुग्ण अॅक्टीव्ह आहेत.   देशात 2 हजार 323 कोरोना बाधित रुग्णांची वाढ... भारतात गेल्या 24 तासात 2 हजार 323 नवीन कोरोना बाधित रुग्णांची वाढ झाली असून 2  हजार 346 जण कोरोनामुक्त झाले आहेत.  सध्या देशात 14 हजार 996 रुग्ण ॲक्टिव आहेत.  आज 25 कोरोना बाधित रुग्णाच्या मृत्यूची नोंद झालेली आहे. 

  पेट्रोल, डिझेल स्वस्त होणार तर गॅसवर सबसिडी मिळणार... दिल्ली दि.21-केंद्र सरकारने पेट्रोल डिझेलवरील एक्साईज ड्युटी कमी करण्याचा निर्णय घेण्यात आला आहे. त्यामुळे पेट्रोल 9.50 रुपयांनी तर डिझेल 7 रुपयांनी स्वस्त होणार आहे. पेट्रोलवरील 8 रुपये तर डिझेलवरील 6 रुपये उत्पादन शुल्क कमी करण्यात येणार असल्याची माहिती केंद्रीय अर्थमंत्री निर्मला सीतारामन यांनी दिली आहे. यामुळे महागाईने त्रस्त झालेल्या जनतेला मोठा दिलासा मिळणार आहे. तसेच महागाई काही प्रमाणात कमी होण्याची शक्यता आहे.शिवाय 12 घरगूती गॅस सिलेंडरवर प्रत्येकी 200 रूपये सबसिडी मिळण्याची शक्यता आहे. प्रधानमंत्री उज्ज्वला योजनेच्या नऊ कोटींहून अधिक लाभार्थ्यांना आता प्रति सिलिंडर (12 सिलिंडरपर्यंत) 200 रुपये सबसिडी दिली जाईल, अशी घोषणाही अर्थमंत्र्यांनी केली. यामुळे आपल्या माता-भगिनींना मदत होईल, असे ते म्हणाले. यामुळे वार्षिक सुमारे 6100 कोटींच्या महसुलावर परिणाम होईल.

  कराडात धोकादायक इमारती, पूररेषेतील नागरिकांना नगरपरिषदेच्या सूचना... कराड दि.21 (प्रतिनिधी) वर्षभर शांत असणाऱ्या कराड  नगरपरिषदेला पावसाळ्यापूर्वी जाग आली असून कराड शहरातील धोकादायक इमारती, झाडां बाबत शहरातील नागरिकांना प्रशिध्दीशी दिलेल्या नोटीशीद्वारे आवाहन केले आहे. शहरात अनेक धोकादायक इमारती असून काही इमारती मोकळ्या तर काही धोकादायक इमारती वापरात आहेत. एक वर्षापूर्वी केवळ एकच धोकादायक इमारत पालिकेने पाडली होती, त्यानंतर वर्षभर नगरपरिषदेने धोकादायक इमारतीकडे दूर्लक्ष केले होते. मात्र आता पावसाळ्याच्या तोंडावर धोकादायक इमारती व झाडांबाबत तसेच पूररेषेत असणाऱ्या नागरिकांना मुख्याधिकारी रमाकांत डाके यांनी जाहीर प्रशिध्दीपत्रकाद्वारे सूचना दिल्या आहेत. कराड नगरपरिषदेने दिलेल्या जाहीर प्रसिद्धी पत्रकात म्हटले आहे की, पाऊस, वादळ, वारा, पूर आदी नैसर्गिक आपत्तीमुळे होणारी संभाव्य जीवित व वित्तहानी टाळण्याकरिता ज्या मिळकती, इमारती धोकादायक (पडावयास जीर्ण झालेल्या) झालेल्या आहेत, अथवा त्यांचा काही भाग धोकादायक झाला आहे, अशा इमारती, मिळकतीमध्ये कोणीही वास्तव्य करू नये, अशा इमारत...

जिल्ह्यात एका ही बाधिताची नोंद नाही... कराड दि.20 (प्रतिनिधी) सातारा जिल्ह्यात आज जाहीर केलेल्या रिपोर्टनुसार जिल्ह्यात आज एका ही कोरोना बाधिताची नोंद झाली नाही, जिल्ह्यात काल 124 जणांच्या चाचण्या घेण्यात आल्या. जिल्ह्यात सध्या उपचारार्थ एक ही रुग्ण नाही. राज्यात 311 कोरोना बाधित रुग्णांची वाढ... महाराष्ट्रात आज 311 कोरोना बाधित रुग्णांची वाढ झाली असून गेल्या चोवीस तासात 270 जण कोरोनामुक्त झाले आहेत.सध्या राज्यात 1 हजार 761 उपचारार्थ रुग्ण आहेत. आज मुंबईत 1 हजार 144, पुण्यात 310 रुग्ण अॅक्टीव्ह आहेत.   देशात 2 हजार 259 कोरोना बाधित रुग्णांची वाढ... भारतात गेल्या 24 तासात 2 हजार 259 नवीन कोरोना बाधित रुग्णांची वाढ झाली असून 2  हजार 349 जण कोरोनामुक्त झाले आहेत.  सध्या देशात 15 हजार 44 रुग्ण ॲक्टिव आहेत.  आज 20 कोरोना बाधित रुग्णाच्या मृत्यूची नोंद झालेली आहे.