Karad Today

 छ. शिवाजी महाराज स्टेडियमचे शुक्रवारी उपमुख्यमंत्र्यांच्या हस्ते ई – भूमिपूजन वाखाण रोड रस्त्याच्या कामासही होणार प्रारंभ; एकूण १४६.५० कोटींचा निधी कराड, ता. १० : कराडकराच्या जिव्हाळ्याचा प्रश्न असलेल्या छत्रपती शिवाजी महाराज स्टेडियमच्या विकासासाठी भाजपाचे प्रदेश कार्यकारिणी सदस्य डॉ. अतुल भोसले यांच्या प्रयत्नातून ९६.५० कोटींचा; तर वाखाण रोड ते कोरेगाव – कार्वे रस्त्यासाठी ५० कोटींचा विकासनिधी मंजूर झाला आहे. या निधीतून साकारण्यात येणाऱ्या या दोन्ही विकास प्रकल्पांचे ई – भूमिपूजन राज्याचे उपमुख्यमंत्री ना. देवेंद्र फडणवीस यांच्या हस्ते शुक्रवारी (ता. ११) सायंकाळी ४ वाजता करण्यात येणार आहे. कराडमधील सौ. वेणुताई चव्हाण स्मारकात आयोजित या ई-भूमिपूजन सोहळ्यासाठी सातारा लोकसभेचे खासदार श्रीमंत छत्रपती उदयनराजे भोसले व डॉ. अतुल भोसले प्रमुख उपस्थित राहणार आहेत. कराडमधील छत्रपती शिवाजी महाराज स्टेडियमचे नुतनीकरण व्हावे, अशी मागणी अनेक काळापासून कराड तालुक्यातील क्रीडाप्रेमींकडून होत होती. अशावेळी डॉ. अतुल भोसले यांनी स्टेडियमवर आयोजित कृष्णा कृषी महोत्सवासाठी उपमुख्यमंत्री ना. देवेंद्र...

काँग्रेस शासित राज्याप्रमाणेच जुन्या पेन्शनबाबत महाराष्ट्रात सुद्धा ठाम भूमिका घेणार : पृथ्वीराज चव्हाण... कराड तालुक्यातील 150 शाळांना कॉम्पुटर सह शैक्षणिक साहित्याचे वाटप  कराड दि.9 :- सध्याच्या सरकारचं शिक्षणाकडे दुर्लक्ष आहे. पवित्र पोर्टल बाबत अद्याप कोणताच निर्णय झालेला नाही. जुन्या पेन्शन योजनेबाबत अनेक मुद्दे आहेत. शिक्षकांच्या सर्व प्रश्नांकडे सरकार जाणून-बुजून दुर्लक्ष करताना दिसत आहे. काँग्रेस शासित राज्यात ज्याप्रमाणे जुन्या पेन्शन चा निर्णय मार्गी लावला आहे त्याचप्रमाणे महाराष्ट्रात आमचं महाविकास आघाडीच सरकार आल्यानंतर जुन्या पेन्शन योजनेबाबत तसेच पवित्र पोर्टल बाबत योग्य निर्णय ठामपणे घेईल असा विश्वास माजी मुख्यमंत्री आ.पृथ्वीराज चव्हाण यांनी व्यक्त केला.  कराड येथील यशवंतराव चव्हाण स्मृती सदन येथे सातारा जिल्ह्यातील 300 शाळांना तर कराड तालुक्यातील 150 शाळांना शिक्षक आमदार जयंत आसगावकर यांच्या फंडातून प्रिंटर, स्मार्ट टीव्ही, संगणक आणि शैक्षणिक साहित्याचे माजी मुख्यमंत्री आणि कराड दक्षिणचे आमदार पृथ्वीराज चव्हाण यांच्या हस्ते वाटप करण्यात आले. यावेळी महाराष्ट्र ...

कराड दक्षिणचे नंदनवन करण्यासाठी डॉ. अतुल भोसलेंना पाठबळ द्या : आनंदराव पाटील... कोळे येथे विविध रस्ते व पाणंद रस्त्यांचे उद्‌घाटन आणि भूमीपूजन उत्साहात... कोळे, दि.9: ग्रामीण विकासाला केंद्रबिंदू मानून भोसले कुटुंबाने नेहमीच काम केले आहे. गेल्या अडीच वर्षात महायुती सरकारच्या माध्यमातून डॉ. अतुल भोसले यांनी आमदार नसतानाही कोट्यवधींचा विकासनिधी आणला. आमदार नसताना जर ते एवढा विकासनिधी आणत असतील, तर आमदार झाल्यावर त्यांच्या नेतृत्वाखाली कराड दक्षिणचे नंदनवन झाल्याशिवाय राहणार नाही. त्यामुळे कराड दक्षिणमधील जनतेने डॉ. अतुल भोसलेंना पाठबळ द्यावे, असे आवाहन माजी आमदार आनंदराव पाटील यांनी केले. कोळे येथे आयोजित जाहीर सभेत ते बोलत होते.  भारतीय जनता पार्टीचे प्रदेश कार्यकारिणी सदस्य डॉ. अतुल भोसले यांच्या विशेष प्रयत्नातून कोळे येथे मंजूर झालेल्या विविध रस्ते व पाणंद रस्त्यांचे उद्‌घाटन व भूमीपूजन मान्यवरांच्या हस्ते करण्यात आले. याप्रसंगी य. मो. कृष्णा सहकारी साखर कारखान्याचे चेअरमन डॉ. सुरेश भोसले, ज्येष्ठ नेते मदनराव मोहिते, माजी आमदार आनंदराव पाटील, डॉ. अतुल भोसले, अजय पावसकर या मान्यवर...

गोळेश्वर : कृष्णा हॉस्पिटल आणि डॉ. अतुलबाबा युवा मंचच्यावतीने दिव्यांगांना साहित्य वितरणप्रसंगी डॉ. सुरेश भोसले व डॉ. अतुल भोसले व अन्य मान्यवर. कृष्णा दिव्यांग मित्र योजना महाराष्ट्रात आदर्शवत ठरेल : डॉ. सुरेश भोसले... कृष्णा हॉस्पिटल व डॉ. अतुलबाबा युवा मंचतर्फे दिव्यांगांना उपयोगी साहित्याचे वितरण... गोळेश्वर, दि. 8 : समाजातील दिव्यांग बांधवांना मुख्य प्रवाहात आणण्यासाठी कराड दक्षिण विधानसभा मतदारसंघात कृष्णा दिव्यांग मित्र योजना राबविली जात आहे. कृष्णा हॉस्पिटल आणि डॉ. अतुलबाबा युवा मंचने सुरु केलेल्या या योजनेचा लाभ कराड दक्षिणमधील शेकडो दिव्यांग बांधवांना होत आहे. येत्या काळात ही योजना महाराष्ट्रात आदर्शवत ठरेल, असे प्रतिपादन कृष्णा विश्व विद्यापीठाचे कुलपती डॉ. सुरेश भोसले यांनी केले. गोळेश्वर (ता. कराड) येथे आयोजित दिव्यांग बांधवांच्या मेळाव्यात ते बोलत होते. कृष्णा हॉस्पिटल आणि डॉ. अतुलबाबा युवा मंचने कराड दक्षिणमधील दिव्यांग बंधू – भगिनींसाठी कृष्णा दिव्यांग मित्र योजना सुरु केली आहे. या योजनेच्या माध्यमातून कृष्णा हॉस्पिटलमधील तज्ज्ञ डॉक्टरांनी गावागावांमध्ये जाऊन दिव्यांगां...

विधानसभेत पृथ्वीराज चव्हाण यांची उत्कृष्ट कामगिरी... संपर्क संस्थेने आमदारांच्या विधानसभेतील कामगिरीचे विश्लेषण करणारा अहवाल प्रसिद्ध केला आहे.... विधिमंडळात मराठा आरक्षण, अर्थसंकल्प आदिसह विविध विषयांवर अभ्यासू भाषणे... कराड दि.8 : राज्याच्या मावळत्या चौदाव्या विधानसभेतील २८८ आमदाराच्या अधिवेशन काळातील कामगिरीचे विश्लेषण करणारा अहवाल प्रसिद्ध केला आहे. त्यानुसार सातारा जिल्ह्यातील विधानसभेच्या आठ आमदारांत सर्वाधिक प्रश्न उपस्थित करण्यात पृथ्वीराज चव्हाण दुसऱ्या क्रमांकावर आहेत. त्यांनी एकूण १३६ प्रश्न विधिमंडळात मांडले आहेत. संपर्क संस्थेने २०१९ ते २०२४ या चौदाव्या विधानसभेच्या कार्यकाळात पार पडलेल्या अधिवेशनांत आमदारांनी उपस्थित केलेले तारांकित प्रश्न व लक्षवेधी याच्या आधारे विश्लेषण केले आहे. त्यात सातारा जिल्हा पातळीवर कराड दक्षिण चे आमदार पृथ्वीराज चव्हाण चव्हाण यांची कामगिरी उत्कृष्ट ठरली आहे. मतदारसंघातील तसेच राज्यातील प्रमुख प्रश्न ऑनलाईन पद्धतीने मांडले जातात त्यापैकी जे प्रश्न बॅलेट पद्धतीने निवडले जातात असे प्रत्यक्ष प्रश्न पृथ्वीराज चव्हाण यांच्याकडून विधानसभेत विचारले गेल...

  महाराष्ट्रातील १४३ शासकीय औद्योगिक संस्थांना मिळाली नवी ओळख... कराडच्या आयटीआय कॉलेज आता सरसेनापती हंबीरराव बाजी मोहिते शासकीय औद्योगिक प्रशिक्षण संस्था कराड... सातारा दि.7: कौशल्य विकास आणि उद्योजकता मंत्री मंगल प्रभात लोढा यांच्या पुढाकारामुळे महाराष्ट्रातील १४३ शासकीय औद्योगिक संस्थांचे यशस्वी नामकरण करण्यात आले आहे. काही दिवसांपूर्वीच १४ शासकीय औद्योगिक संस्थांचे नामकरण करण्याचा निर्णय मंत्रिमंडळाद्वारे घेण्यात आला होता. त्यानंतर कौशल्य विकास विभागाद्वारे महाराष्ट्रातील शासकीय औद्योगिक संस्थांसाठी नागरिकांकडून नावाबाबत सूचना मागवण्यात आल्या होत्या. त्यानुसार सातारा जिल्ह्यातील ५ शासकीय औद्योगिक संस्थांचे नामकरण करण्यात आले आहे. यामध्ये कराडच्या आयटीआय कॉलेजचाही समावेश असून आता या कॉलेजचे सरसेनापती हंबीरराव बाजी मोहिते शासकीय औद्योगिक प्रशिक्षण संस्था असे करण्यात आले आहे. याबाबत मंत्री लोढा म्हणाले की, "औद्योगिक संस्थांचे नामकरण हा केवळ एक निर्णय नसून, महाराष्ट्रातील तरुणांना प्रेरणा देण्यासाठीचा महत्त्वपूर्ण टप्पा आहे. या संस्थांना आदर्श व्यक्तिमत्त्वांच्या नावाने ओळख मिळा...

कराड : कृष्णा सहकारी बँकेच्या नूतन शाखेचे उद्‌घाटन करताना कृष्णा कारखान्याचे चेअरमन डॉ. सुरेश भोसले समवेत डॉ. अतुल भोसले, दामाजी मोरे व अन्य मान्यवर. लोकांचे आर्थिक जीवनमान उंचाविण्यास कृष्णा बँक सदैव तत्पर : डॉ. सुरेश भोसले... कराडमधील वाखाण रोड येथे कृष्णा बँकेच्या नव्या शाखेचे उद्‌घाटन... कराड, दि.7 : सहकारमहर्षी स्व. जयवंतराव भोसले आप्पासाहेबांनी कृष्णाकाठच्या शेतकऱ्यांना समृद्धी मिळवून दिली. त्यांच्याच विचाराने वाटचाल करत असलेली कृष्णा सहकारी बँक लोकांचे आर्थिक जीवनमान उंचाविण्यासाठी सदैव तत्पर आहे, असे प्रतिपादन य. मो. कृष्णा सहकारी साखर कारखान्याचे चेअरमन डॉ. सुरेश भोसले यांनी केले. कराडमधील वाखाण रोड येथे कृष्णा सहकारी बँकेच्या २१ व्या नूतन शाखेच्या उद्‌घाटनप्रसंगी ते बोलत होते.  डॉ. सुरेश भोसले यांच्या हस्ते आणि कृष्णा सहकारी बँकेचे चेअरमन डॉ. अतुल भोसले यांच्या प्रमुख उपस्थितीत बँकेच्या नूतन शाखेचे फीत कापून उद्‌घाटन करण्यात आले. याप्रसंगी लोकशाही आघाडीचे अध्यक्ष जयंत पाटील, भाजपाचे शहराध्यक्ष एकनाथ बागडी, माजी नगरसेवक सुहास जगताप, आप्पा माने, महादेव पवार, सुहास पवार, राज...