Karad Today

  यशराज देसाई लिखित ‘लिव्हिंग द ग्रेटर लाइफ’ या इंग्रजी पुस्तकाचे प्रकाशन.... विधानसभा अध्यक्ष राहुल नार्वेकर, मुख्यमंत्री एकनाथ शिंदे व उपमुख्यमंत्री देवेंद्र फडणवीस यांच्या हस्ते प्रकाशन संपन्न.. . मुंबई दि.17: महाराष्ट्राचे उत्पादन शुल्क मंत्री शंभूराज देसाई यांचे सुपुत्र आणि लोकनेते बाळासाहेब देसाई सहकारी साखर कारखान्याचे चेअरमन यशराज देसाई यांनी लिहिलेल्या ‘लिव्हिंग द ग्रेटर लाइफ’ या इंग्रजी पुस्तकाचा प्रकाशन सोहळा शुक्रवारी विधानभवनातील समिती कक्षात संपन्न झाला. यावेळी महाराष्ट्राचे विधानसभा अध्यक्ष राहुल नार्वेकर, मुख्यमंत्री एकनाथ शिंदे व उपमुख्यमंत्री देवेंद्र फडणवीस उपस्थित होते.  आजच्या डिजिटल युगातील मानवी जीवनातील आव्हांनाकडे तत्त्वज्ञानात्मक प्रश्न म्हणून पाहात सकारात्मक दिशा दाखवणाऱ्या या पुस्तकाबद्दल श्री. देसाई यांचे सर्व मान्यवरांनी अभिनंदन केले. स्ट्रक्चरल इंजिनीअरिंगचे शिक्षण पूर्ण करून लोकनेते बाळासाहेब देसाई सहकारी साखर कारखान्याचे चेअरमन म्हणून श्री.  देसाई यशस्वीपणे काम करत आहेत. त्यांच्यातील अभ्यासू व विचारशील नेतृत्वाची ओळख पाटण तालुक्यास झाली आह...

कराडात 2 एप्रिलला रंगणार कृष्णा मॅरेथॉनचा थरार;भाजपाचे लोकसभा प्रभारी डॉ. अतुल भोसले यांच्या वाढदिवसानिमित्त आयोजन... कराड, दि.17 : भारतीय जनता पार्टीचे लोकसभा प्रभारी डॉ. अतुल भोसले यांच्या वाढदिवसानिमित्त रविवार दि. २ एप्रिल रोजी कराड येथे भव्य कृष्णा मॅरेथॉन स्पर्धेचे आयोजन करण्यात आले आहे. ‘आरोग्यदायी हृदयासाठी धावा’ असा संदेश या मॅरेथॉनच्या माध्यमातून दिला जाणार आहे.  कराड येथील शिवाजी विद्यालय येथे आयोजित ही मॅरेथॉन १४ वर्ष  वयोगटाखालील, तसेच १५ ते २०, २१ ते ३०, ३१ ते ४०, ४१ ते ५० आणि ५१ वर्षावरील वयोगट अशा विविध गटांत होणार आहे. ५ कि.मी. स्पर्धेसाठी ३०० रुपये प्रवेश फी, १० कि.मी. स्पर्धेसाठी ४०० रुपये प्रवेश फी व २१ कि.मी. स्पर्धेसाठी ५०० रुपये प्रवेश फी आकारण्यात येणार असून, सहभागी स्पर्धकांना टायमिंग बिब, टी शर्ट, मेडल, नाष्टा, ई-प्रमाणपत्र यासह आरोग्यविषयक सपोर्ट दिला जाणार आहे.....पूढे वाचा... १० कि.मी. स्पर्धेत विजयी होणाऱ्या प्रथम, द्वितीय, तृतीय क्रमांकांना अनुक्रमे ३००० रु., २००० रु. व १००० रुपयांचे रोख बक्षीस; तर २१ कि.मी. स्पर्धेत विजयी होणाऱ्या प्रथम, द्वितीय...

आजपासून महिलांना एसटी प्रवासात 50 टक्के सवलत, शासनाचा जीआर निघाला... मुंबई दि.17- राज्याच्या अर्थसंकल्पात अर्थमंत्री देवेंद्र फडणवीस यांनी एसटीमधून प्रवास करणाऱ्या महिलांना प्रवास तिकिट दरात 50 टक्के सवलत देणार असल्याचे जाहीर केले होते. अखेर या आदेशाचा जीआर  निघाला असून आजपासून एसटी महामंडळाच्या बसमधून प्रवास करणाऱ्या महिलांना तिकीट दरात 50 टक्के सवलत देण्यात येणार आहे. एसटी महामंडळाच्या या योजनेला महिला सन्मान योजना म्हणून ओळखले जाणार आहे.  पूढे वाचा... महाराष्ट्र राज्य मार्ग परिवहन महामंडळाकडून राज्यातील प्रवाशांसाठी याआधीच सवलत जाहीर करण्यात आली आहे. जवळपास 30 प्रकारच्या सवलती राज्य सरकारकडून देण्यात येतात. या सवलतीची शुल्क प्रतिपूर्ती राज्य सरकारकडून महामंडळाला करण्यात येते. राज्य परिवहन महामंडळांकडून 30 विविध सामाजिक घटकांना प्रवासी भाड्यात सवलती देण्यात येत आहेत.  एसटी प्रवासातील सवलतीबाबत शासनाने घोषणा 9 मार्चला केली तरी त्याची अंमलबजावणी करण्यासाठी शासन आदेशाची (GR) आवश्यकता असते. शासन आदेशाशिवाय कोणत्याही घोषणेवर अंमलबजावणी होत नाही. उपमुख्यमंत्री आणि अर्थमंत्री ...

  रस्ते अपघात कमी करण्यासाठी सातारा उपप्रादेशिक परिवहन कार्यालयाची विशेष मोहीम.... सातारा, दि. 17 :- गतवर्षाच्या तुलनेत सातारा जिल्ह्यात अपघात व अपघाती मृत्यूमध्ये वाढ झाल्याचे दिसून येते. या आकडेवारीचे विश्लेषण करून त्यावर कोणत्या उपाययोजना करता येतील याविषयी निर्देश प्राप्त झाले आहेत. परिवहन आयुक्तांनी अपघात व त्यावरती करावयाच्या उपाययोजनांबाबत उच्चस्तरीय बैठक घेतली. जिल्ह्यातील रस्ते अपघात कमी करण्यासाठी उपप्रादेशिक परिवहन कार्यालयामार्फत विशेष मोहिम राबवण्यात आली. यापुढेही ही मोहिम नियमितपणे राबवण्यात येणार असल्याची माहिती उपप्रादेशिक परिवहन अधिकारी विनोद चव्हाण यांनी दिली. अपघात व अपघाती मृत्यू कमी करण्याच्या दृष्टीने उपप्रादेशिक परिवहन कार्यालयातर्फे दि. 1 मार्च 2023 ते 15 मार्च 2023 दरम्यान राष्ट्रीय महामार्ग व इतर महामार्गावर तपासणी मोहिम राबिवण्यात आली. या विशेष तपासणी मोहिमेदरम्यान मोटार वाहन कायद्याचे उल्लंघन करणाऱ्या 2 हजार 91 दोषी वाहनांवर केलेल्या कारवाईमध्ये 12 लाख 66 हजार 750 रुपये इतका प्रत्यक्ष दंड वसूल झाला आहे. या कारवाईची माहिती पुढीलप्रमाणे. नियमांचे उल्लंघन...

  वाठार येथिल जूना ब्रिटिशकालिन पूल अखेर जमिनदोस्त;मलकापूरचा पूल पाडण्याचे काम लवकरच सूरू होणार... कराड दि.16 (प्रतिनिधी) पुणे बेंगलोर महामार्गावर सध्या कागल ते शेंद्रे दरम्यान सहा पदरीकरणाचे काम सुरू झाले आहे. या यामधील पेठ नाका ते शेंद्रे या 67 किलोमीटर अंतरावरील सहा पदरीकरणाचे काम अदानी अंतर्गत डी पी जैन कंपनीने सुरू केले आहे. या अंतर्गत कराड शहरातील कोल्हापूर नाका येथील उड्डाणपुलाचे पाडकाम पूर्ण करण्यात आले असून मलकापूर व नांदलापूर भरावाचा पूल पाडण्याचे काम सुरू करण्यात येणार आहे. वाठार ता.कराड येथील दक्षिण मांड नदीवरील जुना ब्रिटिशकालीन पूल जमीनदोस्त करण्यात आला आहे. गेली आठ दिवस झाले हे पाडकाम काम सुरू होते. अखेर आज तो पूल पूर्ण जमिनदोस्त करण्यात आला. दरम्यान कोल्हापूर नाका येथील उड्डाणपूल नंतर मलकापूर व नांदलापूर येथील भरावाचा पूल पाडण्यात येणार आहे. त्यासाठी वाहतूक वळवण्याचे काम सुरू करण्यात आले असून त्या अनुषंगाने काल कोल्हापूर बाजूकडे जाणारी वाहतूक व आज सातारा बाजूकडे जाणारी वाहतूक महामार्गावरून सर्विस रोडवर वळवून चाचणी घेण्यात आली. महामार्गावर दोन्ही बाजूस सर्विस रस्त्या...

  कराडचे वैभव - माजी मुख्यमंत्री आमदार पृथ्वीराज चव्हाण...  आधुनिक महाराष्ट्राचे शिल्पकार स्व. यशवंतराव चव्हाण यांच्यानंतर पन्नास वर्षांनी पृथ्वीराज चव्हाण यांची महाराष्ट्राच्या मुख्यमंत्रीपदी निवड झाली. दीर्घ राजकीय परंपरा असलेल्या चव्हाण कुटुंबातील पृथ्वीराज चव्हाण यांची निष्कलंक, स्वच्छ चारित्र्य आणि अभ्यासू म्हणून राजकारणात प्रतिमा आहे. केंद्रीय राजकारणात सर्वोच्च पदे, जबाबदाऱ्या भूषविल्यानंतर एका विशिष्ट अशा राजकीय परिस्थितीत त्यांच्यावर राज्याची जबाबदारी पडली आणि ती त्यांनी निष्टेने पार पाडत कर्तृत्व सिद्ध केले. चार वर्षांच्या कार्यकाळात त्यांनी राज्यातील महत्वाचे प्रकल्प मार्गी लावण्याबरोबरच आपले होम टाऊन असलेल्या कराडच्या विकासावर निधीची बरसात केली. त्यामुळे कराड तालुक्यात आज ही विकासकामांचा धुमधडाका सुरु आहे. त्यांच्या विशेष प्रयत्नामूळेच कराडच्या जून्या ब्रिटीशकालिन पूलाच्या दूरूस्ती व मजबूतीकरण होऊ शकल्याने आज सहापदरीकरण कामामूळे निर्माण झालेल्या मोठ्या अडचणीत कराड शहरात येणारी जाणारी वाहतूक सूरळीत सूरू आहे. पृथ्वीराज बाबा फक्त निधी देऊन थांबले नाहीत, तर ती कामे पूर...

आ. पृथ्वीराज चव्हाण यांच्या वाढदिवसानिमित्त भरगच्च कार्यक्रमाचे आयोजन;मनोहर शिंदे... कराड दि.15- राज्याचे माजी मुख्यमंत्री आ. पृथ्वीराज चव्हाण (बाबा) यांचा शुक्रवारी (दि. १७) वाढदिवस साजरा होत आहे. यानिमित्त शुक्रवारी दिवसभर आ. पृथ्वीराज चव्हाण कराड येथे उपस्थित राहणार आहेत. शुभेच्छा स्वीकार, निकाली कुस्त्यांचे जंगी मैदान व रात्री स्नेहमेळावा या कार्यक्रमांना ते उपस्थित राहणार आहेत, अशी माहिती कराड दक्षिण काँग्रेसचे अध्यक्ष मनोहर शिंदे व यूवा नेते इंद्रजित चव्हाण यांनी दिली. माजी केंद्रीय मंत्री (स्व.) आनंदराव चव्हाण व माजी खा. प्रेमलाकाकी चव्हाण यांची शिकवण, आचार व विचारांच्या मुशीतून तयार झालेले पृथ्वीराजबाबा प्रथम १९९१ मध्ये काँग्रेस (इं) पक्षातून कराड मतदार संघातून लोकसभेवर निवडून आले. १९९६ व १९९८ च्या निवडणुकीत ते पुन्हा लोकसभेवर निवडून आले. २००२ ते २००८ या कालावधीत त्यांनी लोकसभेवर प्रतिनिधीत्व केले. संसदेच्या सार्वजनिक उपक्रम, विज्ञान व तंत्रज्ञान, वित्त व नियोजन, लोकलेखा, ऊर्जा आणि संगणकीकरण इत्यादी महत्वाच्या समित्यांवर त्यांनी काम केले. तसेच माजी पंतप्रधान मनमोहन सिंग यांच्या...